News From Halgan Net

Subscribe to News From Halgan Net feed
Somali News
Updated: 56 min 47 sec ago

Madaxweynaha Puntland oo Safar Ugu Ambabaxay Magaalada Muqdisho.

Sat, 12/02/2017 - 15:45

Maxweynaha Dawladda Puntland Dr. Cabdiweli Maxamed Cali Gaas iyo wefti balaadhan oo uu hogaaminayo  ayaa maanta oo ay taariikhdu tahay 02 December  2017 safar shaqo ugu ambabaxay magaalada Muqdisho ee caasimadda dawladda Federaalka ah Soomaaliya.

Madaxwaynaha iyo weftgiisa ayaa kahor intaanay ka anbabixin  garoonka diyaaradaha magaalada Garoowe ee Kanooko  ayaa waxaa kusii sagootiyay madaxwayne kuxigeenka dawladda  Puntland Eng Cabdixakiin Xaaji Cabdulaahi Cumar  Camay  iyo madax katirsan golayaasha dawladda Puntland, saraakiiisha ciidamada iyo saraakiil katirsan madaxtooyada Dawladda Puntland.

Madaxwaynaha Dawladda Puntland ayaa magaalada Muqdisho waxa uu kaga qaybgelidoonaa shirka amniga qaranka, kaas oo ka furmidoona magaalada Muqdisho, shirkaas oo ay kasoo qayb geli doonaan madaxda dawladda xubanaha ah Dawladda federaalka Soomaaliya.

Madaxwaynaha Dawladda Puntland  Dr. Cabdiweli Maxamed ali Gaas ayaa kahor inta aanu ka anbabixin garoonka diyaarahada magaalada Garoowe ee kanooko, ayaa waxaa uu lahadlay warbaahinta  isaga oo kawarbixinaya safarkiisa maanta uu ugu anbabaxay Muqdisho  waxaana uu yiri madaxweynuhu

waxaan kusocdaa Muqdisho oo aan kaga qaybgalayo shir ay isugu imanayaan beesha caalamka iyo madaxda soomaalida, iyo sidoo kale shirkii amniga qaranka oo arimaha ugu muhiimsan oo looga hadlayo ay noqon doonto nabdgelyada dalka, xasilinta iyo geedi socodka dawladnimadda soomaaliya, shirkaas oo labada maalmood ah, kabacdinawaxaa dhici doona shirkii beesha caalamka iyo madaxda soomaalida oo dhammaandoona bisha 5teeda ah, kabacdina inshaa allaahu waxaan rajaynayaa in aan si nabad gelya ah usoo laabano, waxaan idinkula dardaarmayaa  in laga shaqeeyo lana taageero nabadgelyada iyo horumar, guul baan diin rajaynayaa

Ugu danbayn, Madaxwaynaha Dawladda Puntland  DR. Cabdiweli Maxamed Cali Gaas iyo weftiha balaadhan ee uu hogaaminayo ayaa maalmaaha fooda inaku soo haya ku sugnaan doona magaalada Muqdisho, kadibna dalka dib ugu soo laaban doona. 

–DHAMMAAD–                                                                                            

XAFIISKA, WARFAAFINTA, WACYI-GELINTA, HIDDAHA IYO DHAQANKA EE MADAXTOOYADDA DAWLADDA PUNTLAND.

Madaxwenaha JFS Maxamed Cabdullaahi Farmaajo oo dalka Dib ugu soo laabtay

Sat, 12/02/2017 - 13:40

Muqdisho:-Madaxweynaha Jamhuuriyadda Federaalka Soomaaliya Mudane Maxamed Cabdullaahi Maxamed Farmaajo iyo wafdi uu hoggaaminayo ayaa maanta dalka dib ugu soo laabtay kaddib ka qeybgalkii caleema-saarka Madaxweynaha Kenya Uhuru Kenyatta iyo Shir-madaxeedkii Midowga Afrika iyo Midowga Yurub ee ka dhacay magaalada Abidjan ee dalka Ivory Coast.

Shirkan oo muddo labo cisho ah socday ayaa waxyaabihii madaxdii halkaas isugu timid ay isku afgarteen waxaa kamid ahaa in labada qaaradood ee dariska ah ay yeeshaan mustaqbal wadaag dhabaha u xaaraya iskaashi buuxa oo dhex mara dalalka Afrika iyo Yurub.

Mawduuca shirka ee sanadkan ayaa waxaa loo doortay arrimaha dhallinyarada iyada oo ay kasoo qeyb-galeen dhallinyaro ka socota labada qaaradood si ay uga warbixiyaan xaaladahooda iyo himilooyinkooda mustaqbalka.

Arrimaha Madaxda Afrika iyo Yurub ay isla qaateen ayaa waxaa ka mid ah in si deg deg ah looga jawaab celiyo dhibaatooyinka isa soo taraya ee dalka Liibiya ku haysta kumannaanka Muhaajiriinta Afrikaanka ah, iyadoona loo xil saaray arrinkan in ay warbixin iyo baaritaan ka soo sameeyaan diblumaasiyiin uu hoggaaminayo Danjiraha Soomaaliya u fadhiya Midowga Afrika Mudane Maxamed Cali-Nur Xaaji.

Sidoo kale, Madaxdii halkaas isugu timid waxa ay isku afgarteen in la ixtiraamo madax bannaanida iyo wadajirka dhuleed ee dalalka labada qaaradood, isla markaasna laga hortago in dowlado sharci ah lagu rido nidaam aan dastuurka dalalkaas waafaqsaneyn, lagana fogaado faragelinta arrimaha gudaha ee dal kamid ah dalalkan bah-wadaagta ah.

Dhanke kale, Wasiirka Arrimaha Dibadda iyo Iskaashiga Caalamiga ah ee Dowladda Federaalka Soomaaliya Mudane Yuusuf-Garaad Cumar ayaa la kulmay dhiggiisa dalka Lithuania Mudane Linas Linkevičius, iyaga oo kala saxiixday heshiis lagu abuurayo xiriir diblomaasiyadeed oo dhex mara labada dowladood. Wasiirka ayaa sidoo kale kulan la qaatay Wasiir Ku Xigeen Arrimaha Dibadda ee Romania oo ay isku afgartay in dib loo yagleelo xirriirkii ka dhaxeeyay labada dowladood, iyadoona sido kale la isla meel dhigay in ay iska kaashadaan dhinacyada wax soosaarka, tayeynta adeegyada caafimaadka iyo waxbarashada.

