News From Halgan Net

Subscribe to News From Halgan Net feed
Somali News
Updated: 43 min 34 sec ago

Xukuumada JFS oo War murtiyeed ka soo saartay doorashadii Madaxweynaha Galmudug

Sat, 05/06/2017 - 19:00

Maalinitii Talaadada ee Taariikhdu ahayd May 2, 2017 ayaa wafti uu hogaaminayo wasiirka Wasaaradda Arimaha Gudaha, Federaalka iyo Dib u heshiinta Cabdi Faarax Saciid (Juxa) oo ka koobnaa wasiirro, xubno ka socda labada aqal ee Baarlamaanka Dawladda Federaalka ee Soomaaliya ku tageen caasimadda ku meelgaarka ah ee Dawlad Goboleedka Gal-Mudug si ay Korjoogayaal iyo markhaanti uga noqdaan doorashada ka dhacaysa Cadaado maalinimada Arbacadii ee 3-dii, 05,2017.

3-dii Bisha ayaa doorasho 3 Musharax ku Tartameen ka dhacday Caasimada ku meel gaarka ah ee maamul Goboleedka Gal-mudug ee Cadaado. Doorashadaas waxaa ku guulaystay musharax Axmed Ducaale Geelle (Xaaf), Haddaba:

  1. Waxay Dawladda Federaalka ee Soomaaliya soo dhowaynaysaa natiijada kasoo baxday Doorashadaas oo ay u aragto inay u dhacday si xor iyo xalaal ah.
  1. Waxay Dawladda Federaalka ah ee Soomaaliya ugu baaqaysaa hoggaanka cusub ee Gal-Mudug inay si deg-deg ah dib ugu bilaabaan wadahadaladii u socday Ahlu-Sunna iyo Gal-Mudug, si Xal kama dambays ah looga gaaro Khilaafka labada Dhinac.
  2. Waxay Dawladda Federaalka ee Soomaaliya diyaar u tahay waxkasta oo ay ka gaysan karto in Xal waara laga gaaro Nabadda iyo Midnimada Deegaanka Gal-Mudug, si Shacabka reer Gal-Mudug u helaan nabad iyo xasilooni waarta.
  3. Waxay Dawladda Federaalka ah ee Soomaaliya ugu baaqaysaa beesha caalamka iyo cid kasta oo kale oo arintaan danaynaysa in ay gacan buuxda ka gaystaan si loo fududeeyo wadahadalada labada dhinac.
  4. Waxay Dawladda Federaalka ah ee Soomaaliya Shacabwaynaha reer Gal-Mudug iyo Hogaankooda cusubba ugu baaqaysaa inay si wadajir ah uga wada Shaqeeyaan nabadda, midnimada iyo xasiloonida deegaanada Gal-Mudug.

 

—–Dhamaad—

Madaxweynaha Puntland oo Gaalkacayo ka Dhagax Dhigay Mashaariic Horumarineed (Masawiro)

Sat, 05/06/2017 - 18:53

Madaxweynaha Dawladda Puntland Dr. Cabdiweli Maxamed Cali Gaas ayaa maanta 06 May 2017 magaalada Gaalkacayo ka dhagax dhigay mashaariic horumarineed oo laga hirgelinaayo magaaladasi, waxaana hirgelinaya mashaariicdani Company-ga Al- Baashid.

Dhigax dhiga mashaariicdani ayaa waxaa madaxweynaha ku wehelinaayey masuuliyiin ka tirsan goloyaasha Dawladda Puntland, maamulka gobolka Mudug, kan degmada Gaalkacayo, saraakiil ka tirsan madaxtooyada dawladda Puntland iyo masuuliyiin kale oo kamida wax garadka magaaladaasi.

Madaxweynaha Dawladda Puntland oo kahadlay mashaariicdan horumarineed ee laga hirgelinaayo magaalada Gaalkacayo ayaa sheegay in ay wax weyn ka bedeli doonaan waxbarashada, Caafimaadka, Amniga  iyo biyaha magaalada Gaalkacayo.

Sidoo kale Madaxweynaha ayaa xusay in mashaariicdani ay isugu jirto dhisme iskuulo, dhisme goob caafimaad, dhismaha xafiisyada gobolka iyo kan degmada Gaalkacayo, saldhig Booliis, iyo ceel-biyaadyo iyaguna ka qayb ka ah mashruuca.

‘’waa mashruuc weyn oo ka kooban iskuulo, cusbitaal, saldhig Booliis, xafiisyadii gobolka iyo kan degmada, iyo ceel-biyoodyo, magaaladan oo ah runtii magaalo muhiima oo kutaala koonaha Puntland, micne weyn ugu fadhida difaaca iyo nabad gelyada Puntland in horumarku wax kasoo gaadho waa muhiim weeye, mashruucan waxaan rabnaa inuu siday tahay u fulo waxaana fulin doona Company-ga Al-Baashid oo runtii shaqooyin badan oo muhiima dalka hore uga fuliyey waxaan ka rajaynaynaa Company-ga inuu masharuuca say tahay u fuliyo, mashruuc wax ku oola oo wax badan ku soo kordhiya bulshada reer Gaalkacayood uu noqdo ayaan rajaynaynaa hadii Alle idmo’’ ayuu yiri madaxweynaha dawladda Puntland.

Madaxweynaha Dawladda Puntland oo fariin u diray bulshada magaalada Gaalkacayo ayaa sheegay in mashruucdani  lagu qiimayn doono hadba sida ay uga qayb qataan bulshada magaalada Gaalkacayo hirgelintiisa iyo dardar gelinta dhamaystirka mashruuca, waxaana uu hoosta ka xariiqay in mashaariicdani qiimayn u tahay mashaariicda kale ee laga hirgelin doono xarunta gobolka Mudug.

‘’Dabcan  reer Gaalkacayood waxaan u sheegaynaa waxa weeye hadba sida aad u fulisaan oo uga qayb qaadataan ayaa mashaariicda danbena ku xidhnaan doonaan hadii Illahy yiraahdo’’ ayuu yiri madaxweynaha Dawladda Puntland.

Ugu danbayn, Madaxweynaha dawladda Puntland Dr. Cabdiweli Maxamed Cali Gaas ayaa kula dardaarmay shacabka Puntland meelkastay joogaan inay ilaashadaan xasiloonidooda, sharaftooda iyo karaamadooda intaba.

