News From Halgan Net

Subscribe to News From Halgan Net feed
Somali News
Updated: 1 hour 9 min ago

Ururka Al-Ictisaam Bil Kitaabi Wassunnah oo bayaan ka soo saaray arinka Qudus

Fri, 12/08/2017 - 19:27

Ururka Al-Ictisaam Bil Kitaabi Wassunnah ayaa Bayaan kulul ka soo saaray go,aankii dowlada Mareykanka ee ahaa in Qudus ay tahay caasimada dowlada ku sheega Yahuuda waxaana ay baaq u jeediyeen dhamaan umada Muslinka ah iyo madaxdooda

Bayaanka oo Nuqul ka mid ah uu soo gaaray Halgan.net ayaa waxaa uu u qornaa sidan hoos ku qoran.

[See image gallery at halgan.net]

C/Casiis Maxamed
Halgan.net

Dowladda Soomaaliya oo War ka soo saartay go’aanka Maraykanka ee Qudus

Thu, 12/07/2017 - 23:18

Muqdisho :- Dowladda Federaalka Soomaaliya waxa ay si dhow ula socotay, iyada oo ka walaacsan go’aanka halista ah ee uu qaatay Madaxweynaha dalka Maraykanka Donald Trump kaasoo uu ugu aqoonsaday magaalada barakaysan ee Al-Qudus in ay caasimad u tahay Israa’iil.

Waxaan ugu baaqaynaa Dowladda Maraykanka in ay si dhab ah uga fiirsato halista go’aankan uu ku leeyahay mustaqbalka dalalka Bariga-dhexe iyo guud ahaan Caalamka.

Sidoo kale, Soomaaliya waxa ay ugu baaqaysaa dalalka Carabta, Islaamka iyo guud ahaan Caalamka in ay sii laba-laabaan dadaalkooda ku aaddan xal u helista Qadiyadda Falastiin si looga gudbo xasillooni darrada haraysay Gobolka.

Ugu dambayntii, Jamhuuriyadda Federaalka Soomaaliya, dowlad iyo shacab, waxa ay la diyaar yihiin markasta taagerada iyo garab istaagga shacabka Falastiin sidii ay u hanan lahaayeen xuquuqdooda dowladnimo.

SONNA
Halgan.net

Hay’adda Culumada Soomaaliyeed oo Bayaan ka soo saartay ee arinka Qudus(Akhriso)

Thu, 12/07/2017 - 21:58

Muqdisho:-Hay’adda Culumada Soomaaliyeed ayaa bayaan ka soo saartay go,aankii dowlada mareykanka ay Qudus ugu aqoonsatay caasimada yahuuda xooga ku heystay dalka Falastiin waxaana ay Hay’adda Culumada Soomaaliyeed  ugu baaqday Muslimiinta in ay garab istaagaan shacabka falastiin.Bayaanka oo nuqul ka mid ah uu soo gaaray Halgan.net ayaa sidan u qornaa.

Hay’adda Culumada Soomaaliyeed waxay isha ku haysay kana fajiciyay go’aanka dowladda maraykanka ay ku dhawaaqday oo ah in magaalada barakaysan ee Qudus ay tahay Caasimadda Dowladda Yahuudda. Marka Hay’adda Culumadu, ayadoo gudanaysa waajibka ka saran difaaca diinta iyo dhulka muslimiinta , waxay caddaynaysaa:

1-Waxay aad u cambaaraynaysaa go’aankaas dulmiga ku dhisan , oona dhaawacaya
dareenka malaayiinta muslimiinta ah. waana go’aan aan loo meel dayin , oona khilaafsan
xitaa go’aamada ka soo baxay golayaasha UNta iyo kuwa la midka ah.

2-Go’aankaas wuxuu soo kordhin karaa, kaliya, dhibaato hor leh oo meelo badan gaaraysa , wuxuuna shidayaa dab dad badan ku guban doonaan.

3-Khilaafka iyo tafaraaruqa muslimiinta ayaa sahlay oo sallaxay in go’aankaas la gaaro , ninkii ishiisa laga arko ayaa ushiisa lagu garaacaa, marka ha la midoobo hana lagu toosnaado diinta si haybad iyo sharaf loo helo .

4- Waxaan ugu yeeraynaa dowladaha muslimka ah in ay jawaab adag ka bixiyaan go’aankaas , aynaa si dhab ah u garab istaagaan shacabka Falasdiin.

[See image gallery at halgan.net]

Sidoo kale waxaan ka dalbanaynaa golayaasha caalamiga ah in ay ka horyimaadaan go’aankaas khatarta ku ah xoogaagii ka haray nabadda adduunka.

Wa billaahi towfiiq
Golaha fulinta Hay’adda culumada soomaaliyeed
Muqdisho- Somaaliya

Xafiiska arimaha ardayda ee JBA oo booqday faraca Jaamacadda ee Qardho (Masawiro)

Thu, 12/07/2017 - 10:22

Qardho:-Booqashada oo la qorsheeyey Mudo ka hor ayaa qabsoontay xiligeedii oo ahaa 2/4 Dec 2017, waxaana xafiisku ugu talo galay dardargalinta iyo ka qaybgalinta ardayda jaamacadda ee faracaas laga qaybgalinayo Istiraatiijiyadda horumarinta ardayga ee JBA iyo waliba u kuurgalidda durruufaha iyo baahiyaha aradaydaas, waxaana intii booqashadu socotay qabsoomay:

1) Kulamo xafiisku la qaatay guud ahaan hawlwadeenada jaamacadda ee faraca Qardho maamul iyo macalimiinba, oo lagu qaadaa dhigay hab fulinta istiraatiijiyadda.

2) Tababar iyo nashaad loo sameeyey horjoogayaasha fasalada iyo gudiyada ardayda.

3) Kulan guud oo ay wada qaateen hormuudka xafiiska iyo guud ahaan bahda JBA ee faraca Qardho, oo isugu jiray doodcilmiyeed lagu lafo gurayey istiraatiijiyada iyo habfulinteeda, tababar iyo waliba nashadaad ardayeed lagu soo bandhigay hal-abuurro kala duwan.

