News From Halgan Net

Subscribe to News From Halgan Net feed
Somali News
Updated: 1 hour 7 min ago

Madaxweynaha Dawladda Puntland oo Xadhiga Ka Jaray Mashruuca Balaadhinta Biyo Gelinta Magaalada Boosaaso.[Masawiro]

Mon, 09/18/2017 - 14:03

Boosaaso:-Madaxweynaha Dawladda Puntland Dr. Cabdiweli Maxamed Cali Gaas oo ku sugan magaalada Boosaaso ayaa maanta 18 September 2017 xadhiga ka jaray mashruuca balaadhinta  biyo gelinta magaalada Boosaaso. Xadhig jarka Mashruucani ayaa waxaa madaxweynaha ku wehelinaayey maamulka gobolka Bari, guddoomiyaha hay’adda biyaha, tamarta iyo khayraadka dabiiciga ah  ee PSAWEN, saraakiil ka tirsan madaxtooyada Puntland iyo madaxa Hay’adda UNICEF Puntland Mr. Steven Laurence.

Madaxweynaha dawladda Puntland Dr. Cabdiweli Maxamed Cali Gaas ayaa bogaadiyey hay’adda biyaha, tamarta iyo khayraadka dabiiciga ah  ee PSAWEN, sida haw karnimadale ee ay markasta ugu hawlan yihiin wanaajinta iyo dardar gelinta shaqada ay u hayaan shacabkooda, waxaana uu sheegay Madaxweynuhu in mashruucani lagu taakulaynayo dadka danyarta ah ee ku dhaqan magaalada Boosaaso.

” Waan ku farax sanahay inaanu xadhiga ka jarno mashruuca biyo gelinta magaalada Boosaaso ee loogu danaynayo dadka masaakiinta ah iyo dadka danyarta ah, waa ku mahadsan tahay hay’adda PSAWEN shaqada ay qabatay” ayuu yiri Madaxweynaha dawladda Puntland

” waxaan kaloo u mahadnaqaynaa cidda kale ee ka qayb qaadatay ee hadda UNICEF ay ugu horayso oo uu nooyimid ninkii dalka u sareeyey, mashruucan furitaankiisana uu kasoo qayb-galay, runtii shaqo badan bay UNICEF nala qabtay oo ku saabsan xagga biyaha, waana ku mahadsan yihiin imaatinkooda iyo kasoo qayb-galkooda” ayuu yiri Madaxweynaha Dawladda Puntland.

Sidoo kale  Madaxweynaha dawladda Puntland ayaa xaqiijiyey in siyaasadda dawladdu tahay in la gaadho, laga warhayo, wax loo qabto, la taakuleeyo dadka danyarta ah ee aan awoodin baahiyaha aasaasiga ah sida waxbarashada, biyaha iyo nolol maalmeedka, waxaana uu kula dardaarmay Madaxweynuhu masuuliyiinta xukuumadda dawladda Puntland in il gaara lagu eego taakulaynta dadkaasi.

Mashruucani balaadhinta biyo gelinta magaalada Boosaasaso ee ay iska kaashanayaan hay’adda biyaha, tamarta iyo khayraadka dabiiciga ah ee PSAWEN iyo hay’adda UNICEF ayaa waxaa looga faa’dayndoona 1,500 oo qoys, waxaana la gaadhsiin doono biyo gelin toosa guri walba oo loo qoondeeyey, kaasi oo kuyaala magaalada Boosaaso, gaar ahana xaafaddaha danyarta ah.

[See image gallery at halgan.net]

Dhinaca kale Madaxweynaha Puntland iyo masuuliyiinta kale ee ku wehelinayey xadhig jarka mashruucani ayaa soo kormeey kaydka biyaha mashruucani balaadhinta biyo gelinta magaalada Boosaaso, waxaana uu qaadaa kaydkani 5,000 oo foosto (shankun oo Foost).

Ugu danbayn Madaxweynaha Dawladda Puntland Dr. Cabdiweli Maxamed Cali Gaas ayaa guddoonsiiyey Madaxa xafiiska UNICEF Puntland Mr. Steven Laurence shahaado sharaf, taasi oo u jeedadeedu ahayd hawl karnimada iyo shaqo wanaaga xafiiskiisa.

=DHAMMAAD=

XAFIISKA, WARFAAFINTA, WACYI-GELINTA HIDDAHA IYO DHAQANKA EE MADAXTOOYADA DAWLADDA PUNTLAND.

Wasiir Xoosh “Waxaa naga go’an inaan la shaqeyno Guddiga Baarlamaanka iyo G/Madaxabanaan ee Dastuurka.[Masawiro]

Mon, 09/18/2017 - 14:02

Muqdisho:-Waasaaradda Arrimaha Dastuurka ee Xukuumadda Federaalka Soomaaliya ayaa maanta kulan wadatashi ah la yeelatay Guddiga Kor-joogteynta Dib-u-eegista Dastuurka ee Baarlamaanka iyo Guddiga Madaxabanaan ee Dib-u-eegista Dastuurka.Kulanka ayaa ku saabsanaa in la dardar-geliyo wadashaqaynta sadex geesoodka ah ee ka dhaxeysa Wasaaradda iyo Gudiyada.

