News From Halgan Net

Subscribe to News From Halgan Net feed
Somali News
Updated: 34 min 5 sec ago

Wasiiru dowlaha Arrimaha Dibadda oo nuqul ka mid ah warqadaha aqoonsiga ka guddoomay danjiraha cusub ee France.[Masawiro]

Tue, 07/25/2017 - 17:14

Muqdisho, July 25, 2017 – Wasiiru dowlaha Arrimaha Dibadda iyo Iskaashiga Caalamiga ee Jamhuuriyadda Federaalka Soomaaliya H.E. Mr. Abdulkadir Ahmed-Kheir Abdi ayaa maanta kaga guddoomay Xafiiskiisa nuqul ka mid ah Warqadaha aqoonsiga danjiranimo Safiirka cusub ee Jamhuuriyadda France u qaabilsan Jamhuuriyadda Federaalka Soomaaliya Amb. Antoine Sivan.

Qaabilidda Safiirka cusub kadib, waxaa Wasiiru dowluhu la yeeshay kulan gaar ah Danjire Antoine Sivan oo ay ka wada hadleen xoojinta xiriirka iyo iskaashiga ka dhexeeya labada dal , xaaladihii ugu dambeeyay gobolka iyo arrimaha ammaanka.

Waxaa xusid mudan in Xiriirka diblomaasiyadeed ee Soomaaliya iyo France uu si rasmi ah u bilowday waqti yar kadib gobonnimada 1960. Soomaaliya ayaa waxaa kala dhaxeeya France xiriir dhinacyo badan leh oo ku qotama iskaashi iyo dano wadaag.

[See image gallery at halgan.net]

Munaasabadan kooban ayaa waxaa goob joog ka ahaa Xoghayaha joogtada KMG ah ee Wasaaradda Arrimaha Dibadda iyo Iskaashiga Caalamiga Amb. Cali Maxamed Cali, Agaasimayaasha Waaxyaha habmaamuuska, Yurub iyo Ameerika.

Halgan.net

 

Mu’assada Al-Minhaaj ee degmada Galdogob ee Gobolka Mudug oo daahfurtay Barnaamijka Wacyigelin ah.[Masawiro]

Mon, 07/24/2017 - 23:09

Galdogob:-Mu’assada Al-Minhaaj ee magaalada Galdogob ee Gobolka Mudug ayaa saaka si rasmi ah u daah furtay Barnaamijka Wacyigalinta iyo Nashaadaadka Xagaaga 2017, qaybtiisii ugu horaysay ee siminaarada, barnaamijkaas oo xagaagaan ka kooban:-

1) Koorsooyin iyo tababro lagu hormarinayo shaqsiyada aqoonyahanka iyo xirfadihiisa oo uu bixinayo Dr shaafici oo hormuudka jaamacadda Salaam ee Muqdisho ahna enternataional trinner, qaybaha qaadanayaana waa xulka ardayda jaamacadaha iyo dugsiyada sare, aqoonyahanka gabdhaha iyo hawlwadeenada dugsiyada iyo dacwada.

2) Daraasad ku saabsan dhaqaalaha islaamka iyo beeca oo isugu jirta muxaadaro iyo fataawi oo muassasadu la kaashanayso Bangiga Amal oo soo jeedinayo Dr Axmed Jaamac Ismaaciil Mire.

[See image gallery at halgan.net]

3)Nadwo ku saabsan hagaajinta ama islaaxa heer kasta: Bulsho, Qoys iyo qofba, waxaana soo jeedinaya culumo kala duwan oo kaimaanaya meelo kala duwan.

4) Shirka horumarinta degmada Galdogob oo aqoonyahan kala duwan casharo muhiim ah kasoo jeedin doonaan enedheergarad kala duwana ka qayb qaadan doonaan.

5) Kulamo iyo wadatashiyo dib loogu eegayo goobaha ugu muhiimsan ee dacwada iyo waxbarashada, maamul cusubna loogu magacaabayo Mu’assada Al-Minhaaj ee magaalada Galdogob ee Gobolka Mudug.

Mu’assada Al-Minhaaj ee
magaalada Galdogob

Ciidamada Puntland oo ku qabtay gobalka Sanaag xubno ka tirsan Kooxda Daacish

Mon, 07/24/2017 - 19:56

Ciidamada Ammaanka maamulka Puntland ayaa sheegay in ay gacanta ku dhigeen 10 qof oo looga shakisan yahay in ay ka tirsan yihiin kooxda Daacish waxaana laga qabtay xubnahaas degaanka Cawsane ee gobolka Sanaag .

Taliyaha Ciidamada Daraawiishta ee aaga Cawsane ee gobalka Sanaag ayaa sheegay in dadkaasi ay ka yimaadeen magaalada Burco gaar ahaan deegaanka Beer ,islamarkaana ay ka tirsan yihiin Daacish kuna sii jeedeen Buuraha Calmadow .

Fu’aad Warsame Xanaano oo ah taliye ka tirsan Ciidamada Daraawiishta Puntland ee ku sugan Sanaag ayaa sheegay in xubnaha la qabtay ay saarnaayeen gaari Saaruf ah wuxuuna sheegay in ay u soo gudbiyeen magaalada Boosaaso ee xarunta gobalka Bari.