–DHAMMAAD—

XAFIISKA, WARFAAFINTA, WACYI,GELINTA HIDDAHA IYO DHAQANKA EE MADAXTOOYADA DAWLADDA PUNTLAND.

Askari Mareykan ah oo Lagu Dilay deegaanka Bariire ee gobolka Sh/Hoose ee Soomaaliya

Fri, 05/05/2017 - 17:07

Taliska dhexe ee ciidamada Mareykanka ee Afrika ee AFRICOM ayaa sheegay in askari American ah lagu dilay howl-gal ka dhan ah Al-Shabaab oo xalay ka dhacay deegaanka Bariire ee gobolka Sh/Hoose oo 40 KM galbeed ka xiga Muqdisho.

Taliska ayaa sheegay in ciidamada Mareykanka ay fulinayeen howlgal la-talin iyo caawimaad isugu jira oo ay kala qeyb galeen ciidamada dowladda Soomaaliya.

“Al-Shabaab waxa ay halis ku tahay Mareykanka iyo danaha Mareykanka” ayaa lagu yiri bayaan kasoo baxay AFRICOM.

“Kooxda Al-Shabaab ay ku xiran tahay ee Al-Qacida waxay dishay dad Mareykan ah, waxay xagjir ka dhigtay oo ay dagaalyahano ka qoratay gudaha Mareykanka, waxayna isku dayday inay fuliso ama dhiiri-geliso weeraro ka dhan ah Mareykanka iyo xulafadeena dunida”.

Taliska Mareykanka ee Africa waxa uu sheegay inuu sii wadi doono taageerada la siiyo Soomaaliya iyo saaxiibada gobolka, si loo burburiyo kooxda Al-Shabaab, islamarkaana xasillooni iyo amni loogu soo dabaalo gobolka.

VOA Somalia
Halgan.net

Wasiirka Warfaafinta “Soomaaliya si fiican bey ugu diyaar-garowday Shirka London ee 11ka May”

Fri, 05/05/2017 - 17:02

Wasiirka Warfaafinta Mudane C/raxmaan Cumar Cismaan (Eng. Yarisow) ayaa ka warbixiyey diyaar garowga shirka London oo 11ka May ka dhacaya dalkaas UK, gaar ahaan Lancaster House ee caasimada London. Wasiir Eng. Yarisow oo ka hadlaya diyaar garowga shirka ayaa yiri “Dowladda Federaalku si aad ah bey ugu diyaar garowday shirka London oo ay wada shir-guddoominayaan Madaxweynaha Soomaaliya, Ra’iisul Wasaaraha UK iyo Xoghayaha Guud ee Qaramada Midoobay, ayna ka soo qeybgalayaan beesha caalamka.”

Dowladda Federaalka oo uu hoggaaminayo Madaxweynaha Jamhuuriyada Federaalka ee Soomaaliya Mudana Maxamed C/laahi Maxamed (Farmaajo) ayaa ka qeybgali doona. Shirkan ayaa looga hadli doonaa arrimo ay ka mid yihiin amniga, siyaasada iyo kobcinta dhaqaalaha Soomaaliya iyo gurmadka abaaraha dalka ka jira.

Wasiir Eng. Yarisow oo hadalkiisa sii wata ayaa yiri “Dowladda Federaalka ayaa in muddo ah ka howlgaleysey sidii shirkan u noqon lahaa mid miro dhala, iyadoo guddi loo xilsaaray si joogta ah ula kulmayey saraakiisha dowladda UK iyo Ergeyga Gaarka ah ee Xoghayaha Guud ee Qaramada Midoobey iyo diblomasiyiinta saaxiibada la ah Soomaaliya. Dowladda Federaalka ayaa diyaarisey qorsheyaasha amniga si ciidanka Xooga Dalka Soomaaliyeed loo tayeeyo oo ay mustaqbalka dhow amniga dalka ugala wareegi lahaayeen ciidanka AMISOM.

“Sidoo kale Dowladdu waxey diyaarisay qorshihii maamulka iyo maareynta maaliyada oo beesha caalamka siin kara kalsooni buuxda iyo qorshihii u diyaar garowga nidaamka dimoqraadiyeynta dalka si 4 sano gudahood loo qabto doorasho hal cod iyo hal qof ah.”

Eng. Yarisow ayaa ugu danbeyntii ka codsaday shacabka Soomaaliyeed inay taageeraan shirkan bacdamaa uu noqonayo shir ka duwan kuwii hore oo Dowlada Federaalka ay la tageyso qorsheyaasheeda, beesha caalamkana aya nagu taageeri doonto. Shirkan ayaa noqonaya mid ay Soomaali hoggaamineyso, qorsheyaasheedana ka codsaneyso in caalamku ku taageero.

——–DHAMAAD——–

Wasaarada Warfaafinta
media@moi.gov.so sidiqfaarax@gmail.com

Shiinaha oo Burcad Badeed ku Wareejiyey Puntland [Dhagayso]

Fri, 05/05/2017 - 17:01

Boosaaso:-Magaalada Boosaaso waxaa maanta ku soo xidhay saxiimado sida ciidamada Shiinaha waxayna ku wareejiyen mas’uuuliyiinta Puntland saddex nin oo budhcad badeed ah oo lagu qabtay hawlgal dhicisoobay oo 8-deedii bishii hore ay burcad badeedu doonayeen inay ku afdbuubteen Markab sita calanka Lubnaan.

Saddexdaasi maxaabiista ah ayaa la sheegay inuu ku jiro nin lagu magacaabo Cabdikariim Saalax Aw Koombe oo la sheegay inuu ka mid yahay hoggaamiyayaasha burcad badeedda. Ciidamada Shiinaha ayaa sidoo kale maamulka Puntland ku wareejiyey hubka ay siteen budhcad badeeddaasi ee ay u adeegsadeen weerarkaas.

Weriyaha VOA ee Boosaaso Faadumo Yaasin Jaamac ayaa Nuur Xasan Nuur uga warrantay arrintan.

Source: VOA

Madaxweynaha Puntland oo Gaalkacyo kula kulmay wafti ka socda Turkiga

Thu, 05/04/2017 - 19:41

Madaxweynaha Dawladda Puntland Dr. Cabdiweli Maxamed Cali Gaas ayaa maanta 04 may 2017 ku qaabilay magaalada Gaalkacayo wefti uu hogaaminayo kuxigeenka safiirka dalka Turkiga u qaabilsan arrimaha Soomaaliya Mr. Alican Aksoy.