[See image gallery at halgan.net]

Dhinaca kale hormuudka xafiiska ayaa kala shaqeeyey Minhaaj-Qardho wacyigalin, muxaadarooyin iyo kulamo bulshada looga wacyigalinayey khataraha akhlaaqeed oo la socda baraha bulshadu ku xiriirto laguna baraarujinayey saamaynta ay ku leedahay jiritaanka umadda akhlaaqda wanaagsani.

Booqashada oo xaqiijisay guud ahaan ujeedooyinkii laga lahaa ayaa kusoo dhamaatay si guul ah.

Qardho
Halgan.net

Khatarta baraha bulshadu ku xiriirto iyo talooyin Muhiim ah Sh. Axmed Dheeli (Daawo)

Thu, 12/07/2017 - 10:21

Qardho:-Waxaan idiin soo gudbineynaa muxaadaro aad u qiimo badan oo uu magaalada Qardho ka jeediyey Sheekh Axmed Dheeli xili uu socdaal dacwo ku marayey magaalada Qardho ee xarunta gobalka Karkaar ,waxaana uu Sheekhu muxaadaradiisa cinwaan uga dhigay Wacyigalin iyo Talooyin oo looga hortagi karo khatarta baraha bulshadu ku xiriirto Sh. Axmed Dheeli

Sheekh Axmed Dheeli ayaa aad ugu dheeraaday khatarta ay baraha bulshada ku heyso umada hadii aan qaab wanaagsan loo isticmaalin gaar ahaan dhanka Akhlaaqada .

Hoos ka Daawo Muxaadarada uu Sh Axmed Dheeli ka jeediyey magaalada Qardho Khatarta baraha bulshadu ku xiriirto iyo talooyin Muhiim ah

Halgan.net
Qardho

Madaxweynaha dawladda Puntland oo soo dhaweeyey heshiiska Galmudug iyo Ahlusunna.

Thu, 12/07/2017 - 08:47

Muqdisho:-Madaxweynaha dawladda Puntland Dr. C/weli Maxamed Cali Gaas ayaa Xalay 07 December 2017 Magaalada Muqdisho kaga qayb galay xafladda saxiixa heshiiska maamulka Galmudug iyo Ahlusunna. Xafladda ayaa waxaa sidoo kale goobjoog ka ahaa Madaxweynaha DFS Mudane. Madaxamed Cabdullaahi Farmaajo, Ra’iisul Wasaaraha Soomaaliya, Madaxweyneyaasha Jubbaland, Koonfur Galbeed iyo Hirshabeelle, masuuliyiin ka tirsan geleyaasha dawladda DFS iyo xubno ka socdey beesha caalamka.

Madaxweynaha dawladda Puntland oo ku hadlaya magaca Madaxweynayaasha dawladdaha xubnaha ka ah dawladda Fadaraalka Soomaaliya ayaa sheegay in heshiiska Galmudug iyo Ahlusunna yahay mid ka qayb qaadanaya geeddi socodka nabadda Soomaaliyeed, dib usoo celinta sharaftii, karaamadii iyo dawladdanimadii Soomaaliyeed.

Sidoo kale Madaxweynaha ayaa tilmaamay in heshiiskani ay ka muuqato isu tanaasul iyo garasho xeeldheer, waxaana uu ku bogaadiyey Madaxweynaha maamulka Galmudug sida waaya aragnimadu ku jirto ee uu uga shaqeeyey midawga shacabka reer Galmudug.

[See image gallery at halgan.net]

Dhinaca kale Madaxweynaha ayaa xusay in Ahlusunna ay markasta u taagnaayeen difaacidda dalkooda iyo dadkoodaba, isla markaana waxa uu tilmaamay Madaxweynuhu in heshiiskani Soomaali oo dhan guul u yahay, isla markaana uu si gaara u taabanayo Puntland iyo Hirshabeelle.

” Heshiiska Galmudug iyo Ahlusunna wuxuu guul u yahay Soomaaliya oo dhan si-gaarana wuxuu wanaag u yahay Puntland iyo Hirshabeelle, waxaannu nahay xigto, waxaannu nahay deris, si gaara ayuu noo-khuseeyaa si gaara ayuu noo-taabanayaa si gaara ayuuna nabadgelyadayada iyo wada jir kayaga uga qayb qaadanayaa saamaynna ugu yeelanayaa. Insha Alla dhamaystirka heshiiskana waan kawada qayb qaadandoonnaa” ayuu yiri Madaxweynuhu.

=DHAMMAAD=

XAFIISKA, WARFAAFINTA, WACYI-GELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

Madaxweynaha Puntland oo cisbiaalka Degfeer ku booqday ciidamo dhaawac ka soo gaaray Bom gacmeed lagu weeraray[Masawiro]

Thu, 12/07/2017 - 08:45

Boosaaso:-Madaxweynaha dawladda Puntland Dr. Cabdiweli Maxamed Cali Gaas ayaa maanta 06 December 2017 cisbitaalka Digfeer ee magaalada Muqdisho ku booqday qaar kamid ah ciidanka Madaxtooyada oo dhaawac  soo gaadhay dhowaan iyagoo ku guda jira difaaca dalkooda.

Madaxweynaha ayaa waxaa booqashada ciidanka ku wehelinaayey Wasiirka Wasaaradda Qorshayta Soomaaliya Mudane Jamaal Maxamed Xasan, masuuliyiin ka tirsan goleyaasha dawladda Puntland iyo saraakiil ka tirsan ciidanka Madaxtooyada dawladda Puntland.

Madaxweynaha Puntland ayaa kulan laqaatay maamulka cisbitaalka Digfeer ee magaalada Muqdisho suu uga warayso xaaladda caafimaad ee saraakiisha, waxaana ay u xaqiijiyeen Madaxweynaha in guud ahaan ciidanka ay xaaladdooda caafimaad wanaagsan tahay, isla markaana ay maalinba maalinta ka danbaysa  kasoo raynayaan.