Wasiir Cabdiraxmaan Xoosh Jibriil oo kulanka ka hadlay ayaa sheegay in wadashaqayn iyo midnimo ay tahay in lagu wajaho hawlaha baaxadda leh ee horyaalla Wasaaradda iyo Gudiyada. “Ujeedada kulankeenna maanta waa inaan isla garano sida aan u wadashaqayn laheen maadaama hawlo badan noo yaalaan, shacabka Soomaaliyeed waxa ay inooga fadhiyaan hawl ballaaran oo ah in Dastuurka dib-u-eegis lagu sameeyo; Wasaaradda waxaa ka go’an in ay wadashaqayn dhaw idinla yeelato” ayuu yiri Wasiir Xoosh.

[See image gallery at halgan.net]

Dhanka kale, Gudoomiyaha Guddiga Kor-joogteynta Arrimaha Dib-u-eegista Dastuurka ee Baarlamaanka Senator Cabdiqaybdiid iyo Gudoomiyaha Guddiga Madaxabanaan ee dib-u-eegista Dastuurka Maxamed Dahir Afrax ayaa waxa ay soo dhaweeyeen in wadashaqaynta la dardar-geliyo loona midoobo hawsha Qaran. Gebagabadii, kulanka ayaa ku soo dhamaaday guul iyada oo lagu ballamay in si dhaw loo wadashaqeeyo.

—–DHAMAAD—–

 

Madaxweynaha Puntland oo Boosaaso Ku daah-furay Mashruuca Caafimaadka Aasaasiga ah Ee Gobolada Bari Iyo Gardafuu Puntland.

Sun, 09/17/2017 - 18:44

Madaxweynaha Dawladda Puntland Dr. Cabdiweli Maxamed Cali Gaas ayaa maanta 17 September 2017 ku daah-furay magaalada Boosaaso mashruuca caafimaadka aasaasiga ah ee gobolada Bari iyo Gardafuu Puntland.

Daah-furka Mashruucani ayaa waxaa Madaxweynaha ku wehelinaayey Wasiirka Wasaaradda Caafimaadka Puntland iyo madaxda kale ee Wasaaraddaasi, masuuliyiin ka tirsan golaha xukuumadda Puntland, masuuliyiin ka tirsan Madaxtooyada Puntland, Xubno ka socdey hay’adda SAVE THE CHILDREN   Isimo, aqoon yahano, ururrada haweenka iyo masuuliyiin kale.

Madaxweynaha ayaa ugu horay bogaadiyey shaqooyinka lataaban karo ee ay Puntland ka qabteen Wasaaradda Cafimaadka iyo Madaxdeedu, waxaana uu xaqiijiyey in uu cad-yahay, muuqdona wax qabadka Wasaaradda Caafimaadka Puntland.

“Runtii waxaan rabaa marka hore inaan aad u bogaadiyo shaqada wanaagsan ee ay hayaan Wasaaradda Caafimaadka iyo madaxdeedu, way muuqataa waxay tahay Wasaaradda Caafimaadku, waxayna ka mid tahay Wasaaraddaha aanu kufaano oo si wanaagsan dalka uga shaqeeyey, dedaalka ay muujiyeen iyo isbedelka maanta ka muuqda Puntland dhanka Caafimaadka shaqaday ka qabteen aad bay u mahadsan yihiin” ayuu yiri Madaxweynaha Dawladda Puntland.

Sidoo kale Madaxweynaha ayaa xusay inay Wasaaradda Caafimaadku qabtaan shaqooyin dheeriya oo ay ka fuliyaan meelaha furimaha ah amase goobaha dagaalka, sida marka Puntland ay dhulkeeda ka difaacayso cadawgeeda cidda ugu horaysa ee tegaysaa goobtaasi waa wasaaradda Caafimaadka, isla markaana waxa uu Madaxweynuhu ku bogaadiyey shaqooyinkaasi dheeriga ah ee ay u qabtaan dalkooda iyo dadkooda.

“Waxaa dheer shaqada caadiga ah marka laga soo tago, dhib kasta oo timaadda, culay kastoo yimaadda oo dhanka nabad gelyada ahna qayb lixaadle bay ka qaataan, cidda ugu horaysa ee meeshaa tegaysaa oo aadaysaa waa Wasaaradda Caafimaadka, waan bogaadinayaa, waxaan leeyahay Hambalyo ( Congratulation) shahaadadii Abaarta iyo middii Al-shabaab ladirirkaba waa laydin siinayaa labadaba” ayuu yiri Madaxweynaha Dawladda Puntland.

Madaxweynaha ayaa sidoo kale sheegay in siyaasadda dawladdu ay tahay in qofkasta oo  Puntland  jooga Miyi, Tuulo, Magaalo, Buur iyo Banaanba in uu hello Caafimaad joogto ah, Waxbarasho, iyo jid aada meesha uu joogo, taasina ay tahay siyaasad iyo  daw  ay u sii jeexayso Xukuumadda uu hogaaminayaha ka yahay Madaxweynaha Dawladda Puntland, dawladdaha danbe ee Puntland qaban doona.

[See image gallery at halgan.net]

Dhinaca kale Madaxweynaha ayaa bogaadiyey hay’addaha bahwadaagta la ah Wasaaradda Caafimaadka Puntland ee ka caawinaya qabsoomidda mashruucani aasaasiga ah ee laga hirgelinayo gobolada Bari iyo Gardafuu, waxaana uu sidoo kale ugu baaqay dhammaan shacabka Punltand in ay illaashadaan horumarka ka socda dalkooda, isla markaana ay meel uga soo wada jeestaan sidii ay gacan uga gaysan lahaayeen qabsoomidda kaabayaasha dhaqaalaha ee Puntland ka socda, sida balaadhinta iyo dib u casriyaynta dekedda Boosaaso, garoomada diyaaradaha, jiddadka Caafimaadka, Waxbarashada iyo IWM.