Madaxweynaha ayaa intii uu socday Shir-Madaxeedka labada qaaradood ee Afrika iyo Yurub waxa uu kulamo gaar ah la yeeshay Madaxwyenaha Ivory Coast Alassane Ouattara, Rai’iisul Wasaaraha Sweden Stefan Löfven, Ra’iisul Wasaaraha Finland Juha Sipilä, Wasiirka Arrimaha Dibadda ee Ingiriiska Boris Johnson, Xoghayaha Guud ee Qaramada Midoobay Antonio Gutteres iyo Madaxweynaha Baanka Horumarinta Afrika Akinwumi Adesina.

Madaxda Midowga Afrika iyo Midowga Yurub ayaa ku heshiiyay in Wasiirrada Arrimaha Dibadda ee dalalka Afrika iyo Yurub ay yeeshaan kulan sanadle ah si loo xoojiyo xiriirka iskaashiga iyo wax wada-qabsi ee labada qaaradood.

Wafdiga Madaxweynaha ee ka qeybgalay shirkan ayaa waxaa kamid ahaa Wasiirka Arrimaha Dibadda iyo Iskaashiga Caalamiga ah Mudane Yuusuf-Garaad Cumar, Dajiraha Soomaaliya ee dalka Itoobiya Mudane Maxamed Calinuur Xaaji, Danjiraha Soomaaliya ee Midowga Yurub Mudane Cali Siciid Faqi, La-taliyaha Madaxweynaha ee Siyaasadda Arrimaha Dibadda Mudane Balal Cusmaan iyo Xildhibaanno ka tirsan labada Aqal ee Barlamaanka.

—–Dhamaaad—-

Nadwo Walaaleynta Bulshada iyo la dagaalanka Qayaalada oo lagu qabtay Laascaanood (Daawo)

Fri, 12/01/2017 - 22:42

Laascaanood:-Waxaa malinimadi Jumcadii ee soo gabagaboobay dawro Loogu magac daray walaalaynta Bulshada iyo la dagaalanka qabyaalada.

Dawradan oo soconaysay muddo 2 casho ah aya waxa loo qabtay Haldoorka Bulshada oo isugu jira ardayda jamacadaha , kuwa secondryada, macalimin iyo odoyal dhaqameed.

Waxa barnamijkan daadihinayay oo tababarkan fuliyay sh Axmed Cabdisamed Cabdalle
Waxana loo tababarayay Haldoorkan sidii ay uga shaqyn lahaayen barnaamijkan una sii gudbin lahaayeen aqoontan ay faaidaysteen .

Dhinaca kale Sh Ahmed Cabdisamed oo kamid ah culimada soomaliyed ayaa maalmihii ugu danbeyay ku sugnaa magaalada laascaanood isagoo muxaadarooyin kala duwan ka jeediyay Masajida iyo jamacadaha magaalada Laascaanood oo dhamaantood ku saabsan ololaha la dagaalanka qabyaalada iyo Bulshadan walaalaynteda.

Nadwo cilmiyeed kooban oo ku saabsan la dagaalanka qabyaalada ayaa waxaa laga jeediyey muxaadarooyin kala duwan waxaana ka mid ahah culumadii ka soo qeyb gashay.

Hoos ka Daawo Muxaadaraadkii laga jeediyey Nadwadii lagu qabtay magaalada Laascaanood ee looga cinwaankeeda uu ahaa Walaaleynta Bulshada iyo la dagaalanka Qayaalada .

1-Horudhac ku saabsan barnamijka walaalaynta Bulshada iyo la dagaalanka qabyaalada ShAxmed Cabdisamad.

2-Qabyaalada iyo mawqifka islaamku ka istaagay Sh Aden weli Cabdi Xusen


3-Walaaltinimada maxaa culeysiiya maxaase diciifiya Sh Jaamac Yaasiin.


4-Maxaa xal u ah qabyaalada Sheekh Axmed Cabdi samed .


Gabagabadii dardaarano dhamaan culimadaa ah iyo proff C/risaaq lafoole iyo Sh Aden Cali Nuur oo kalmado kooban ka ku khatimay.

Musasat Al-Karam 
Laascaanood 
Maxamed Abdulahi
Halgan.net

Hawlaha Gudiga Gurmadka Safa ee Dhibkii Zoobe (10)Deeqihii UK iyo Denmark

Thu, 11/30/2017 - 22:02

Deeqo lacageed oo Gudiga Gurmadka Mu’asasa Safa ee Dacwada & Hormarinta kasoo kala gaadhey Jaaliyadaha Soomaaliyeed ee Denmark & UK ayaa la gaarsiiyey Agoon & Qoysas ehelkooda ku waayey Musiibadii Soobe.

Deeqaha lacageed oo gaarayaey $68,793 ayaa la gaarsiiyey 172 Agoon & 54 Qoys. Dhamaan dadka deeqda lacageed ka faa’iideystey ayaa ahaa kuwii ehelkooda ku waayey Musiibadii Soobe.

[See image gallery at halgan.net]

Muqdisho 9 Rabicul’awal 1439 
28 November 2017
وبالله التوفيق

Gudiga Gurmadka Mu’asasada Safa ee Dacwada iyo Horumarinta .

Shirka golaha wasiirada dowladda Puntland oo looga hadlay amniga , Abaaraha iyo Arrimo kale

Thu, 11/30/2017 - 16:54

Garoowe:-Shirka golaha wasirada dowladda Puntland oo looga hadlay amniga , Abaaraha , Can shuuraha Biriga iyo Arrimo kale.

Hoos ka akhriso warsaxaafadeedka ka soo baxay Golaha wasiirada Puntland.

[See image gallery at halgan.net]

 

 

Madaxweyne Farmaajo oo ka qeyb-galaya Shirka 5aad ee Madasha Iskaashiga Midowga Afrika iyo Midowga Yurub.[Masawiro]

Thu, 11/30/2017 - 16:53

Abidjan :-Madaxweyne Farmaajo oo ka qeyb-galaya Shirka 5aad ee Madasha Iskaashiga Midowga Afrika iyo Midowga Yurub Abidjan, 29, Nofeembar, 2017; Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa kaga qayb galaya magaalada Abidjan ee dalka Ivory Coast shirka 5aad ee madasha iskaashiga waddamada Midowga Afrika iyo Midowga Yurub.

Madaxweynaha iyo wafdigiisa waxaa si heer sare ah ugu soo dhaweeyey Garoonka Diyaaradaha ee Félix Houphouët-Boigny ee Abidjan Madaxweyne Ku Xigeenka dalkaas Mudane Daniel Kablan, Wasiirka Arrimaha Dibadda Mudane Marcel Amon Tanoh iyo Masuuliyiin kale oo ka tirsan Xukuumadda dalkaas.