Dadka ku dhaqan Cawsane ee gobolka Sanaag ayaa war galiyey ciidamada amaanka ka dib markii ay ka shakiyeen 10 qof ee saarnaa gaariga saaruf ah waxayna kala yihiin 8 raga iyo 2 dumara .

M_M Deeq
Halgan.net

Culumada Soomaaliyed oo Bayaan ka soo saaray xadgudubyadda Yahuudu ku hayaan Shacabka reer Falastiin.[Masawiro]

Mon, 07/24/2017 - 16:43

Muqdisho:-Kulankaan oo ay iskugu yimaadeen magaalada Muqdisho ee caasimada Soomaaliya Culimada Soomaaliyeed ayaa waxaa ku Cambaareeyeen dhibaatooyinka iyo xadgudbyada baahsan oo ciidanka Israil ay ku ahayaan shacabka reer Falastiin oo ay dalkooda xoogga ku haystaan. Culimada Soomaaliyeed ayaa waxa laga xumaado ku tilmaamtay in dowladda Islaamka iyo Madaxooda ay ka aamusaan xadugudbka ay Ciidanka Israil ay shacabka reer Falastiin ay uga hor istaageen in ay ku cibaadaystaan Masjidka barakaysan ee Al- Aqsa laguna dhibaateeyo shacabka aan waxba galabsan ee reer Falastiin.

Hoos ka akhri bayaanka culimada Soomaaliyeed ay ka soo saareen xadgudubka Israil ku hayso shacabka reer Falastiin

[See image gallery at halgan.net]

 

Guddoomiyaha ha’yadda culimada Soomaaliyeed Sh,Bashiir Axmed Salaad oo la hadlay saxaafadda ayaa waxaa uu akhriyay bayaanka ay ka soo saareen hay’adda culimada Soomaaliyeed dhibaatooyinka Yahuudda ay ku hayaan muslimiinta reer Falastiin iyo masjidka barakeysan ee Al-Aqso, waxaan culimadu ay bogaadiyeen shacabka reer Falastiin ee ka dhiidhiyey xadgudbka ay Yahuudu ka wadan dhulka Falastiin.

[See image gallery at halgan.net]

Hoos ka Daawo bayaanka Guddoomiyaha ha’yadda culimada Soomaaliyeed Sh,Bashiir Axmed Salaad

A/cawaale
Halgan.net

Ra’iisul Wasaare Khayre “Yeddediillo ayey na gelineysaa horumarka dhanka amniga ah ee aad ka sameyseen caasimadda”[Masawiro]

Mon, 07/24/2017 - 16:42

Muqdisho:-Ra’iisul Wasaaraha Xukuumadda Federaalka ah ee Soomaaliya Mudane Xassan Cali Khayre ayaa galabta kormeer shaqo ku tagey qaar kamid ah xarumaha ciidamada Dawladda ee magaalada Muqdisho. Ra’iisul Wasaaraha ayaa marka hore tegay xaruntii hore xisbiga ee ka mid ah xarumaha ay deggan yihiin Ciidamada Xasilinta Caasimadda ayaa kulan la qaatay saraakiisha isla-markaana halkaasi kula hadlay ciidamadda.

Mudane Xasan Cali Khayre, ayaa uga mahad-celiyey Ciidamadda Xasilinta caasimadda horumarka dhanka amniga ah ee ay caasimadda ka sameeyeen mudada yar ee ay howl-gallada wadaan. “Anaga iyo Shacabka Soomaaliyeed, waxaa idin kaga mahadcelinaynaa howlgallada aad fuliseen oo ay cadowga ee kaaga hortagteen falalka cadowgu damacsanaayeen. Dadalkiina dad Soomaaliyeed ayaa ku badbaaday waxana idinku ammaanayaa idinkooda ku shaqeeya duruufo adag sida sharafta leh ee dalkiina iyo qarankiina ugu adeegteen.

“Yeddediillo ayey na gelineysaa horumarka dhanka amniga ah ee aad ka sameeyseen caasimadda tan markii qorshaha xasilinta caasimada ay dejisay xukuumadda, waxaan dooneynaa inaad sii laba-laabtaan dedaaladiina ku aadan nabadeynta Muqdisho, dawladdana waxay kordhin doontaa wax walba oo awooddeeda ah si loo yareeyo daruufaha aad ku shaqeyneysaan”. Ayuuu yiri Ra’iisul Wasaare Khayre.

Ra’iisul Wasaaraha ayaa u sheegay ciidamadda xasilinta caasimadda ee uu maanta booqday in ay xoojiyaan xirriirka shacabka si ay ugu sahlanaato ka hortagga falalka guracan ee kooxaha nabad-diidka.

“Shacabka waa inaad u nug lahaataan ulana dhaqantaan si dabacsan oo ixtiraam leh xiliyada aad ku jirtaan howlgallada ka dhanka ah kooxaha nabad diidka ee ku dhumaaleysanaya bulshada dhaxdeeda si ay u sahlanaato wada shaqeynta aad la leedihiin Shacabka”ayuu yiri Mudane Xasan Cali Khayre.

