News From Halgan Net

Subscribe to News From Halgan Net feed
Somali News
Updated: 57 min 27 sec ago

Khudbadii Masjidka Saalixyada Khatarta Wararka Been Abuurka ah Sh Dr Xasan Sh Cali Warsame (Daawo)

Fri, 11/17/2017 - 21:55

Burco:-Waxaan idiin soo gudbineynaa Khudbadii Jimcaha ee Masjidka Saalixyada e Magaalada Burco waxaana Khudbada jeediyey Sheekh Dr Xasan Sheekh Cali Warsame waxaana uu Sheekhu uga hadlay Khatarta wararka been Abuurka ah .

Hoos ka Daawo Khudbadii Jimaca Ee Sh Dr Xasan Sh Cali Warsame uu ka jeediyey Masjidka Saalixyada e Magaalada Burco Wararka Been Abuurka ah .


Shahaabu Diin
Burco

Akhlaaqda laga doonayo Gancsadaha Muslimka ah Sh Dr Abdiwali Haji Mohamed (Daawo)

Fri, 11/17/2017 - 21:29

Nairobi:-Waxaan idiin soo gudbineynaa Muxaadaro qiimo badan oo uu magaalada Nairobi uu ka jeediyey Sh Dr Abdiweli Haji  Sh Maxamed waxaana uu Sheelkhu uu Muxaadaradiisa uga hadlay cinwaana uga dhigay Akhlaaqda laga doonayo Gancsadaha Muslimka ah 

Hoos ka Daawo Akhlaaqda laga doonayo Gancsadaha Muslimka ah  Sh Dr Abdiwali Haji Mohamed.

Salaf Media
Nairobi
Halgan.net

Madaxweynaha Puntland Dr. Gaas oo kormeeray Garoonka diyaaradaha ee Garoowe.[Masawiro]

Fri, 11/17/2017 - 21:28

Garoowe:-Madaxweynaha dawladda Puntland Dr. C/weli Maxamed Cali Gaas ayaa maanta 17 Nov 2017 kormeeray Garoonka diyaaradaha magaalada Garoowe, kaas oo dhismihiisu marayo heer gebogebo ah. Kormeerka Madaxweynaha Puntland uu maanta ku tegey garoonka diyaaradaha magaalada Gaoowe ayaa waxaa ku wehelinaayey danjiraha dalka China ee Soomaaliya Mr. Qin Jian, Madaxweynihii hore ee Puntland ahna xildhibaan ka tirsan Aqalka Sare ee Baarlamaanka DFS Cabdiraxmaan Maxamed Maxamuud Faroole, Wasiirka Duulista Hawada iyo Garoomada Puntland, Mudane Axmed Karaasha, masuuuliyiin ka tirsan goleyaasha dawladda Puntland iyo saraakiil ka tirsan Madaxtooyada Puntland.

Garoonka diyaaradaha magaalada Garoowe ayaa waxaa dhismihiisa gacanta ku haya shirkad laga leeyahay waddanka Turkiga, waxaana sidoo kale dhismaha Garoonka diyaaradaha magaalaga Gaalkacayo isna dhisaya shirkadda CCECC taas oo laga leeyahay waddanka China, isla markaana waxa ay shirkadda CCECC dhowaan bilaabi doontaa dhismaha waddada Garoowe – Eyl iyadoo hore u dhistaytay dhismaha garoonta diyaaradaha ee magaalada Boosaaso.

Shirkadda CCECC ayaa sidoo kale dalka ka wadda mashruuc horumarineed oo kale kuwaas oo wax tar u leh mustaqbalka shacabka Puntland iyo dawladda doodaba, ka sokow fadliga Alle ee gulahaasi waayen inoogu qabsoomeen ayaa waxaa dedaalkooda, dardargelintooda, dhirindhirintooda iyo hirgelindoodaba leh xukuumadda uu hogaaminayo Madaxweynaha dawladda Puntland Dr. Cabdiweli Maxamed Cali Gaas.

Dhinaca kale Madaxweynaha dawladda Puntland, Danjiraha dalka China ee Soomaliya iyo masuuliyiinta kale ee wehelinayseyba ayaa waxa ay kormeer kadib wakhti ku qaateen Hotel Garand ee Magaalada Garoowe.

Danjiraha dalka China ee Soomaaliya Mr. Qin Jian ayaa booqday xarunta warbaahinta dawladda Punrland ee magaalada Garoowe [PUNTLAND TV AND RADIO ], waxaana uu sheegay safiirku in xaruntu tahay mid shaqadeeda iyo wax qabadkeeduba caalamka oo dhan ku baahey, isla markaana bishay bilicda, quruxda iyo waanaaga dawladda Puntland iyo guud ahaanba Soomaaliya, sigaarana hadda iyo jeer shacabka ugu ifisa wax qabadka dhaxalgal ka ah ee Madaxweynaha dawladda Puntland Dr. Cabdiweli Maxamed Cali Gaas, waxqabadkaas oo ku qotoma dhismaha kaabayaasha dhaqaalaha Puntland.

[See image gallery at halgan.net]

Danjiraha Dalka China ee Soomaaliya oo ay wehelinayaan saraakiil ka tirsan Madaxtooyada Puntland ayaa waxa ay kormeer ku tegeen xafiiska ay shirkadda CCECC ay ku leedahay magaalada Garoowe, halkaasi oo uu safiirku kula kulmay qayb kamida shaqaalha shirkaddaasi.

Ugu danbayn, Danjiraha dalka China ee Soomaaliya Mr. Qin Jian iyo weftiga uu hogaaminayey ayaa waxa ay xarunta Hidda Raac Garoowe kaga qayb galeen qado sharaf ay ku marti qaadeen madaxtooyada dawladda Puntland, waxaana ay qado sharafta kadib kulamo la qaateen qaar kamid ah masuuliyiinta hay’addaha dawladda Puntland.