Kahor inta aanu Madaxweynuhu ku qaabilin xafiiskiisa weftigani ayaa waxaa garoonka diyaaradaha ee Abdulaahi Yuusuf Ahmed ku soo dhoweeyey masuuliyiin ka tirsan goloha wasiirada dawladda Puntland, saraakiil ka tirsan madaxtooyada dawladda Puntland, maamulka gobolka Mudug, kan degmada Gaalkacayo iyo masuuliyiin kale.

Weftigani uu hogaaminayey kuxigeenka safiirka dalka Turkiga u qaabilsan arrimaha Soomaaliya Mr. Alican Aksoy ayaa u socdey kormeer ku aadan maashaariico horumarineed oo ay ka hirgelin doonaan Puntland gaar ahaan magaalada Gaalkacayo, waxaana kamida shaaricdaasi dhismaha cusbitaal weyn iyo iskuul lagu baran doono farsamada gacanta kaas oo wax weyn ka tari doona sare u qaadida xirfada iyo aqoonta  dhalinta ku dhaqan magaaladaasi iyo guud ahaan Puntland.

Mashaariicdan ayaa ah kuwo madaxweynaha Dawladda Puntland uu hore ugu gudbiyey safiirka dalka Turkiga u qaabilsan arrimaha Soomaaliya inay ka caawiyaan Puntland, isla markaana ay ka hirgeliyaan magaalada Gaalkacayo maadaama ay cubitaalkii weynaa ee magaaladaasi hore u soo gaadhey burbur xoogan oo gebihaanba dhulka uu la sinmay dhismihii cusbitaanka.

Madaxweynaha Dawladda Puntland ayaa kulan kula qaatay xafiis kiisa magaalada Gaalkacayo wufuuda kasocotey safaarada Turkiga ee Soomaliya, waxaana uu madaxweynuhu uga mahad naqay dalka Turkiga mashaaricdaasi wax-tarka leh ee ay ka hirgelinayaan Puntland gaar ahaan magaalada Gaalkacayo kuwaas oo wax weyn ka taridoona baahiyaha caafimaad iyo kuwa wax barashowe ee shacabka Puntland iyo ummaadad Soomaaliyeedba.

Dhinnnaca kale weftiga uu hogaaminayey kuxigeenka danjiraha dalka Turkiga ee Soomaaliya ayaa soo kormeeray goobaha laga hirgelinaayo mashaariicdaasi iyo sidoo kale cusbitaalka weyn ee magaalada Gaalkacayo oo ay ku sugan yihiin dad badan oo ay wax yeelo u geysatay abaartii Alle ka dulqaaday ummaadiisa iyo iskuulka Cumar Samatar oo ka mida goobaha waxbarasho ee ugu facaweyn Soomaaliya.

Wasiirka wasaarada degaanka Dawladda Puntland ayaa sheegay in Puntland ay ahay albaabkii koowaad ee ay markii ugu horaysey ka soo galeenTurkigu Soomaaliya, taas oo sababtay in Soomaliya iyo Turkigu noqdaan laba dal oo saaxiiba, waxaana uu mahad balaadhan u soo jeediyey shacabka Turkiga iyo xukoomadooda oo ummaadda Soomaaliyeed markasta garab taagan.

Mr. Alican Aksoy ayaa dhankiisa sheegay in dawladda Puntland ay ka jirto maamulwanaag, kala danbayn, xasilooni iyo wada jir dhanwalba leh, waxaana uu madaxweynaha dawladda Puntland uga mahadnaqay qaabilaada boqran ee uu ku qaabilay.

 

Ugu danbayn, Madaxweynaha Dawladda Puntland Dr. Cabdiweli Maxamed Cali Gaas ayaa gudoonsiyey waftiga hadiyado isku jirey hidaha iyo dhaqanka Soomaalida iyo sidoo kale midhaha qaar kamida kuwa Soomaalidu ugu jeceshay uguna isticmaalka badantahay.

–DHAMMAAD—

XAFIISKA, WARFAAFINTA, WACYIGELINTA, HIDDAHA, IYO DHAQANKA EE MADAXTOOYADA DAWLADDA PUNTLAND.

Maamulka Puntland oo Hambalyo u diray Madaxweynaha Cusub ee Gal-Mudug

Thu, 05/04/2017 - 00:08

Garoowe:-Madaxtooyada Puntland ayaa u Hambalyeeyay Madaxweynaha Cusub Ee Maamulka Gal-Mudug Axmed Ducaale Geelle Xaaf  ka dib doorasho ka dhacaday magaalada Cadaado ee xarunta KMG ee Maamulka Galmudug.
Maamulka Puntland ayaa Hambalyo u dirtay Madaxweynaha cusub ee Galmudug waxayna u rajeeyeen guul

M_M Deeq
Halgan.net

 

Axmed Ducaale Geelle Xaaf oo loo Doortay Madaxweynaha Galmudug (Dhageyso)

Wed, 05/03/2017 - 23:57

Xildhibaanada Baarlamanka Galmudug ee bartamaha Soomaaliya ayaa maanta madaxweynaha maamulkaasi u doortay Axmed Ducaale Geelle Xaaf, oo ah ganacsade xildhibaan ka soo noqday baarlamaanadii hore ee Somalia ee 16-kii sanadood ee la soo dhaafay.

Xubnihii Baarlamanka Galmudug ee maanta codeeyay ee 89-ka ahaa ayaa Mr. Xaaf waxa uu wareegii 2-aad kaga guuleystay 54 cod, Axmed Shariif Cali Hilowle oo helay 34 cod, halka hal codna uu xumaaday.

Doorashada ka dib ayaa Axmed Ducaale Geelle Xaaf lagu hor dhaariyay xildhibaanada, isagoo ballan qaaday inuu wax ka qabanayo howsha weyn ee hortaalla maamulkiisa oo ay ka mid tahay dib u heshiisiinta.

Doorashada ayaa ku dhacday jawi xasillan, iyadoo murashixii laga guuleystay ee Axmed Cali Hilowlana uu u hambalyeeyay madaxweynaha la doortay, una ballan qaaday inuu la shaqeeynayo.

Warbixintan waxaa Cadaado kasoo diray weriyaheena Cabdi Waaxid Macallin Isxaaq.