[See image gallery at halgan.net]

Sidoo kale Ra’iisul Wasaaraha oo koormeerkiisa shaqo ee maanta ku tagey xarunta Villa Baydhabo ayaa indha-indheeyey qaar ka mid ah xafiisyada hoggaamada Ciidamada Xoogga Dalka. Ra’iisul Wasaaraha ayaa kulan la qaatay Taliyaha Ciidamada Xoogga Dalka iyo qaar ka mid ah saraakiisha Ciidamada Xoogga ayaa kala hadlay sidii sare loogu qaadi lahaa xirfada, aqlaaqda iyo xuquuqda ay leeyihiin ciidamada.

Ugh dambeeyntii, Ra’iisul Wasaaraha ayaa ku adkeeyey Saraakiisha Ciidamada Xoogga in qorshaha isla xisaabtanka xukuumadda ee lagula dagaallamayo musuqmuusaqa loo daadijiyo sarkaal ilaa askariga dablaha ah si loo hubiyo in askarta si hufnaan leh u helaan xuquuqdooda iyo garaam bileedka dawladda ay ku bixiso ciidamadda Xoogga Dalka. Waxana kormeerka R/Wasaaraha ku weheliyey Wasiirrro ka tirsan Xukuumadda.

DHAMMAAD
Xafiiska Warbaahinta iyo Xiriirka
Muqdisho, Somalia

Wasiir Xoosh iyo wafdi uu hogaaminayo oo la kulmay Madaxweynaha iyo Baarlamaanka Jubbaland.[Masawiro]

Sun, 07/23/2017 - 20:31

Kismaayo:-Wafidi uu hogaaminayo Wasiirka Wasaaradda Arrimaha Dastuurka ee Xukuumadda Federaalka Soomaaliya Mudane C/raxmaan Xoosh Jibriil ayaa waxa ay la kulmeen Madax weynaha Dawlad Goboleedka Jubbaland Mudane Axmed Maxamed Islaan (Axmed Madoobe). Wasiir Cabdi Xoosh ayaa Madaxweyne Axmed Madoobe uga warbixiyay ujeedka safarka wafdiga uu hogaaminayo ay ku soo gaareen Kismaayo.

“Mudane Madaxweyne marka ugu horeeysa waan kaaga mahadcelinayaa kulankan aad nala yeelatay, marka xigta waxa aan u inimid in madaxda iyo shacabka ku nool deegaanada Jubbaland aan ka tala gelino Qorshaha Guud ee hannaanka dib-u-eegista Dastuurka, waxa aan doneynaa in aan bilaawno Geedi-socodka dib loogu eegayo Dastuurka oo aan ka shaqeyneyno in ka qaybgalkiisu uu noqdo mid loo dhanyahay”.

Sidoo kale Madaxweyne Axmed Madoobe ayaa ku ammaanay Wasiirka iyo wafdigiisa sida ay u go’antahay in arin walba oo ku saabsan Dastuurka laga talageliyo dawlad goboleedyada iyo dadka Soomaaliyeed.

Dhanka kale, Wafdiga Wasiir Xoosh ayaa la kulmay Gudoomiyaha, Gudoomiye ku-xigeennada iyo Guddiga Arrimaha Dastuurka ee Baarlamaanka Jubbaland, iyaga oo kawada hadlay sidii Geedi-socodka dib-u-eegista Dastuurka uu u noqon lahaa mid lagu galo qorsho diyaarintiisa loo dhanyahay.

[See image gallery at halgan.net]

Gebagabadii, AVV Cabdiraxmaan Xoosh Jibriil ayaa Baarlamaanka Jubbalanad ka codsaday in ay Wasaaradda kala shaqeeyaan Geedi-socodka taariikhiga ah ee dib-u-eegista Dastuurka.

—–DHAMAAD—–

Al Minhaaj iyo Wasaarada Cadaalada oo Soo Dhaweeyey Ardaydii Puntland Uga qayb gashay Tartanka Qur’aanka (Masawiro)

Sun, 07/23/2017 - 16:58

Mu’asasada AlMinhaaj iyo Wasaarada Cadaalada ayaa soo dhaweyn u sameeyey oArdaydii Puntland Uga qayb gashay Tartanka Qur’aankaee lagu qabtay magaalada Muqdisho ,Soo dhawayntaan oo ahayd mid balaaran islamarkaana ay ka soo qayb galeen Madax ka socotay Wasaarda Cadaalda /Mu’asasada Al-Minhaaj Gobolka Nugaal/ Culima Aw diin iyo waaridiin ayaa ka dhacaday Goroonka Diyaaradaha Ee Kanoco Oo ku yaal duleedka Garoowe.

Ardaydaan oo dhamayd 3 wiil islamarkaana ka qayb gashay Tartanka Qur’aanka heer Soomaaliya oo lagu qabtay Magaalada Muqdisho waxay  hoyiyeen guulo muhiim ah iyogoo galay Qaybo ka mid ah kaalimaha sare.
Gudoomiyaha Mu’asasada Al-Minhaaj Sh Mukhtaar Axmed Faarax ayaa Goobta soo dhawanta ka sheegay in minhaaj ahaan ay aad ugu faraxsan yihiin soo dhawantaan qiimaha badan waxaayna mudan yihiin in sidaan iyo si ka sii wanaagsan loo soo dhaweeyo Ayuu Yiri.