Shirwaynaha hoggaamiyeyaasha Midowga Afrika iyo Midowga Yurub oo labo maalmlood socon doona waxaa lagaga wada hadli doonaa mustaqbalka xiriirka labada dhinac, kor u qaadista iskaashiga ee dhinacyada amniga, socdaalka, horumarinta xirfadaha, shaqo abuurka, xuquuqul iinsaanka, dimuqraadiyadda, dhaqaalaha iyo maalgashiga.

[See image gallery at halgan.net]

Inta uu shirkani socdo, Madaxweyne Farmaajo ayaa kulamo gooni gooni ah waxa uu la yeelan doonaa qaar kamid ah madaxda halkan isugu yimid si loo sii xoojiyo xiriirka iskaashi ee ay Soomaaliya la wadaagto dalalkaas.

Wafdiga Madaxweynaha waxaa ka mid ah Wasiirka Arrimaha Dibedda iyo Iskaashiga Caalamiga ah Mudane Yuusuf Garaad Cumar, Xildhibaanno ka tirsan Labada Aqal ee Baarlamaanka, Safiirrada Soomaaliya ee Midowga Yurub iyo Midowga Afrika iyo La-taliyeyaal.

-DHAMMAAD-
Wixii faahfaahin ah, fadlan kala xiriir
Cabdinuur Maxamed Axmed
Agaasimaha Warfaafinta & Xiriirka Warbaahinta,
Madaxtooyada Jamhuuriyadda Federaalka Soomaaliya
E-mail:media@presidency.gov.s

Golaha Wasiirada Maamulka Hirshabeelle oo lagu dhawaaqay (Akhriso)

Wed, 11/29/2017 - 20:48

Jowhar:-Madaxweynaha dowlad goboleedka Hirshabelle Maxamed Cabdi Waare ayaa maanta si rasmi ah ugu dhawaaqay  golaha wasiirada ee Maamulka  dowlad goboleedka Hirshabelle waxayna ka kooban yihiin  20 wasiir .

Golaha wasiirada ee uu ku dhawaaqay madaxweynaha maamul dowlad goboleedka Hirshabelle ayaa waxa ay isugu jiraan wasiiro hore oo ka tirsanaa Maamulkii hore iyo kuwa cusub.

Hoos  ka akhriso Liiska golaha Wasiirada ee Maamulka Hirshabelle

[See image gallery at halgan.net]

C/Casiis Maxamed
Halgan.net

Mukhtaar Roobow oo gaaray Degmada Xudur ee xarunta ee Gobolka Bakool (Dhageyso)

Wed, 11/29/2017 - 20:06

Magaalada Xudur ee Gobolka Bakool waxaa maanta gaaray Sheekh Mukhtaar Roobow Abuu-Mansuur oo horey uga tirsanaa ururka al-Shabaab, markii dambena ka goostay, oo isu soo dhiibay dowladda Soomaaliya.

Wafdiga Abuu Mansoor waxaa hogaaminaya Wasiirkii hore ee Gaashaandhigga Xukuumadda Federaalka Soomaaliya C/rashiid C/llaahi Maxmed.

Wariyeheenna Caasha Ibrahim ayaa arrintan ka wareysatay. Gudoomiyaha degamada Xudur Maxamed Macalin.

VOA Somalia
Halgan.net

Madaxweyne ku xigeenka Puntland oo furay Shirka dib u eegista sharciga Shaqaalaha Rayidka (Masawiro)

Wed, 11/29/2017 - 19:58

Madaxweyne ku xigeenka dowladda Puntland Eng Cabdixakiin Cabdulahi Xaaji Cumar Camey ayaa si rasmi ah uga furay magaalada Garowe ee Caasimada Puntland Shirka dib u Eegista iyo ka wadatashiga Sharciga Shaqaalaha Rayidka ee L11 oo ay soo diyaarisay wasaarada shaqada iyo Arrimaha Bulshada dowladda Federaalka Soomaaliyeed.

Waxaa shirkan daah-furkiisa soo qaban qaabiyay Wasiirka Shaqada iyo arrimaha Bulshada xukuumadda Federaalka Soomaaliya Xildhibaan Saalax Axmed Jaamac.

Shirkan ayaa waxaa kasoo qeybgalaya Wasiirada Shaqada iyo Shaqaalaha ee dowlad goboleedyada xubnaha ka ah Dowladda Federaalka ah ee Soomaaliya, iyagoo ka wada-tashan doono sharciga shaqaalaha rayidka ah oo ay soo diyaarisay Wasaaradda Shaqada iyo Shaqaalaha DF Soomaaliya.

Inta uu socdo shirkaasi ayaa waxaa siweyn diirada loo saari doonaa dib u eegista sharciga shaqaalaha rayidka,iyadoo lafilayo in ugu dambeyntii laga soo saaro qodobo wax ku ool ah.

[See image gallery at halgan.net]

Wefdi uu hoggaaminayo Wasiirka ayaa maalinimadii shalay aheyd gaaray caasimadda Puntland ee Garowe waxaana ay soo dhaweyn kadib kormeereen dhismaha garoonka diyaaradaha magaalada Garowe kaasi oo lafilayo in dhawaan xarigga laga jaro.

SONNA
Garoowe

Maxkamada Sare ee Maamulka S/land oo ansixisay doorashadii ka dhacday S/land.[Dhagayso]

Tue, 11/28/2017 - 16:33

Hargeysa:-Maxkamada Sare ee S/land ayaa waxaa ay soo saartay go’aankii ugu danbeeyey ee doorashadii ka dhacday deegaanada S/land 13-kii bishaan uuna ku soo baxay Hogamiyaha xisbiga Kulmiye Muuse Bixii Cabdi waxaa ay ansixisay natijada doorashada ee ay u soo gudbiyeen gudiga doorashooyinka.

Dhinac kale Guddiga doorashada Soomaliland ayaa horey ugu dhawaaqay in doorashadii 13-November ee ka dhacday deegaanada S/land oo uu ku adkaaday Xisbiga Kulmiye oo uu u tartamyey Muuse Biixi Cabdi oo noqday Madaxweynaha S/land.

Hoos ka Dhagayso go’aanka Maxkamada Sare ee Maamulka Soomaaliland ee doorashada S/land

Halkaan ka Dhagayso MP3

 

M_M_Deeq
Halgan.net

Madaxweyne Farmaajo oo ka qeyb galaya caleema-saarka Madaxweyne Uhuru Kenyatta[Masawiro]

Tue, 11/28/2017 - 16:12

Nayroobi:-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo iyo wafdi uu hoggaaminayo oo ka qeybgalaya caleema-saarka Madaxweynaha Kenya Uhuru Kenyatta ayaa soo gaaray Maagalada Nayroobi.