[See image gallery at halgan.net]

Sidoo kale Madaxweynaha ayaa mid mid u qooqday saraakiisha dhowaan dhaawacu ka soo gaadhay qarax ay labeegsadeen sharwada yaasha tamarta yar, iyagoo ku sugan magaalada Boosaaso ee xarunta ganacsiga Puntland, waxaana uu Madaxweynuhu si naxaariis iyo masuuliyadu ku jirto ula-dareemay xaaladda ay ku jiraan, isla markaana waxa uu Alle uga baryey inuu u boogadhayo, caafimaad taamana Alle siiyo dhammaantood.

Dhinaca kale, Madaxweynaha ayaa sheegay in ciidanka ay waxyeeladani soo gaadhay iyagoo difaacaya dalkooda iyo dadkoodaba, waxaana ay kamid ahaayeen saraakiishani illaalada khaaska ah ee Madaxweynaha dawladda Puntland Dr. Cabdiweli Maxamed Cali Gaas.

=DHAMMAAD=

XAFIISKA, WARFAAFINTA, WACYI-GELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

Ururka Ahlusunna iyo maamulka Gal-Mudug oo heshiis ku gaaray Muqdisho.[Masawiro]

Wed, 12/06/2017 - 16:49

Muqdisho:-Ururka Ahlusunna iyo maamulka Gal-Mudug ayaa maanta waxaa ay ku kala saxiixdeen magaalada Muqdisho ee caasimada Soomaaliya heshiis ka kooban ilaa 14-qodob, oo lagu saleeyey awood-qaybsiga maamulka Gal-Mudug iyo Ahlusunna Waljamaaca.

Hoos ka Akhriso Ururka Ahlusunna iyo maamulka Gal-Mudug ku gaareen Muqdisho.

[See image gallery at halgan.net]

 

A/cawaale
Halgan.net

Madaxweyne Farmaajo “Heshiisyada horumarineed ee aan la galnay Mareykanka iyo Qatar waxa ay si xoojinayaan xiriirka haatan naga dhaxeeya Dowladahaas”

Wed, 12/06/2017 - 16:46

Muqdisho, Disembar 6, 2017: Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa sheegay in heshiisyada horumarineed ee Soomaaliya ay la saxiixatay dowladaha Maraykanka iyo Qatar ay yihiin kuwa ka tarjumaya horumarka ay dowladdu ka samaysay dhanka xiriirka iyo iskaashiga caalamiga ah.

Madaxweynaha ayaa yiri “Heshiisyada horumarineed ee aan la galnay Mareykanka iyo Qatar waxay si xoojinayaan xiriirka haatan naga dhaxeeya dowladahaas, waxa ayna caddayn muuqata u tahay sida uu u sii xoogaysanayo iskaashiga iyo xirriirka aan caalamka la leenahay iyo kalsoonida lagu qabo hay’adaha dowladda.” 
Madaxweyne Farmaajo ayaa bogaadiyey heshiisyada horumarineed ee dhawaan ay kala saxiixdeen Dowladda Federaalka Soomaaliya iyo Hay’adda Dowladda Mareykanka u qaabilsan Horumarinta Caalamiga ah (USAID) oo lacag dhan $300 milyan ku bixineysa arrimaha maamul wanaagga, kobcinta dhaqaalaha, waxbarashada iyo caafimaadka.

Sidoo kale, Sanduuqa Horumarinta iyo Hay’adda Gargaarka ee Dowladda Qatar ayaa iyagana sameynaya maalgelin ay ku kaceyso lacag dhan $200 milyan oo loo qorsheeyay dib-u-dhiska kaabayaasha dhaqaalaha, xarumaha dowladda iyo shaqo abuurka dhallinyarada.

“Maal-gelinta iyo taageerada horumarineed ee intaa le eg ma ahan mid ku kooban dib-u-dhiska dalka oo kaliya ee waa mid kor u qaadaysa kaabayaasha dhaqaalaheenna, taas oo dhabaha u xaareysa in nolol wanaagsan ay helaan shacabka Soomaaliyeed. Waxay markhaati u tahay dadaalka aan ku bixineyno in ay Soomaaliya ka hana qaado nabad iyo barwaaqo la isku halleyn karo.”

Madaxweyne Maxamed Cabdullaahi Farmaajo ayaa ku ammaanay Xukuumadda uu hogaamiyo Raiisul Wasaare Xasan Cali Khayre dadaalka ay ku bixinayso dhammaysitrka heshiisyadan isagoona guul weyn ku tilmaamay in muddo hal toddobaad gudihiis ah ay Soomaaliya la saxiixato dowladaha Mareykanka iyo Qatar maalgelinta mashaariic horumarineed oo isku darkoodu ay ku baxaysa lacag dhan 500 oo milyan oo Doolar.

-DHAMMAAD-

Wixii faahfaahin ah, fadlan kala xiriir 
Cabdinuur Maxamed Axmed 
Agaasimaha Warfaafinta & Xiriirka Warbaahinta, 
Madaxtooyada Jamhuuriyadda Federaalka Soomaaliya 
E-mail:media@presidency.gov.so

Taliyihii Saldhigga dhexe ee Waqooyiga Gaalkacyo Cali Magafe oo la dilay

Wed, 12/06/2017 - 08:48

Gaalkacyo:-Allaha u naxaristee Taliyihii Saldhigga dhexe ee waqooyiga magaalada Gaalkacyo Cali Magafe ayaa lagu dilay qarax loogu xiray gaarigiisa xil uu ku sii jeeday goobtiisa shaqada sidda dad goob joogayaal ah ay u xaqiijiyeen saxaafadda.

Taliyii Saldhigga dhexe ee waqooyiga magaalada Gaalkacyo Cali Magafe ayaa qaraxu qabsaday xili uu marayey dhabarka danbe ee xarunta madaxtooyada ee magaalada Gaalkacyo ee xarunta Gobolka Mudug.