[See image gallery at halgan.net]

Ismaaciil Xaaji Cabdi oo kasocday wasaraada Cadaalada Dowlada Puntland ayaa isna dhan kiisa soo dhawayntaan ka jeedshay khudbo qiimo badan waxaana uu sheega in loodiyaariyay ardaydaan in ay soo dhaweeyaan Mas’uuliyiin heer Wasiiro ah balse Aysan suurtagalin .

Nuur Jaamac Aadan
Halgan Garowe

114 Maxaabiis oo laga soo daayay Xabsiga ku yaal Ethiopia oo Muqdisho gaaray

Sat, 07/22/2017 - 22:31

114 xubnood kamid ah maxaabiistii Soomaalida aheyd ee ku xirneyd xabsiyada dalka itoobiya ee dhawaantan ay dowladda Soomaaliya ku guuleysatay in ay soo furato, ayaa caawa kasoo dagay garoonka diyuuradaha Aadan-cadde ee magaalada Muqdisho.

Maxaabiistan lasoo daayay waxaa safarkooda ku wehlinayay Danjiraha Soomaaliya ee Itoobiya fadhiya Max’ed Cali Nuur iyo Safiirka Itoobiya ee Soomaaliya jooga Jamaaluddiin Mustafa.

Waxaa garoonka diyuuradaha kusoo dhaweeyay wasiirka arrimaha dibedda Soomaaliya Yuusuf Garaad Cumar, xildhibaanno iyo qaar kamid ah ehelada dadkan lasoo daayay.

Sii deynta maxaabiistan ayaa ku timid wadahadal horraantii bishan R/wasaaraha Soomaaliya Xasan Cali Kheyre uu Addis Ababa kula yeeshay madaxda dalka Itoobiya.

Waxaa wali ku harsan dalkaasi 6kamid ah maxaabiista la ogolaaaday in ay xorriyaddooda dib u helaan kuwaasoo la sheegay in dhawaantan ay iyaguna dalka soo gaari doonaan.

VOA Somalia
Halgan.net

Arday ka soo qayb gashay Tartan Quraan oo ka dhacay Muqdisho oo lagu soo dhaweeyey Garoowe.[Masawiro]

Sat, 07/22/2017 - 20:37

Garoowe:- Masuuliyiin ka socda Al-minhaaj iyo wasaaradda Cadaalada Puntland ayaa soo dhawayn balaadhan u sameeyey Ardaydii Puntland uga qayb gashay Tartanka Qur’aanka Soomaaliya. waxaan xafladaan ka soo qayb galay Madax kala duwan oo ka socotay Wasaarda Cadaalda /Mu’asasada Al-Minhaaj Gobolka Nugaal, Culima Aw diin iyo waaridiin waxaan soo dhaweyntu ka dhacday Goroonka Diyaaradaha ee Kanoco oo ku yaal Duleedka magaalada Garoowe.

Ardaydaan oo dhamayd 3 wiil islamarkaana ka qayb gashay Tartanka Qur’aanka Heer Somali oo lagu qabtay Magaalada  Muqdisho waxay kasoo hoyiyeen guulo muhiim ah iyogoo galay Qaybo ka mid ah kaalimaha sare.

[See image gallery at halgan.net]

Gudoomiyaha Mu’asasada Al-Minhaaj Sh Mukhtaar Axmed Faarax  ayaa Goobta soo dhawanta ka sheegay in Minhaaj ahaan ay aad ugu faraxsan yihiin soo dhawantaan qiimaha badan waxaayna mudan yihiin in sidaan iyo si ka sii wanaagsan loo soo dhaweeyo.

Ismaaciil Xaaji Cabdi oo ka socday wasaraada Cadaalada Dowlada Puntland ayaa isna dhan kiisa soo dhawayntaan k ajeedshay khudbo qiimo badan waxaana uu sheega in loo diyaariyay ardaydaan in ay soo dhaweeyaan Mas’uuliyiin heer Wasiiro ah balse  Aysan suurtagalin .

Nuur Jaamac Aadan
Halgan Garowe

 

Wasiirka Wasaaradda Arrimaha Dastuurka ee Xukuumadda Federaalka Soomaaliya oo gaaray Kismaayo.[Masawiro]

Fri, 07/21/2017 - 19:50

Kismaayo:-Wafdi heer sare ah oo uu hogaaminayo Wasiirka Wasaaradda Arrimaha Dastuurka ee Xukuumadda Federaalka Soomaaliya Mudane Cabdiraxmaan Xoosh Jibriil ayaa gaaray magaalada Kismaayo ee caasimadda KMG ah ee dawlad goboleedka Jubbaland. Wafdiga ayaa waxaa Garoonka diyaaradaha ee Kismaayo ku soo dhaweeyay masuuliyiin ka tirsan Jubbaland oo isugu jiray Wasiiro iyo Xildhibaano.

Intaa kadib, waxaa wafdiga loo galbiyay madaxtooyada Jubbaland oo ay salaan ugu tageen Madaxweynaha Dawlad Goboleedka Jubbaland Mudane Axmed Maxamed Islaam. Wasiir Cabdi Xoosh ayaa Madaxweynaha iyo masuuliyiinta Jubbaland ugu mahadceliyay sida wanaagsan ee ay u soo dhaweeyeen wafdiga uu hogaaminayay.