Ugu danbayn, Madaxweynaha Dawladda Puntland Dr. Cabdiweli Maxamed Cali Gaas ayaa digniin adag u diray shakhsiyaadka carqaladaynaya mashaariicda horumarineed ee dalka ka socda, kuwaas oo muhiim u ah mustaqbalka shacabka iyo dawladda Puntland.

=DHAMMAAD=

XAFIISKA, WARFAAFINTA, WACYI-GELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

Khudbadii Jimcaha Masjidka Abu Bakar oo looga hadlay Muslimiinta Boorma (Daawo)

Sat, 09/16/2017 - 17:59

Nairobi:-Waxaan idinka soo gudbineynaa Khudbadii Jimcaha Masjidka Abu Bakar ee magaalada Nairobi waxaana Khudbada jeediyey Sheekh Maxamed Cabdi Umal Xafidahulaah waxaana uu khudbadiisa uga hadlay Xaalada Muslimiinta ee Maanta (Gaar ahaan Rohingaha).

Hoos ka Daawo Khudbadii Jimce ee uu Sheekh Maxamed Cabdi Umal Xafidahulaah ka jeedyey Masjidka Abubakar Assadiq ee Nairobi Af-Soomaali.

Maxaned Cabdi Waare oo loo doortay Madaxweynaha Maamulka Hir-Shabelle

Sat, 09/16/2017 - 17:06

Jowhar:-Wararka ka imaanaya magaalada Jowhar ee xarunta gobalka Sh/Hoose ayaa sheegaya in Maxaned Cabdi Waare loo doorashada Madaxweynaha dowlad goboleedka Hir-Shabelle, kaddib markii uu wareeggii ugu dambeeyay uu kaga adkaaday musharaxii la tartamayay ee Daahir Cabdulle Cawaale.

Doorashada Madaxweynaha Hir-Shabelle ayaa maanta waxaa lagu qabtay magaalada Jowhar waxaana amaanka magaalada sugayey ciidamo ka tirsan kuwa AMISOM.

Gudoomiyaha Baarlamaanka Hir-Shabelle Sheekh Cusmaan Barre, ayaa ku dhawaaqay natiijada doorashada waxaana uu sheegay in Maxamed Cabdi Waare, uu helay 74 Cod, halka Musharaxa laga guuleystay Daahir Cabdulle Cawaale uu helay 23 cod.

Doorashadan, ayaa imaaneysa kadib markii bishii Augost ee sanadkan ay baarlamaanka Hir-Shabelle uu codkii kalsoonida kala laabteen madaxweynihii hore ee maamulka Hir-Shabelle Cali Cabdullaahi Cosoble.

Madaxweynahii hore ee Hir-Shabelle ayaa diiday xilka laga qaaday wuxuuna eedeyn u soo jeediyey madaxada DFS wuxuuna sheegay in ay burburinayaan Maamul gobaleedka Hir-Shabelle.

A/Cawale
Halgan.net

Jamaacada Ictisaam iyo Hay,ada Culumada oo ka tacsiyeeyey geerida Sh C/laahi Sh Cumar (Akhriso)

Sat, 09/16/2017 - 16:25

Muqdisho:-Jamaacada Al-ictisaam Bil-kitaabi Wassunnah  iyo Hay,ada Culumada Soomaaliyeed ayaa umada Soomaaliyeed uga tacsiyeeyey geeridii ku timid Alaha u Naxariistee Sheekh Claahi Sheekh Cumar Nuur (Abu C/raxmaan ) oo ka mid ah culumada waaweyn ee dalka Soomaaliya dowr weyna ka soo qaatay faafinta Dacwa Salafiga.

Hoos ka Akhriso Bayaanka Tacsida ee Jamaacada Al-ictisaam Bil-kitaabi Wassunnah  iyo Hay,ada Culumada Soomaaliyeed.

[See image gallery at halgan.net]

Halgan.net ayaa idiin soo gudbin doonta taariikh nolaleedka Sheekh Claahi Sh Cumar Inshalaa

Halgan.net
Muqdisho

Madaxweynaha dowladda Puntland Dr.Gaas oo dib ugu soo laabtay magaalada Boosaaso ee xarunta Gobolka Bari.[Masawiro]

Fri, 09/15/2017 - 17:40

Boosaaso:-Madaxweynaha iyo weftigiisa oo kaso degey magaalada Boosaaso ayaa waxaa ku soo dhoweeyey garoonka diyaaradaha magaaladaasi, maamulka gobolka Bari iyo kan degmada Boosaaso, masuuliyiin ka tirsan goleyaasha dawladda Puntland, saraakiisha ciidamada Puntland, saraakiil ka tirsan Madaxtooyada Puntland, aqoon yahano iyo masuuliyiin kale. Madaxweynaha Puntland ayaa ugu horayn ka warbixiyey socdaalkiisii dalka sucuudiga iyo dalka isutaga Imaaraadka Carabta oo uu soo maray, waxaana uu sheegay Madaxweynuhu in isaga iyo weftiga uu hogaaminayo ay dalka Sucuudiga u tageen gudashada waajibaadka Xajka.

