News From Halgan Net

Subscribe to News From Halgan Net feed
Somali News
Updated: 2 hours 44 min ago

Agaasimaha guud ee Hay’adda Socdaalka iyo Jinsiyadda kula wareegay Gawaari.[Masawiro]

Mon, 04/03/2017 - 22:30

Kismaayo:-Agaasimaha guud ee Hay’adda Socdaalka iyo Jinsiyadda Soomaliya G/Sare Maxamed Adam Jimcaale Koofi ayaa maanta magaalada Kismaayo kula wareegay Gawaari luugu talagalay in lagu ilaaliyo Xaduudaha dalka. Gawaaridaan ayaa ah kuwo Casri ah oo intooda badan hadda laga isticmaalo dalalka horumaray waxaana ay gawaari daan sheegayaan in la ogaado haddii dad aan soo marin xarumaha laga ilaaliyo Xaduuda ay isku dayaan in ay gudban Xaduudaha waxaana ay gawaaridaan sahlayaan in si deg deg ah loo ogaado dadka sharcidarada ku gudbaaya Xaduuda iyo tirada ay yihiin isla markaana xaawaaraha gawaaridaan si dhaqso ah loogu tagi karo.

Hay’adda IOM ayaa ugu deeqday Hay’adda Socdaalaka iyo Jinsiyadda Soomaliya waxaana manta wixii ka dambeeya meesha ka baxday in si fudud lagu soo galo ama looga baxo xaduudaha dalka Soomaliya oo mudo 26 sano ah dayacnaa.

——-DHAMAAD——

Tacsi, Danjire Nuur Faarax Xirsi Allah u naxariistee

Mon, 04/03/2017 - 22:29

Muqdisho:-Wasiirka Wasaaradda Arrimaha Dibadda iyo Iskaashiga Caalamiga ee Jamhuuriyadda Federaalka Soomaaliya H.E. Amb. Yusuf Garaad Omar, Wasiiru dowlaha H.E. Mr. Abdulkadir Ahmed-Kheir Abdi, Wasiir ku xigeenka H.E. Mr. Mukhtar Mahad Daud, Xoghayaha joogtada, Agaasimayaasha Waaxyaha, Safiirada, Qunsulada guud , Lataliyeyaasha Wasaaradda iyo dhammaan Saraakiisha Wasaaradda Arrimaha Dibadda iyo Iskaashiga Caalamiga waxa ay tacsi u dirayaan ehellada, asxaabta iyo Ummadda Soomaaliyeed geerida ku timid Allah u naxariistee Danjire Nuur Faarax Xirsi, Wasiirkii hore ee Wasaaradda Dekedaha iyo Gaadiidka Badda oo maanta oo ah Axad, kuna beegan April 02, 2017 ku geeriyooday Isbitaal ku yaalla Magaalada Muqdisho, waxaanu u geeriyooday xanuun la soo gudboonaaday dhammaadkii bishii hore ee March.

Marxuum Amb. Nur Farah Hersi oo si qotodheer u bartay xiriirka caalamiga, ayaa ahaa diblomaasi ku xeel dheer hogaaminta iyo wadaxaajoodka, waxa uu Wasaaradda Arrimaha Dibadda iyo Iskaashiga Caalamiga ku biiray bishii February 2013, isaga oo aqoontiisa ugu deeqay da’yar diblomaasiyiin ah oo Wasaaradda ka howlgasha.

Bishii March, 2014 waxaa loo magacaabay inuu safiir ka noqdo dalka Malaysia, waxaana uu si rasmi ah uga howl galay Caasimadda Kuala Lumpur kadib markii warqadaha laga gudoomay bilowgii April, 2014, waxa uu dib u habeyn iyo horumarin ku sameeyay howlaha shaqo ee Safaaradda Soomaaliya.

Bishii January 27, 2015 waxaa loo magacaabay Wasiirka Dastuurka, balse Golaha Wasiirada oo uu hogaaminayay Ra’iisul wasaarihii hore Cumar Cabdirashiid Cali Sharma’arke ayaa baqdin uu ka qabay in Golaha Shacabka codka kalsoonida u diido xukuumadiisa, ayaa waxa uu golihiisa ku sameeyay isbadal degdeg ah, waxaana February 06, 2015 loo magacaabay Wasiirka Dekadaha iyo Gaadiidka Badda, xilkaasi oo uu ku shaqeynayay tan iyo geeridiisa.

Allah u naxariisto, Danjire Nuur Faarax Xirsi waxa uu ahaa halyey wadani ah, jecel qarannimada, u adeegay dadkiisa iyo dalkiisa, marna aanay cabsi gelin qaraxyada iyo weerarada argagaxiso ee lagu beegsaday goobo uu ku sugnaa oo ay ka soo gaareen dhaawacyo fudud.