Taliyii Saldhigga dhexe ee waqooyiga magaalada Gaalkacyo Cali Magafe ayaa waxaa gaaray markii hore dhaawac culus waxaan la gaarsiiyey Isbitaalka magaalada Gaalakacyo oo markii danbe uu u geeriyooday dhaawacii soo gaaray.

Magaalada Gaalakacyo ayaa inta badan waxaa ka dhaca dilal iyo qaraxyo u jeedooyin badan ah waxaan inta badan qaraxyadu ka dhacaan magaalada dhinaceeda Waqooyi, Qaraxyada noocaan oo kale ah ayaa waxaa lala beegsadaa inta badan masuuliyiinta Gobolka Mudug ee Puntland iyo Saraakiil Ciidan.

Dilalka iyo qaraxyada noocaan oo kale ah ayaa markii ay ka dhacaan Waqoyiga magaalada Gaalakacyo  ama Soomaaliya waxaa inta badan is been fariima Saraakiil loo igmada in ay sugaan amniga kuwaas oo inta badan yiraahda waan baaraynaa wax dhacay mana jirto wax xog ah oo ku saabsan arrimaha dhacay oo ay la wadaagaan ehelada qofka la dilay ama bulshada Soomaaliyeed arrintaas oo abuurta su’aalo badan iyo shaki.

M_M_Deeq
Halgan.net

Madaxweynaha Jubbaland la dagaalanka Al-shabaab waxaa ku yimid gaabis

Wed, 12/06/2017 - 08:47

Muqdisho:- Madaxweynaha Dowlad Goboleedka Jubbaland Axmed Maxamed Islaam oo ka hadlayay Shirka Amniga Soomaaliya oo ay ka qayb galayaan Dowladaha tageera Soomaaliya ayaa sheegay in loo bahan yahay dabagal dhab ah iyo isla Xisaabtan la xiriira sababaha Al-Shabaab looga saari layahay deeganada ay wali joogan iyadoo boqolaal milyan lagu bixiyo hawlgalka AMISOM taas badalkeedana aanay si joogta ah mushaarka u helin Ciidamada Soomaaliya.

Madaxweynahu wuxuu sheegay in beesha Caalamka looga baahan yahay in AMISOM ay kula xisaabtamaan dhaqaalaha faraha badan ee ay ku bixiyaan dagaalka ka dhanka ah Al-Shabaab sidoo kalana Dowlada Federaalka ah iyo Dowlad Goboleedyada looga bahan yahay in ay ku Xisaabtamaan in Ajinabi uuna Soomaaliya waligii joogaynin ee ay dhisaan Ciidamada Qaranka.

Mudane Axmed Maxamed Islaam wuxuu sheegay in Ciidamada Soomaaliya oo kumanaaan ah aysan haysanin tasiilaadkii ku filaa iyo tababar toona lakiin marka iyaga iyo AMISOM la isku geeyo ay ka badan yihiin kana awood weyn yihiin Al-Shabaab .

Shirarka ayuu Madaxweynahu sheegay in la joogo wakhtigii ficil loo badali lahaa isla markana su’aalo la iska weydiin lahaa halka ay wax ka khaldan yihiin iyadoo horay loo sii soconayo.
Ki
Madaxweynahu wuxuu ku baaqay in hawlgalada wakhtigan la dardar galiyo oo laga shaqeeyo sidii wakhtiga kooban ee AMISOM u garay uu u noqon lahaa mid laga faa’iidaysto isla markana la dardar galiyo dhismaha Ciidamada Soomaaliya.

—DHAMMAAD—

Madaxweynaha Puntland oo Maalintii 2-aad Ka Qayb Galay Shirka Madaxda Soomaaliya iyo Beesha Caalamka.

Wed, 12/06/2017 - 08:46

Muqdisho:-Madaxweynaha dawladda Puntland Dr. Cabdiweli Maxamed Cali Gaas ayaa maanta oo ay taariikhdu tahay 05 December 2017 ka qayb galay maalintii labaad shirka Madaxda qaranka Soomaaliya iyo beesha caalamka.

Shirka ayaa waxaa sidoo kale kasoo qayb galay Madaxweynaha DFS Mudane. Maxamed Cabdullaahi Farmaajo Ra’iisul Wasaaraha Soomaaliya, Ra’iisul Wasaare Ku-xigeenka Soomaaliya, Madaxweyneyaasha Jubbaland, Koonfur Galbeed, Galmudug iyo Hirshabeelle, ergayga gaar ka ah ee qaramada midoobey ee Soomaaliya, danjirayaasha waddamada shisheeye, Saraakiil ka socdey AMISOM, masuuliyiin ka tirsan goleyaasha DFS, masuuliyiin ka tirsan goleyaasha dawladdaha xubnaha ka ah DFS, xeeldheerayaal, siyaasiyiin iyo masuuliyiin kale.

Madaxweynaha Puntland oo Khudbad muhiima ka jeediyey shirka horaantiisii ayaa sheegay in qabyo tirka geeddi-socodka dastuurka Soomaaliya aanu  dhameystirnayn, isla markaana waxa uu xusay Madaxweynuhu inay jiraan qodobo muhiima oo u baahan in si wadajira loo dhugto kuwaas oo ay ka mid yihiin fadaraalisamka, khayraadka dalka, doorka DFS iyo kuwa dawladdaha xubnaha ka ah DFS, waxaana Madaxweynuhu uu hoosta ka xariiqay in wada xaajoodka ku saabsan arrimahaasi weli aan la dhamaystirin.