=DHAMMAAD=
XAFIISKA, WARFAAFINTA, WACYI-GELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

Warbixin Gudigii Gurmadka Qaraxii Zoobe ee Nairobi iyo Safarkii Muqdisho Sh Umal.[Daawo Video]

Fri, 11/17/2017 - 16:56

Nairobi:-Sheekh. Maxamed Cabdi Umal iyo wafdi culimo ah oo dhawaan tegay magaalada Muqdisho ee caasimada dalka Soomaaliya si ay caawinaad u gaarsiyaan dadkii shacabka ahaa ee lagu laayey qaraxii ka dhacay is goyska Soobe aya waxaa uu ka Sh Umal ka warbixiyey safardkii ay ku tageen magaalada Muqdisho.

Hoos ka Daawo Warbixin Gudigii Gurmadka Qaraxii Zobe ee Nairobi iyo Safarkii Muqdisho | Sh Maxamed Umal

A/cawaale
Halgan.net

Rabshado ka dhacay xalay qeybo ka mid ah S/land iyo xaalada oo saaka degan.[Dhagayso]

Fri, 11/17/2017 - 16:32

Hargeysa:-Rabshado kala duwan ayaa xalay ka dhacay magaalooyinka Hargeysa, Burco iyo Ceerigaabo kuwaas oo sababay dhimasho iyo dhaawac, ka dib markii ay isku dhaceen ciidamada ammaanka iyo dadweyne samaynayey isu-soo baxyo. Rabshadahan ayaa billaabmay ka dib markii galabnimadii shalay ay warbaahinta la hadleen mas’uuliyiin ka tirsan Xisbiga Waddani oo eedayn u jeedinayey Guddida Doorashada ee Somaliland.

Guddida Doorashada ee Somaliland ayaa ka hadlay eedaymahaas, sidoo kalena laamaha ammaanka ee Somaliland ayaa ka hadlay rabshadaha dhacay. Haddaba warbixin arrintaas ku saabsan waxaa Hargeysa innooga soo diray Ismaaciil Xuseen Farjar.

Hoos ka Dhagayso Rabshado ka dhacay qeybo ka mid ah Somaliland

Source:VOA

Shirka Golaha Wasiirada Puntland oo shirkooda ka soo saaray warsaxaafadeed

Fri, 11/17/2017 - 16:10

Garoowe:-Shirka Golaha Wasiirada Puntland oo looga hadlay Amniga, Dastuurka Dowladda Federaalka Soomaaliya, Horumarinta Dugsi Quraanka & Masaajiddada Puntland & Arrimo kale oo muhiim ah.

Hoos ka Akhriso Shirka Golaha Wasiirada dowladda Puntland oo kulankoodii warsaxaafeed ka soo saaray

[See image gallery at halgan.net]

 

M_M_Deeq
Halgan.net

Mu’asasada Safa Mu’asasada Safa oo 45 Dhaawaca & 38 Agoona lacago siisey.(Masawiro+ Vedio)

Thu, 11/16/2017 - 21:37

Muqdisho:-Mu’asasada Safa ee Dacwada & Hormarinta oo 45 Dhaawaca & 38 Agoona lacago siisey.
Waxaa wali socda gurmadka loo fidinayo dadkii ku dhibaatoobey musiibadii Soobe, oo dad & hanta badan ku baaba’een.

Mu’asasada Safa ee Dacwada & Hormarinta oo qeyb ka ah dhinacyada gurmadka wada ayaa maanta lacago siiyey 45 Dhaawaca & 38 Agoona.

35 ka mida dhaawaca, waa kuwii Turkey-ga loo qaadey oo qaarkood dalka dib loogu soo celiyey & qof Turkey-ga ku dhintey oo ehelkiisa samir siin loo siiyey lacagta. Qof walba oo dhaawaca ka mida waxaa la siiyey lacaga $1,000.

Sidoo kale 38 ka mida agoonta, abaayashood ku waayey musiibadii dhacdey ayaa iyana lacago la siiyey. agoonta iyana waxaa la siinayey min $300.

Lacagta oo dhameyd $62<391 waxey gudiga gurmadka Safa kasoo gaadhey Jaaliyada Soomaaliyeed ee Magaalooyinka 1- Västerås, 2- Jakobsberg, 3- Stockholm ee Dalka Sweden.

[See image gallery at halgan.net]

kulanka lacag bixinta waxaa goob joog ka ahaa Mas’uuliyiinta gudiga gurmadka Safa & Xubno ka socdey Jaaliyada Soomaaliyeed ee Sweden.

Muqdisho 26 Safar 1439
16 November 2017
وبالله التوفيق

Gudiga Gurmadka Mu’asasada Safa ee Dacwada iyo Horumarinta .

Shirka Golaha Wasiirada Puntland oo looga hadlay Amniga, Dastuurka DFS

Thu, 11/16/2017 - 19:10

Shirka Golaha Wasiirada Puntland oo Looga Hadlay Amniga, Dastuurka DFS, Horumarinta Dugsi Quraanka iyo Masaajiddada Puntland iyo Arrimo Kale oo Muhiim Ah.

 

 

 

 

[See image gallery at halgan.net]


M_M Deeq
Halgan.net

Madaxweynaha Puntland oo Garoowe Ku Qaabilay Safiirka China Ee Soomaliya (Masawiro)

Thu, 11/16/2017 - 17:51

Madaxweynaha dawladda Puntland Dr. Cabdiweli Maxamed Cali Gaas ayaa maanta oo ay tariikhdu tahay 16 Nov 2017 qasriga Madaxtooyada Garoowe kusoo dhoweeyey wefti uu hogaaminayo  danjiraha dalka Chine u fadhiga Soomaaliya Mr. Qin Jian.