Marxuum , Danjire Nuur Faarax waxaa lagu xasuusan doonaa dadaalkiisa xoojinta midnimada gobollada waqooyi iyo koonfur ee dalka Soomaaliya, qorshihiisa horumarineed ee dekadaha dalka iyo kaalintiisa wax ku ool ee Safaaradda Jamhuuriyadda Federaalka Soomaaliya ee dalka Malaysia.

Haddaba, annagoo ka murugeysan , kana tiiraanyeysan geerida Marxuumka , ayaa waxaan Allah uga baryeynaa inuu u naxariisto, qabrigiisana nuur iyo neecaaw udgoon ku siiyo, hoygiisana ka dhigo Jannada sare ee Alfardows , qoyskiisa , ehelladiisa iyo asxaabtiisana samir iyo iimaan ka siiyo – Aamiin.

INNAA LILLAAH WA INNAA ILEYHI RAAJICUUN

Qeybta Warbaahinta iyo Xiriirka Bulshada
Section of Press and Public Relations

Madaxweyne Farmaajo oo xafiiskiisa ku qaabilay R/wasaare ku xigeenka Turkiga (Masawiro)

Sun, 04/02/2017 - 15:40

Madaxweynaha Jamhuuriyadda Federaalka Soomaaliya ayaa Xafiiskiisa ku qaabilay R/wasaare ku xigeenka Wadanka Turkiga oo maanta soo gaaray magaalada Muqdisho ee Caasimada Soomaaliya.

Mudane Maxamed C/laahi “Farmaajo” Madaxweynaha Jamhuuriyadda Soomaaliya iyo Mudane Veysi Keynak R/wasaaraha Wadanka Turkiga ayaa waxay ka wada hadleen xiriirka u dhaxeeya labada dal ee Turkiga iyo Soomaaliya.

Madaxweyne Farmaajo ayaa R/wasaaraha Turkiga uga mahadceliyay Booqashada uu maanta ku yimid Magaalada Muqdisho, iyo taageerada Ballaaran ee dowladda Turkiga ay siiso Soomaaliya.

Veysi Keynak ayaa sidoo kale maanta Xafiisyadooda wuxuu kula kulmay R/wasaaraha Dalka Mudane Xasan Cali Khayre iyo Guddoomiyaha Golaha Shacabka Mudane Maxamed Sheekh Cusmaan Jawaari.

——-Dhamaad—

Madaxweynaha Puntland oo magacaabay Agaasimayaal guud iyo Agaasimayaal waaxeedo

Sun, 04/02/2017 - 15:19

Madaxweynaha Dawladda Puntland Dr. Cabdiweli Maxamed Cali Gaas ayaa xafiis kiisa ka soo saaray degreeto xeer Madaxweyne Lr.44 ee April 02 2017 kuna saabsan magcaabid Agaasime Guud, Kuxigeen Agaasime Guud iyo Agaasime Waaxeedyada Hay’adda Socdaalka iyo Jinsiyadaha.
Madaxweynaha Dawladda Puntland.Markuu arkay: Dastuurka Dawladda Puntland. Markuu tixgeliyey. Aqoontooda iyo khibradooda shaqo Markuu latashaday: Wasiirka Amniga. Wuxuu xeeriyey:
Waxaa Maxamed Faarax Ashkir loo magcaabay Agaasimaha Guud ee Hay’adda Socdaalka iyo Jinsiyadaha Dawladda Puntland.

Waxaa Cabdikariin Maxamed Faarax loo magcaabay Kuxigeenka Agaasimaha Guud ee Hay’adda Socdaalka iyo Jinsiyadaha Dawladda Puntland.

Waxaa Haashim Axmed Cabaas loo magcaabay Agaasimaha Waaxda Maamulka ee Hay’adda Socdaalka iyo Jinsiyadaha Dawladda Puntland.

Waxaa Cabdinaasi Yuusuf Xaaji Xirsi loo magacaabay Agaasimaha Waaxda Amniga ee Hay’adda Socdaalka iyo Jinsiyaddaha Dawladda Puntland.

Xeerkani wuxuu dhaqan gelayaa markuu Madxweynuhu Saxeexo, wuuna saxeexay Madaxweynuhu.

–DHAMMAAD—
XAFIISKA, WAR-FAAFINTA, WACYIGELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

Muxaadaradii Sh C/raxmaan Abyad uu ka jeediyey magaalada Malmo (Dhageyso)

Sun, 04/02/2017 - 00:32

Malmö:-Waxaan idiin soo gudbineynaa muxaadaro gaar u ahayd dumarka oo uu Sheekh C/raxmaan Abyad uu ka jeediyey magaalada Malmo wuxuu cinwaan uga dhigay Xadiiskii Rasuulkeena CSW ” كلكم راع، وكلكم مسؤول عن رعيته
Muxaadarada ayaa waxaa soo qaban qaabiyey EUROPEAN MUSLIM ASSOCIATION IN MALMÖ waxaana muxaadarda lagu qabtay hoolka Somali Center ee magaalada Malmö.