Wafdiga Madaxweynaha waxaa garoonka diyaaradaha Jomo Kenyatta ku soo dhaweeyay Wasiirka Arrimaha Dibadda ee Kenya Danjire Aamina Maxamed, Sii-haya Safaaradda Soomaaliya ee Kenya Cali Maxamed Sheekh (Bagadi) iyo Diblomaasiyiin ka tirsan Safaaradda.

“Xiriirka ka dhaxeeya labada dal waa mid ku dhisan iskaashi iyo wax wada-qabsi. Madaxweyne Farmaajo bishii Maarso ee sanadkan ayuu booqasho rasmi ah ku yimid Kenya si loo xoojiyo xiriirkaas, haatanna waxa uu ka qeyb galayaa caleema-saarka Madaxweyne Kenyatta.” ayuu yiri Agaasimaha Warfaafinta Madaxtooyada Cabdinuur Maxamed Axmed.

Socdaalka Madaxweynaha ayaa qaadan doona muddo hal maalin ah, waxaana berri oo Talaadada ah uu ku biiri doonaa hoggaamiyeyaal ka socda qaaradda Afrika iyo Caalamka oo ka qeyb galaya caleema-saarka.
Soomaaliya iyo Kenya waxaa ka dhaxeeya xiriir iskaashi oo dhinacyada ammaanka, ganacsiga iyo horumarinta ah, iyada oo uu shaqeeyo guddi wadajir ah oo labada dhinac u qaabilsan dhaqan-galinta heshiisyada is-kaashi ee u dhaxeeya labada dal.
———————————————————–
Wixii faahfaahin ah, fadlan kala xiriir
Cabdinuur Maxamed Axmed
Agaasimaha Warfaafinta & Xiriirka Warbaahinta,
Madaxtooyada Jamhuuriyadda Federaalka Soomaaliya
E-mail:media@presidency.gov.so

Shirkii Golaha Shuurada ee Musasada EMA oo lagu soo afmeeray magaalada Malmö.(Masawiro)

Mon, 11/27/2017 - 18:18

Malmö :-Waxaa magaalada Malmö ee dalka Sweden ka furmay 25-11-2017 Shirkii golaha Shuurada ee Mu’asasada European Muslim Association (EMA)waxaana uu shirka lagu qabtay Hotel Good Morning waxaana shirka soo qaban qaabiyey Musasada EMA ee dalka Denmarka waxaa ka soo qayb galay dhamaan xubna Golaha Shuurada Mu’asasada EMA.

Kulanka Mu’asasada EMA ayaa ah mid sanadkiiba mar ay isigu yimaadaan xubnaha Golaha Shuurada iyo Tanfiidka si loo hormariyo Mu’asasada EMA waxaana xubnaha iyo maraakista ku mideysan Mu’asasada EMA ay hurmuud u yihiin Maraakista wadamada Nordic.

Ugu horeyntii ayaa waxaa kalimada wacdi iyo dhiiro galin ah ka jeediyey Sheekh Dr Haaruun Sheekh Xuseen waxana uu ku dhiiro galiyey hogaanka Mu’asasada European Muslim Association (EMA) howsha ay qabteen isaga oo alle uga baryey in ay guuleystaan.

Dhanka kale waxaa kalimad qiimo badan ka jeediyey Shirka Golaha Shuurada ee Mu’asasada European Muslim Association (EMA) ee sanadkaan lagu qabtay magaalada Malmö Sheekh Maxamed Idirs Axmed xafidahulaah isaga oo ku waaniyey xubnaha Mu’asasada EMA in ay ku dadaalaan midnimada ,walaaltinimada iyo horumarinta iyo taabo galinta Mu’asasada EMA isaga oo ku bogaadiyey in Mu’asasada EMA ay ka faa,deystaan sida hay,daha dalalka ay joogaan ay u shaqeeyaan si loo hormariyo Mu’asasada European Muslim Association (EMA).

Intaas ka dib ayaa xubnaha Mu’asasada EMA ee shirka uga furmay magaalada Malmo waxaa shirka u furay Sh Cabdiwahaab Salaad Hasan oo ah Gudoomiyaha golaha Fulinta Mu’asasada EMA ee Denmark oo Shirka guud ahaan isku soo dubariday soo dhaweyn ka dibna waxaa shirka ku soo bandhigay waxqabadka Musasada EMA ee sanadkii 2016 gudoomiyaha golaha fulinta guud ee Musasada EMA Sh Mukhtaar C/laahi Carab .

Xubnaha ka soo qeyb galay shirka golaha Shuurad Mu’asasada European Muslim Association (EMA) ayaa intaa ka dib guda galay ajandahii shirka waxaana kalimad kooban oo aad u qiimo badan ka jeediyey Sh C/raxmaan abyad wuxuuna Sheekhu aad xooga u saaray camalka Jamaaciga ah iyo in loo shaqeeyo qaab Musasaaati ah .

Xubnaha Mu’asasada European Muslim Association (EMA) ayaa waxay ka kala yimadaadeen wadamada Finland ,Norway ,Denmark iyo Sweden  waxaana ay ka doodeen Aajandihii shirka Mu’asasada (EMA) iyada oo aad looga dooday caqabadihii iyo waxyaabihii aan u hirgalin in ay sanadkii 2016 qabato Mu’asasada (EMA) .

Ugu danbeyntii Maalintii axada ee 26-11-2017 ayaa waxaa la gudaha galay howlsanadeedka 2018 ay qaban doonto Mu’asasada European Muslim Association (EMA) waxaana sidoo kale la ansaxiyey miisaaniyada Mu’asasada  (EMA) ee 2018.

[See image gallery at halgan.net]

Gabagabadii kulanka ayaa waxaa la galay doorashada hogaanka cusub ee Mu’asasada European Muslim Association (EMA) gaar haan Gudoomiyaha fulinta iyo Gudoomiyaha Shuurada ee Mu’asasada European Muslim Association (EMA) doorasho ka dib waxaa loo doortay  Gudoomiyaha Golaha Fulunta Mu’asasada European Muslim Association (EMA) Sh Mukhtaar C/laahi Carab halka Bile Hassan Osman Abu Saciida loo doortay Gudoomiyaha golaha Shuurada ee Mu’asasada (EMA)

Culumada shirka ka soo qeyb gashay qeyb weyna ka qaatay horumarka Mu’asasada European Muslim Association (EMA) waxay kala yihiin

1- Sheekh Dr Abdinuur Sheekh Maxamed
2-Sheekh Maxamed Shaafici
3-Sheekh C/raxmaan Abyad.