[See image gallery at halgan.net]

“Waxa aan idinkaga mahadcelinayaa sida Soomaalinimada leh ee aad noogu soo dhaweeyseen Kismaayo, waa wax ay can ku tahay Jubbaland” ayuu yiri Wasiirka. Ugu dambeyn, wafdiga ayaa maalmaha soo socda shirar ku saabsan Geedi-socodka dib-u-eegista Dastuurka la geli doona Madaxweynaha, Wasaaradda Dastuurka, iyo Ururada Bulshada Rayidka ee Jubbaland.

Halgan.net

Shirka Golaha Xukuumadda Dawladda Puntland oo Looga hadlay Arrimo Muhiima

Thu, 07/20/2017 - 16:26

Garoowe:-Shirka Golaha Xukuumadda Dawladda Puntland oo Looga hadlay Arrimo Muhiima

[See image gallery at halgan.net]

Guddoomiyaha degmada Xudur ”Roobow oo Diiday Codsi uga Yimid Al-Shabaab”.[Dhagayso]

Thu, 07/20/2017 - 16:25

Xudur:-Guddoomiyaha degmada Xudur Maxamed Macalin Axmed ayaa sheegay in kooxda Al-Shabaab ay ka codsatay Mukhtar Roobow Abu-Mansuur inuu dib ugu soo noqdo kooxda, hase ahaatee uu ku gacan seyray. Abu Mansuur iyo maleeshiyo uu wato oo ka soo baxay al-Shabab ayaa ku sugan meel u dhow Xuddur, waxaana ku hareeraysan maleeshiyada Al-Shabaab. Xiisaddan ayaa culyesy ku haysa magaalada Xudur oo hore go’doon u ahayd. Caasho Ibrahim ayaa khadka taleefanka ee magaalada Xudur kula xiriirtay Maxamed Macallin, guddoomiyaha Xuddur, waxayna ugu horreyn weydiisay waxa uu kala socdo xaaladda Abu-Mansuur.

Hoos ka Dhagayso Guddoomiyaha degmada Xudur Maxamed Macalin Axmed oo la hadlay VOA

Source:VOA

Dagaalo Khasaaro geystay oo ka socda gobalka Galgaduud (Dhageyso)

Thu, 07/20/2017 - 16:07

Galgaduud:-Wararka ka imaanaya gobalka Galgaduud ayaa sheegaya in dagaal culus uu ka sccdo degaanka Xaraale ee gobolka Galgaduud waxaana dagaalka uu u dhexeeyaa dadka deegaanka iyo kooxda Suufiyada ee la baxday Ahlusunna.

Dad goobjoogayaal ah ayaa warbaahinta u sheegay in Dagaalka uu u dhaxeeyay Ciidamo ka tirsan ururka Ahlusuna iyo dadka degaanka waxaana dagaalka uu geystay khasaaro leh dhimasho iyo dhaawac waxaana warar hordhac ah oo soo gaaray Halgan.net ay sheegayaan in 7 qof ku dhimatay dagaalka dhowr iyo toban kalana ay ku dhaawacmeen.

Wasiir ku xigeenka arrimaha gudaha maamulka Galmudug oo la hadlay Idaacada VOA ayaa dagaalkan ku eedeeyay maamulka Ahlusuna, wuxuuna uu sheegay in ay la dagaalamayaan dadka degaanka oo aan waxba galabsan .

Wasiirka ku xigeenka arrimaha gudaha maamulka Galmudug ayaa sidoo kale sheegay in aysan iyaga dagaalka qeyb ka ahayn.

Waxaa socda dadaal ay wadaan waxgaradka gobalka Galgaduud oo lagu joojinayo dagaalka ka socda waxayna ugu baaqeen labada dhinac in la joojiyo colaada xili ay abaaro xun ka jiraan deegaanada Galmudug.

A/Cawale
Halgan.net

Nadwadii ka socotay Magaalada Carmo oo la soo gabagabeeyey (Baaq+Masawiro)

Wed, 07/19/2017 - 21:12

Waxaa magaalada Carmo lagu soo afmeeray nadwo cilmiyeed ku saabsanayd midnimada ummada, nadwadaas oo ay soo qabanqaabisey mu’asasada Al minhaaj ee dacwada iyo horumarinta faraca gobolka ayaa socotay bari mudo gaaraysa 5 bari.
Nadwadaan oo ah tii 11aad ee lagu qabto xiliga xagaaga ah degmada carmo ayaa waxaa kamid ahaa ujeedoojinka looga gol-lahaa ku wacyi galin bulshada ahmiyada ay leedahay midnimada ummada, kadigida qoqobka iyo qabyaalada,boorinta iskaashiga bulshada dhexdeeda iyo tilmaamida kaalinta ay leedahay akhlaaqda wanaagsan .

Nadwa cilmiyeekaan oo ay ka qayb galayleen inta badan culimada ugu caasan soomaaliya ee kusugan deegaanada puntland. Ayaa waxay ka kakoobnay muxaadiraad habeenkii ah, fataawi,tababaro dhalinyarta ah iyo macalimiinta ah ,muxaadirooyin dumarka ah,kutub cilmi ah oo la-akhriyey iyo safaro dacwo oo lagutgay tuulooyin iyo magaaloyinka hoosyimaada degmada Carmo.