Muxaadarada ayaa waxaa si Live ah daafaha dunida oo dhan looga daawanayey Halgan web Tv Station Broadcasting Live waxaana si maqal ah looga loogala socday Radio Halgan Live .Muxaadarada Sh C/raxmaan Abyad ayaa ahayd muxaadaro aad muhiim u ahayd .

Sheekh C/raxmaan Abyad Xafidahulaah ayaa aad ula dardaarmay jaaliyada Soomaaliyeed ee ku dhaqan magaalada Malmö wuxuuna ugu baaqay in ay alle ka baqaan ayna gacmaha is qabsadaan una istaagaan si ay u caawin lahaayeen walaalahood abaaraha ay ku dhufteen.

Hoos ka Dhageyso Muxaadardii uu Sheekh C/raxmaan Abyad uu ka jeediyey magaalada Malmö ee dalka Sweden

Ama Halkan Mp3 Dhageyso

Halgan.net
Malmö
Sweden

Warbixin ku saabsan Waxqabadkii Gudiga Gurmadka Abaaraha ee dalka Kenya 2017.[ Video]

Sat, 04/01/2017 - 20:04

Nairobi:-Waa Warbixin ku saabsan Waxqabadkii Gudiga Gurmadka Abaaraha ee dalka Kenya Alle waxaa uga baryeynaa Culimada Soomaaliyeed ee ku nool dalka Kenya in Ajar ka siiyo dadaalka ay u galeen in ay gurmada u fidiyaan umadda Soomaaliyeed ee Abaartu Halakeysay.

Hoos ka Daawo Warbixin Kusaabsan Waxqabadkii Gudiga Gurmadka Abaaraha ee dalka Kenya 2017

Halgan.net
Nairobi,Kenya

Madaxweynaha Hirshabeelle Iyo Guddiga Xuduudaha iyo Federaalka Oo Ka Wada Hadlay Arrimo Kale Duwan

Sat, 04/01/2017 - 20:03

Muqdisho:-Madaxweynaha Dowlad Goboleedka Hirshabeelle Dr Cali Cabdullaahi Cosoble ayaa magaalada Muqdisho Kulan kula qaatay Guddiga Madaxa banana ee Xuduudaha iyo Federaalka, iyagoo ka wada hadlay Arrima Quseeya Xuduudaha iyo federaalka iyo Wada shaqeynta Maamulka iyo Guddiga.

Xubnaha Kulanka Madaxweynaha La qaatay ayaa waxaa hor kacayay Guddoomiyaha Guddiga Madaxa banana ee Xuduudaha iyo Federaalka Khaliif C/kariin Maxamed waxaana ay ka wada hadleen Tabasho maamulka Hirshabeelle uu Qabay, iyagoo ka turxaan bixiyay misana ka qanciyay, waxaana sidoo ay kala hadleen shir Dhowaan magaalada Muqdisho ka dhacaya oo looga hadlayo Arrimaha Xuduudaha iyo Doorka Dowlad Goboleedka Hirshabeelle.

Khaliif C/kariin Maxamed oo ah Guddoomiyaha Guddiga Madaxa banana ee Xuduudaha iyo Federaalka ayaa sheegay in u jeedada kulankaan uu ahaa in la dhageysto talooyinka Hirshabeelle iyo Hay’adaha Quseeya Arimaha Xuduudaha iyo Federaalka.

Guddoomiyaha Guddiga Madaxa banana ee Xuduudaha iyo Federaalka oo kulanka ka hadlay ayaa sheegay in ay Ku faraxsanyihiin La Kulanka Madaxweynaha Hirshabeelle Dr Cali Cabdullaahi Cosoble iyo qaar ka mid ah Golihiisa Wasiirada, waxaana uu sheegay in ay diyaar u yihiin La shaqeynta Maamulka ayna dhowaan booqan doonaan deegaanada Hirshabeelle Gaar ahaan Magaalada Jowhar ee Xarunta Dowladda Hirshabeelle.

Madaxweynaha Dowlad Goboleedka Hirshabeelle Dr Cali Cabdullaahi Cosoble ayaa guddiga u balanqaaday wada shaqeyn buuxda, waxaana dhinaca kale uu Ku dheeraaday ka sheekeynta Xadka Gobolka Banaadir uu La Wadaago Hirshabeelle iyo sida muhiimka ay u tahay Ku dhaqanka xadkaasi, iyo in ay wada shaqeeyaan Wasaaradda Shaqo wadaaga ay yihiin ee Wasaaradda Arrimaha Gudaha iyo Federaalka Hirshabeelle.

Kulanka Madaxweynaha Dowladda Hirshabeelle uu La qaatay Guddiga Xuduudaha Iyo Federaalka ayaa waxaa goob joogo ka ahaa Qaar ka mid ah Golihiisa Wasiirada Sida Wasiirka Arrimaha Gudaha iyo Federaalka Hirshabelle. Waxaana uu ku soo dhamaaday Jawi Isfahan ah.