“Muddo sadex isbuuc ka badan waxaan jirney dalka Sucuudiga Arabia iyo dalka Imaaraadka oo aanu soosocod-kayagii soo marnay, dalka Sacuudi Arabia waxaanu u tagnay waxay ahayd gudashadii waajibaadka Xajka, si fiican bayna runtii noogu soo dhammaatay dalka iyo dadkana waan usoo ducaynay, Illahayna waxaan ka rajaynaynaa inuu anagana naga aqbalo gudashada Xajka, wixii duco ah ee aanu usoo niri dalka iyo dadkaba iyana waxaan rajaynaynaa in Alle naga aqbalo” ayuu yiri Madaxweyna Puntland.

Sidoo kale Madaxweynaha Puntland ayaa sheegay in isaga iyo wefti uu hogaaminayo ay soo mareen dalka Imaaraadka Carabta, halkaasi oo ay u tageen arrimo la xidhiidha horumarinta kaabayaasha dhaqaalaha dawladda Puntland.

Dhinaca kale, Madaxweynaha ayaa xaqiijiyey inay aad ugu farax san yihiin inay dib ugu soo noqdaan dalka oo nabadda, waxaana uu shacabka iyo masuuliyiinta dawladda Puntlandba ku bogaadiyey sida wanaagsan ee ay isaga kaashadeen sugidda amniga, horumarka iyo xasiloonida dalkooda.

Madaxweynaha Puntland Dr. Cabdiweli Maxamed Cali Gaas ayaa kula dardaarmay shacabka iyo masuuliyiinta Puntlandba inay Illaashadaan nabadda, xasiloonida, horumarka, kala danbaynta iyo midnimadooda, isla mar’ahaantaana ay meel uga soo wadajeestaan cadawgooda.

[See image gallery at halgan.net]

Safarka Madaxweynuhu uu ku soo Gaaray Magaaladda Boosaso ayaa ku soo Aadaya Iyadoo Xaalado siyaasadeed oo Jahwareersan ay ka Taaganyihiin Deegaanada Puntland, gaar ahaana Dhinacyada Siyaasada iyo Sicir Bararka oo Gaaray Heerkii ugu Sareeyay, Dhinaca Kale Mudadi uu madaxweynuhu Dalka ka Maqnaa ayaa Waxaa Sifooyin kala duwan xilalkoodii Looga qaaday Wasiiro iyo Taliye Ciidan oo isaguna Shaqadii laga joojiyay.

=DHAMMAAD=

XAFIISKA, WARFAAFINTA, WACYI-GELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

Sheekh Claahi Sheekh Cumar Nuur oo caawa ku Geeriyooday Adis Ababa

Thu, 09/14/2017 - 22:03

Alaha u Naxariistee Sheekh Claahi Sheekh Cumar Nuur (Abu C/raxmaan ) oo ka mid ah culumada waaweyn ee dalka Soomaaliya dowr weyna ka soo qaatay faafinta Dacwa Salafiga ayaa caawa ku geeriyooday magaalada Adis Ababa ee dalka Itoobiya .
انا لله وانا اليه راجعون ان لله ما أخذ وله ما أعطى وكل شيء عنده بأجل مسمى

Maamulka Halgan.net ayaa Tacsi gaara u diraya Dhamaan ehelada Sheekh Claahi Sheekh Cumar Nuur (Abu C/raxmaan ) gaaar ahaa Sheekh Dr C/raxmaan Sheekh C/laahi Sheekh Cumar iyo Sh Xasan Maxamed ibraahim Abu Hassaan .waxaan alle uga baryeynaa Sheekh Claahi in uu Janatul firdowsa geeyo Aaamiin

Halgan.net ayaa idiin soo gudbin doonta taariikh nolaleedka Sheekh Claahi Sh Cumar Inshalaah

Maamulka Halgan.net

Golaha Wasiirada ee Xukuumada Federaalka Soomaaliya oo looga hadlay doorashooyinka 2020 iyo arrimo kale

Thu, 09/14/2017 - 16:30

Muqdisho:-Golaha Wasiirada ee Xukuumada Federaalka Soomaaliya ayaa maanta yeeshay kulankoodii caadiga ahaa oo uu shir-guddoominayay Ra’iisal Wasaaraha Xukuumada Mudane Xasan Cali Khayre, qeybiisa hore, halka uu qeybtiisa danbe uu shir-guddoominayey Ra’iisul Wasaare ku xigeenka. Arrimaha kulanka looga hadlay ayaa waxaa ka mid ahaa Amniga Qaranka, Hindise sharciyeedyo, doorashooyinka 2020 iyo arrimo kale.

Hay’adaha amniga ayaa ugu horreyntii laga dhageystay warbixinta amniga, iyagoo sheegay in kooxaha nabad-diidka ah oo diidan horumarka amniga dalka inay gobollada qaar qaraxyo ka geysteen oo shacab ay ku laayeen, iyadoo hay’adaha amniga ay sii labojibaarayaan soo celinta amniga iyo xasiloonida. Wasaarada Gaashaandhiga ayaa sheegtay inay socoto qiimeyn lagu sameynayo diyaar garowga ciidanka XDS ee ku aadan sidii ay amniga dalka ula wareegi lahaayeen mustaqbalka dhow.