VOA Somalia
Halgan.net

Codeynta Doorashada Madaxweynaha cusub ee Gal-Mudug oo ka bilaabatay Cadaado

Wed, 05/03/2017 - 10:46

Cadaado:-Waxaa dhawaan ka bilaabtay Xarunta Madaxtooyada Magaalada Cadaado ee maamulka Gal- Mudug Doorashada Madaxweynaha cusub ee Galmudug oo ay u tartami doonaan ilaa 3 musharax. Xildhibaanada Galmudug ayaa bilaabay in ay codkooda dhiibtaan waxaan ilaa soo dhamaaday wareegii koowaad , masharaxiinta u tartamay xilka Madaxweynaha cusub ee Gal-Mudug ayaa waxaa ka mid ah Axmed Ducaale Geelle Xaaf,Axmed-Shariif Cali Hilowle iyo Prof C/qaadir Maxamed Shirwac.

A/cawaale
Halgan.net

Madaxweynaha dowladda Federaalka Soomaaliya Maxamed C/llaahi Farmaajo oo u dhoofay dalka Itoobiya

Wed, 05/03/2017 - 10:45

Muqdisho:-Madaxweynaha dowladda Federaalka Soomaaliya Maxamed C/llaahi Farmaajo iyo wafdi uu hogaaminayo ayaa goordhaw ka duulay Garoonka diyaaradaha Aadan Cadde ee Magaalada Muqdisho iyagoo ku sii jeeda Dalka Itoobiya. Wafdiga uu hogaaminayo Madaxweynaha ayaa waxaa ay ka kooban yihiin Xildhibaano iyo wasiiro , Saraakiil ka tirsan xarunta Madaxtooyada waxaan wafdiga Madaxweynaha uu kulan la qaadan doonaa inta uu ku sugan yahay dalka Itoobiya Madaxda ugu saraysa dowladda Itoobiya.

Wafdiga Madaxweynaha dowladda Federaalka Soomaaliya Maxamed C/llaahi Farmaajo ayaa waxaa ay ku sugnaan doonaa dalka Itoobiya hal maalin waxaan ay dib ugu soo laabam doonaa magaalada Muqdisho ee caasimada Soomaaliya.

Safarka Madaxweynaha dowladda Federaalka Soomaaliya Maxamed C/llaahi Farmaajo uu ku tegay dalka Itoobiya ayaa waxaa uu noqonayaa safarkii 6aad ee uu madaxweynuhu ku gaaro dibadda.

A/cawaale
Halgan.net

Sarkaal ka tirsanaa Al-Shabaab ah oo Isu Dhiibay maamulka Jubaland.[Dhagayso]

Wed, 05/03/2017 - 10:45

Kismaayo:-Wasiirka Amniga ee Jubbaland Cabdirashiid Xasan Cabdinuur ayaa sheegay in maanta uu maamul kooda isu soo dhiibtay sarkaal ka tirsan ururka Al-Shabaab. Wasiirka ayaa sheegay in illaa 11 xubnood oo ka tirsan ururka al-Shabaab inay maamulkooda isu soo dhiibeen illaa bishii April 20-keeda, kuwaas oo dhammaantood ka faa’iidaysanaya cafiskii uu ku dhawaaqay madaxweynaha Soomaaliya Maxamed Cabdullaahi Farmaajo.

Wasiirka ayaa sheegay in sarkaalka maanta isa soo dhiibay lagu magacaabo Cabdikariim Sheekh Xasan, islamarkaana uu dhinaca caafimaadka gobolka Gedo u qaabilsanaa Al-Shabaab.

Hoos ka Dhagayso Ismaaciil Xuseen Farjar ayuu khadka telefoonka ugu waramay wasiirku.

Source: VOA

Madaxweynaha Hirshabeelle oo u furay Tababar Wasiirada Hirshabeelle.[Masawiro]

Tue, 05/02/2017 - 22:51

Jowhar:-Madaxweynaha Dowlad goboleedka Hirshabeelle Cali C/llaahi Cosoble ayaa maanta magaalada Muqdisho ka furay Tababar Wasiirada Dowladda Hirshabeele ay ka qeyb galayaan kaasi oo diirada lagu saarayo horumarinta qorshayaasha wasaaradaha iyo qaab dhismoodkooda, waxaana soo qaban qaabisay Hey’adaha UNDP, Iyo UNSOM.

Madaxweynaha dawlad Goboleedka Hirshabeelle Cali C/llaahi Cosoble ayaa ka dalbaday Hey’aha Qaramada Midoobay inay xafiisyadooda ka furtaan magaalada Jawhar oo ah xarunta dawlad goboleedka, isagoo xusay taasi macnaheedu in uusan eheyn hala xiro Xafiiska Qaramada Midoobay ee Beledweyne isaga oo furan ayay Jowhar ka furan karaan waxaana uu u balanqaaday amni buuxa in ay ku shaqeeyaan Magaalada Jowhar.

“Waxaan ka fiicanahay Maamul goboleedyo aanan xaruumahoodu ku shaqeyn oo magaalooyin kale ku shaqeeya laakiin anaga waxaan ku faaneynaa in aan ku shaqeyno xarunta Dowladda Hirshabeele waxa aan u muuqanaa kuwa xiisa ku haya Muqdisho oo inta badan yimaada anagoo amni ahaan ka wanaagsan halkan, hadana taasi waxa nagu qasbaya Hey’adihii shaqada nagala dhexeysay ayaa Muqdisho jooga, marka si wada shaqeyntu ay u fududaato waxaa qasab ah in ay xafiisyadoo ka furtaan Hey’adaha Qaramada Midoobay Jowhar” ayuu Yiri Cali Cabdullaahi Cosoble.

Madaxweyne Cosoble oo sii hadlay ayaa kaga mahadceliyay hey’adihii Tababarka soo qaban qaabiyay, waxaana uu sheegay isu imaatinada noocaan ah in uu wax ka tari doono horumarinta iyo sal u dhigida Hey’adaha Dowladda Hirshabeelle.

Madaxweynaha Dowladda Hirshabeelle Cali Cabdullaahi Cosoble oo sii hadlay ayaa ka dalbaday hey’adaha UN-ka in ay ka qeyb qaataan horumarinta Maamulkani ayna u diyaarsanyihiin qorshayaasha ay ku doonayaan in ay ugu shaqeeyaan Dadka ay matalaan lana xoojiyo dhismaha heykalkii dowladnimo.