 Waxaa markii la soo gunaanaday Shirka Shahaado Sharaf ay gudoomsiisay Mu’asasada European Muslim Association (EMA) culumadii shirka nagala soo qeyb gashay .Sidoo kale Culumada kala ah Sheekh Dr Abdinuur Sh Maxamed iyo Sheekh Maxamed Shaafici yaa sidoo kale Shahaado Sharaf Gudoonsiiyey xubnihii ugu firfircoonaa Mu’asasada (EMA) sanadkii  2016 kii.

Mu’asasada European Muslim Association (EMA)
Malmö
Halgan.net

Baarlamaanka Dowlada Federaalka Soomaaliya iyo Jabuuti oo Heshiis kala saxiixday

Mon, 11/27/2017 - 17:15

Muqdisho:-Waxaa maanta magaalada Muqdisho ka dhacay kulan ay heshiis ku kala saxiixa nayeen baarlamaanada Soomaaliya iyo kan Dalka Jabuuti,kaasi oo ku dhisan wadashaqeyn iyo walaaltinimo. Kulanka waxaa goob joog ka ahaa Guddoomiyaha Golaha Shacabka Jamhuuri yadda Soomaaliya Federaalak Soomaaliya Mudane Maxmed Sh.Cusmaan Jawaari, guddoomiye kuxigeenka 1aad ee Aqalka Sare ahna kusimaha guddoomiyaha Abshir Axmed Maxmed (Bukhaari),guddoomiyaha Baarlamaanka Dalka Jabuuti Maxmed Cali Xumud iyo xubno xildhibaano ah.

Heshiiskaasi waxaa u kala saxiixay Soomaaliya guuddooiye Jawaari iyo Abshir Bukhaari guddoomiye kuxigeenka Aqalka sare ahna kusimaha guddoomiyaha,halka Baarlamaanka Jabuutina uu u saxiixay Maxmed Cali Xumud.

Heshiiskan oo dhowr qodob ka kooban ayaa waxaa ka mid ah furista wada hadalo lagu xoojinayo wada shaqeynta labada Baarlamaan iyo sidoo kale sameynta guddiga saaxiibtinimada ee labada Baarlamaan,Xildhibaan Maxamed C/llaahi Xasan Nuux oo ah habdhowraha golaha shacabka ayaa sheegay in heshiiskan uu muhiimad gaar ah u leeyahay labada wadan

Guddoomiye ku-xigeenka koowaad ee Golaha Aqalka Sare Abshir Maxamed Axmed ‘’Abshir Bukhaari’’ ayaa sheegay in xiriirka dalalka Soomaaliya iyo Jabuuti uu yahay mid ku dhisan walaaltinimo.

Waxaa kulanka intii uu socday la isku la soo hadal qaadey muhiimadda ay leedahay wadashqeynta iyo walaaltinimada barlamaanada labada dal ,iyadoo la ammaanay dowrka Jabuuti ay ku leedahay taageerada Soomaaliya.

Guddoomiyaha Golaha Wakiilada Qaranka ee Jamhuuriyadda Jabuuti Mudane Maxamed Cali Xumad ayaa sheegay in qodobada heshiiskan ku qoran sida ugu dhaqsiyaha badan u hir gelin doonaan.isagoona bogaadiyay xoojinta xiriirka labada wadan.

Guddoomiyaha Golaha shacabka Soomaaliya Mudane Maxamed Sheekh Cusmaan Jawaari ayaa sheegay in dadka Soomaaliyeed iyo Dowladooda aysan marnaba iloobi doonin abaalkii ay u galeen shacabka reer jabuuti iyo dowladooda ,sidoo kalana Baarlamaanka Soomaaliya ay ka go’antahay xoojinta wada shaqeynta Baarlamaanka walaalaha Jabuuti

DHAMAAD

Maamulka Gal-Mudug iyo Ahlu-Sunna oo ku wada hadlaya Jabuuti.[Dhagayso]

Mon, 11/27/2017 - 16:52

Djibouti:-Magaalada Djibouti waxaa waddahallo ay uga furmeen maamulka Galmudug iyo kan Ahlu-Sunna Wal-Jamaaca. Madaxweynaha Galmudug iyo ku xigeenkiisa iyo madaxda dhinaca Ahlu-Sunna ayaa si fool-ka fool ah maanta isasoo hor-fadhiistay, waxaana kulamada labada dhinac ay socon doonaan muddo saddex cisoh ah.

Madaxweyne ku xigeenka Galmudug Maxamed Xaashi Cabdi ayaa VOA u sheegay in kulamadan ay ka soo bixi doonaan is-afgarad ku aadan sidii labada dhinac ay hal maamul oo mideysan u wada noqon lahaayeen. Weriyaheena Jacfar Kukay ayaa Madaxweyne ku xigeenka Galmudug khadka taleefonka ee Djibouti ku wareystay.

Hoos ka Dhagayso maamulka Gal-Mudug iyo Ahlu-Sunna oo ku wada hadlaya Jabuuti.

Source:VOA

Ciidanka Amniga Puntland PSF oo howl gal ciidan ka fuliyey Buuraleyda deegaanada Dhadhaabo iyo Ceeldibir.[Masawiro]

Sun, 11/26/2017 - 19:54

Boosaaso:-Ciidanka Amniga Puntland PSF ee sida gaarka ah ah u tababaran ayaa shalay waxaa ay hawlgal ka dhan ah ururka Al Shabaab ay ka fuliyeen Buuraleyda deegaanada Dhadhaabo iyo Ceeldibir ee Buuraha Cal Madow.

Ciidanka Amniga Puntland PSF ayaa waxaa ay howl galkaan ku qabteen 4 nin oo lagu tuhunsan yahay in ay ka tirsan yihiin kooxda Al-Shabaab ee ku dhuumaalaysta Buuraha Cal Madow ayna u qaabilsan yihiin gudbinta sahayda iyo raashinka, kuwaas oo ay hadda gacanta ku hayaan ciidamada Puntland lana marsiin doono baaritaano.

Sidoo kale Ciidanka Amniga Puntland PSF iyo kuwa PMPF waxaa ay howl gal ka dhan ah ururka Daacish ay ka fuliyeen Buuraha Cal Miskaat ee Gobolka Bari waxaan ay ku burburiyeen agab kale duwan iyagoona gacanka ku dhigay saldhig ay maleeshiyaadka Daaicsh ay ku keydsan jirteen raashinka iyo qalabka lagu sameeyo walxaha qarxa.