Golaha Wasiirada ayaa warbixin ka dhageystay Guddiga Madaxa-bannaan ee Doorashooyinka oo soo bandhigay qorshaha guud ee doorashooyinka, si qoto-dheerna uga warbixiyey horumarka ay ku tallaabsadeen ee ku aadan diyaargarowgooda, sheegeyna inay ka go’antahay sidii dalka looga hirgelin lahaa doorashooyin hal cod iyo hal qof ah. Guddiga ayaa sheegay inay daraasad ku sameeyeen dalal badan oo duruufaha heysta ay la mid yihiin Soomaaliya haddana ay doorashooyin ka qabsoomeen. Guddiga ayaa sheegay inay jiraan caqabado fara badan, kana codsaday in Golaha Wasiirada ay xal u helaan caqabadahaas oo ay ka mid yihiin tan dhaqaalaha, amniga iyo siyaasada oo muhiim u ah qabsoomida doorashooyinka. Golaha Wasiirada ayaa Guddiga ku ammaanay dadaalkooda una ballanqaaday inay u fududeyn doonaan howlahooda si dalka looga hirgeliyo doorashooyin hal-qof iyo hal-cod ah 2020ka.

Golaha Wasiirada ayaa dood dheer iyo falanqeyn ka dib si aqlabiyad leh ku ansaxiyey Hindise Sharciyeedka Xaqsiinta Ciidamada Qalabka Sida, oo muhiim u ah dib-u-habeynta ciidamada Qaranka iyo sidii dadka howlgabka ah, agoonta iyo curyaamiinta ay u heli lahaayeen xaquuqdooda aasaasiga ah. Sharcigan ayaa ahaa mid dib u eegis ku sameeyey Sharci Lr 6 ee 31kii December 1969kii, si loola saanqaado xaalada dalka ku suganyahay.

Ugu danbeyntii Golaha Wasiirada ayaa ka dooday hindise sharciyeedyo kale si looga soo baaraandago oo kulamada danbe loo ansixiyo. Sidoo kale Golaha Wasiirada ayaa dib u eegis ku sameeyey Xeer Hoosaadka Golaha Wasiirada, kuna ballamay inay ka soo baaraandegaan si loo ansixiyo kulamada danbe.

—-DHAMMAAD—-

Mu’asasada Al-minhaaj Gobolka Nugaal oo safar dacwo ku tegay Degmada Eyl.

Thu, 09/14/2017 - 12:12

Garoowe:-Safarkaan oo uu hogaaminayay Gudoomiyaha Golaha Fulin Sh Maxamed Siciid Xassan Isla markaana ay ku weheliyeen Sh. Baladka degmada Eyl Sh Jaamac Axmed Maxamud oo ah Sheekha ka wada dacwada isla markaan akhriya Kutub kale duwan xalaqaadkiisana ay ku xiran yihiin shacabku, Safarka culimadu ku aadeen degmada Eyl ayaa waxaa ku weheliyey mid ka mid ah Aqoonyahanka Soomaaliyeed Islamarkaana ah Bare Jaamacada Bariga Afrika Sh Ismacill Cabdullahi , Madaxa Warbaahinta ahna Xoghaynta Mu’asasada Al-minhaaj Gobolka Nugaal Wariye Nuur Jaamac Aadan, iyo Madaxa Xafiiska Dacwada Sh Yusuf Sh. Maxamed.

Intii ay Culimadu ku sugnaayeen degmada Taarikhiga ah eeEyl ayaa waxaa ay kulamo wacyi gelin ah ka jeediyeen Hoolka Degmada Eyl oo ay ku kul meen Gudoomiyayaasha Degmooyinka Nugaal Iyo Gudoomiyaha Gobolka Nugaal ,Xildhibaano waxaana Culimadu siiyeen dardaaran dhinacyo badan Taabanayey iyadoo Culimadu ku adkaysay Ilaalinta Ma’s uuliyada weyn ee ay hayaan bulshada.

Waxaa kale oo Culimadu Kalmado Wacyigalin ah kajeedsheen Masjidka Jaamaca ah iyo dhamaan qaybaha waxbarashada iyagoo ugu danbayntii tegay Badey waxayna Masjidka Iyo Machadka ku yaal ay kajeedsheen Muxaadaraad ka hadlaya Qabriga Iyo Geerida taas oo Bulshada si aad ah u saamaysay.

Nuur Jaamac Aadan
Xafiiska Warbaahinta Al-Minhaaj

Wasiirka Arrimaha Dibadda iyo Iskaashiga Caalamiga oo qaabilay Safiirka UAE ee Soomaaliy.[Masawiro]

Thu, 09/14/2017 - 12:10

Muqdisho:-Wasiirka Wasaaradda Arrimaha Dibadda iyo Iskaashiga Caalamiga ee Jamhuuriyadda Federaalka Soomaaliya H.E. Amb. Yusuf-Garaad Omar Ahmed ayaa maanta xafiiskiisa ku qabilay Danjiraha Dowladda Isutagga Imaaraadka Carabta ee Soomaaliya H.E. Amb. Mohammed Ahmed Osman Al Hammadi, waxa ayna ka wada hadleen xoojinta xiriirka labada dal iyo labada shacab ee walaalaha ah uu ka dhexeeyo. Wasiir Yuusuf Garaad ayaa boggaadiyay kaalinta dowladda Imaaraat-ka carabta kaga aaddan taageeridda Soomaaliya, waxaana uu ku sheegay in xiriirka labada dal uu ka dhigan yahay tusaale, halbeegiisu yahay isdhaafsi xushmad iyo iskaashi miro-dhala.