Kahor kulanka Madaxweynaha iyo safiirka ayaa waxaa garoonka diyaaradaha Kanooko ee magaalada Garoowe ku soo dhoweeyey masuuliyiin ka tirsan goleyaasha dawladda Puntland iyo saraakiil ka tirsan Madaxtooyada Puntland.

Madaxweynaha Puntland iyo safiirka dalka chine ee Soomaaliya ayaa waxa ay ka wada hadleen arrimo ay kamid ahaayeen mashaariicda horumarineed ee dalka Chine ka fuliyo Puntland gaar aahan mashariicda waaweyn ee hadda dalka ka socda , adkaynta xidhiidhka  Puntland iyo dalka Chine iyo iskaa shiga labada dhinac ee arrima ganacsiga, waxbarashada iyo  caafimaadka.

Madaxweynaha dawladda Puntland ayaa ugu horayn safiirka iyo weftigiisaba ku soo dhoweeyey Puntland, waxaana uu Madaxweynuhu xaqiijiyey in xidhiidhka ka dhexeya dalka Chine iyo Puntland uu yahay mid wanaagsan oo soo jireena, taasna ay tusaale u tahay mashaariicda horumarineed ee dalka Chine ka fuliyey gudaha Puntland iyo kuwa hadda kasocdaba, isla markaana waxa uu Madaxweynuhu tilmaamay in dawladda Puntland diyaar u tahay adkaynta iyo xoojinta xidhiihka ee ka dhexeeya labada dhinac.

Sidoo kale Madaxweynaha ayaa xusay in arrimaha iskashiga  Puntland iyo dalka China ee ganacsiga, waxbarashada iyo  caafimaadka ay yihiin kuwo buldhig u ah wada shaqaynta dhow ee ka dhexysa Puntland iyo dalka Chine, isla mar’ahaantaana ay dawladda Puntland diyaar u tahay adkaynta, wanaajinta  iyo dardargelinta arrimahasi iskaashi.

Dhinaca kale danjire Mr. Qin Jian ayaa sheegay in ay diyaar u yihiin dhankooda adkaynta xidhiidhka  wanaagsan ah ee ka dhexeeya Puntland iyo dalka Chine iyo sidoo kale dardar gelinta iskaasiha labada dhinac ee arrimaha ganacsiga, waxbarashada iyo caafimaadka , waxaana uu sidoo kale xusay  Safiirku inuu ku faraxsan yahay imaanshaha Garoowe iyo guud ahaan gudaha dawladda Puntland.

[See image gallery at halgan.net]

Ugu danbayn, Madaxweynaha dawladda Puntland Dr. Cabdiweli Maxamed Cali Gaas ayaa marlabaad kusoo dhoweeyey Safiirka iyo weftigiisaba dawladda Puntland, isagoona Madaxweynuhu hoosta ka xariiqay in Puntland iyo shacabkeeduba diyaar u yihiin waxkasta oo wanaajinaya horumarinta ganacsiga iyo kabayaasha dhaqaalaha ee ka dhexeeya dawladdaha Puntladn iyo China.

=DHAMMAAD=

XAFIISKA, WARFAAFINTA, WACYI-GELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

Ra’iisul wasaaraha dowladda Federaalka Soomaaliya oo tegaya Baydhabo

Thu, 11/16/2017 - 08:03

Baydhabo:-Shirka golaha wasiirrada dowladda Federaalka Soomaaliya ayaa la filayaa in maanta ay kulankoodii Khamiis lah ahaa ay ku yeeshaan magaalada Baydhabo ee xarunta Gobolka Bay oo ahdda xarun KMG u ah maamulka Koonfur Galbeed. Shirka golaha wasiirrada dowladda Federaalka Soomaaliya ayaa waxaa maanta looga hadli donaa arrimo ku saabsan amniga gaar ahaan dagaalka Al-shabaab iyo sidda loo xoojin lahaa amniga iyo nabad gelyada dalka Soomaaliya.

Shirka golaha wasiirrada dowladda Federaalka Soomaaliya ayaa waxaa horay loogu soo qabtay magaalada Kismaayo waxaan uu Ra’iisul wasaaraha dowladda Federaalka Soomaaliya Xassan Kheyr uu balan qaaday in kulamada golaha wasiirrada dowladda Federaalka Soomaaliya lagu qaban doono Gobolada dalka Soomaaliya.

Amniga guud ee Magaalada Baydhaba ee xarunta Gobolka Bay ayaa aad loo adkeeyey waxaan saacadaha soo socda gaari doono Ra’iisul wasaaraha dowladda Federaalka Soomaaliya iyo golaha xukuumada Federaalka waxan laga soo saari doona gebagabada shirka warsaxaafeed ku aadan arrimo dhowr ah oo ku saabsan xaalada dalka Soomaaliya.

A/cawaale
Halgan.net

Wasiirka amniga dowladda Puntland Axmed Cabdullaahi dib ugu soo laabatay Garoowe.[ Video]

Thu, 11/16/2017 - 08:02

Garoowe:-Wasiirka amniga dowladda Puntland Axmed Cabdullaahi iyo wafdi uu hogaaimayey ayaa dhowaan booqasho ku tagay gobolka Sanaag gaar aahaan Badhan, Buraan, Dhahar, Hadaaftimo, Xingalool iyo goobo kale oo ka tirsan Gobolka Sanaag. Wasiirka amniga dowladda Puntland Axmed Cabdullaahi Dawlad ayaa dib ugu soo laabta shalay magaalada Garoowe waxaan uu saxaafadda uga waramay safarkii uu ku tagay Gobolka sanaag iyo Haylaan.