[See image gallery at halgan.net]

Nadwadan ayaa waxaa kaqayb qaatay culimo waaweyn oo ay kamid ahaayeen:
1. sheikh daahir awcabdi
2. sheikh Axmed Daahir xassan ,
3. sheikh Maxamed Macalin Axmed ,
4. sheikh xasan Maxamed muuse(bookh)
5. sheikh c/raxmaan Maxamed (bukhaari)
6. sheikh Fu’aad Maxamuud Xaaji.
7. Sheikh cusmaan maxamuud dirir
Munaasabadii gabagabada nadwada ayaa waxaa goobjoog ka ahaa culimadii nadwada waday , maamulka Mu’asasada Alminhaaj heer puntland iyo heer gobolka ,maamulka degmada carmo , qaybo kamid ah madaxda dhaqanka iyo bulsho badan oo masjidka soo xaadirtay.
Gabagabadii Nadwada ayaa waxaa laga soo saaray Bayaan qodobo dhowr ah ka kooban . Sikastabada ha ahaatee nadwadan ayaa waxay kusoo dhamaatay jawi aad uwanaagsan.

Xafiiska warbaahinta ee Mu’asasada ALminhaaj Bari.

Madaxweynaha Dawladda Puntland oo Maanta Kulan Layeeshay Madaxa Hay’adda INSO Soomaaliya Iyo Madaxa Hay’adda UNSOM Puntland.[Masawiro]

Wed, 07/19/2017 - 21:11

Garoowe:-Madaxweynaha Dawladda Puntland Dr. Cabdiweli Maxamed Cali Gaas ayaa maanta 19 July 2017 Qasriga madaxtooyada Garoowe ku qaabilay Madaxa hay’adda INSO ( international NGO safety Organization) Mr. Marcos Ferreiro ee wadamada Soomaaliya, Kenya, Nigeria, iyo Cameroon iyo Madaxa hay’adda UNSOM xafiiskeeda Dawladda Puntland mr Haward Bell. Kulankan ay yeesheen Madaxweynaha iyo labadani masuul ayaa lagaga wadda hadlayey arrimo la xidhiidha gorfaynta warbixino si khalada ay ugud biyaan hay’addo ka shaqeeya gudaha degaanada dawladda Puntland, kuwaasi oo caadeystey inay xaaladd been abuura ka sheegan amniga iyo xasiloonida ka jirta Puntland.

Arrinkani ayaa imanaya kadib markii shirkii Golaha Wasiiradda Dawladda Puntlaand 06 July 2017 kasoo sareen go’aan ah inaanay hay’adahaasi kasii shaqayn gudaha Puntland, waxaana ay golaha xukuumada dawladda Puntland isla shirkaasi fariin adag ugu direen hay’adaha ka hawlgala gudaha Puntland inaanay aaminin wararka been abuurka ah ee ay usoo gudbinayaan hay’addaha war xuma tashiilka caadeystey.

Madaxweynaha Dawladda Puntland Dr. Cabdiweli Maxamed Cali Gaas ayaa cadeeyey in aanay marnaba dawladda Puntland aqbalayn wax kasta oo wax yeelaynaya sumcadda, sharafta, cisiga iyo karaamada dawladda Puntland iyo shacabkeeda, isla markaana aan loo ogolaan doonin inay kasii shaqeeyaan gudaha Puntland cidii ku dhaqanta falalka been abuur ka ah iyo kuwa xanbaarsan ajandayaasha gaar ka ah, huwanna siyaasaddo dana gaara leh.

Ugu Danbayntii, Madaxweynaha Dawladda Puntland Dr. Cabdiweli Maxamed Cali Gaas ayaa ugu baaqay hay’addaha ka beriga ah arrimahaasi inaanay marna aqbalin, qaadana beentaasi cad ee lagu wax yeelaynayo shaqadooda.

==DHAMMAAD==

XAFIISKA, WARFAAFINTA, WACYI-GELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

Ogeysiis Qandaraas Bixin Dhismo Goob Ganacsi Ee VALUE CITY (Akhriso)

Tue, 07/18/2017 - 20:04

Waxaa la wargelinayaa bulshadda Soomaaliyeed ee ku nool Dibedda iyo Guddaha ba in la bixin doono Qandaraas dhismo iyo dib u habeyn goob loo qorsheeyey Shopping Mall, School, and Recreational Center. Goobtaas oo ah hanti ay leeyihiin bulshadda ku nool magaaladda Columbus oo bedkeedu yahay 185,000 SQ kuna taal faras magaalaha magaaladda Columbus ayaa lagu boorinayaa ciddii danaynaysa in ay u soo tartamaan ugu dambeyn July 31, 2017.

 Wixii faahfaahin ah iyo nidaamka  habraaca tartamayaasha looga baahan doono waxaa lagala soo xidhiidhayaa Guddiga Qandraas Bixinta iyo Hirgelinta mashruuca oo kala ah.

  1. Ahmed Yamani @ +1614-804-0829 AMA
  2. Mohamud Ahmed @ +1614-592-9150Halgan.net
    Columbus, ohio

Madaxweynaha Puntland oo aqbalay go,aanka baarlamanku ku kala direy Golaha Wasiirada (Dhageyso)

Tue, 07/18/2017 - 12:27

Madaxweynaha Dowlada Puntland Cabdiwali Maxamed Cali “Gaas” ayaa aqbalay go,aankii maanta baarlamanka Puntland ku kala direy golllaha xukuumada ee Puntland , wuxuuna sheegay in go,aanka baarlamaanka uu yahay mid dustuuriya .