Danjire Maxamed Axmed Cusmaan Alxamaadi ayaa sheegay in Dowladdiisu ay sare u qaadi doonto kaalmada ay siiso Soomaaliya, taasi oo qeyb ka ah dardargelinta iyo fulinta heshiisyo dhinacyo badan leh oo labada dal ay hore u gaareen oo ka shaqeynaya dano wadaaga.

Dhanka kale, Wasiir kuxigeenka Arrimaha Dibadda iyo Iskaashiga Caalamiga H.E. Mr. Mukhtar Mahad Daud ayaa kulan gaar ah oo xoojinayay kulanka hore ee Wasiir Garaad, ayaa waxa uu ku qaabilay xafiiskiisa Danjire Mohamed Al Hammadi, waxa ayna kaga wada hadleen arrimaha ammaanka, siyaasadda iyo dhaqaallaha.

[See image gallery at halgan.net]

Kulanka oo ku idlaaday jawi guul leh ayaa waxaa goob joog ka ahaa Agaasimaha guud ee habmaamuuska Qaranka Adv. Hersi Haji Olosow, Agaasimaha Waaxda Carabta Mr. Mustafa Adam Dagaal iyo kaaliyaha gaarka ah ee xafiiska Wasiirka.

Qeybta Warbaahinta iyo Xiriirka Bulshada
Section of Press and Public Relations

 

Baarlamanka Somalia oo ka Dooday Dhiibitaankii Qalbi-Dhagax (Dhageyso)

Wed, 09/13/2017 - 23:18

Dood kulul ayaa maanta aqalka baarlamanka Soomaaliya ku dhex martay xubnaha baarlamaanka Aqalka Hoose, waxayna aragtiyo kala duwan ka dhiibteen go’aankii dhowaan ay dawladda Soomaaliya ku wareejisay sarkaal sare oo ka tirsan ururka ONLF oo loo gacan geliyey dawladda Itoobiya.

Xildhibaannada ayaa qaarna taageersanaayeen go’aankaasi halka kuwo kalena ay kasoo horjeedaan.

Warbixintan waxa amagaalada Muqsiho nooga soo diray Xasan Kaafi Qoyste.

VOASomalia
Halgan.net

Madaxweyne Ku-xigeenka Dawladda Puntland oo xilka ka qaaday Wasiiru Dawlaha Madaxtooyada ee Xiriirka Gobolada Puntland Bashiir C/raxmaan Xaaji Gurxan.

Wed, 09/13/2017 - 12:05

Garoowe:-Madaxweyne Ku-xigeenka Dawladda Puntland ahna kusimaha Madaxweynaha Eng. Cadixakiin Xaaji Cabdullahi Cumar Camey ayaa xeer Lr-19 September 13 2017, xilka kaga qaaday Wasiirru Dawlihii Madaxtooyada ee Xirirka Gobolada Puntland.

Madaxweyne Ku-xigeenka Dawladda Puntland.
Markuu Arkay: Dastuurka Dawladda Puntland.
Markuu Arkay: Habdhaqan lidka ku ah Hannaanka Dawladnimo.
Markuu Garawsaday: Mas’uuliyad darrada uu ku kacay.

Wuxuu Xeeriyey:

Wuxuu xilkii ka qaaday Wasiiru Dawlaha Madaxtooyada ee Xiriirka Gobolada Puntland Bashiir Cabdiraxmaan Xaaji Gurxan.

Xeerkani Wuxuu dhaqan-gelayaa Markuu Madaxweyne Ku-xigeenka Saxeexo, wuuna saxeexay Madaxweyne Ku-xigeenku.

Hoos ka eeg Madaxweyne Ku-xigeenka Dawladda Puntland oo xilka ka qaaday Wasiiru Dawlaha Madaxtooyada ee Xiriirka Gobolada Puntland Bashiir Cabdiraxmaan Xaaji Gurxan.

[See image gallery at halgan.net]

 

=DHAMMAAD=

XAFIISKA, WARFAAFINTA, WACYI-GELINTA HIDDAHA IYO DHAQANKA EE MADAXTOOYADA DAWLADDA PUNTLAND.

Ra’iisul Wasaare Ku-Xigeenka oo la kulmay Danjiraha Denmark u fadhiya Soomaaliya.[Masawiro]

Tue, 09/12/2017 - 17:25

Muqdisho:-Ra’iisul Wasaare ku Xigeenka Soomaaliya Mudane Mahdi Maxamed Guuleed (Khadar) ayaa kulan la qaatay danjiraha dawladda Denmark u fadhiya Soomaaliya Mss Mette Knudsen, kulankani ayaa labada dhinac waxa ay kaga wada hadleen sidii loo xoojin lahaa xiriirka labada dal iyo in Dawladda Denmark ay Soomaaliya ka caawiso dhinacyada dhaqaalaha iyo adeegyo horumarineed. “Waxaan isla soo qaadnay xoojinta iskaashiga ka dhexeeya labada dawladooda sidii loo horumarin lahaa, si gaar ah waxaan iskula soo qaadnay mashaariic wax tar u leh dalka in laga fuliyo”ayuu yiri Ra’iisul Wasaare ku xigeenka dalka Mahdi Maxamed Guuleed.