[See image gallery at halgan.net]

Ciidanka Amniga Puntland (PSF) oo ay weheliyaan ciidamada Badda Puntland (PMPF) iyo ciidanka Daraawiishta Puntland ayaa shaaciyey usbuucii la soo dhaafay in ay soo geba-gebeeyeen hawlgallo dagaal oo ka dhan ah ururka Daacish oo ay afartii maalmood ee la soo dhaafay ka wadeen Buuraha Cal Miskaat ee gobolka Bari, gaar ahaan aagga deegaanada Canjeel, Dhaadaar, Dhasaan, Buq, Toox iyo Bohol ee u dhexeeya Balidhidin iyo Qandala.

Taliska ciidanka Amniga Puntland PSF iyo kuwa PMPF ayaa sheegay in ay sii wadi doonaa howl galka ay uga hor tagayaan in ururka Al-shabab iyo Daacish si aysan saldhigyo uga sameysan dhulka buuraleyda ah ee Gobolka Bari iyo deegaanada Puntland waxaan ay maalmo ka hor la geeyey degmada Jariiban ee Gobolka Bari cidamo ka tirsan kuwa Badda ee PMPF si ay u sugaan nabadgelyada xeebaha Gobolka Mudug.

M_M_Deeq
Halgan.net

R/Wasaare Ku-xigeenka JFS oo ka qayb galay shirka Wasiirrada Gaashaandhigga ee Isbahaysiga la dagaalanka Argagixisada.[Masawiro]

Sun, 11/26/2017 - 19:53

Ra’iisul Wasaare ku-xigeenka Xukuumadda Federaalka ah ee Soomaaliya Mudane Mahdi Maxamed Guuleed (Khadar), ayaa magaalada Riyad ee dalka Sucuudiga uga qeyb galay shirka Wasiirrada Gaashaandhigga ee isbahaysiga la-dagaalanka argagixisada. Waxana kulankani ka qeyb galaya in ka badan Afartan waddan, iyadoona diiradda lagu saaray dhibaatada ay kooxaha argagaxisada ah ku hayaan dalalka Islaamka.

Ra’iisul wasaare ku-xigeenka Soomaaliya oo khudbad dheer ka jeediyey shirka ayaa ugu horeyn uga mahad celiyey Boqortooyada Sucuudiga ee marti gelisay shirka, wuxuuna ka waramay sida ay dawladda Soomaaliya uga go’an tahay ciribtirka kooxaha xagjirka ah.

Mudane Khadar ayaa ka warbixiyay dhibaatada Al-shabaab ku hayso shacabka Soomaaliyeed, isagoo soo qaatay qaraxyadii ugu dambeeyey ee ka dhacay Muqdisho oo ku naf-waayeen shacab aan waxba galabsan iyo sidoo kale qaraxii bishan ka dhacay dalka Masar.

[See image gallery at halgan.net]

Ra’iisul wasaare ku-xigeenka ayaa la kulmay dhaxal sugaha boqortooyada Sacuudiga Amiir Mohammed Bin Salmaan, waxaana ay ka wada hadleen adkeynta xiriirka labada dal iyo sidii la iskaga kaashan lahaa arrimaha amniga, dhaqaalaha, Waxbarashada iyo Caafimaadka.

Wafdiga Ra’iisul Wasaare ku-xigeenka ayaa waxaa kamid ah La-taliyaha Madaxweyne ee arrimaha ciidamadda S/Guud Bashiir Maxamed Jaamac iyo saraakiil sare oo ka tirsan Xafiiska Ra’iisul Wasaaraha.

—DHAMMAAD—

Madaxweynaha Dawlada Puntland oo la kulmay Wasiirka arrimaha dibadda dalka Itoobiya

Fri, 11/24/2017 - 16:49

Addis:-Madaxweynaha Dawlada Puntland Dr. Cabdiweli Maxamed Cali Gaas oo weli ku sugan dalka Ethio oo uu kulamo gaar gaar ah
la lahaa, ayaa magaalada Addis Ababa kulan kula yeeshay Wasiirka Arrimaha Dibadda dalka Ethiopia Mr. Workneh Gebeyehu.
Madaxweynaha dawladda Puntland iyo Wasiirka Arrimaha dibadda dalkaasi Ethiopia ayaa waxa ay kawada hadleen xoojinta Xidhiidhka taariikhiga ah ee ka dhexeeya Soomaaliya iyo Ethiopia gaar ahaan Puntland iyo arrimo la xidhiidha furitaanka Custom ka Tuur-dibi ee xuduudda Puntland iyo Ethiopia.

Madaxweynaha dawladda Puntland Dr. Cabdiweli Maxamed Cali Gaas ayaa xaqiijiyey in Soomaaliya iyo Ethiopia gaar ahaan Puntland leeyihiin xidhiidh tariikhiya kaas oo ku qotoma arrimaha Ganacsiga, Amaanka iyo siyaasadda, isla markaana ku salaysan iskaashi, wax wada qabsi iyo siyasad togan.

Sidoo kale Madaxweynaha Puntland ayaa hoosta ka xariiqay in Puntland diyaar u tahay wanaajinta xidhiidhka Puntland iyo Ethiopia ee soo jireenka ah, waxaana uu tilmaamay Madaxweynuhu in ay Puntland iyo shacabkeeduba diyaar u yihiin inlaga wada shaqeeyo wax kasta oo horumarin kara xidhiidhka labada dhinac.

Wasiirka Arrimaha Dibadda dalkaasi Ethiopia Mr. Workneh Gebeyehu ayaa dhankiisa ku dheeraaday muhiimadda ay leedahay adkaynta xidhiidhka taariikhiga ee ka dhexeeya Soomaaliya iyo Ethiopia gaar ahaan Puntland, isagoona xusay xidhiidhkaasi in uu yahay mid ku salaysan kalsooni iyo saaxiibtinimo, waxaana uu xaqiijiyey in dalka Ethiopia ku jiro abaabulka wefti ay usoo dirayaan furitaanka Custome ka Tuur-dibi ee xuduudda Puntland iyo Ethiopia.

Madaxweynaha dawladda Puntland Dr. Cabdiweli Maxamed Cali Gaas iyo weftiga uu hogaaminayo ayaa soo afmeeri doona shafarkooda shaqo ee ay ku joogeen muddo 5 Cisho ah magaalada Addis Ababa, Madaxweynaha iyo weftigisa ayaa guul ka gadhay safarkooda shaqo ee ay ku tageen dalka Ethiopia.

=DHAMMAAD=

XAFIISKA, WARFAAFINTA, WACYI-GELINTA , HIDDAHA IYO DHAQANKA EE MADAXTOOYADA DAWLADDA PUNTLAND.