—–Dhamaad—–


Xafiiska Warfaafinta iyo Xiriirka Dadweynaha ee Madaxtooyada Dowladda Hirshabeelle

Directorate Of Media & Public Relation Office Of The President Hirshabeelle State Of Somalia

Guddiga doorashada oo Gal-Mudug oo shaaciyey waqtiga is diiwaan gelinta Musharixiinta

Sat, 04/01/2017 - 19:17

Cadaado:-Guddiga doorashada ee loo asteeyey in ay soo diyaariyaan doorashada Madaxwey naha Maamulka Gal-Mudug ayaa maanta si rasmi ah ugu dhawaaqay jadwalka  doorashada iyagoona ugu baaqay in musharixiintu is diiwaan galiyaan laga bilaabo 1-/04/2017 ilaa 5/04/2017.

Hoos ka Akhri fariin qoraaleed ka soo baxday Guddiga doorashada ee  Maamulka Gal-Mudug

A/cawaale
Halgan.net

Madaxweynaha Puntland Oo Masaajid laga dhisay Madaxtooyada Garoowe xariga ka jaray.[Masawiro]

Fri, 03/31/2017 - 22:07

Garoowe:-Madaxweynaha Dawladda Puntland Dr. Cabdiweli Maxamed Cali Gaas ayaa maanta oo jimce ah 31 March 2017 xariga ka jaray masaajid cusub oo laga hirgeliyey gudaha Madaxtooyada Garoowe. Masaajidka laga hirgeliyey Madaxtooyada Daawlada Puntland ayaa waxaa loo bixiyey masjidu Shuhadaa, kadib markii loogu magacdaray dadkii shuhadada ahaa ee ku dhintay iyagoo waajibaad kooda shaqo gudanaya, ha ahaadeen ciidamada qalabka sida iyo in alaale iyo intii kale ee u nafweydey ilaalinta shacabka iyo dhulka Puntland.

Xadhiga jarka Masaajidka ayaa waxaa Madaxweynaha ku wehelinaayey Madaxweyne ku xigeenka dawladda Puntland Egn. Cabdixakiin Xaaji Cabdulaahi Cumey, Masuuliyiin katirsan goloyaasha dawladda Puntland, saraakiil ka tirsan Madaxtooyada Garoowe, culimo iyo wax garadka kale.

Madaxweynaha Dawladda Punland ayaa ugu horayn mahad u soo jeediyey cid walba oo gacan ka geysatey kana qayb qaadatay dhismaha Masjidu Shuhadaa, gaar ahaan Shiikh Cabdiqani Qorani oo ahaa farsama yaqaankii nashqadeeyey dhisay masaajidka, waxaana uu Illahay uga baryey in uu denbigooda dhaafo, khayrka ay u horseedeen shacab koodana Alle ku abaalmariyo.

Sidoo kale waxa uu Madaxweynuhu kula dardaarmay isla markaana ku booriyey shaqaalaha Madaxtooyada Garoowe inay masuuliyad gaara iska saaraan ka war haynta masaajidka iyo sidoo kale dayacrtirkiisa, taas oo ay micnaheedu tahay in la’ilaaliyo nadaafadiisa, qurxintiisa iyo camiridiisa xiliyada salaadaha, waxaana uu Madaxweyuhu sheegay inuu horsed u noqondoono imaatinka masaajidka.

’Masaajidka gacan ku hayntiisa, nadaafadiisa, ilaalintiisa iyo ka warqabkiisa intuba Madaxtooyada ayay saran tahay, ujeedada loo dhisayna waa iyaga, inta ugu badan oo ku cibaadaysanaysaana waa inta gudaha madaxtooyada ku jirta, markaa waxaa laydin ka rabaa inaad xilgaara iska saartaan ilaalinta, quruxda iyo sharafta masaajidka’’ ayuu yiri madaxweynaha dawladda Puntland.

Madaxweyne ku xigeenka Dawladda Puntland Eng. Cabdixakiin Xaaji Cabdulaahi Cumar Camey ayaa isna dhankiis kula dardaarmay cidwalba oo ay masuuliyadi ka saran tahay ilaalinta masaajidka inay masuuliyad iska saraaan, isla markaana aanay u ogolaan in ay waxyeelo soo gaadho masaajidka ilaa ay wax ku siyaadiyaan mooyaayne, waxaana uu illahay uga baryey inuu u denbi dhaafo ajarkeedana siiyo intii ka qayb qaadatay dhismaha maasjidka.

Ugu danbayn, Madaxweynaha Dawladda Puntland Dr. Cabdiweli Maxamed Cali Gaas ayaa Alle u waydiiyey ummadiisa inuu ka saaro abaarta, isla markaana uu Alle ugu bedele raxmadiisa.

