News From Halgan Net

Subscribe to News From Halgan Net feed
Somali News
Updated: 40 min 29 sec ago

Agaasimaha Hay’ada Waddooyinka Puntland oo xilkii laga qaaday

Sat, 03/04/2017 - 15:59

Boosaaso:-Madaxweynaha Puntland Cabdiweli Maxamed Cali Gaas ayaa xilka ka qaaday Agaasimaha Hay’ada Waddooyinka Puntland Maxamuud Cabdinuur Aadan,, ka dib Digreeto kaso baxday xafiiska Madaxweynaha Puntland maanta

Xil ka qaadista Agaasimaha ayaa timi ka dib markii ay madaxweymaha isku fahmi waayeen dhismaha Wadada Isku xirta Garowe iyo Gaalkacyo.

M_M Deeq
Halgan.net

Madaxweyne Puntland oo magacaabay guddoomiye ku xigeenka koowaad ee gobolka Nugaal.

Sat, 03/04/2017 - 15:31

Madaxweynaha Dawladda Puntland Dr. Cabdiweli Maxamed Cali Gaas ayaa maanta waxaa uu wareegto ku magacaabay guddoomiye ku xigeenka koowaad ee gobolka Nugaal Cali Salaad Diiriye Faarax.

Wareegtada uu Madaxweynaha Puntland ayaa nuqul ka mid ah waxay soo gaartay Halgan.net waxayna u qorneyd sidan

M_M Deeq
Halgan.net

Xiriirka Ardayda Soomaaliyeed ee Caalamiga ah ee Suudaan oo qabtay barnaamij Aqoon kororsi.[Masawiro]

Sat, 03/04/2017 - 09:52

Sudan:-Xiriirka ardayda Soomaaliyeed ee Caalamagi ah ee dalka Suudaan ayaa bishan la soo dhaafay ee Febraayo ayaa ardayda Soomaaliyeed ee wax ka barata jaamacadaha dalka Suudaan ku jiraan fasax , u qabtay barnaamij taxano siminaaro  loogu talo galay kor u qaadista wacyiga iyo aqoonta ardayda soomaaliyeed , xiriirka ayaa u qabtay ardayda 4 siminaar oo ay ka faaideysteen in ka badan 200 arday oo gabdho iyo wiilal isugu jira siminaaraduna waxay kala ahaayeen sida soo socota :-

9-10/2/2017 : siminaar ku saabsan sida loo maamulo oo looga miradhaliyo kulamada oo uu soo jeedinayay Dr Shaafici C/casiis Xaaji Dhafe , waxaana siminaarkan lagu qabtay xarunta Raabidada ee Khartuum ka faaideystay ilaa 50 arday oo isugu jira maamulka iyo xubnaha ardayda.

16-18 /2/2017: Siminaar ku saabsan habka tifaftirka saxaafadda ayaa lagu qabtay xarunta Raabidada, waxaana soo jeediyay saxafiga weyn ee reer Suudaan Cali Saalax Dambal , waxaan ka faaideystay 47 arday , oo si wayn uga faaideystay cashiro ku saabsan saxaafadda iyo habka tifaftirka qoraallada.

19-20/2/2017 : simainaar ku saabsan hababka doodaha cilmiyaysan iyo is qancinta , waxaan soo jeediyay Dr Shaafici C/casiis Xaaji Dhafe , siminaarkan oo isna lagu qabtay xarunta Raabidada , waxay ardaydu si camali ah ugu barteen hababka ugu wanaagsan oo loo doodo la iskuna qanciyo.

23-25/2/2017 : Kulan dacwadeed iyo tababar isugu jira oo loo qabtay ardayda dumarka ah ee wax ka barta jaamacadaha dalka Suudaan, waxana cashiradii ka baxay mudadda saddexda casho ee uu socday ka mid ahaa:-

– Xirfadaha fikirka cilmiyayasan oo uu soo jeedyay Dr Shaafici C/casiis X Dhafe.