Mudane Mahdi Maxamed Guuleed ayaa xusay in Soomaaliya ay xaaladdeeda soo hagaageyso, isla markaana ay diyaar u tahay in waddankeeda la maalgashado, iyadoo sharciyadii maalgashiga iyo hannaanka maaliyadda ee dalka ay haatan si wanaagsan u shaqeynayaan.

[See image gallery at halgan.net]

Danjiraha Dawladda Denmark u fadhiya Soomaaliya Mette Knudsen ayaa sheegtay soo kabashada Soomaaliya ee dhinacyada Amniga iyo horumarka socda inuu indhaha caalamka ku soo jeediyey. Isla markaan ay Denmark diyaar u tahay xaqiijinta iskaashiga labada dawladood iyo in maalgashi ay ku sameeyaan Soomaaliya.

—— DHAMMAAD—-

Taliyaha Saldhiga Dhexe ee Qardho Gaanshale Abshir Maxamed Cabaas oo ka warbixiyey nin lagu qabtay magaalada Qardho.[Dhagayso]

Tue, 09/12/2017 - 16:17

Qardho:-Ciidanka amniga ee magaalada Qardho ee xarunta gobolka Kar-kaar ayaa lagu qabtay nin ay in mudo ah raadinayeen oo la sheegay in uu ilaalo u ahaa mid ka mid ah wasiirada xilkooda waayey ka dibna waxa uu la fakaday qori. Ciidanka Booliska oo in mud ah raadinayey ayaa xalay waxaa laga soo dhex qabtay mid la mid ah xaafadaha magaalada qardho isagoo ciidanka la dagaalamay oo riday xabado badan ka dibna ciidanku waa ay qabteen ka dib markii uu dhaawacmay.

Taliyaha-Saldhiga-Dhexe-ee-Qardho-Gaanshale-Abshir-Maxamed-Cabaas oo la hadlay saxaaafadda ayaa sheegay in ninka xalay lagu qabtay magaalada qardho in uusam ahayn burcad badeed ama xubin ka tirsan Al-shabaab balse uu ahaa nin dhalinyaro ah oosameeyey gadood ilaalana u ahaa mid ka mid ah wasiirada xilkooda waayey dhawaan.

Hoos ka Dhagayso Taliyaha-Saldhiga-Dhexe-ee-Qardho-Gaanshale-Abshir-Maxamed-Cabaas

Halkaan ka Dhagayso Mp3

 

M_M_Deeq
Halgan.net

Madaxweyne Ku-xigeenka Dawladda Puntland oo Madaxtooyada Garoowe Ku Qaabilay Safiir Ku-xigeenka Safaaradda Ingriiska Ee Soomaaliya.[Masawiro]

Mon, 09/11/2017 - 16:45

Garoowe:-Madaxweyne Ku-xigeenka Dawladda Puntland, ahna kusimaha Madaxweynaha Eng. Cabdixajiin Xaaji Cabdullahi Cumar Camey ayaa maanta 11 September 2017  qasriga Madaxtooyada Garoowe ku qaabilay wefti uu hogaaminayo safiir ku-xigeenka safaaradda Ingiriiska (Britain) ee Soomaaliya Miss. Mary Shockledge.Kulanka ayaa waxaa kusimaha Madaxweynaha ku wehelinaayey  masuuliyiin ka tirsan golaha xukuumadda dawladda Puntland.

Madaxweyne Ku-xigeenka Dawladda Puntland ayaa sheegay kulanka kadib inay ka wadda hadleen arrimo ay kamid ahaayeen ammaanka, nabad gelyada, doorashada Puntland, iyo arrimo kale oo muhiima.

Sidoo kale Waxa uu sheegay kusimaha Madaxweynuhu inay si qoto dheer uga hadleen arrinta abaaraha, taas oo uu xusay in ay kala hadleen kuxigeenka safiirka Ingiriiska iyo weftiga ay hogaaminayso qodaalka ceel-biyoodyo lagaga gaashaanto abaarta iyo sidoo kale in ceelashaasi lagaga faa’iidaysan doono ku dhiirashada falashada beeraha.

Dhinaca kale Madaxweyne Ku-xigeenka ayaa tilmaamay inay ka wada hadleen kalluumaysiga Puntland, waxaana uu tibaaxay kusimaha Madaxweynuhu inay arrintaasi isku afgarteen wax ka qabashadeeda, isla mar’ahaantaana waxa uu cadeeyey Madaxweyne Camey in  ay dhammaan arrimaha ay ka wadda hadleen ka ahaayeen isku mawqif ama isku hadaf dhowaana ay hirgelidoonto bar-bilawgoodu.

[See image gallery at halgan.net]

Safiir Ku-xigeenka safaaradda Ingiriiska ee Soomaaliya Miss. Mary Shockledge ayaa dhankeeda sheegtay inay diyaar u yihiin iskaashiga iyo wax ka qabashada dhammaan arrimaha muhiim ka ah ee ay kawada hadleen Madaxweyne Ku-xigeenka iyo masuuliyiinta ku wehelinayey kulanka, taasi oo ay ugu horeeyaan arrimaha Amaanka, abaarta iyo doorashooyinka.