Hoos ka Daawo Wasiirka amniga Puntland Axmed Cabdullaahi Dawlad o la hadlay saxaafadda

M_M_Deeq
Halgan.net

Mu,asasada Safa iyo Gurmada Musiibadii Soobe Warbixin (Masawiro +Video)

Wed, 11/15/2017 - 21:17

Mu,asasada Safa ayaa waxaa ay ka mid tahay Mu,asasooyinka u istaagay in ay u gurmadaan dadkii ehelkooda ay Al-Shabaab ku xasuuqeen qaraxii Isgoyska Soobe oo ay ku dhinteen 414 qof waxaana ku dhaawacmay in ka badan 1000 qof.

Mu,asasada Safa ayaa waxay qeylo dhaan u dirtay iyada oo inta karaankeeda u gurmaneysa shacabkii ay dhibta ku dhacday dhamaan Jaaliyada Soomaaliyeed ee ku dhaqan caalamka waxaana ay si hufan oo karti leh ugu qeybisay dhamaan wixii gurmad ah oo ay jaaliyadaha Soomaaliyeed ay soo gaarsiiyeen Mu,asasada Safa .

Jaaliyadaha Soomaaliyeed ee sida gaara u amaanan ee Mu,asasada Safa soo gaarsiiyey lacago kala duwan waxaa laga xusi karaa

1-Jaaliyada Soomaaliyeed ee Tanzania iyo Magaalada Jonkoping ee Sweden .
Waxaa wali ka socda Gurmadka loogu gurmanayo Agoonta & Hooyooyinka ehelkooda ku waayey mudiibadii is goyska Soobe oo dad & hanti badan ku baaba’dey. Mu’asasada Safa ee Dacwada & Hormarinta oo kaashaneysa Jaaliyadaha Soomaaliyeed ee Tanzania & Sweden waxaa maantana deeqo lacageed la gaarsiiyey Agoon & Qoysas ehelkooda ku waayey Musiibadii dhacdey.

39 Agoon oo abaayaashood ku waayey musiibadii dhacdey ayaa la gudoonsiiyey deeq lacageed oo ka timid Jaaliyada Soomaaliyeed ee Tanzania. Agoon walba waxaa la siiyey lacag dhacan $300 oo loogu tala galey iney kaabid ugu noqoto nolosha & Waxbarashada.

[See image gallery at halgan.net]

Sidoo kale lacag gudiga gurmadka ee Safa kasoo gaadhey Jaaliyada Soomaaliyeed ee Magaalada Jonkoping ee Sweden ayaa la gaarsiiyey 30 Qoys oo iyana ehelkooda ku waayey musiibadii Soobe, waxaana qoys walba la siiyey lacag $200 ah.

Jaaliyada Soomaaliyeed ee magaalada stockholm ee xarunta dalka Sweden.
Mu’asasada Safa ee Dacwada & hormarinta ayaa maalintii Saddexaad qeybisey kaalmo lacageed oo Shirkada Amal & Jaaliyada Soomaaliyeed ee Sweden ka timid looguna tala galey Gurmadka Muusiibadii Soobe. Tiro 100 Qoys ayaa maanta ka faa’iideysatey kaalmada Gurmadka Musiibadii Soobe, waxaana qoyskiiba la siiyey sida kuwii horeba $300 oo loogu talo galey iney dabka ku sii shitaan. Kulanka waxaa goob joog ka ahaa xubno ka kala socdey Gudiga Gurmadka Qaran & Gudiga Mu’asasada Safa oo kala ah:-

[See image gallery at halgan.net]

– Maxamed Yuusuf Jaamac (Tigey), Gudoomiye ku xigeenka Gudiga Gurmadka Qaran.

– Sh. Maxamuud Sh. Axmed Abu Sheyba, Gudoomiyaha Gudiga Gurmadka ee Safa.

– Dr. Sh. Haaruun Sheikh.

– Sh. C/fataax Xasan Axmed.

– Sh. C/casiis Cali Xasan.

[See image gallery at halgan.net]

3-Jaaliyada Soomaaliyeed ee dalka South Africa.
Mu’asasada Safa ee Dacwada & Hormarinta oo kaashaneysa Jaaliyada Soomaaliyeed ee South Africa ayaa maanta kaalmo lacageed gudoonsiiyey 200 Agoon oo ka kala socdey 70 Qoys oo ka mida dadkii musiibadu kasoo gaadhey dhacdadii Soobe ee 14-kii bishii October ee na dhaaftey.
Agoon walba waxaa la gudoonsiiyey lacag $300 Dollar, taas oo loogu tala galey iney kaabid u noqoto Nolasha & Waxbarashada Agoonka muddo 6 bilood ah.
Agoonta maanta kaalmada lacageed la gudoonsiiyey waxaa ka mida kuwo isku darsadey rajanimo & agoon.
Deeqdan oo ku dhaweyd $70,000 waxaa Agoonta soo gaarsiiyey jaaliyada Soomaaliyeed ee South Africa ooy wakiil uga ahaayeen:
1- Sh. Maxamuud Maxamed Adar
2- Xaaji Caynte Cusmaan.

[See image gallery at halgan.net]

Gudiga Gurmadka Mu’asasada
Safa ee Dacwada iyo Horumarinta .

Dowro Dhowrsanaanta Sh Maxamed Cabdi Umal Sh Mowliid Dr. Abdiwali (Daawo)

Wed, 11/15/2017 - 19:08

Waxaan idiin soo gudbineynaa dowro ay culumada Soomaaliyeed ay ku qabteen magaalada Nairobi ee xarunta dalka Kenya gaar ahaa Masjidka Al-Hidaaya waxaana dowrada loogu magac daray Dhowrsanaanta .