-Muxaadaro cinwaankeedu yahay : Noqo qof xambaarsan risaaladda Islaamka , oo uu soo jeediyay Dr C/fataax Maxamed barkhadle.

– Cashir ku saabsan “Qorshaynta Nolosha” oo uu soo jeediyay guddoomiyaha xiriirka ardayda soomaaliyeed ee Caalamiga ah , Ustaad Aadam xaaji Muxumed idriis.
Ardaydii ka faaidaystay cashiradaan & siminaaradaan muhiimka ah ayaa u mahadceliyay maamulka Raabidada iyo macalimiintii cashirada bixisayba, iyagoo codsaday in la joogteeyo tababarada noocaan oo kale ah .

Gebogebadii barnaamijkan aqoon kororsiga ah , ayuu maamulku guddoonsiiyay aqoonyahankii cashirada bixiyay shahaadooyin sharafeed loogu mahadcelinaayo dadaalkii ay bixiyeen , barnaamijka ayaa ku soo dhamaaday jawi farxad leh.

 Guddiga fulinta Raabidada  ee  dalka Suudaan
Sudan, Halgan.net

Khudbadii Jimacaha Masjidka Abu Bakar Al-Sadiiq Sh Maxamed Cabdi Umal (Daawo)

Fri, 03/03/2017 - 23:51

Nairobi:-Waxaan idinka soo gudbineynaa Khudbadii Jimacaha Masjidka Abu Bakar ee magaalada Nairobi waxaana Khudbada jeediyey Sheekh Maxamed Cabdi Umal waxaana uu khudbadiisa uga hadlay Khatarta ay leedahay Beenta lafaafiyo .

Hoos ka Daawo Khudbadii Jimce ee uu Sh Umal ka jeedyey Masjidka Abubakar Assadiq ee Nairobi Af-Soomaali .

Salaf Media
Halgan.net

Xarun loogu tala galay dhalinyarada ka soo goosta ururka Al-shabaab oo laga hirgeliyey Kismaayo

Fri, 03/03/2017 - 22:04

Kismaayo:-Waxaa magaalada Kismaayo laga furay xarun lagu dhaqan celin doono dhalin yarada ka tirsanaa ururka Al-shabaab ee ka soo bax una soo goosta maamulka Jubbaland , Xarunta ayaa waxaa maalgelisay dowladda Germany waan xaruntii 4aad oo laga hirgeliyo gudaha dalka Soomaaliya. Xaruntaan ayaa waxaa xariga si rasmi ah uga jaray Madaxweyne kuxigeenka 1aad ee maamulka Jubbaland Maxamuud Sayid Aadan iyo safiir ku xigeenka dowladda Germany ee dalka Soomaaliya Markus Ballmohr, iyo masuuliyin ka tirsan maamulka Jubbaland.

Hoos ka Daawo xarunta cusub ee laga hirgeliyey magaalada Kismaayo

A/cawaale
Halgan.net

Barnaamij gaar ah oo ku saabsan Daahfurka Xarunta Haamaha Shidaalka Garoonka Diyaaraha ee Boosaaso.[Video]

Fri, 03/03/2017 - 18:23

Boosaaso:-Waa Barnaamij gaar ah oo ku saabsan daahfurka xarunta Haamaha Shidaalka garoonka diyaaraha ee magaalada Boosaaso ee xarunta Gobolka Bari waxaan munaasabada xaflada lagu daahfuray waxaa ka soo qayb galay Issimo , wasiiro Xildhibaano , Cuqaal , Culimo,Maamulka Gobolka Bari iyo kan degmada iyo weliba Madax weynaha dowladda Puntland Dr C/weli Maxamed Cali Gaas.