Madaxweynaha Puntland ayaa sheegay in uu soo dhsi doono gola Wasiiro wuxuuna sheegay in uu la tashan doono madaxweyne ku xigeenka Puntland  wuxuuna baaq u diray shacabka isaga oo ugu baaqay in ay la shaqeeyaan ciidanka amaanka Puntland .

Waa markii ugu horeysay taariikhda oo ay ka dhacdo Puntland in baarlamankeedu kala diro Gollaha Xukuumadda waxaana golaha wasiirada lagu dhaliilay in ay wax ka qaban waayeen howlihii loo idmada gaar ahaan amaanka iyo bixin mushaarooyinka.

Hoos ka Dhageyso shirka jaraa,id ee Madaxweyne Gaas uu ku qabtay madaxtooyada Puntland ee Garoowe

Madaxweynaha _Puntland oo Shir jaraa,id ku qabtay Garowe aqbalayna Go,aankii baarlamaanka Puntland

 

M_M Deeq
Halgan.net

Xildhibaanada Golaha Wakiilada Puntland oo Kalsoonida Kala Noqdey Xukuumada Puntland

Tue, 07/18/2017 - 09:53

Garoowe:-War hadda naga soo gaarey magaalada Garoowe ayaa sheegay in kalafadhigii maanta ay yeesheen Xildhibaanada Golaha Wakiilada Puntland ay rideen Golihii wasiirada ee Madax weyne dowladda Puntland Dr Cabdiweli Maxamed Cali Gaas uu magacaabay. Kalafadhigii Golaha wakiilada Puntland ayaa waxaa soo xaadiray ilaa 57 Xildhibaan waxaana mooshinka diyaariyey 20 Xildhibaan waxaan ay xukuumada ku eedeeyeen waxqabad la’aan, amniga oo ay wax ka qaban waayeen, sicir barar, iyo mushaharka shaqaalaha dowladda iyo ciidanka oo aan si joogta ah loo bixin.

Dood ay yeesheen ka dib Golaha wakiilada Puntland ayaa waxaa la geliyey cod in kalsoonida la gala noqdo Golaha xukumada Puntland waxaan 47 Xildhibaan ay u codeeyeeyn in la rido xukuumada halka 5 Xildhibaan ay taageereen xukuumada, 1 Xildhibaana uu ka aamusay.

Ugu danbayntii ayaa Gudoomiye Axmed Cali Xaashi oo furay kulanka ka codsaday xildhibaanada inay si degan ay uga doodaan mooshinka laga keenay xukuumada Puntland ka dibna ay si wanaagsan oo cad ay kalsoonida ugu qaadaan xukuumadda, gudoomiyaha Baarlamaanka Axmed Cali Xaashi ayaa ku dhawaqay natiijada waxaan uu xusay in Xildhibaano gaaray 47 ay codka kalsooniada ay kala laabteen xukuumada Puntland 9 ay ka aamuseen halka hal Xildhibaan uu diiday

Golaha wakiilada Puntland ayaa markii ugu horaysay ilaa intii la dhisay Puntland waxaa ay kalsoonida kala laabteen Xukuumada Puntland waxaan la dhowrayaa in Madaxweynaha Puntland uu aqbalo go’aanka Baarlamaanka.

M_M_Deeq
Halgan.net

Madaxweynaha Puntland oo Garoowe Tababar Ugu Soo Xidhay Saraakiil Ciidan oo Ka Kala Socdey Puntland, DFS iyo Maamuladda Kale Ee Dalka.

Mon, 07/17/2017 - 19:11

Madaxweynaha Dawladda Puntland Dr. Cabdiweli Maxamed Cali Gaas ayaa maanta 17 July 2017 tabar ugu soo xidhay magaalada Garoowe ciidan tiradoodu dhantahay 39 askari, kuwaas oo ka kala socdey Puntland, DFS iyo maamuladda kale ee Dalka

Madaxweynaha ayaa waxaa ku wehelinaayey tababar kani loo soo xidhay 39 ka askari taliyaha ciidanka Asluubta dawladda Puntland Cali Nuur Cumar Saalax, masuuliyiin ka tirsan goloyaasha Dawladda Puntland saraakiil ka tisan Madaxtooyadda Puntland iyo macalimiinta tababarkani bixinaysey.

Madaxweynaha oo lahadlayey ciidankani ayaa ku dhiirigeliyey cilmiga iyo aqoonta labaray inay uga faa’iideeyaan dalkooda iyo dadkooda, isla markana ay ahaadaan kuwo had iyo jeer ku foogan sidii ay dalkooda uga samatabixin lahaayeen xaaladda uu maanta kujiro, uguna horseedi  lahaayeen horumar.