“Shaqaalaha UN-ka ay qaataan iyo qandaraasyada ay bixiyaan ee laga fulinayo Hirshabeelle ma ahan dad aan u dhalan Hrshabeelle in ay u qaataan iyadoo hirshabeelle ay leedahay aqoonyahano iyo farsamayaqaano hanan kara shaqooyinkaasi, intii looga faa’ideyn lahaa dad kale oo aan u dhalan deegaanka kana soo jeedin, marka muhiimada koowaad waa in la siiyaa dadka deegaanka ee baaga muudada ah aqoontana leh”Ayuu hadalkiisa sii raaciyay Madaxweynaha Hirshabeelle.

Atul Shekhar oo ah u qaabilsanaha Hay’adda UNDP mashruuca tayeynta hey’adaha dawlad goboleedyada ayaa halkaasi ka sheegay in Qaramada Midoobay Hirdhabeelle ka taageerayso dhinacyo badan oo la xiriira horumarinta iyo tayeynta hey’adaha kale duwan ee maamulka sida dowlad wanaaga iyo dhisida kaabayaasha dhaqaalaha.

Hirshabeelle ayaa ah dawlad goboleedkii ugu dambeeyay ee dhisma, waxaana maamulku wadaa dadaalo dhidibadda loogu aasayo hay’daha maamulkan curdunka ah iyo sidii loo tayeynlahaa shaqo abuurna loo sameyn lahaa.

—–DHAMAAD—-

 

Sixirka iyo Daawadiisa Sheekh Dr Cali Maxamed Saalax Xafidahulaah (Daawo)

Tue, 05/02/2017 - 22:40

Oslo:-Waxaan idiin soo gudbineynaa muxaadaro qiimo badan oo uu jeedinayo Sheekh Dr Cali Maxamed Saalax waxaana uu Sheekhu ku jeedinayaa lugada Englishka waxaana muxaadarada ay ku saabsan tahay Sixirka iyo Daawadiisa.

Hoos Ka Daawo Sixirka iyo Daawadiisa Sheekh Dr Cali Maxamed Saalax Black Magic: Cures and Protection (English )

Halgan.net
Oslo

Ra’iisul wasaaraha DFS Xassan Cali Kheyre oo warqad amar ah u diray Wasaaradda Maaliyada.[Akhriso]

Tue, 05/02/2017 - 17:27

Muqdisho:-Ra’iisul wasaaraha dowladda Federaalka Soomaaliya Xassan Cali Kheyre ayaa waxaa warqad amar ah u diray Wasiirka Maaliyada ee dawladda Faderaalka Soomaaliya , taas oo amar buuxa lagu siinayo Masuuliyiinta Wasaaraddaas.

Hoos ka Akhriso  warmurtiyeed ka soo baxday  xafiiska Ra’iisul wasaaraha DFS Xasan Cali Kheyre

A/cawaale
Halgan.net

Waraysi gaar ah oo Madaxweyne Gaas uu siiyey Radio Daljir– Qaybtii 2aad [Dhegayso]

Tue, 05/02/2017 - 17:14

Gaalkacyo:-Madaxweynaha dawladda Puntland Cabdiweli Maxamed Cali ‘Gaas’ oo wareysi gaar ah siiyey Radio Daljir ayaa ka hadlay arrimo badan oo la xiriira xaaladaha kala duwan ee Puntland siiba xagga hormarka. Madaxweynaha Gaas ayaa wareysigiisaas oo ahaa mid dheeraa, si durugsan uga warramay badankiisa hormarinta guud ee Puntland sida dhismaha kaabasyaasha dhaqaalaha oo iskugu jira garoomada, dekedaha iyo jidadka, isagoo dhinaca kale wax ka tilmaamay hagaajinta hannaanka maamul ee hay’adaha dawladda oo maaliyadda iyo meekhaaminta miisaaniyadda dalka ay ka mid tahay.

Haddaba wareysigaasi oo uu la yeeshay madaxweynaha Wariye Cabdifitaax Cumar Geeddi, wuxuu ku bilaabanayaa sidaan soo socota.

Halkan ka Dhagayso Mp3

M_M_Deeq
Halgan.net

Golaha Wasiirada oo bilaabay kulan wadatashi ah oo lagu dar-dargelinayo waxqabadka Xukuumadda.[Masawiro]

Tue, 05/02/2017 - 17:06

Muqdisho:- Ra’iisul Wasaaraha Xukuumada Federaalka Soomaaliya Mudane Xasan Cali Kheyre ayaa maanta daah-furay kulan wadatashi (Retreat) labo cisho ah oo ay xubnaha Golaha Wasiirada ku dar-dargelinayaan waxqabadka Xukuumadda. Ujeedada kulankan labada cisho ah oo ay wasiiradu ku gorfeynayaan qorshe-howlleedka xukuumada ayaa ah sidii qorsheyaasha wasaaradaha ay u noqon lahaayeen kuwo mideysan oo ka tarjumeysa barnaamijka xukuumadda. Sidoo kale ujeedada kulankan wadatashiga ah ayaa ah dhaqangelinta barnaamij yada isku xirka bulshada iyo daawladda, loogana hadli doonaa sidii loo dhaqangelin lahaa dawlad wanaag, isla xisaabtan, furfurnaan iyo u-adeegidda bulshada Soomaaliyeed.

Ra’iisul Wasaare Xasan Cali Kheyre oo daahfuray kulankan wadatashiga ah ayaa ka hadlay muhiimada wadatashiga oo uu sheegay in Wasiirada looga fadhiyo inay u adeegaan shacabka Soomaaliyeed. Ra’iisul wasaaraha ayaa yiri “Xukuumaddu waa inay horumuud ka noqotaa dardargelinta waxqabadka dowladda si loo kordhiyo kalsoonida shacabka oo muhiim u ah hirgelinta barnaamijka xukuumada. Aniga ka Ra’iisul Wasaare ahaan waxaan diyaar u ahay inaan furumaha dagaalka tago oo aan ciidanka geesiyaasha la wadaago daruufaha adag oo ay ku howlgalayaan, waxaana diyaar u ahay inaan nafteyda ku waayo oo aan u huro difaaca shacabka.”

Kulankan wadatashiga ah ee labada cisho ayaa lagu lafagurayaa arrimaha ay dowladu siisay mudnaanta sida ka hortaga abaaraha, soo celinta amniga & nabadeynta, kobcinta dhaqaalaha, la dagaalanka musuqmaasuqa, gaarsiinta doorashooyin hal cod iyo hal qof ah, dib-u-heshiisiinta, midnimada ummadda Soomaaliyeed iyo xiriirka caalamiga ah. Khubaro ku xeel dheer arrimaha mudnaanta leh ayaa jeedin doona casharo wasiirada loogu sharaxayo xaalada dalka iyo sida loo gaari karo in waxqabad dhab ah lala yimaado.