Sidoo kale Madaxweynaha ayaa tilmaamay in ay tahay muhiim in xil la iska saaro dhamaystirka dastuurka Soomaaliya, waxaana uu Madaxweynuhu ku booriyey Madaxda Soomaaliyeed in dastuurka si xalaala loo gunaanado, isla mar’aahaantaana waxaana uu Madaxweynuhu sheegay in dastuurku yahay asaaska sida guri aan ku dhex nool nahay oo kale,

Dhinaca kale Madaxweyne dawladda Puntland ayaa sheegay si looga soo kabto dagaalkii sokeeyo in loo baahan yahay in lasameeyo qodobo ay kamid yihiin

1.      hay’adaha maamulka dalka oo dib loo dhiso, loo baahan yahay in ay noqdaan kuwo wax ku ool ah.

2.      xukunka sharciyada, mabaadii’da cadaaladda iyo sinaanta oo iyana lagu saleeyo sida ku xusan diinteena Islaamka iyo dhaqankeena wanaagsan.

3.      Shacabka oo la wacyigeliyo, loona sameeyo shaqo abuur, cadaalad, sinaan iyo wanaajinta masuuliyadda.

Dhinaca kale Madaxweynaha dawladda Puntland Dr. cabdiweli Maxamed Cali Gaas ayaa tilmaamay in qaadashada fadaraaliisamku ay tahay talaabo ay Soomaaliya hore u qaaday, waxaana uu xusay Madaxweynuhu inay dawladda dhexe ee Soomaaliya u madaxbanaan tahay masuuliyaddina ka saaran tahay arrimaha Ciidanka, Difaaca Qaranka, Siyaasadda Soomaaliya,  Socdaalka  [immigration] iyo Dhalashada [Naturalization], iyo sidoo kale Siyaasadda arrimaha Dibadda.

Ugu danbayn, Madaxweynaha dawladda Puntland Dr. Cabdiweli Maxamed Cali Gaas ayaa cadeeyey in talaabo kasta oo hore looqaado iyo caqabad walba oo timaada ay tahay cashar laga baranayo nidaamka fadaaraliisamka, waxaana uu Madaxweynaha dawladda Puntland ku booriyey Madaxda qaran ka Soomaaliyeed in aan laga daalin dedaalka loogu jiro horumarinta qaranimadeena iyo halganka dib u xasilinta dalka.

=DHAMMAAD=

Madaxweynaha Puntland oo la kulmay safiirka dalka Jarmalka ee Soomaaliya.[Masawiro]

Tue, 12/05/2017 - 16:40

Muqdisho:-Madaxweynaha ayaa waxaa kulanka ku wehelinayey masuuliyiin ka tirsan goleyaasha dawladda Puntland iyo saraakiil ka tirsan Madaxtooyada dawladda Puntland, waxaana kulanka looga wada hadlay xidhiidhka Soomaaliya gaar ahaan Puntland iyo dalka Jarmalka, mashaariicaha horumarineed ee dalka Jarmalku ka furliyo Puntland, fursado shaqo abuur oo loosameeyo dhallinyarada Puntland, tayaynta iyo qalabaynta cisbitaalada waaweyn ee Puntland.

Madaxweynaha dawladda Puntland ayaa ugu horayn xaqiijiyey in dawladda Puntland ay diyaar u tahay xoojinta xidhiidhka Jarmalka iyo Soomaaliya gaar ahaan Puntland, waxaana uu xusay Madaxweynuhu in dawladda Puntland iyo dalka Jarmalku leeyihiin wadashaqayn balaadhan oo ku salaysan wax-qabad, siyaasad iyo saaxiibtinimo.

Sidoo kale kulanka ayaa waxaa looga hadlay mashaariicaha horumarineed ee dalka Jarmalku ka fuliyo Puntland gaar ahaan mashaariicda dhismaha waddada Garoowe – Gaalkacayo iyo mashruuca xoojinta caafimaadka Puntland ee 2017-2019, kaas oo uu Madaxweyne Ku-xigeenka Puntland Eng. Cabdixakiin Xaaji Cabdullaahi Cumar Camey daah-furay 30 August 2017 waxaana laga hirgelindoonaa mashruucaasi gobolada Nugaal iyo Mudug.

Dhinaca kale Madaxweynaha Puntland ayaa kala hadlay danjiraha dalka Jarmalka ee Soomaaliya Ambassador Jutta Frasch, tayaynta iyo qalabaynta cisbitaalada waaweyn ee Puntland, isagoona tilmaamay Madaxweynuhu in Puntland ay joogaan dhakhaatiirta Soomaaliya ugu cilmiga badan, haseyeeshee ay tahay caqabadda hortaaqan tayada qalabka ay ku shaqeeyaan, waxaana uu hoosta ka xariiqay Madaxweynuhu in dalka Jarmalka iyo dawladda Puntland ay tahay lagama maarmaan inay iska kaashadaan arrintaasi.

[See image gallery at halgan.net]

Ambassador Jutta Frasch ayaa dhankeeda sheegtay inay diyaar u yihiin xoojinta xidhiidhka labada dhinac, waxaana ay xusay Miss. Jutta Frasch inay diyaar u yihiin wax kasta oo xoojinaya wada shaqaynta xafiiskeeda iyo hay’addaha dawladda Puntland.

Ugu danbayn, Madaxweynaha dawladda Puntland Dr. Cabdiweli Maxamed Cali Gaas iyo Ambassador Jutta Frasch ayaa ka wada hadlay sidii dhalin yarada Puntland loogu samayn lahaa shaqo abuur, gaar ahaan sidii loogu hirgelinlahaa dhalinta Puntland dugsiyada farsamada gacanta si ay u noqdaan dad aqoon leh kuna maareeya danahooda gaar ka ah iyo kan dalkooda iyo dadkoodaba.

=DHAMMAAD=

XAFIISKA, WARFAAFINTA, WACYI-GELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

Madaxweyne Farmaajo “Waxaa naga go’an in aan si wada jir ah ugu wada xisaabtanno qorshayaasha iyo hawlaha aan ku heshiinno”

Tue, 12/05/2017 - 16:39

Muqdisho:-Madaxweynaha Jamhuuriyadda Federaalka Soomaaliya Maxamed Cabdullahi Farmaajo ayaa sheegay in dowladda Federaalka Soomaaliya ay ku guuleystay fulinta qorsheyaashii Lix biloodlaha ahaa ee ay higsaneysay muddadii koobnayd ee ay jirtay.