Dowrada ayaa waxaa ka soo qeyb galay oo duruus kala duwan ka bixiyey .
1-Sh Maxamed Cabdi Umal
2-Sh Mowliid
3-Sh Dr Cabdi weli
Dowradan ayaa waxaa soo qaban qaabisay Mu,asasada Al-ixsaan Hoos ka Daawo Dowrada Dhowrsanaanta Sh Maxamed Cabdi Umal Sh Mowliid Dr. Abdiwali.

.

Mu,asasada Al-ixsaan
Nairobi
Kenya

Wasiirka Gargaarka iyo maaraynta masiibooyinka DFS Dr’s Maryan Qaasim oo si casishay

Wed, 11/15/2017 - 16:10

Muqdisho:-Wasiirkii Gargaarka iyo maaraynta masiibooyinka Xukuumadda Federaalka Soomaaliya Dr’s Maryan Qaasim Axmed ayaa maanta ku dhawaaqday in xilkeedii wasiirnimo ay iska casishay . Dr’s Maryan Qaasim ayaa is casilaadeeda waxa ay ku sheegtay daruufo u gaar ah, ma jirto wax faahfaahin oo ay ka bixisay oo dheeraad ah balse warar hoose oo soo bxay ayaa sheegay in Dr’s Maryan Qaasim xilka loo igmaday wasiiro aan qaabilsanayan ay ku soo fara geliyeen ilaa intii uu dhacay qaraxii Is-goyska Soobe ee magaalada Muqdisho.

Dr’s Maryan Qaasim ayaa waxaa ay noqonaysa wasiirkii labaad oo ka tirsan xukuumada ra’iisul wsaare Kheyre ee is casila waxaan horay shaqada uga tegay wasiirkii hore ee Gaashaandhiga Xukuumadda Soomaliya C/rashiid C/laahi Maxamed.

Ma jiro ilaa hadda masuul ka tirsan Xukuumadda Federaalka Soomaaliya oo ka hadlay is casilaada Wasiirkii Gargaarka iyo maaraynta masiibooyinka Xukuumadda Federaalka Soomaaliya Dr’s Maryan Qaasim Axmed.

A/cawaale
Halgan.net

Madaxweynaha Dawladda Puntland oo Kulamo La Qaatay Qaar Ka mid Ah Hay’addaha Caalamiga Ah ee ka Hawlgala Puntland.[Masawiro]

Wed, 11/15/2017 - 16:09

Garoowe:-Madaxweynaha dawladda Puntland Dr. Cabdiweli Maxamed Cali Gaas ayaa maanta gelinkii hore 15 Nov 2017 qasriga Madaxtooyada Garoowe ku qaabiley qaar kamid ah hay’addaha caalamiga ah ee ka hawl-gala Puntland, hay’addahaas uu Madaxweynuhu ku qaabilay xafiiskiisa ayaa waxaa kamid ah Relief International, SCF, SSF iyo UNICEF.

Kulamadaas uu Madaxweynaha Dawladda Puntland la qaatay hay’addahaasi oo ahaa kulamo gaar gaar ah ayaa waxaa Madaxweynaha ku wehelinaayey Madaxweyne Ku-Xigeenka dawladda Puntland Eng. Cabdixakiin Xaaji Cabddullaahi Cumar Camey iyo Wasiiru Dawlaha Madaxtooyada iyo Xidhiidhka Caalamiga ah ee dawladda Puntland Mudane. Burhaan Cilmi Xirsi.

Kulankii ugu horeeyey ee Madaxweynuhu la qaatay saraakiisha ka socotey Hay’addaha Relief International ayaa waxaa looga hadlay arrimo ay kamid ahaayeen kobcinta waxbarashada hablaha, taageeridda ciidamada Puntland iyo waxbarashadooda, dhismaha xarumo waxbarasho ee deegaanada fog-fog gaar ahaan gobolada Gardafuu, Sanaag, Cayn iyo Hayland, waxaana dhammaan qodobadaasi laysla meel dhigay in sida ugu dhakhsaha badan loo dardar geliyo wax kaqabashadooda, iyadoona ay sheegtay hay’addu in ay gelindoonaan mashaariicdaasi lacag gaadhaysa 1.5 Million.

Madaxweynaha Puntland ayaa sidoo kale xafiiskiisa kulan kula qaatay masuuliyiin ka socdey hay’adda SCF [Save Children Fund] oo ay kamid ahaayeen Madaxa xafiiska SCF Soomaaliya Mr. Timothy Bishop iyo madaxa Xafiiska SCF Puntland Cabdiqafaar Cilmi Xaange, waxaana kulanka lagaga wada hadlay mashriicda ay Puntland ka fuliyaan hay’addu, kuwaas oo ah Waxbarashada, taageeridda caruurta danyar ta ah, Caafimaadka, Biyaha iyo Nadaafadda.

[See image gallery at halgan.net]

Dhinaca kale Madaxweynaha Puntland oo ay wehelinayaan Madaxweyne Ku-xigeenka iyo Wasiiru Dawlaha Madaxtooyada iyo Xidhiidhka Caalamiga ah ee dawladda Puntland ayaa kulan gaar ah la qaatay saraakiil ka socdey hay’adda SSF [ Somali Stability Fun], waxaana kamid ahaa saraakiisha ka socotey hay’addani madaxa xafiiska SSF Soomaaliya Vishalina Lowrance iyo madaxa Xafiiska SSF Puntland Abshir Maxamed, isla markaana waxaa kulanka looga wada hadlay arrimo ay kamid yihiin taakulaynta ciidamada Booliska Puntland, horumarinta dhalinyrada Puntland iyo biyo gelinta magaalooyinka waaweyn ee Puntland,