Sidoo kale, kulanka ayaa intii uu socday waxaa laga dhageystay cabashooyin qaar kamid ah shacabka oo iyagu ku biiriniyey tallooyinkooda Xukuumadda, waxana ay soo bandhigeen caqabadooyin kala duwan oo ay la kulmeen.

Ra’iisul Wasaare Xasan Cali Kheyre ayaa ugu danbeyntii kula dardaarmay Wasiirada inay waqtigooda ka faa’iideystaan oo labadan cisho ay ku soo saaraan barnaamij dhameystiran oo ay ku mideysan-yihiin si shacabka Soomaaliyeed loogu adeego. Wasiirada ayaa laga sugayaa inay soo saaraan siyaasad cad-cad oo dalka u horseeda horumar iyo in howlaha loo igmay dowladda ay hirgeliso iyadoo laga duulayo hiraalkii Madaxweynaha Jamhuuriyada Federaalka Soomaaliya Mudane Maxamed Cabdullaahi Maxamed (Farmaajo) ee ahaa Nabad & Nolol.

–DHAMMAAD–

Madaxweyne Kuxigeenka dowladda Puntland Eng.Camey oo gaaray degmada Buuhoodle.[Video]

Tue, 05/02/2017 - 12:28

Buuhoodle:-Madaxweyne Kuxigeenka dowladda Puntland Eng.Cabdi Xakiin C/laahi Xaaji Cumar Camay ayaa gaaray degmada Buuhoodle ee Gobolka Cayn waxaan si weyn u soo dhaweeyey dadweymaha reer Buuhoodle oo Mahad balaadhan uu u jeediyey waxaana uu jeediyey khudbd uu uga hadlay u jeedka safarkiisa uu ku tegay degmada Buuhoodle.

Wafdiga Madaxweyne Kuxigeenka dowladda Puntland Eng.Cabdi Xakiin C/laahi Xaaji Cumar Camey waxaa ay gargaar iskugu jira dawooyin raashin ay gaarsiiyeen degmada Buuhoodle oo uu ka dilaacay cudurka shuban biyoodka oo ay goobaha caafimaadku la daalaadhacayeen.

Hoos ka Daawo safarka uu Madaxweyne ku xigeenka dowladda Puntland Eng.Cabdi Xakiin Cabdullaahi Xaaji Cumar Camay ku tegay Buuhoodle

M_M_Deeq
Halgan.net

MAANDOON MA MUSLIMIINAA (2) W/Q Sheekh Dr C/raxmaan Sheekh Cumar

Mon, 05/01/2017 - 23:40

Allaa mahad leh naxariis iyo nabadgalyo nabi maxamad dushiisa ha ahaato.waxaan ararteeydii ka hadlay in diinta islaamka ay xaq saafi ah tahay iyo buur aan la nuuxin Karin allene xifdin doono ilaa qiyaamaha,waxa kale oo aan soo sheegay in aan qiimeeyn diineed iyo mid caqliba siin doonno dhaqdhaqaaqa MAANDOON oo aan u arko in loo sameeyay duminta diinta islaamka iyadoo la iska dhigayo in la horumarinayo loona hiillinayo.waxaan idiin soo bandhigaa maqaalka u horreeya oo ah
SIDEE DIINTA LOO JADIIDIIN KARAA? Qore :Abdallahi Aw Hassan
Qoraalkiisa:
(Haddii mushkilo la xallinayo waxaa muhiim ah in 3 arrin la helo, kuwaas oo kala ah:
A: In la xaddido dhibka jira nooca uu yahay.
B: Baaxadda ama qaddarka dhibku inta uu le’eg yahay
C: Dawada ama xalka iyo awoodda suulin karta dhibka
Waxaan baarayey diinta muddo ka badan 10sano gabagabadiina waxaan ogaadey in mushkiladu ka timid arrimaha soo socda;)
Abdalla wuxuu sheegay saddexda gees oo laga istaagayo marka la rabo in la xalliyo mushkilo,marka hore waa(1) in la xaddido dhibka jiro noociisa (2)baaxaddiisa (3)iyo sidii loo xallin lahaa ama dawadiisa.
Abdalla wuxuu sheegay in uu 10 (toban) sano muddo ka badan uu diinta baarayay wuxuuna ogaaday in mushkiladda ka timid arrimaha soo:
Qoraalkiisa:
(1: In axaadiista iyo aqwaasha culumada loo adeegsadey baabka xuquuqda iyo baabka ku saabsan waxa la xalaaleeyo ama la xarrimo sida axaadiista ku saabsan in qof aan wax dilin dhagax lagu dilo, qof maal xaday oo xubin dhan la jaro, dumarka oo laga xarrimo safarka, ragga oo laga xarrimo xirashada dahabka iyo xariirta iyo kuwo kale oo badan.)
Khabiirkan baaritaankiisii tobanka sano wuxuu soo ogaaday in mushkiladdu katimid in Axaadiista nabiga scw iyo aqwaasha culimada loo adeegsaday baabka xuquuqda iyo xalaaleeynta iyo in wax la xarrimmo.waxaa la yaab leh khabiirkan axaadiista waa waxyi waxna xalaleeysa waxna xaaraameeysa,xuquuqda dadkana kala caddeeysa,haddii la tuuro axaadiista ka hadleeysa xalaasha iyo xaaraanta iyo xuquuqda maxaa noo soo haray diinta islaamka.waxaa naloo diiday in aan iskeen wax u xalaaleeyno waxna u xarrinno:قال تعالى ولا تقولوا لما تصف السنتكم الكذب هذا حلال وهذا حرام لتفتروا على الله الكذب
Waxaad ka tuurtaa diinta oo ha adeegsanin inta xuquuqda ka hadleeysa sida dhaxalka xaqa isku leeyihiin labada isqaba xaqa ilaahay uu ku leeyahay addoomadiisa,xaqa dhiig haddii la kala galo,xubin waliba xaqeeda,iwm. Khabiirka wuxuu leeyahay intaana ha latuuro diinta.
Akhristayaasha waxaan idin weeydiinaa diintii maxaa kasoo haray sida khabiirka rabo haddaan dooneeyno in aan cusbooneeyno diinta.
Abdalla wuxuu soo qaatay tusaalooyin:
1- Qof aan wax dilin in dhagax lagu dilo sida qofka guur soo maray ee zineeysta in dhagax lagu dilo.
2- Qof maal xaday oo xubin dhan la jaro:قال تعالى السارق والسارقة فاقطعوا ايديهما
3- Dumarka oo laga xarrimo safarka maxram laaan
4- Raga oo laga xarrimo xirashada dahabka iyo xariirta.
5- Kuwo kale oo badan
Waxaa layaab leh abdalla maanka uu waxaan ku falanqeeynayo oo aayada tuugga oo culimada fiqhiga kada kitaabka xuduudda baabka xadka tuugada lana gaarsiyay 5 dirham hadduu xado in la jarayo ayuu ilaah uga naxariis batay allihii abuuray gacanta.oo wuxuu leeyahay side xubin dhan loo gooynaa qof aan waxba dilin.Maanka hadduu kaa lumo waxkastaa lagaa filanaa .
Mushkilada labaad ee hortaagan cusbooneeysiinta diintawaa:
Qore:
(2: In loo adeegsadey axkaanta qaarkeed aayado aan quraanka ku oollin oo la yiri waa la nasakhay sida xugunka rajmiga oo keenay in qof aan wax dilin dhagax lagu dilo. Waxaa kale oo la yiri waxaa jira aayaado quraanka ku jira oo nasakhan sida aayadaha 180 iyo 240 ee suuradda al-baqara oo ah aayado cadaynaya dadka dhaxalka leh iyo shuruuda dhaxalka, taasoo keentay inay dhaxalka soo galaan dad aan qaraabada ka tirsanayn sida sawjka aan wax dhalin iyo in bannaanka loo tuuro dad qaraabo ah oo dhaxalka wax ku lahaa sida awowga hooyada dhalay iyo awlaada gabdhuhu dhaleen)