—-DHAMAAD——

Shirka Golaha Wasiirada Dawladda Puntland oo looga hadlay Amnigaa, Burcad Badeeda, Heshiisyo

Fri, 03/31/2017 - 21:48

Garoowe:-Golaha wasiirada dowladda Puntland oo yeeshay kulankoodii todobaad laha ahaa waxaa ay uga hadleen arrimo muhiim ah oo ay ka mid yihiin amniga ansixita heshiiska ay dowladda Puntland la gashay shirkadda dhismaha ee China Civil Engineering Construction Corporation (CCECC).

Hoos ka Akhriso War-saxaafadeedka ka soo baxay shirka Golaha Xukuumada Puntland

M_M_Deeq
Halgan.net

Madaxweynaha Puntland oo Xadhiga Ka Jaray Masaajid Laga Hirgeliyey Madaxtooyada Garoowe.(Masawiro)

Fri, 03/31/2017 - 20:14

Madaxweynaha Dawladda Puntland Dr. Cabdiweli Maxamed Cali Gaas ayaa maanta oo jimce ah 31 March 2017 xadhiga ka jaray masaajid cusub oo laga hirgeliyey gudaha Madaxtooyada Garoowe.

Masaajidka laga hirgeliyey Madaxtooyada Daawlada Puntland ayaa waxaa loo bixiyey masjidu Shuhadaa, kadib markii loogu magacdaray dadkii shuhadada ahaa ee ku dhintay iyagoo waajibaad kooda shaqo gudanaya, ha ahaadeen ciidamada qalabka sida iyo in alaale iyo intii kale ee u nafweydey ilaalinta shacabka iyo dhulka Puntland.

Xadhiga jarka Masaajidka ayaa waxaa Madaxweynaha ku wehelinaayey Madaxweyne ku xigeenka dawladda Puntland Egn. Cabdixakiin Xaaji Cabdulaahi Cumey, Masuuliyiin katirsan goloyaasha dawladda Puntland, saraakiil ka tirsan Madaxtooyada Garoowe, culimo iyo wax garadka kale.

Madaxweynaha Dawladda Punland ayaa ugu horayn mahad u soo jeediyey cid walba oo gacan ka geysatey kana qayb qaadatay dhismaha Masjidu Shuhadaa, gaar ahaan Shiikh Cabdiqani Qorani oo ahaa farsama yaqaankii nashqadeeyey dhisay masaajidka, waxaana uu Illahay uga baryey in uu denbigooda dhaafo, khayrka ay u horseedeen shacab koodana Alle ku abaalmariyo.

Sidoo kale waxa uu Madaxweynuhu kula dardaarmay isla markaana ku booriyey shaqaalaha Madaxtooyada Garoowe inay masuuliyad gaara iska saaraan kawarhaynta masaajidka iyo sidoo kale dayacrtirkiisa, taas oo ay micnaheedu tahay in la’ilaaliyo nadaafadiisa, qurxintiisa iyo camiridiisa xiliyada salaadaha, waxaana uu Madaxweyuhu sheegay inuu horsed u noqondoono imaatinka masaajidka.

‘’Masaajidka gacan ku hayntiisa, nadaafadiisa, ilaalintiisa iyo ka warqabkiisa intuba Madaxtooyada ayay saran tahay, ujeedada loo dhisayna waa iyaga, inta ugu badan oo ku cibaadaysanaysaana waa inta gudaha madaxtooyada ku jirta, markaa waxaa laydin ka rabaa inaad xilgaara iska saartaan ilaalinta, quruxda iyo sharafta masaajidka’’ ayuu yiri madaxweynaha dawladda Puntland.

Madaxweyne ku xigeenka Dawladda Puntland Eng. Cabdixakiin Xaaji Cabdulaahi Cumar Camey ayaa isna dhankiis kula dardaarmay cidwalba oo ay masuuliyadi ka saran tahay ilaalinta masaajidka inay masuuliyad iska saraaan, isla markaana aanay u ogolaan in ay waxyeelo soo gaadho masaajidka ilaa ay wax ku siyaadiyaan mooyaayne, waxaana uu illahay uga baryey inuu u denbi dhaafo ajarkeedana siiyo intii ka qayb qaadatay dhismaha maasjidka.

Ugu danbayn, Madaxweynaha Dawladda Puntland Dr. Cabdiweli Maxamed Cali Gaas ayaa Alle u waydiiyey ummadiisa inuu kasaaro abaarta, isla markaana uu Alle ugu bedele raxmadiisa.

–DHAMMAAD—
XAFIISKA, WARFAAFINTA, WACYI-GELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

Sh. Dirir oo ka hadlay dhalinyaro dhar ku Xayeesiiyey Hargaysa.[Video]

Thu, 03/30/2017 - 09:47

Hargeysa:-Sh. Maxamed Sh. Cumar Dirir oo ka mid ah culimada Soomaaliyeed ee waaweyn ee ku nool magaalada Hargeysa ayaa waxaa uu wax laga xumaado ka tilmaamay in Hargeysa laga sameeyo Fashionka dharka oo iskugu jira Ragga iyo Dumarka.