Ugu danbayn, kulanka Madaxweynaha dawladda Puntland Dr. Cabdiweli Maxamed Cali Gaas uu la yeeshay saraakiisha kala duwan ee ka kala socdey hay’addaha Relief International, SCF iyo SSF ayaa ahaa mid ku qotomay dardargelinta mashaariicaha horumarineed ee hay’addahaasi ka fuliyaan guud ahaan sagaalka gobol ee Puntland,

=DHAMMAAD=

XAFIISKA, WARFAAFINTA, WACYI-GELINTA, HIDDAHA IYO DHAQANKA EE MADAXTOOYADA DAWLADDA PUNTLAND

R/wasaare Khayrre iyo Wafdi uu Hoggaaminayo oo si diirran loogu soo dhaweeyey Baraawe[Masawiro]

Wed, 11/15/2017 - 16:08

Baraawe:-Ra’iisul Wasaaraha Xukuumadda Federaalka Soomaaliya Mudane Xasan Cali Khayre iyo wafti uu hogaaminayo oo ay ka mid ahaayeen Ku-simaha Wasiirka Gaashaandhiga Mudane Maxamed Cali Xagaa, Xilidhibaano iyo Siyaasiyiin ayaa maanta booqasho ku tagay degmada Baraawe ee gobolka Shabellaha Hoose, iyadoona loo sameeyey soo dhaweyn aad u ballaaran. Safarka Ra’iisul Wasaaraha ayaa qayb ka ahaa safarradii uu ugu kuur galayey xaaladaha ka jira Maamullada dalka, si u ogaado nolasha dadka ee dhanka nolosha iyo amniga.

Ra’iisul Wasaaraha iyo waftigiisa ayaa kulan xog waraysi ah la yeeshay Madaxweynaha Maamulka Koonfur Galbeed Mudane Shariif Xasan Sheekh Aadan iyo shacabka ku dhaqan degmada Baraawe oo aad uga waramay dhibaatooyinka ka jira gobolka.

Ra’iisul Wasaare Xasan Cali Khayre ayaa qudbad dheer u jeediyey shacab aad u tiro badan oo ka qayb qaadanayey soo dhaweynta waftiga ayaa uga mahadceliyey sida sharafta leh oo ay u soo dhaweeyeen.

“Waxaan aad ugu farax sanahay sida wanaagsan oo aad noo soo dhaweyseen, Waxaana halkaan iiga muuqda sida reer Baraawe diyaar ugu yihiin dawladnimada, waxaana naga go’an inaad heshaan nabad, cadaalad iyo sinaan taas oo ah siyaasadda dawladda lagu dhisay,”ayuu yiri R/W Khayre.

“Baraawe waxay ahayd magaaladii aan ka dhoofay 1989kii, markii aan dalka ka baxayay waad ku mahadsantihiin martigelintiina xiligaas iyo xiligan, Magaaladani waxay qeyb ka qaadatay fidinta diinta islaamka, dadkeeduna waxay caan ku yihiin sharaf, karti, halgan iyo wax soo saar”ayuu yiri Ra’iisul Wasaaraha oo la hadlayay shacabka magaalada Baraawe, kana codsaday madaxda Koonfur-galbeed in si deg-deg ay ugu soo guuraan magaallo madaxda maamulka oo ah degmada Baraawe.

Ra’iisul Wasaaraha ayaa ugu danbeyn tilmaamay in degmada ay sii joogi doonaan qeybaha kala duwan ee Ciidamadda, isla markaana looga baahan yahay shacabku iney ka qeyb qaadaan dagaalka lagu xoreynayo deegaanada ay weli ku sugan yihiin kooxaha argagixsada ah.

[See image gallery at halgan.net]

Madaxweynaha JFS oo la kumay Culima’udiinka Soomaaliyeed iyo guddigii dhaqaale uruurinta ka waday dalalka Kenya iyo Uganda

Tue, 11/14/2017 - 18:48

Madaxweynaha jamhuuriyadda federaalka ah ee Soomaaliya, Mudane Maxamed Cabdullaahi Farmaajo, ayaa maanta la kulmay Culima’udiinka Soomaaliyeed iyo guddigii dhaqaale uruurinta ka waday dalalka Kenya iyo Uganda.

Madaxweyne Farmaajo, ayaa Guddiga guddigii dhaqaale uruurinta ee dalalka Kenya iyo Uganda uga mahad celiyey kaalintii ay ka qaadateen gurmadkii dadkii ay waxyeelada kasoo gaartay dhacdadii 14 Oktoobar Ex Zoobe ee Magaaladda Muqdisho, waxaana uu ku ammaanay isxil qaanka ay sameeyeen.

sidoo kale Madaxweynaha Soomaaliya, ayaa Culimada Soomaaliyeed kala hadlay siddii ay kaalin uga qaadan lahaayeen wacyi gelinta bulshada iyo inay ka qeyb qaataan dagaalka dowladda ay kula jirto argagixisada, maadaama kooxdaasi ay ka been sheegeyso diinta Islaamka.

Culima’udiinka Soomaaliyeed iyo guddigii dhaqaale uruurinta ka waday dalalka Kenya iyo Uganda, ayaa maanta soo gaaray Magaaladda Muqdisho, waxaana ay sidoo kale la kulmeen Ra’iisul wasaaraha Soomaaliya, Mudane Xasan Kheyre, iyaggoo Guddiga gurmad qaran ku warreejiyey $350-kun oo laga soo uruuriyey Soomaalida Kenya iyo $53-kun oo laga soo uruuriyey Soomaalida ku nool Uganda, si loo gaarsiiyo dadkii wax yeeladu ay ka soo gaartay qaraxii Zoobe ee bishii la soo dhaafay lagu gumaaday dad aan waxba galabsan.