Shirka golaha Wasiirada PL oo loga hadlay amniga , Abaaraha , Canshuuraha Biriga iyo Arrimo kale

Fri, 11/24/2017 - 09:20

Garoowe:-Shirka golaha wasirada dowladda Puntland oo looga hadlay amniga , Abaaraha , Canshuuraha Biriga iyo Arrimo kale, shirka ayaa waxaa shir gudoominayey Madaxweyne ku xigeenka Puntland Eng. Camey.

[See image gallery at halgan.net]

M_M_Deeq
Halgan.net

Shirka Golaha Wasiirada dowlada Federaalka Soomaaliya oo looga hadlay arrimo kala duwan.[Masawiro]

Thu, 11/23/2017 - 21:29

Muqdisho:-Shirkii caadiga ahaa ee Golaha Wasiirada ee Xukuumadda Dawladda Federaalka ay maanta yeesheen oo uu bilowgii shir-guddoomiyey Ra’iisul Wasaare ku xigeenka Xukuumada Mudane Mahdi Maxamed Guled (Khadar), halka uu qeybtii danbe uu shir-guddoominayey Ra’iisul Wasaaraha Xukuumadda Mudane Xasan Cali Khayre ayaa lagu ansixiyey xubin ka mid ah Guddiga Madaxa Bannaan ee Dastuurka, loogana hadlay arrimaha amniga, maaliyada, heshiiska Xaquuqda Caruurta, shirweynaha amniga iyo horumarka dhaqaalaha iyo arrimo kale.

Ugu horreyn, Wasiir ku xigeenka Amniga Gudaha ayaa ka warbixiyey xaalada guud ee amniga, howlgallada militariga iyo kuwa xasilinta dalka. Sidoo kale waxuu golaha la wadaagay horumarka laga sameeyey hirgelinta qorshaha amniga oo uu sheegay in ay gacanta ku hayaan baaritaano dhab ah oo dad la tuhunsanyahay ah.

Ra’iisul Wasaare ku xigeenka ayaa Golaha Wasiirada uga warbixiyey ahmiyada shirarka waaweyn oo Muqdisho lagu qaban doono 4ta iyo 5ta December 2017. ,Axmed Caynte Madaxa Hay’ada Xiriirka iyo Deeqaha ayaa Golaha siiyey warbixin ku aadan shirka 5ta December ee ah Somali Partnership Forum oo looga hadli doono horumarka dhaqaalaha, mashaariicda la qorsheynayo iyo arrimaha gargaarka oo ay beesha caalamku ka soo qeybgalayaan. Axmed Caynte ayaa sharaxay ahmiyada kulankan iyo sida looga doonayo Dawladda Federaalka inay ku soo bandhigto waxqabadkeeda si caalamka uu u qiimeeyo una dardargeliyo taageeradooda muhiimka ah.

Sidoo kale Axmed Diirshe oo ah Xoghayaha Joogtada ee Wasaarada Qorsheynta ayaa ka warbixiyey sida ay Wasaarada Qorsheynta u diyaarisey mashaariicda dalka oo dhammaantood la waafajiyey baahiyaha dowlada Federaalka iyo Qorshaha Horumarinta Dalka.

Ra’iisul Wasaare ku xigeenka ayaa isna ka warbixiyey shirka guddiga wasiirada ee arrimaha Siyaasada oo uu sheegay in kulankoodii u danbeeyey la isla meel dhigay arrimo badan, waxuuna ka codsaday Omar Dhagey oo ah La Taliyaha Ra’iisul Wasaaraha inuu warbixin dheeraad ah siiyo golaha wasiirada. Omar ayaa sheegay in shaxdii iyo nidaamkii Federaaleynta dalka, dib-u-eegista dastuurka iyo hirgelinta doorashooyinka la diyaariyey oo ay meel fiican marayaan. Ra’iisul Wasaare ku xigeenka ayaa hoosta ka xariiqay ahmiyada dejinta qorshaha siyaasada dalka ee shacabka loogu horseedayo qabsoomida doorashooyin hal cod iyo hal shaqsi ah 2020ka.

Wasiirka Haweenka & Xaquuqul Insaanka, Marwo Deqa Yasin Haji Yusuf ayaa golaha siiyey warbixin dhameystiran oo ku aadan wadatashi iyo daraasad ay ka soo sameynayeen Dowlad Goboleedyada iyo G/Benadir oo carruurta Soomaaliyeed lagu xog-wareysanayey xaaladooda dhabta ah, caqabadaha jira iyo fursadaha si kor loogu qaado adeegyada aasaasiga ah ee carruurta iyo kor u qaadista xaquuqda carruurta. Wasiir Deeqa ayaa sheegtay in heshiiskii Xaquuqda Carruurta ee Soomaaliya ay saxiixday 2015kii na-looga baahnaa inaan warbixin dhameystiran gudbino labo sano gudahood, tanoo ah sababta daraasada, wadatashiga iyo xog-ururinta loo sameeyey.

Wasiir ku xigeenka Dastuurka Hussein Abdi Elmi ayaa golaha wasiirada u soo gudbiyey talo soo jeedin ku aadan buuxinta xubin ka mid ah Guddiga Dastuurka ee Madaxa Bannaan oo horey u bannaanaatay. Wasiir ku xigeenka ayaa golaha ka codsaday inay ansixiyaan in Marwo Mumina Sheikh Omar oo horey u noqotay Wasiir ku xigeen iyo xildhibaan, lehna aqoon, waayo aragnimo, karti iyo hufnaan si ay u buuxiso booska bannaan oo ay xubin uga noqoto Guddiga Madaxa Bannaan ee Dastuurka. Golaha Wasiirada ayaa dood dheer ka dib si wadar-oggol ah u ansixiyey in Mumina Sheikh Omar ay xubin ka noqoto Guddiga Madaxa bannaan ee Dastuurka. Wasiirka Dastuurka iyo Wasiir ku xigeenka ayaa dadaal dheer ku bixiyey sidii booska bannaanaaday ay u buuxin laheyd shaqsi dumar ah oo leh waayo aragnimo, karti, hufnaan, aqoon iyo iyadoo horey dalka mas’uul uga soo noqotay.

[See image gallery at halgan.net]

Golaha Wasiiradda ayaa Wasiirka iyo Wasiir ku xigeenka Dastuurka ku ammaanay dadaalkooda iyo soo xulitaanka shaqsi ku habboon xilkan culus, tanoo ah tallaabo horey loo qaaday.