Sh. Dirir ayaa wax laga xumaado ku tilmaamay in dumar ragga masuuliyiinta ay qabtaan ay abaabulayaan dhaqan xumada lagu xayeesiinayo dumarka arrinkaas oo ah caado laga soo guuriyey dalalka reer Galbeedka.

Hoos ka Daawo Fashion-ka Ragga Xagee buu Ka soo Jeedaa. Sh Dirir

A/cawaale
Halgan.net

Golaha wasiirada ee JFS oo yeeshay Kulankii ugu horeeyey maanta (Dhageyso)

Thu, 03/30/2017 - 09:46

Golaha wasiirada cusub ee Soomaaliya ayaa maanta magaalada Muqdisho ku yeeshay kulankoodii ugu horreeyey kadib markii uu shalay ansixiyey baarlamanka.

Shirka golaha wasiirada ayaa waxaa guddoominayay Ra’iisal Wasaaraha Xukuumada Xasan Cali Kheyre, waxaana looga hadlay arrimo dhowr ah oo ay ka mid yihiin abaaraha iyo amniga.

Kheyre ayaa wasiirada amray inay buuxiyaan Foom ay ku cadeynayaan in xubin kasta oo ka mid ah golaha uu waajibkiisa u guto si daacad ah, aamin ah, ayna soo bandhigaan macluumaad rasmi ah oo ku aaadan hantida gaarka ah, iyada oo la waafajinayo sharciga, si loo helo isla xisaabtan dhab ah.

Shirka maanta ayaa dhacay ayada oo dhowr hoobiye ay ku dhaceen xaafado ku dhow xarunta madaxtooyada, waxaana ku dhaawacmay toddoba qof.

Warbixintan waxaa Muqdisho kasoo dirtay Seynab Abuukar.

VOA Somalia
Halgan.net

R/W JFS oo ka qeyb galay Munaasabada duulimaadka tooska ah ee Muqdisho iyo Nairobi(Masawiro)

Thu, 03/30/2017 - 00:33

Ra’iisal Wasaaraha Xukuumada Federaalka Soomaaliya mudane Xasan Cali Kheyre ayaa maanta ka qeybgalay munaasabad kooban oo ka dhacday gudaha garoonka Caalamiga ah ee Aadan-cadde, taasoo lagu maamuusayay duulimaadkii u horeeyey oo toos ah muddo toban sano ah oo ay sameyneysay diyaarada African Air kuna wajahneyd magaalada Nairobi, iyada oo aan ku hakan garoonka Wajeer oo baaritaan dheeraad ah lagu sameyn jiray duulimaadyada ka baxa garoomada dalka.

Ra’iisal Wasaaraha ayaa arrinkan ku tilmaamay inuu yahay tilmaan muujineysa xiriirka dhow ee ay leeyihiin dowladda Soomaaliya iyo dowladda Kenya, isaga oo xusay in dadaalkan ay sameysay xukuumadii hore iyo hoggaankeeda.

Munaasabada ayaa waxaa joogay taliyaha hogaanka socdaalka iyo jinsiyadaha Maxamed Aadan Koofi, Maareeyaha guud ee Garoonka Aadan-cadde, Danjiraha dalka Kenya u fadhiya Soomaaliya iyo Danjiraha Soomaaliya uga wakiilka ah Kenya Amb. Jamaal Maxamed Xasan oo ah haatan Wasiirka Qorsheynta Xukuumada cusub.

“Maanta waa maalin taariikhi ah waxaana halkan ku sagootineynaa duulimaadkii u horeeyey muddo toban sano kadib ee toos u aadaya Nairobi, isaga oon ku sii hakan doonin Wajeer, waxayna muujineysaa xushamada iyo qadarinta dowladda Kenya ay u heyso dowladda iyo shacabka Soomaaliyeed” ayuu yiri R.wasaare Kheyre oo sidoo kale xusay inay muujineyso in garoonka Aadan-cadde uu u shaqeeyo sida garoomada caalamiga ah, maadaama la xaqiijiyay in duulimaadkii ka soo baxa uu yahay mid la isku haleyn karo oo aan la sii marsiin meelo kale.

Ra’iisul Wasaaraha ayaa la dardaarmay Maamulka Garoonka iyo hogaanka socdaalka, isaga oo ku booriyay in laga feejignaado in aysan soo noqon in mar kale laga shakiyo duulimaadyada ka soo baxaya garoonka Muqdisho.

“Waa inaad hubin iyo baaris adag ku sameysaan duulimaadyada iyo dhamaamba qeybaha adeegyada bulshada ee garoonka, si aysan mar kale u soo noqon in duulimaadyada ka baxa dalkeena aan la oran la iskuma haleyn karo ee ha lagu sii baaro meelo kale.