Hoos ka Daawo Daawo Barnaamij gaar ah oo ku saabsan Daahfurka Xarunta Haamaha Shidaalka Garoonka Diyaaraha ee Bosaaso

A/cawaale
Halgan.net

Ra’iisul Wasaaraha JFS Xassan Cali Kheyre oo Wareysi Siiyey Idaacadda VOA. [Dhagayso]

Fri, 03/03/2017 - 17:31

Muqdisho:-Ra’iisul wasaaraha cusub ee Somalia Xassan Cali Khayre oo maanta xilka la wareegay, ayaa wareysi uu siiyay idaacadda VOA ku sheegay in xukuumadda uu soo dhisi doono ay ahmiyad gaar ah siin doonto wax ka qabashada amni xumada dalka ka jirta, iyo waliba la dagaallanka musuq-maasuqa regaadiyay hay’addaha dowladda Somalia.

Kheyre cusub ayaa sidoo kale sheegay inay soo dhaweynayaan dhalinyarada ka tirsan al-shabaab ee doonaya inay ururkaasi ka soo baxaan. Weriyaha VOA Cabdulqaadir Maxamed ayaa RW cusub wareystay, wuxuuna ugu horreyn weydiiyay nooca xukuumadda uu soo dhisi doono.

Hoos ka Dhagayso waraysiga idaacadda VOA la yeeltay Ra’iisul wasaaraha cusub ee JFS Xassan Cali Khayre

Halkan ka Dhagayso Mp3

Source: VOA

Puntland Oo Duleedka Gaalkacyo ku Qabatay Gaari siday Walxaha Qarxa (Masawiro)

Fri, 03/03/2017 - 17:29

Gaalkacyo:-Wararka ka imaanaya magaalada Gaalkacyo ee xarunta gobalka Mudug ayaa sheegaya in ciidamada amaanka ee gobalka Mudug ay gacanta ku dhigeen gaari laga soo buuxiyey walxaha qarxa kaas oo u kala gooshi jiray magaalada B/weyne iyo Boosaaso.

Taliska ciidamada ammaanka ah ee Puntland ayaa war ka soo saaray gaari walxaha qarxa siday oo lagu qabtay duleedka magaalada Gaalkacyo.Taliska ciidamada ammaanka ee Puntland ayaa waxay  sheegeen baaris kadib in la ogaaday in gaarigaasi waday walxaha qarxa la doonayay in lagu qarxiyo shacabka Puntland gaar ahaan magaalada Boosaaso ee xarunta gobalka Bari.

Gaarigan siday walxaha qarxa ayaa nuuciisa waxa uu ahaa nuuca Soomaalida ay u taqaano (Candha-meedlaha) waxaana lagu qabtay duleedka magaalada Gaalkacyo waxaa sidoo kale gacanta lagu hayaa darawalkii waday gaariga.

Ciidanka PISta Puntland ayaa waxaa ay ku soo bandhigeen Agabkii uu siday gaarigii Candha-meedlaha waxaana uu siday  Hubka iyo Dareeska Ciidamada,iyo biro badan oo qaraxa laga daro.

M_M Deeq
Boosaaso

Madaxweyne kuxigeenka Dawladda Puntland Eng. Camey oo kulan la yeeshay Madaxweynaha JFS Maxamed C/lahi Farmaajo

Fri, 03/03/2017 - 17:19

Muqdisho:-Madaxweyne kuxigeenka Dawladda Puntland Eng. Cabdixakiin Xaaji Cabdulaahi Cumar Camey ayaa magaalada Muqdisho kulan kula yeeshay Madaxweynaha DFS Mudane. Maxamed Cabdulaahi Farmaajo. Kulanka Madaxweyne kuxigeenka Dawladda Puntland iyo Madaxweynaha DFS ay yeesheen ayaa waxa uu daarana arrimo la xiriira abaarta ka jira guud ahaan Soomaaliya Gaar ahaan Puntland iyo sidoo kale Madaxweyne ku xigeenka Puntland Egn. Cabdixakiin Xaaji Cabdulaahi Cumar Camay oo u hambalyeeyey guushii uu dhowaan ka gaarey tartankii Madaxweyne nimo ee Hogaaminta Soomaaliya.