Madaxweynaha oo khudbad ka jeediyey Shirweynaha Muqdisho oo ay ka soo qeyb galeen ku dhawaad 30 dowladood oo saaxiib la ah Soomaaliya, Saraakiil ka socotay Beesha Caalamka iyo Qaramada Midoobay, Madaxda dalka heer Qaran iyo heer Dowlad Gobolleed ayaa tilmaamay sida ay uga go’antahay Dowladda Federaalka Soomaaliya in ay sii amba-qaaddo qorsheyaasha horumarineed ee loo jeexay sannadka cusub ee 2018ka.

“Siddeed bilood ka hor, markii aan Xafiiska qabannay waxaan qorsheynay hiigsi lix biloodle ah oo ku aaddan sidii aan u yagleeli lahayn hannaan isbadel oo ku dhisan daah-furnaan, kobcinta dhaqaalaha, xoojinta ammaanka iyo xakamaynta musuq-maasuqa. Si taas loo gaaro waxaan guda galnay diyaarinta sharciyadii nagu hagi lahaa arrinkaas oo ilaa haatan waxaan u gudbinnay Baarlamaanka sharciyo gaaraya 15 Sharci, halka Toban kalena ay qabyo yihiin.”

Madaxweynaha ayaa sheegay in sharciyada la horgeeyey Baarlamaanka ay asaas u yihiin tiirarka dowlanimada maadama ay ku saabsanyihiin dhinacyo muhiim u ah nolasha shacabka sida Sharciga Isgaarsiinta, Shaciga la-dagaalanka Musuq-maasuqa, Sharciga la-dagaallanka argagixisada iyo Sharciga maamulka Lacagta Dowladda.
Sidoo kale, Madaxweyne Farmaajo waxa uu sheegay in dowladdu ay ku guuleystay dhaqaajinta qorshayaasha dib u eegista dastuurka iyo hannaanka doorashooyinka sannadka 2020ka oo ah qorsheyaal u baahan xasillooni siyaasadeed oo ka jirta dalka.

Madaxweynaha Jamhuuriyadda waxa uu ku boggaadiyey Beesha Caalamka iyo Qurba Joogta Soomaaliyeed kaalinta ay ka qaadanayaan qorsheyaasha horumarineed ee dalka.

[See image gallery at halgan.net]

Madaxweynaha ayaa yiri: “Waxaan dareensannahay in saaxiibadeenna caalamka aan waydiisanayno in ay khatarta qaataan oo ay Soomaaliya maalgashadaan. Balse si taas lamid ah waxaa naga go’an in aan si wada jir ah ugu wada xisaabtanno qorshayaasha iyo hawlaha aan ku heshiinno.”

Shirweynaha Muqdisho oo soconayey muddo labo maalmood ah ayaa waxaa lagu falanqeeyey hirgelinta qorshaha qaab-dhismeedka Amniga Qaranka, sidii Ciidamada Dowladda Federaalka Soomaaliya ay ugala wareegi lahayd amniga dalka Ciidanka nabad ilaalinta Afrika ee soomaaliya AMISOM, xoojinta hannaanka Federaalka, doorashooyinka sanadka 2020, kobcinta dhaqaalaha iyo maalgashiga dalka,

-DHAMMAAD-
Wixii faahfaahin ah, fadlan kala xiriir
Cabdinuur Maxamed Axmed
Agaasimaha Warfaafinta & Xiriirka Warbaahinta,
Madaxtooyada Jamhuuriyadda Federaalka Soomaaliya
E-mail:media@presidency.gov.so

Wasiir Cabdi Xoosh oo khudbad ka jeediyay shirka heerka sare ee Muqdisho[Masawiro]

Tue, 12/05/2017 - 16:16

Muqdisho:-Wasiirka Arrimaha Dastuurka ee Xukuumadda Federaalka Soomaaliya Mudane Cabdiraxmaan Xoosh Jibriil oo maanta ka qaybgalay Shirka Madasha Iskaashiga Soomaaliya ee Heerka Sare ayaa khudbad dhinacyo badan taabaneysay ka jeediyay. Shirka oo uu ugu horeeyn furay Madaxweynaha JFS, Mudane Maxamed Cabdullaahi Farmaajo, ayaa waxaa ka soo qaybgalay Wasiirada DFS, Madaxda Dawlad Goboleedyada, iyo Safiirada dawladaha xiriirka la leh Soomaaliya.

Ra’iisul Wasaare Kheeyre oo qaybtii labaad ee shirka gudoominayay ayaa waxa uu codbaahiyaha ku soo dhaweeyay Wasiir Cabdi Xoosh si uu uga warbixiyo hawlaha ay Wasaaradda qabatay, Wasiirka ayaa ka hadlay hawlaha sideedii bilood ee la soo dhaafay u qabsoomay.

“Wasaaradda Arrimaha Dastuurka iyada oo garoowsan shaqada baaxadda leh ee hortaalla, waxa ay degsatay mabaadi’ ay ku hawlgasho oo ay ugu horeeyaan in waqti go’an lagu soo dhameeyo Geedi-socodka dib-u-eegista Dastuurka (GDD) iyo in la dhiirageliyo ka qaybgal loo dhanyahay oo ballaran. Waxaan kulamo la qaadanay Madaxweynayaasha Dawlad Goboleedyada inaga oo ugu tagnay xarumahooda, sidoo kale Wasaaradaha D/Goboleedyada ayaan sii xoojinay wadashqaynta inaga dhaxeysa waxa aana sameeynay Madal sedexdii bilba mar aan isugu imaano” ayuu yiri Wasiirka.