—-DHAMMAAD—-

Madaxweynaha Puntland oo Garoowe Ku Qaabiley Safiirka Finland U Qaabilsan Arrimaha Soomaaliya.

Thu, 03/30/2017 - 00:21

Madaxweynaha Dawladda Puntland Dr. Cabdiweli Maxamed Cali Gaas ayaa maanta qasriga Madaxtooyada Garoowe ku qaabilay wefti ay hogaminaysey Safiirka wadanka Filand u qaabilsan arrimaha Soomaliya Miss. Tarja Fernandez oo ah markii ugu horaysey ee ay timaado Puntland.

Kulanka ayaa waxaa Madaxweynaha Ku wehelinaayey masuuliyiin ka tisan goloyaasha dawladda Puntland iyo saraakiil ka tirsan Madaxtooyada Puntland.

Kulanka oo ay debed joog ka ahaayeen warbaahintu ayaa waxaa markuu soo idlaaday Madaxweynaha Dawladda Puntland uu sheegay warfidiyeenada in Puntland iyo Dalka Finland ay leeyihiin xiriir aad u wanaagsan isla markaana ay ka dhexayso wadashayn dhow.

Sidoo kale Madaxweynaha ayaa tibaaxay  in ay safiirka iyo weftiga wehelinayey ka wada hadleen Mashaariicaha horumarineed ee dawladda Filand ay ka fuliso Puntland iyo sidii ay usii horumarin lahaayeen, isla markaana  ay ugu dedaalilahayeen sidii ay ugu soo dhamaan lahaayeen guul dhamaan mashaariicdaasi.

Dhica kale Safiirka wadanka Finland u qaabilsan arrimaha Soomaliya Miss. Tarja Fernandez ayaa sheegtay inay aad ugu faraxsan tahay wada shaqyanta Puntland iyo dalkeeda isla markaana ay sii wadidoonaan wadashaqayntaasi ay la leeyihiin Puntland iyo guud ahaan Soomaaliya, waxaana ay intaasi raacisay in ay Dawladda Puntland iska kaashadaan badiyaaba arrimaha caafimaadka.

Ugu danbayn Madaxweynaha Dawladda Puntland Dr. Cabdiweli Maxamed Cali Gaas ayaa Dawladda Finland uga mahad naqay wadashaqaynta dhow ee ay la leeyihiin Puntland iyo guud ahaan Soomaaliya, waxaana uu sheegay inay diyaar u yihiin joogtaynta iyo dardar gelinta wada shaqayntaasi.

–DHAMMAAD—

XAFIISKA, WARFAAFINTA, WACYI-GELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

Ogeysiis:-Sheekh C/raxmaan Abyad oo Muxaadaro ku qaban doono magaalada Malmö

Wed, 03/29/2017 - 23:56

Malmö:-Waxaa la Ogeysiinayaa dhamaan Jaaliyada Soomaaliyeed ee ku dhaqan magaalada Malmö ee dalka Sweden in lagu qaban doono maalinta 1-4-2017 muxaadarao qiimo badan oo uu soo jeedin doono Sheekh C/raxmaan Abyad waxaana cinwaanka Muxaadarada uu yahay Xadiiskii Rasuulkeena CSW ”  كلكم راع، وكلكم مسؤول عن رعيته waxayna muxaadarda bilaaban doontaa Inshalaah 16:45.

Goobta lagu qaban doono
Somali Center
Nobelvägen 23, 214 29
Malmö

Madaxweynaha Dawladda Puntland oo Xafiiskiisa Ku Qaabilay Wefti ka Socdey Qaramada Midoobey.[Masawiro]

Wed, 03/29/2017 - 15:10

Garoowe:-Madaxweynaha Dawladda Puntland Dr. Cabdiweli Maxamed Cali Gaas ayaa manta 29 March 2017 xafiiskiisa Madaxtooyada Garoowe ku qaabilay wefti ka socdey Qaramada midoobey oo uu hogaaminayey Mr. Serge G. Kubwimana.Kulanka uu la yeeshay Madaxweynehu weftigan ayaa waxaa ku weghwlinayay masuuliyiin ka tisan goloyaasha Dawladda Puntland iyo saraakiil ka tirsan Madaxtooyada dawladda Puntland.

Weftiga uu hogaaminayey Mr. Serge G. Kubwimana ayaa ka soo kicitimayay Jamciyada Quriuumaha Kadhexaysa ee Newyouk, waxaana ay Madaxweynaha kawada hadleen arrimo la xiriira sidii Soomaliya ay ku gaari lahayd doorasho hal qof iyo hal cod ah 2020 iyo sidii looga midha dhalin lahaa nindaamka xisbiyada badan ee uu madaxweynuhu daahfuray.