Khabiirka wuxuu leeyahay mushkiladda labaad waa inaayado aan qorneeyn oo la yidhi waa la nasakhay xukunkooda la isticmaalo oo dhagax lagu dilo qofaan wax dilin..
Wuxuu ujeedaa aayadda rajmiga ee akhriskeeda la nasakhay xukunkeedana lagu dhaqmo.
Waxaa kamuuqda khabiirka in uusan isaga isdultaagin tobankii sano ee uu baaritaanka kujiray u fiirso bal erayga(waxaa kaloo la yiri)aayado quraanka kujira oo nasakhan sida aayadaha 180 iyo 240 ee suuratul baqara oo ah aayadoaayado caddeeynaya dadka dhaxalka leh iyo shuruudda dhaxalka taasoo keentay in ay dhaxalka soo galaan dad aan qaraabada ka tirsaneeyn sida sowjka aan wax dhalin iyo in bannaanka loo tuuro dad qaraabo ah oo dhaxalka wax ku lahaa sidasida awowga hooyada dhalay iyo gabdhaha ilmahooda.
Aayadda 180 (كُتِبَ عَلَيْكُمْ إِذَا حَضَرَ أَحَدَكُمُ الْمَوْتُ إِن تَرَكَ خَيْرًا الْوَصِيَّةُ لِلْوَالِدَيْنِ وَالأقْرَبِينَ بِالْمَعْرُوفِ حَقًّا عَلَى الْمُتَّقِينَ ﴿١٨٠﴾
Waxay ka hadleeysaa in qofka dhimanayo in qaraabada aan dhaxalka kujirin wax u dardaarmo’.
وَالَّذِينَ يُتَوَفَّوْنَ مِنكُمْ وَيَذَرُونَ أَزْوَاجًا وَصِيَّةً لِّأَزْوَاجِهِم مَّتَاعًا إِلَى الْحَوْلِ غَيْرَ إِخْرَاجٍ فَإِنْ خَرَجْنَ فَلاَ جُنَاحَ عَلَيْكُمْ فِي مَا فَعَلْنَ فِيَ أَنفُسِهِنَّ مِن مَّعْرُوفٍ وَاللّهُ عَزِيزٌ حَكِيمٌ ﴿٢٤٠﴾
Waxay ka hadleeysaa ciddada haweeneeyda laga dhintay ay loo dhaafo si wanaag ah guriga ninkeeda uga dhintay ilaa muddo sanad ah.

Waxa uu ka hadlayo khabiirka iyo waxa aayadaha ka hadlayaan shaqo iskuma laha Wuxuu rabaa in uu edit gareeyo quraanka oo isaga saxo ,fasirkana noo saaro. Mushkiladda saddexaad

W/Q Sheekh Dr C/raxmaan Sh Cumar

Madaxweynaha Puntland oo Kulan Layeeshay Isimada, Nabadoonada iyo Waxgaradka Gobolka Mudug.[Cod/Masawiro]

Mon, 05/01/2017 - 23:02

Gaalkacyo:-Madaxweynaha Dawladda Puntland Dr. Cabdiweli Maxamed Cali Gaas ayaa maanta 01 May 2017 magaalada Gaalkacayo kulan muhiima kula yeeshay maamulka gobolka Mudug, kan degmada Gaalkacayo, Isimada, nabadoonada iyo waxgaradka gobolkaasi.

Kulanka ayaa waxaa madaxweynaha ku wehelinaayey masuuliyiinka tirsan golaha wasiirada dawladda Puntland, maamulka gobolka Mudug, kan degmada Gaalkacayo, saraakiil ka tirsan madaxtooyada dawladda Puntland, Saraakiisha ciidamadda gobolka Mudug, nabadoonada iyo waxgaradka gobolkaasi, urrurada haweenka iyo kuwa dhalinyarada.

Madxweynaha Dawladda Puntland oo ka hadlay kulan ka ayaa sheegay waajibaadka koowaad ee saran dawladda uu yahay inay ilaaliso oo difaacdo qofka muwaadinka ah nabadiisa, maalkiisa, naftiisa iyo sharaftiisa, waxaana uu xaqiiyey madaxweynuhu in lakala leeyahay masuuliyadaasi oo ay marka hore leeyihiin gobolka, degmada iyo laamaha amaanka, isla markaana wixii ka taf dheeraada ay la wadaaqaan dawladda dhexe.