[See image gallery at halgan.net]

Wasiir Cabdi Xoosh isaga oo hadalkiisa sii wata ayuu yiri “Mahadcelin ayaan u dirayaa madaxda sare ee dalka oo garwaaqsaday muuhimadda GDD iyaga oo go’aan ku gaaray in qarashaadka ku baxaya GDD lagu maalgeliyo lacag ay Soomaali leedahay inaga oo og kaalinta ay Wasaaradda kaga jirto Miisaaniyadda sanadka 2018”.

Dhanka kale, Wasiirka oo amaan u diray dhamaan dadka ay shaqada kala dhaxeyso ayaa yiri “Hawlaha aan qabanay ma ahayn mid sahlan kuwa inna horyaallana waa kuwo aad u badan, sidaa awgeed, waxa aan hortiinaa amaan uga dirayaa dhamaan masuuliyiinta iyo shaqaalaha Wasaaradda, iyo dhamaan hay’adaha aan shaqo wadaaga nahay ee suurtageliyay horumarka aan ka gaarnay arrimaha dib-u-eegista-dastuurka”.

Ugu dambayn, Avv Cabdi Xoosh ayaa hadalkiisa ku soo gebagabeeyay baaq uu u diray Beesha Caalamka oo ahaa in ay fuliyaan ballamihii ay qaadeen ee ahaa in ay Soomaaliya ku garab istaagayaan GDD iyaga oo ku saleeynaya Qorshaha Horumarinta Qaranka iyo qorshaha u yaalla Wasaaradda.

—–DHAMAAD—–

Madxweynihii hore ee dalka Yemen Cali Cabdalla Saalax oo la dilay.[Video]

Mon, 12/04/2017 - 17:00

Sanca:-Madxweynihii hore ee dalka Yemen Cali Cabdalla Saalax ayaa kooxda gooni goosatada ee Xuutiyiinta ay maanta ku dileen magaalada Sanca ee caasimada dalka Yeman. Muuqaal ay Kooxda Xuutiyiinta ay ku baahiyeen baraha bulshada ayaa lagu arkeyey meydka Madaxweyne Cali Cabdalla Saalax oo ay sidaan kooxda Xuutiyiinta ilaa hadda ma jiro wax war ah oo ka soo baxay garabka madaxweyne Cali Cabdalla Saalax.

Hoos ka Daawo kooxda Xuutiyiinta oo dilay Madxweynihii hore ee dalka Yemen Cali Cabdalla Saalax

A/cawaale
Halgan.net

Madaxweynaha DFS Farmaajo oo furay shir looga hadlay amniga iyo shir ka dhici doonaan London

Mon, 12/04/2017 - 09:04

Muqdisho:-Madaxweynaha Jamhuuriyadda Federaalka Soomaaliya Maxamed C/llaahi Farmaajo ayaa goordhow waxaa uu si rasmi ah uga furay magaalada Muqdisho Wejiga Labaad ee shirkii London oo looga hadlayo Arrimaha dalka Soomaaliya.

Shirkaan ayaa waxaa shir guddoominayo Madaxweynaha Jamhuuriyadda Soomaaliya Maxamed C/llaahi Farmaajo waxaan ka qayb galaya dhamaan madaxda Dowladda Soomaaliya, weliba kuwa Dowlad goboleedyada iyo Beesha caalamka.

Madaxweynaha Jamhuuriyadda Federaalka Soomaaliya Maxamed C/llaahi Farmaajo ayaa intii uu socdo shirkaan waxaa lagu eegi doonaa arrimaha amniga iyo siyaasada dalka Soomaaliya iyo horumarka ay ku tilaabsaday dowladda Federaalka Soomaaliya.

A/cawaale
Halgan.net

Madaxweyne Farmaajo oo guddoomiyey Shirka Golaha Amniga Qaranka.[Masawiro]

Sun, 12/03/2017 - 21:36

Muqdisho:-Madaxweynaha Jamhuuriyadda Federaalka Soomaaliya Maxamed Cabdullaahi Farmaajo ayaa guddoomiyey shirka Golaha Amniga Qaranka oo lagu gorfeeyey xaaladda amni ee dalka, xoojinta wada shaqeynta hay’adaha amniga ee heer Federaal iyo heer Dowlad Goboleed iyo mideynta qorsheyaasha lagu cirib tirayo kooxaha argagixisada ah.

Taliyeyaasha Ciidamada Qalabka sidda ee qaybta ka ahaa shirkan ayaa iyaguna madaxda qaranka u soo bandhigay halka ay marayaan qorshayaasha dagaalka ka dhanka ah argagixisada iyo xogta ku saabsan howlgallada socda ee dalka lagaga sifaynayo Alshabaab.

[See image gallery at halgan.net]

Shirkan waxaa ka qayb galaya xubnaha Golaha Amniga Qaranka oo ka kooban Madaxwaynaha Jamhuuriyadda Federaalka Soomaaliya, Ra’iisul Wasaaraha, Ra’iisul Wasaare Ku Xigeenka, xubno ka tirsan Golaha Wasiirrada Dowladda Federaalka, Taliyeyaasha Ciidamada Qalabka Sida, Guddoomiyaha Gobolka Benaadir, ahna Duqa magaalada Muqdisho iyo Madaxweynayaasha Dowlad Goboleedyada marka laga reebo Madaxweynaha Galmudug oo howla shaqo oo kale u cudur-daartay.

-DHAMMAAD-
Wixii faahfaahin ah, fadlan kala xiriir
Cabdinuur Maxamed Axmed
Agaasimaha Warfaafinta & Xiriirka Warbaahinta,
Madaxtooyada Jamhuuriyadda Federaalka Soomaaliya
E-mail:media@presidency.gov.so

Madaxweynaha Puntland oo Ka Qayb Galay Shirka Amniga Qaranka oo Muqdisho Ka Furmay.(Masawiro)

Sun, 12/03/2017 - 21:19

Madaxweynaha dawladda Puntland Dr. CabdiweliMaxamed Cali Gaas ayaa manta oo ay taariikhdu tahay 03 December 2017 kaqayb galay shirka Amniga Qaranka Soomaaliya oo Muqdisho ka furmay.