Madaxweynaha Dawladda Puntland Dr. Cabdiweli Maxamed Cali Gaas ayaa ugu horayn ku soo dhoweeyey weftiga Puntland gaar ahaan Madaxtooyada Garoowe oo uu kulan koodu ka dhacay, waxaana uu madaxweynuhu u sheegay weftiga in aanay fududayn sidii Soomaaliya looga hirgelinlahaa doorasho hal qof iyo hal cod ee ay u baahan tahay dedaal aan joogsi lahayn isla markaana ay lagama maarmaan tahay in lasameeyo qorshe cad oo lagaga hortegi karo caqabadaha manta hortaagan Soomaaliya.

Sidoo kale Madaxweynaha ayaa shay in beesha caalamka loo baahan yahay inay doorfiican ka qataan sidii soomaaliyo 2020 loo gaadhsiin laha hiigsiga hal qof iyo hal cod taas oo uu micneheedu yahay in aftidda shacabka lagu gaadho doorasho xor iyo xalaala, isla mar’ahaantaana waxa uu cadeeyey in Dawladda Puntland ay markasta diyaar u tahay kamidha dhalinta arrinkaasi.

Dhinaca kale Madaxweynaha Dawladda Puntland Dr. Cabdiweli Maxamed Cali Gaas ayaa wetiga u sheegay in Puntland dhowaan ka hirgeli doonto doorasho hal qof iyo hal cod ah, maadaama uu daahfuray Madaxweynuhu nidaamka xisbiyada badan, isla mar ahaantana ay ka mid ahayd balan qaad yadiisi doorashada kahor inta aanu Madaxweynaha ka noqon Puntland.

Ugu danbayn, Madaxweynaha Dawladda Puntland Dr. Cabdiweli Maxamed Cali Gaas ayaa weftiga la qadaa dhigay in arrimaha doorashoyinka ka Soomaliya ay hormuud u tahay Puntland, isla markaana ay wadada doorasho hal qof iyo hal cod ah dhowaan u jeexi doonto Puntland guud ahaan Soomaaliya oo dhan.

–DHAMMAAD—

XAFIISKA WARFAAFINTA WACYI-GELINTA HIDdAHA IYO DHAQANKA EE MADAXTOOYADA DAWLADDA PUNTLAND.

Golaha Wasiirada dowladda Federaalka Soomaaliya oo helay codka Kalsoonida Baarlamaanka

Wed, 03/29/2017 - 13:41

Muqdisho:-Golaha Baarlamaanka Federaalka Soomaaliya ayaa saaka cod aqlabiyad ah ku ansixiyay golihii wasiirada ee uu dhawaan soo magacaabay Ra’iisul wasaarah DFS Xassan Cali Kheyre. Shirka Golaha Baarlamaanka dowladda Federaaalka Soomaaliya ayaa waxaa soo xaadireen 242 Xildhibaan waxaan si gacan taag ah cod aqlabiyad ah u ansixiyey 224 halka 15 Xildhibaan oo kaliya ay diideen 2 Xildhibaana ay ka aamuseen.

Gabagabadii kulanka Golaha Baarlamaanka dowladda Federaaalka Soomaaliya ayaa waxaa natiijada si rasmi ah ugu dhawaaqay gudoomiye ku xigeenka Barlaamanka JFS Cabdiweli Ibrahim Cali Sheikh (Muudey) waxaan kulanka ka maqnaa oo aan soo xaadirin Fudoomiyaha Golaha Baarlamaanka Federaalka Soomaaliya Prof. Jawaari.

Dhinac kale Guddoomiyaha Maxkamadda Sare ee Dowladda Federaalka Soomaaliya ayaa isla goobta waxaa uu ku dhaariyay Golaha Wasiirada Cusub ee Soomaaliya. Ra’iisul Wasaaraha JFS Xassan Cali Kheyre ayaa dhaarinta Golahiisa xukuumada waxaa uu mahad u jeediyey Golaha Baarlamaanka sida wanaagsan oo ay codka kalsoonida u siiyey xukuumada uu soo magacaabay.

A/cawaale
Halgan.net

Madaxweynaha dowladda Puntland oo magacaabay Agaasimaha waaxda hormarinta Waxabarashada ee Wasaaradda Waxbarashada

Wed, 03/29/2017 - 13:40

Garoowe:-Madaxweynaha dowladda Puntland Dr. Cabdiweli Maxamed Cali ayaa waxaa uu xeer Madaxweyne oo ku astaysan Lr 32 March 25, 2017, ku magacaabay Agaasimaha waaxda horumarinta waxbarashada ee wasaarada waxbarashada iyo tacliinta sare.

Madaxweyn e Dr.Gaas ayaa waxaa uu u magacabay xilka Agaasimaha waaxda hormarinta Waxabarashada ee Wasaaradda Waxbarashada iyo Tacliinta sare ee Dowlada Puntland Maxamud Cabdisalaan Cali.

Hoos ka Akhriso wareegtada Madaxweyne Gaas ku magacaabay Agaasimaha waaxda horumarinta waxbarashada ee wasaarada waxbarashada iyo tacliinta sare.

M_M_Deeq
Halgan.net

Pages