—Dhamaad—-

Madaxweynaha Puntland oo Degmada Xumbays u magacaabay Guddoomiye iyo ku-xigeen.

Tue, 11/14/2017 - 15:31

Garoowe:-Digreeto kasoo baxday xafiiska Madaxweynaha dawladda Puntland Dr. Cabdiweli Maxamed Cali Gaas Xeer Madaxweyne Lr- 136 November 13 2017 ayaa loogu magacaabay si ku meel gaar ah degmada Xumbays Guddoomiye iyo Guddoomiye Ku-xigeen.

Madaxweynaha Dawladda Puntland.

Markuu arkay: Dastuurka dawladda Puntland.

Markuu tixgeliyey: Aqoontooda iyo waayo aragnimadooda shaqo.

Markuu tixgeliyey: Tala soojeedinta Wasaaradda Arrimaha Gudaha Dawladaha Hoose iyo Horumarinta Reer Miyiga.

Wuxuu xeeriyey:

Waxaa Axmed Yuusuf Cusmaan si ku meel gaar ah loogu magacaabay Guddoomiyaha degmada Xumbays. Waxaa Bashiir Maxamed Cali [Galla] si ku meel gaar ah loogu magacaabay Guddoomiye Ku-xigeenka degmada Xumbays. Xeerkani wuxuu dhaqan gelayaa markuu Madaxweynuhu saxiixo, wuuna saxiixay Madaxweynuhu.

=DHAMMAAD=
XAFIISKA, WARFAAFINTA, WACYI-GELINTA HIDDAHA IYO DHAQANKA EE MADAXTOOYADA DAWLADDA PUNTLAND.

Gudoomiyaha cusub ee Mu,asasada Safa Cabdicasiis Cali Xasan oo si rasmi ah xilka ula Wareega.[Masawiro]

Tue, 11/14/2017 - 08:13

Waxaa 10kii Bishan Nofeember Maalintii Jimcada Ahayd Lagu Qabtay Hoteel Furaat Muqdisho Xaflad Si weyn Loo Soo Agaasimay, Xafladaa Oo Xilkii Gudoomiyaha Fulinta Mu,asasada Safaa Uu Kula Wareegaayay Ustaad Cabdicasiis Cali Xasan Waxaana Uu Xilka Kala Wareegay Sheekh Muxamed Muuse Oo Ahaa Gudoomiyihii Fulinta Ee Mu,asasada Sedexdii Sano ee Ugu danbaysay, Ayadoo Ustaad Cabdicasiis Xilkaa Loo Doortay Bishii Hore Ee Oktoobar.

Mu,asasada Safaa Oo Ka Shaqeesa Inta Badan Koofurta Soomaaliya Xarunteeda Waa Muqdisho Waxaana La Aasaasay 2012kii Waxayna Ka Shaqeesaa Dacwada Tacliimta Iyo Arimaha Horumarinta Oo Samafalkana Ka Mid yahay.

Xafladda Oo Aad U Heer Saraysay Ayaa Waxaa Ka Soo Qaybgalay Qaar Ka Mid Ah Hogaamiyayaasha Jamaacaadka Islaamiga Ee Soomaaliya, Culimaa u diin, Aqoonyahan, Ganacsato, Dhalinyaro, Iyo Dad kale Oo Muhim Ah.

Xafladda Oo Ay Ka Horaysay Qada Sharaf Lagu Maamuusay Kasoo Qaybgalayaasha Xil wareejinta Ayaa Loo Dareeray Hoolkii Xafladda Ka Dib Qadadii, Qur,aan Aqrintii Lagu Furay Xafladda Ka Dib Waxaa Martida Soo Dhaweeyay Sheekh Maxamuud Abuu Shaybah Oo Ah Gudoomiyaha Aasaasayaasha Mu,asasada Safaa, Sheekh Maxamuud Ayaa U Mahadnaqay Ka Soo Qaybgalayaasha Xafladda Si Koobanna u Tacriifiyay Mu,asasada Safaa Iyo Hawlaheeda Sheegayna Barnaamijka Loo Fadhiya Maanta Ee Ah Xil Wareejinta Iyo La Wareegidda Gudoomiyaha fulinta Ee Mu,asasada.

Waxaa Kalimadii Culimada Ku Hadlay Sheekh Muxamed Yaasiin Cabdiwaaxid Oo ka mid ah Culimada Waawayn Ee Muqdisho Iyo Soomaaliyaba, Intaa Ka Dib Waxaa Kalimadii La Siiyay Sheekh Muxamed Muuse Gudoomiyihii Mu,asasada Safaa Ee Hada Xilka Wareejinaayay Waxaana Uu Xusay Sheekha Waxqabadkii Mudadii Uu Xilka haayay Iyo Guulihii Mu,asasada Ay Gaartay Waxaana Uu u rajeeyay Guul Iyo waxqabad In uu Ku Hogaamiyo Mu,asasada Gudoomiyaheeda Cusub.

Intaa Ka Gadaal Waxa kalimadii Qaatay Ustaad Cabdicaaiis Cali Xasan Gudoomiyaha Cusub Ee Safaa Asagoo U Mahadnaqay Dhamaan Ka Soo qaybgalayaasha Xafladda Sidoo kale Waxaa uu Mahadnaqiisa si Gaar ah U Gaarsiiyay Maamulka Uu Xilka Hadda Kala Wareegaayay Iyo Mamulkii Ka Horeeyay Ee Mu,asasada Iyo Aasasayaashii Sida Wanaagsan Hoosha U Soo Gaarsiiyay Meel Fiican Iyo Dhamaan Xubnaha Safaa.