Wasiirka Maaliyada ayaa ka warbixiyey horumarka laga sameeyey maamulka iyo maareynta Maaliyada oo mashruuca heshiiska geedi-socodka ee Deyn Cafiska (SMP) lagu guuleystay in dhammaan shuruudihii caalamka intooda badan la fuliyey, inta dhimana la rajeynayo in dhamaadka sanadka la dhameystiro, tanoo albaabada u furi doonta Soomaaliya in deymaha laga cafiyo, isla markaasna laga hirgeliyo mashaariic waaweyn sida wadooyinka, warshadaha, kaabayaasha dhaqaalaha si loo kobciyo dhaqaalaha dalka, loona abuuro shaqooyin horseeda nabad waarta. Ra’iisul Wasaare Khayre ayaa hoosta ka xariiqay ahmiyada siyaasad ahaan iyo ajenda ahaan ee Dowlada Federaalka ay tahay in caalamka ay ku kalsoonaadaan nidaamka maamulka iyo maareynta maaliyada si dalka looga hirgeliyo mashaariic horumarineed.

Ra’iisul Wasaare Xasan Cali Khayre oo safar shaqo ku tagey shalay Baydhabo ayaa ku soo biirey golaha wasiirada ugana warbixiyey safarkiisa, oo uu sheegay in si heer sare ah loo soo dhoweeyey, isla markaasna uu wadatashiyo ballaaran la soo sameeyey Madaxweynaha Koofur Galbeed, maamulka, Madax dhaqameedka, dhalinyarada, haweenka, culumada iyo dhammaan qeybaha bulshada oo dhammaan tood diyaar u ahaa xoojinta nidaamka dowliga ah. Ra’iisul Wasaraha ayaa sheegay in safarka uu baydhabo ku tagey ay qeyb ka tahay dardargelinta xoojinta xiriirka Dawlada Federaalka iyo Dowlad Goboleedyada, isagoo ballanqaaday in mashaariic horumarineed laga fulin doono deegaanada Koofur-Galbeed oo ay ugu horeyso dhismaha waddada isku xirta Muqdisho iyo Baydhabo si shaqo abuur ay ugu noqoto dhalinyarada isla markaasna loo kordhiyo ganacsida iyo koboca dhaqaalaha dalka.

—DHAMMAAD—-

Golayaasha fulinta Al-minhaaj Gobolka Mudug oo safar dacwo ku tegay degmada Xarfo.[Video/Masawiro]

Thu, 11/23/2017 - 16:57

Gaalkacyo:-Maalinnimadii jimcaha ee ku beegnayd 17/Nov/2017 ayaa waxaa rixlo dacwo ah ugu ambabaxay degmada xarfo golayaasha fulinta Mu’asasada Al-minhaaj Gobolka Mudug. Kulankaan oo ahaa kii ugu horreeyay ee noociisa ah oo ay ku kulmaan golayaasha fulinta mu’asasada Alminhaaj G/Mudug ayaa waxaa kasoo qayb galay magaalooyinka kala ah:-

1- Gaalkacyo

2- Galdogob

3- Bursaalax

4- Bacaadweyn

5- Xarfo

6- Cagaaran

Kulankaan oo looga tashanayay hormarinta dacwada Gobolka Mudug ayaa isbarasho ka dib waxaa kalmad wacdi ah kas oo jeediyay Sh, C/naasir yuusuf Xuseyn ka dib waxaa kalmad maamulka iyo maareynta ku saabsan oo aad looga faa’iidaystay kulanka ka soo jeediyay Sh, C/laahi Cali Ugaas.

Intaas markii laga soo gudbey waxaa kalmado ay uga warbixayaan dacwada degmooyinka lasiiyay gudoomiyayaasha Mu’asasada Al-minhaaj ee kasocdey lixdii degmo ee kasoo gaybgalay kulankaan waxa ayna si kooban uga warbixiyeen heerka dacwo ee degmiiyinka gobolka, fursadaha ay haystaan, iyo caqabadaha hortaagan.

Gudoomiyaha Mu’asasada G/mudug Sh. Cawil Axmed Muumin oo kalmadahaas kadib hadalka qaatay ayaa si guud ugu mahad celiyay guddoonka iyo xubnaha mu’asasada Al-minhaaj ee degmada xarfo oo kulankaan martigeliyay waxa uu soo jeediyay kalmad dardaaran ah oo aad uqiimo badan kadibna waxaa uu sagootiyay dhammaan akhyaarta ku hawlan hormarinta dacwada gobolka isagoo sheegay inuu usafri doono magaalada hargeysa oo uu waxbarasho u aadi doono.

Waxaa markaas lagaaray waqtigii salaadda duhur markii latukadey kadibna qado,hurdo, iyo Nashaadaad yar-yar kadib waxaa lagaarey waqtigii salaadda casar markii latukadey kadibna waxaa laga dooday qodobbo dhawr ahaa oo si guruubyo ah looga dooday kadibna lagasoo saarey go’aammo la isla gartay in lugu hormarin karo dacwada gobolka oo ay ka mid ahaayeen.

[See image gallery at halgan.net]

1- in la magacaabo Guddoomiyaha Mu’asasada G/mudug una madax bannaan gobolka oo aan isku hayn xilka gobolka iyo kan degmada Gaalkacyo sidii gudoomiyihii hore.

2- In la isku xiro xubnaha mu’asasada G/mudug loona sameeyo guruubyo ay kuwada xiriiraan.

3- In la labo-labo loo walaaleeyo degmooyinka G/mudug si ay isaga kaashadaan Hormarinta Dacwada.

4- In labadiyo kulammada noocaan ah degmo kastana ay markeeda marti geliso.

5- In dhammaan qodobadii laga doodey sidii la isla gartey xal looga gaaro isla markaana Hormarinta iyo dacwda gobolka la isku kaashado.

Gabagabadii kulanka waxaa kalmad kusaabsan hoggaamiyaha iyo hoggaaminta kasoo jeediyay Ustaad. Ibraahim Daahir Axmed oo si kooban uga faa’iideeyay waqtigii lasiiyay kadibna waxaa laqaatey kulammo gaar-gaar ah qiimeyn kadibna waxaa lasoo gabagabeeyay kulan aan caadi ahayn oo degmada xarfo ku qabsoomay.

Ugu danbeyn Guddoomiyaha Mu’asada Galdogob Sh. Farxaan Axmed Busur ayaa kulanka danbe martigelintiisa qaatay waxaana la isugu imaan doonaa Degmada Galdogob Haddi uu Allaah idmo.

Hoos ka Daawo Dacwo Iyo Dalxiis golayaasha fulinta ee Al-minhaaj ee Gobolka Mudug 

Mu’asasada Al-minhaaj
ee Gobolka mudug

Pages