Ugu danbayn, Madaxweyne Ku-xigeenka Dawladda Puntland Eng. Cabdixakiin Xaaji Cabdullaahi Cumar Camey ayaa sheegay in ay tahay markii ugu horeysey ay Puntland  timaado safiir ku-xigeenka safaadda Ingiriiska ee Soomaaliya, waxaana uu tilmaamay  Madaxweyne Ku-xigeenku inay sheegtay inay aad ugu qanacsan tahay imaanshaha ugaha dawladda Puntland.

=DHAMMAAD=

XAFIISKA, WARFAAFINTA, WACYI-GELINTA HIDDAHA IYO DHAQANKA EE MADAXTOOYADA DAWLADDA PUNTLAND .

Qarax lagu weeraray goob Makhaayad ah oo u dhow Hotelka Weheliye ee Magaalada Muqdisho

Mon, 09/11/2017 - 16:27

Muqdisho:-Gaari laga soo xiray walxaha qarxa ayaa lagu weeraray goob laga cabo shaaha oo lagu Magacaabo Xadra-mindi kuna dhagan Hotelka Weheliye ee Magaalada Muqdisho oo ku yaal wadada ugu mashquulka badan ee Maka Al-mukarama. Goobta qarax uu ka dhacay oo ay ku sugnaayeen dad fara badan ayaa la soo sheegayaa in jiro khasaaro iskugu jira dhimasho iyo dhaawac walow aan weli si rasmi ah loo shaacin inta uu le’eg yahay khasaaruhu.

Ciidanka dowladda Federaalka Soomaaliya iyo Gaadiidka Gurmadka deg dega ah ayaa tegay gobta qaraxu ka dhacay waxaan ay ka soo qaadeen dad qaba dhaawacyo kale duwan iyo kuwa dhintayna. Majirto weli wax war ah oo ka soo baxay laamaha amaanka ee dowladda Federaalka Soomaaliya iyo maamulka Gobolka Banaadir walow Saraakiil ka tirsan Ciidanku ay gaareen goobta uu qaraxu ka dhacay.

Wixii soo kordha dib ayaan idinkaga soo faahfaahin doonaa insha Allaah

A/cawaale
Halgan.net

Dagaal ka dhacay saaka degmada Beled xaawo ee Gobolka Gedo

Mon, 09/11/2017 - 15:26

Beled-xaawo:-Ciidanka Al-shabaab ayaa saaka weerar waxaa ay ku qaadeen degmada Beled-xaawo ee gobolka Gedo waxaan dagaal socday mudo ay la wareegeen Saldhigii Ciidanka Dowladda Federaalka iyo Jubbaland ay ku lahaayeen duleedka magaalada waxaan ay gudaha u soo galeen magaalada iyagoo xabsiga ka sii daayey maxaabiis ku xirnaa Saldhiga degmad Beldexaawo.

Ciidanka Al-shabaab ayaa saaka weerarkood ku bilaabay qaari laga soo buuxiyey walxa qarxa oo ay la eegteen Saldhiga ay lahaayeen ciidanka Federaalka Soomaaliya oo ay ku lahaayeen duleedka magaalada waxaan ka dib ay gubeen gurigii gudoomiyaha beled xaawo iyo xaruntii maamulka degmada.Ciidanka dowladda Federaalka Soomaaliya iyo kuwa Jubbaland ayaa waxaa ay gudaha u galeen xuduud dalka Kenya ka dib markii magaalada Beled xaawo ay la wareegeen ciidanka Al-shabaab.

Ciidamada sheegta AMISOM oo iskugu jira Itoobiya iyo Kenya ayaan saaka qayb ka ahayn dagaalkii ka dhacay degmada Beledxaawo , dagaalka saaka ka dhacay degmada Beled Xaawo ayaa waxaa ka dhashay khasaaro iskugu jira dhimasho iyo dhaawac.

Sarkaal u hadlay Ciidanka Beled-xaawo ayaa sheegay in dagaalka saaka ay ugu dhinteen 8 askari  7 kalena ay ku dhaawacmeen qarax lala beegsaday saldhiga ay ciidanka Federaalka Soomaaliya ku lahaayeen duleedka beled xaawo ee Gobolka Gedo. Dhinac Al-shabaab ayaa sheegtay in ilaa 30 askari oo ka tirsan ciidanka Federaalka Soomaaliya ay ku dileen weerarkii ka dhacay degmada Beled xaawo.

A/cawaale
Halgan.net

 

Wasaarada Amniga ee dowladda Puntland oo joojisay shirarka wax u dhimay amniga

Mon, 09/11/2017 - 15:25

Garoowe:-War-Saxaafadeed ka soo baxay Wasaarada Amniga ee dowladda Puntland ayaa waxaa lagu mamnuucay shirarka wax u dhimay amaanka ee ay siyaasiyiin damac siyaasadeed uu ku jiro ay ku qabtaan Hotelada ku yaal magaalada Garoowe iyo deegaanada kale iyagoo adeegsanaya saxaafaddaha qaarkood. Warsaxaafadeedka ayaa waxaa lagu xusay in aan la qaban karin shirar ay maamulada degmooyinka ilaa heer Gobol aysan ka warqabin qofkii arrimahaas ku kacana laga qaadi doono talaabo sharciga waafaqsan.

Hoos ka Akhriso War-Saxaafadeed ka soo baxay Wasaarada Amniga ee dowladda Puntland.

[See image gallery at halgan.net]

 

M_M_Deeq
Halgan.net

Pages