‘’ Dabcan masuuliyadaha waa lakala leeyahay dadka shacabka ah meelkastay ku noolyihiin cida sheegaynaysa inay dawladd u tahay ayaa amnigooda masuul ka ah, masuuliyada koowaad ee dawladdu leedahay waa in la difaaco qofka shacabka ah nabad-gelyadisa, naftiisa, sharaftiisa iyo maalkiisa in dawladu difaacdaa la rabaa, waana loo kala dhawyahay masuuliyadaasi dabcan cida ugu dhowi waa cida markaas maamulka haysa kasoo bilaabata degmo ku xigta gobol kabacdina dawladda dhexe, dabcan waxaa la rabaa maamulka degmada, gobolka iyo laamaha kale ee ka jiraa waa inay shaqada loo igmaday ee awoodooda ah ay fuliyaan, hadii ay ka taf dheeraato hawli waa inay ula yimaadaan dawladda dhexe, dawladduna markaa ay ku kaabto wixii ay ku kaabi karto’’ ayuu yiri madaxweynaha dawladda Puntland

‘’ Maxaa ka saran amniga oo masuuliyada dadka shacabka ah? Waxaa ka saaran 1) dadku marka ay xaaladan oo kale ku jiraan oo degaan ahaan meshaad ku talaan, colaada jirata, dhibka ka jira ee aad la wadaagtaan Soomaaliya oo dhan waxaa la rabaa dadku inay la filyihiin wacyiga ay ku jiraan, xaalada aad ku sugan tihiin maadaama ay xaalad amni daro tahay waxaa laydin ka rabaa inaad ahataan dad ku baraarugsan amniga’’ ayuu yiri Madaxweynuhu.

Madaxweynaha Dawladda Puntland ayaa hoosta ka xariiqay in dawladda Puntland iyo shacab keedu ay diyaar u yihiin nabad, isla markaana walaalahooda la deriska ah ay doonayaan inay nabad kula nooladaan, waxaan uu sheegay in Puntland ay diyaar u tahay nabad hadii ay wax kale doonayaana ay iyana nabad diyaar u tahay.

‘’ waxaan rabnaa angu nabad iyo nolol, nabad ayaan rabnaa inaan kula noolaano walaalaheen, fariinta aan dirayno waxa weeye oo walaalahayo u sheegayno nabad baan rabnaa, deriswanaag baan diyaar u nahay iyo horumarka aan ka wada shaqayno, waxaan rabaa inaan ku daro weliba, haday nabad rabaan nabad baan rabnaa, hadaysan nabad rabina, nabad baan rabnaa’’ ayuu yiri madaxweynaha dawladda Puntland.

Maamulka gobolka Mudug, kan degmada Gaalkacayo, isimada, nabadoonada iyo waxgaradka kulanka ka hadlay ayaa iyana dhankooda sheegay in ay dawladda ugu mahad celinayaan mashaariicaha horumarineed ee guud ahaan gobolada Puntland ay Dawladdu ka wado gaar ahaana gobolka Mudug xaruntiisa degmada Gaalkacayo, waxayna sheegeen inay dawladda ku garab istaagi doonaan mashaaricaha horumarineed ee gobolka ka socda.

Dhinaca kale Madaxweynaha Dawladda Puntland ayaa tibaaxay in dhismaha garoonka diyaaradaha Gaalkacayo ay ku baxayso kharash ka badan ‘’50 million’’, waxaana uu ugu baaqay shacabka magaalada Gaalkacayo in lagala shaqeeyo shirkada CCECC hirgelinta iyo dardargelinta dhismaha Garoonka.

Ugu danbayn, Madaxweynaha Dawladda Puntland Dr. Cabdiweli Maxamed Cali Gaas ayaa Alle SWC uga mahad celiyey raxmadiisa uu u shubay ummadiisa, waxaaana uu xaqiijiyey in dawladda Puntland ay diyaar u tahay garab istaaga dadka dhibaataysan caawintooda, xoolayntooda iyo wax qabadkoodaba.

Hoos ka Dhagayso khudbadii Madaxweynaha Dawladda Puntland Dr. Cabdiweli Maxamed Cali Gaas uu u jeediyey Waxgaradka Gobolka Mudug

Halkaan ka Dhagayso Mp3

–DHAMMAAD—

XAFIISKA, WARFAAFINTA, WACYIGELINTA HIDDAHA IYO DHAQANKA EE MADAXTOOYADA DAWLADDA PUNTLAND.

R/Wasaare Kheyre “Shaqadu waa nolosha iyo sumacada qofka, waana furaha hurumarka bani’aadamka”

Mon, 05/01/2017 - 17:18

Muqdisho:-Ra’iisul Wasaaraha Xukuumadda Federaalka Soomaaliya Mudane Xassan Cali Kheyre ayaa munaasabada 1da May, 2017 oo ah maalinta shaqaalaha Adduunka ugu hambalyeeyey dhammaan shaqaalaha Soomaaliyeed. “Waxaan hambalyo ku aadan maalinta shaqaalaha adduunka u dirayaa dhamaan shaqaalaha Soomaaliyeed ee udub-dhexaadka u ah dhaqaalaha iyo horumarka dalka guud ahaan” ayuu yiri Ra’iisul Wasaarahu.

Ra’iisul Wasaaraha ayaa iftiimiyey qiimaha weyn ee ay ummadda u leedahay shaqada iyo wax soo saarka shaqaalaha, dawladuna ay ahmiyad siinayso in munaasadaan shaqaalaha Soomaaliyeed ay ku xusaan dabaal dagyo ka turjumaya dareenkooda si ay u muujiyaan muhiimadda shaqada iyo shaqaalaha.

“Shaqadu waa nolosha iyo sumacada qofka, waa furaha hurumarka bani’aadamka. Bulsho kasta sida ay uga shaqo badan tahay tan kale ayay uga horeysaa, taas waa xaqiiqo ka jirta caalamka oo dhan. Hadii aaney shaqo jirin horumar iyo mustaqbal ma jiri karo” ayuu yiri Ra’iisul Wasaare Kheyre.

Ra’iisul Wasaaraha ayaa ka hadlay dadaalka Dawladda Soomaaliyeed ugu jirto inay abuurto shaqooyin, iyadoo laga faa’idaysanayo xoogga shaqaalaha ee diyaarka ah. Waxaana uu tilmaamay baahida loo qabo aqoonyahanka iyo xirfadleyaasha Soomaaliyeed. Isagoo ummadda ku baraarujiyay inay sameeyaan aqoon kororsi ayna bartaan xirfadaha shaqo ee xiligan loo baahan yahay.

__DHAMMAAD___

Prime Minister’s Media Office
Mogadishu Somalia

Pages