Madaxweyne ku xigeenka Dawladda Puntland Egn. Cabdixakiin Xaaji Cabdulaahi Cumar Camey ayaa ugu horay waxa uu uga warbixiyey Madaxweynaha DFS Mudane. Maxamed Cabdulaahi Farmaajo abaarta baaxadale ee ka jirta dhammaan gobolada Puntland, wxaana uu si qoto dheer uga xog waramay saamaynta ay ku yeelatay dadka reer guuraaga ah ee ku dhaqan degaanada Puntland.

Sidoo kale Madaxweyne ku xigeenka Dawladda Puntland ayaa u sheegay Madaxweynaha Soomaaliya inay jiraan xoolo dhaqato Soomaaliyeed oo ku soo hayaamay qaarkamida Gobolada Puntland kuwaas oo ka kala yimi Waqooyiga, Galbeedka, iyo Koonfurta Soomaaliya.

Dhinaca kale, Madaxweyne ku xigeenka Dawladda Puntland ayaa u hambalyeeyey Madaxweynaha DFS guushii uu ka gaarey doorashadii madaxtinimo ee Soomaaliya 8 February 2017, isla markaana waxa uu guulweyn ku tilmaamay go’aan qaadashadii geesi-nimadalahayd ee uu ku soo xushay Ra’iisul wasaaraha Soomaaliya, isla mar’ahaantaana ay Baarlamaanka Soomaaliya si sidaasi lamida ay ku ansixiyeen.

Ugu danbayn, Madaxweyne ku xigeenka Dawladda Puntland Egn. Cabdixakiin Xaaji Cabdulaahi Cumar Camey ayaa ummadda Soomaaliyeed gaar ahaan shacabka Puntland Alle uga baryey inuu ka dulqaado abaarta saamaysay dad iyo duunyoba isla markaana uu Alle ugu bedelo raxmadiisa.

DHAMMAAD—
XAFIISKA, WARFAAFINTA, WACYIGELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

Dufcadii 8aad oo ka tirsan Ciidanka Badda Puntland oo Tababar loogu soo xiray Bosaaso[Video]

Fri, 03/03/2017 - 13:29

Boosaaso:-Cutubyo ka tirsan Ciidanka Badda Puntland ayaa tababar socday mudon 5 bilooad ah waxaa loogu soo gabagabeeeyey Xarunta Ciidanka ee Badda [PMPF] waxaan ciidanka tababatka loo soo xiray ay noqonayaan dufcadii 8aad oo qaatay tababaro kale duwan iyo xerfado ciidan oo sareeya.

Ciidanka Badda Puntland ee loo soo xiray tababarka ayaa waxaa ay gaarayeen ilaa 311 askari waxaan tababarkooda maalgeliyey dowladda Imaaratka Carabta waxaan xafladii lagu soo xiray tababarka ciidankaan ka soo qayb galay masuuliyin sare oo uu ka mid yahay Gudoomiyaha Gobolka Bari , Yusuf Maxamed Wacays Dhado,Taliyaha Ciidan Badda Puntland Admiral C/risaaq Diiriye Faarax oo isagu mahad balaadhan u jeediyey dowladda Imaaratka Carabta oo Puntland ka taageertay tababarka ciidanka Badda Puntland waxaan uu ciidanka ku booriyeyy in ay ka soo baxaan howlaha loo igmaday ooo ah sugudi amniga iyo ilaalinta xeebaha Puntland oo la daalaa dhacaaya Maraakiib Jiriif sharci daro ah.

Gudoomiyaha Gobolka Bari Yuusuf Maxamed Wacays Dhado oo munaasabada lagu soo xirayey tababarka ciidanka ka hadlay ayaa waxaa uu kula dardaarmay in ay u diyaar garoobaan ciidamada in ay gutaan waajibkooda ayna bulshada ugu adeegaan tababarka wanaagsan ee ay soo qaateen.

Gabagabadii munaasabada ayaa waxaa la gudoonsiiyey ciidamo gaaray 15 askari abaalmanino ay ku mutaysteen sidda wanaagsan oo ay uga soo baxeen howsha inta uu tababarku u socday.

Hoos ka Daawo Ciidanka Badda Puntland [PMPF]ee loo soo xiray tababarka

M_M_Deeq
Halgan.net

Pages