Shirka ayaa waxaa sidoo kale kazoo qayb galay Madaxweynaha DFS Mudane. Maxamed Cabdullaahi Farmaajo, Ra’iisul Wasaaraha Soomaaliya Mudane. Xasan Cali Khayre, Ra’iisul Wasaare ku-xigeenka, Mahdi Maxamuud Guulleed Khadar.  Madaxweynayaasha Jubbaland, Koonfur Galbeed iyo Hirshabeelle, Masuuliyiin ka tirsangoleyaasha DFS, masuuliyiin ka tirsan dawladdaha xubnaha ka ah DFS iyo Taliska Ciidamada Qalabka sida ee Dawladda Fadaraalka Soomaaliya.

Shirka Amniga qaranka ayaa looga hadlay arrimo la xidhiidha Amaanka, waddashaqaynta hay’addaha DFS iyo kuwa dawladdaha xubnaha ka ah DFS, cidhibtirka kooxaha argagixisada ah ee cadawgaSoomaaliyeed iyo qaabaynta guddifarsamo oo ka shaqeeya iskudhafka ciidamada qaranka.

Sidoo kale Shirka Amniga Qaranka ee manta furmay ayaa waxaa looga hadlay isku dhafka ciidamada qaranka, ajandaha shirkaMadaxda qaranka Soomaaliya iyo beesha caalamka ee 4 December 2017 ka furmidoona, kaas oo looga hadlayo arrimo khuseeya Amaanka.

[See image gallery at halgan.net]

Ugu danbayn, shirka u dhexeeya Madaxda qaranka Soomaliya iyo beesha caalamka ayaa waxaa looga arrisandoonaa arrimo la xidhiidha amniga Soomaaliya, isla markaana waxa ka qayb gelidoona madax ka socota beesha caalamka iyo Madaxda qaranka Soomaliyeed.

=DHAMMAAD=

XAFIISKA, WARFAAFINTA, WACYI-GELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

Golaha Walaalaynta Bulshada Iyo Qabyaalad Diidka oo looga Dhawaaqay Garoowe: (Masawiro)

Sat, 12/02/2017 - 21:01

Garoowe:  Shirweyne Lagaga Hadlayay walaalaynta bulshada iyo cirribtirka qabyaaladda ayaa xalay lagu soogabagabeeyey xarunta Jaamacadda Bariga Afrika ee Magaalada Garoowe.

Shirweynahaan oo ay kasoo qaybgaleen ergooyin ka kala yimid magaalooyinka Gaalkacyo, Burtinle, Buuhoodle, Laascaanood, Garoowe, Qardho, Boosaaso iyo Baran, waxaana lagaga dooday siyaabaha iyo waddooyinka ugu munaasibsan ee dadkeena loo walaalayn karo, qabyaaladda iyo isnacaybkana looga saari karo, dhismaha gole shaqadaas u taagan, axdiga golaha, qorshaha shaqada iyo xulashada guddiyadii maamul ee golahaas.

Dood socotay maalintii khamiista oo dhan ka dib waxaa shirweynuhu isla gaaray arrimahaan soosocda:

  1. In dadkeena meel ay dunida kajoogaanba ay haystaan dhibaatooyin kadhashay qabyaaladda iyo dagaallada sokeeye, dhibaatooyinkaasna ay soomaali iyadu aasaas u ahayd, loona baahanyahay inay wax kaqabato; waayo ruqo ninki ilahaa dabada kagataaganyahay ma kacdo.
  2. Si arrintaan wax looga qabto inay lagama maarmaantahay inay is-uruursadaan dadka wanaagasan ee xilkaska ah, ayna isukaashadaan walaalaynta bulshada soomaaliyeed iyo tirtirida cuqdadaha iyo kala shakiga dhexyaal.
  3. In la dhiso Gole shaqadiisu tahay hirgalin ta barnaamijka walaalaynta iyo qabyaaladdiidka oo ay kujiraan dad xul ah ooqaybaha bulshada kasocda, waxaana loogu wanqalay: golahawalaalayntabulshada&qabyaaladdiidka.
  4. Shirweynuhu wuxuu ansixiyey axdiga golaha iyo qorshihiisa shaqo.
  5. Waxaa la doortay guddiga joogtada ah ee golaha dhexe iyo shirguddoon koodii. Waxaa kale oo la doortay guddoomiyaha guddiga fulinta ee Golaha walaalaynta Eng. Maxamed Cali Cabdi (Badwi).Xafladda xiritaanka Shirweynaha oo luguqabtay Xarunta Jaamacadda Bariga Afrika Garowe waxaa kasooqayb galay Madaxweyne kuxigeenka P/land Eng. C/xakiin C/lahi X. Cumar Camey, wasiirro, isimo, Cuqaal, Culimo, Ganacsato, Bahda waxbarashada, bahda Saxaafadda, suugaan yahano Iyo ergooyinkii gobolada kayimid.

UstaadFaarax C/laahi Cumar Gardan ayaa xafladda ku furfuray mahadcelin, soodhaweyn iyo warbixinkooban, kadibna waxaa hadal walaalnimada muslimiinta kahadlaysa soojeediyey Guddoomiyaha Jaamacadda Bariga Afrika faraca Garoowe  Sh. Maxamuud XaajiYuusuf .

[See image gallery at halgan.net]

Intaa ka dib Madaxa guddiga qabanqaabada Sh. Axmed C/samad iyo guddoomiyaha fulinta Golaha Walaalaynta Eng. Maxamed Cali ayaa kawarbixiyey ahmiyadda walaalaynta bulshada iyo marxaladihii uu soomaray abaabulka barnaamijkaan.

Waxaa kale oo ay wax katilmaameen ujeeddooyinka loo aas’aasay Golaha walaalaynta, ahmiyaddiisa, shaqooyinka uuqabanayo, waddooyinka loo marayo shaqooyinkaas, hababka iyo siyaasadaha la raacayo iyo waliba  miraha lagafilanayo.

Halgan.net
Garoowe

Pages