Waxaana Uu Sheegay Gudoomiyaha Cusub Ee Safaa In Uu Wax Badan Oo Horumar Uu Ku soo Kordhin doono Mu,asasada Howlaha Ay U Xilsaarantahay Ee Dacwada Iyo Tacliimta Iyo Horumarintana Hadii Allah Yiraahdo, Qayb lixaad lehna Ay ka qaadan doonto Mu,asasada Acmaashaa Muhimka ah Ee Socda, Waxaana uu ka Codsaday Xubnaha Mu,asasada Safaa Oo Xafaldda Si wayn Uga soo Qaybgalay In ay La Shaqeeyaan Si Ay Uga mira dhaliyaan Himilooyinkii Loo Aasaasay Mu,asasada.

[See image gallery at halgan.net]

Waxaa Xafladda Ka Hadlay Sheekh Cabdi Xayi Sheekh Adam, Sheekh Yuusuf Tuurxume, Sheekh Cabdiqaadir Soomoow, Sh. Maxamed Saruur Dhamaan Culimadaa Oo Ahaa Wakiiladii Xarakaatka Islaamiga Ah Ee Soomaaliya Uga Qaybgalay xafladda ayaa dhamaantood Soo Dhaweeyay Gudoomiyaha Cusub Waxayna Ku Baaqeen Tacaawun Iyo Wadashqayn Si Dowrka Culimada Iyo Ducaadda U Guulaysto.

Waxaa Kaloo Kalimaad La Siiyay Wakiilo ka Socday Maraakista Dibadda Ee Dacwada Sida Koofur Afrika (Albayaan) Oo uu ka Socday Sh. Maxamuud Adar, Sheekh Ismaaciil Saciid Oo Ka Socday Maraakista Yurub Iyo Sheekh Aadam Sheekh Cabdile Oo Ka Mid Ah Midowga Imaamyada Mareekanka Ahna Imaamka Masjid Ibnu Taymiyah Ohio USA.

Waxaa Kaloo Goob Joog Ahaa Culimo Ka Socotay Mu,asasada Alminhaaj Ee Ka Dhisan Gobolada Buntlaan Waxaana U hadlay Sheekh Maxamed Cabdullahi Oo Ah Gudoomiyaha Fulinta Mu,asasada Iyo Sheekh Maxamuud Xaaji Yusuf oo Ah Sheekha Garowe iyo Gudoomiyaha Jaamacadda Bariga Afrika Ee Garowe.

Waxaa Kaloo Kalimad La Siiyay Sheekh Cabdiwaaxid Xaashi Oo Ah gudoomiyaha Jimciyadda Manhal Iyo Odayaasha Jamaacada Ictisaam Oo Mu,asasada Safaa Ay Hoos tagto.

Dhamaan Ragaa Hadlay Waxay Booriyeen Gudoomiyaha Cusub Wayna u duceeyeen Ayagoo Mu,asasada Safaa U rajeeyay guul iyo horumar.

Waxaa Soo Xiray Shirka Gudoomiyaha Fulinta Jamaacada Ictisaam Bil Kitaab Wasunah Diktoor Haaruun Sheekh Xuseen Oo U dardaarmay Gudoomiyaha Cusub Allah tala Saarasho Iyo Waxqabad Asagoo Gudoomiyaha u Mahadnaqay Maamulkii Hore Iyo Dhamaan Reer Safaa Waxaa Uu Ku Booriyay In Howl Culus Hortaalo Ayna Laba Jibaaraan Waxqabadkooda Si Loogu Guulaysto Ahdaaftii Loo Aasaasay Mu,asasada.

Mu,asasada Safa
Muqdisho
Halgan.net

Hawlaha Gudiga Gurmadka Safa ee dhibkii Zoobe oo ka socda Muqdisho.[Masawiro]

Mon, 11/13/2017 - 21:58

Muqdisho:-Waxaa wali ka socda Gurmadka loogu gurmanayo Agoonta & Hooyooyinka ehelkooda ku waayey mudiibadii is goyska Soobe oo dad & hanti badan ku baaba’dey. Mu’asasada Safa ee Dacwada & Hormarinta oo kaashaneysa Jaaliyadaha Soomaaliyeed ee Tanzania & Sweden waxaa maantana deeqo lacageed la gaarsiiyey Agoon & Qoysas ehelkooda ku waayey Musiibadii dhacdey.

39 Agoon oo abaayaashood ku waayey musiibadii dhacdey ayaa la gudoonsiiyey deeq lacageed oo ka timid Jaaliyada Soomaaliyeed ee Tanzania. Agoon walba waxaa la siiyey lacag dhacan $300 oo loogu tala galey iney kaabid ugu noqoto nolosha & Waxbarashada.

Sidoo kale lacag gudiga gurmadka ee Safa kasoo gaadhey Jaaliyada Soomaaliyeed ee Magaalada Jonkoping ee Sweden ayaa la gaarsiiyey 30 Qoys oo iyana ehelkooda ku waayey musiibadii Soobe, waxaana qoys walba la siiyey lacag $200 ah.

[See image gallery at halgan.net]

Kulanka lacagaha lagu gudoonsiiyey Agoonta & Hooyooyinka waxaa goob joog ka ahaa kelmadana ka jeediye:-

– Dr. Sh. Harun Sh Hussein

– Sh. Maxamuud Sh Axmed, Abu Sheyba, Gudoomiyaha Gudiga Gurmadka Safa

– Sh. C/Casiis Cali Xasan, Gudoomiyaha Mu’asasada Safa.

Gurmadka lacageed ee loo fidiyey Agoonta & Qoysaska ayaa kaabid bilow ah u noqonaya nolasha Qoysaska & Waxbarashada Agoonta.
Muqdisho 23 Safar 1439
13 November 2017
وبالله التوفيق
Gudiga Gurmadka Mu’asasada
Safa ee Dacwada iyo Horumarinta .

Pages