Sidoo kale Madaxweynaha oo kahadlaya faa’iidada ay leeyihiin tababarada noocanoo kale ahi ayaa sheegay  inay wax badan ka tari doonaan is dhexgalka ummaada Soomaaliyeed, is aaminaada shacabka Soomaliyeed  iyo wax wadda lahaanshaha  Qaranka Soomaalityeed..
”Waan ku farax sanahay runtii tababaradda noocanoo kale ahi inay Puntland ka dhacaan, ummada Soomaaliyeed ee isku danta ah, ee isku u jeedada ahi inay isu yimaadaan, tababarka marba meel lagu qabto, lays dhexgalo, wixii macluumaadda iyo aqoona lays weydaarsado waa wax wanaagsan, dabcan isu imaatanka noocanoo kale ahi wax badan buu ka bedelayaa dawlad-nimadda Soomaaliya iyo horumarkeeda” ayuu yiri Madaxweynuhu.

Dhinaca kale Madaxweynaha ayaa u hambalyeeyey ciidankan dhamaystay tababarka, waxaana uu Alle uwaydiiyey in tababar kani anfaco ciidankaasi, isla markaana ay uga faa”iideeyaan bulshadda Soomaaliyeed meelkastay joogaanba.

Madaxweynaha Dawladda Puntland ayaa sidoo kale umahadnaqay tababarayaasha ka socdey UNODC iyo dalka Sweden kuwaasi oo ka qayb qaatay tababarka ciidanka, isla markaana waxa uu Madaxweynuhu ku amaanay tababarayaasha sida wananaagsan ee ay mudada kooban ula dedaaleen ciidamadani muhiim ka ah inay wax badan ka bedelaan aqoontooda iyo xirfadoodaba.

[See image gallery at halgan.net]

Ugu danbayntii, Madaxweynaha Dawladda Puntland Dr. Cabdiweli Maxamed Cali Gaas ayaa kubooriyey ciidamada ka kalayimid maamulada dalka iyo Dawladda Fadaraalka Soomaaliya inay fariinta wanaagsan ee ay ku arkeen Puntland gaadhsiiyaan meeshii ay ka yimadeen, isla markaana u cadeeyaan in laga kaaftoomi karo tababarada loo aado dalka debediisa, waxaana uu Madaxweynuhu guddoonsiiyey  saraakiishaasi shahaado cadaynaysa inay dhaynteen tababarka.

==DHAMMAAD==

XAFIISKA, WARFAAFINTA, WACYI-GELINTA HIDDAHA IYO DHAQANKA EE MADAXTOOYADA DAWLADDA PUNTLAND.

Ra’iisul Wasaare Khayre oo kormeeray Wasaaradda Arrimaha Gudaha, kalana hadlay arimo muhiim ah.[Masawiro]

Mon, 07/17/2017 - 19:09

Muqdisho:-Ra’iisul Wasaaraha Soomaaliya Mudane Xasan Cali Khayre ayaa maanta galinkii dambe kormeer ku tagay Wasaaradda Arrimaha Gudaha, Federaalka iyo Dib-u-heshiisiinta Soomaaliya waxuuna kula kulmay Wasiir Dowlaha Wasaaradda Arrimaha Gudaha,Wasiir ku xigeenka Wasaarada iyo qaar kamid ah agaasimayaasha oo ku howlnaa diyaarinta hindiso sharciyeedyo dhowr ah kuwaasoo oo ay ka mid ahaayeen Hindise Sharciyeedka Xaduudaha, Axsaabta, Jinsiyadaha, Doorashooyinka iyo sharciga Dowlada Hoose oo qaar kamid ah loo gudbiyay xukuumada Soomaaliya si ay u meel mariyaan ka dibna loo gudbiyo Baarlamaanka dalka si loo ansixiyaan sharciyadan.

Ra’iisul Wasaaraha Soomaaliya Xasan Cali Khayre ayaa ka waraystay madaxda wasaaradda waxyaaabihii u qabsoomay mudadii ay shaqada wadeen iyo sida ay ugu diyaar garoobayaan in dalka ay ka qabsoonto doorasho Qof iyo Cod ah si loo helo madax ay soo doorteen shacabka Soomaaliyeed.

Wasiir Dowlaha Wasaaradda Arrimaha Gudaha Cabdullahi Weheliye ayaa sheegay inay ku mushquul sanyihiin sidii ay u diyaarin lahaayeen nooca doorasho ee dalka ka dhici karta iyo qaabka ugu haboon ee loo qaban karo. Wuxuuna cadeeyay inay bilaabayaan Goloyaasha deegaanka ee degmooyinka Soomaaliya si loo helo bulsho u diyaarsan in loo qabto doorashooyin.

[See image gallery at halgan.net]

Ra’iisul Wasaaraha oo ku dheeraaday sida loogu baahan yahay in loogu diyaar garoobo hanaan doorasho ayaa yiri “Waa in la sameeyaa dood ku salaysan Khibrad,aqoon iyo caqli si qof walba oo Soomaaliyeed looga faa’idaysto aqoontiisa iyo aragtidiisa.

“Waxaana lagama maarmaan ah in dowadladdu ay soo dhawaysato shacabkeeda si dadka Soomaaliyeed fursad loogu siiyo inay ka aragti dhiibtaan sida loo qabanayo doorashooyinka” ayuu yir Ra’iisul Wasaaraha Soomaaliya. Waxuuna sidoo kale kula dardaarmay inay ukala hormariyaan shaqooinka sida ay ukala muhiimsan yihiin

Halgan.net

Pages