News From Halgan Net

Subscribe to News From Halgan Net feed
Somali News
Updated: 56 min 34 sec ago

Maamulka Gal–Mudug oo eedayen u soo jeediyey Maxkamada sare ee dowladda Fedraalka Soomaaliya.[Dhagayso]

Thu, 10/26/2017 - 08:30

Cadaado:-Maamulka Galmudug ayaa mar kale waxaa uu eedeyn u soo jeediyey Maxkamada sare ee dowladda Fedraalka iyo weliba madaxda ugu saraysay dowladda Federaalk soomaaliya oo lagu eedeeyey fara gelin iyo in ay xubno Xildhaano oo qaswadayaal u soo dirtay degmada Cadaado kuwaas oo adeegsanaya lacago sidda uu saxaafadda u sheegay wasiirk warfaafinta ee Gal.mudug Maxamed Cusmaan (Masagawaa)

War Saxaafadeedka Galmudug, ayaa u qornaa sidatan:-

UJEEDDO: Dhibaatada ay xubno qaswadayaal ah ku hayaan Galmudug.

Tan iyo markii uu fashilmay Inqilaabkii la damacsanaa in lagu minjaxaabiyo, xilkana looga qaado Madaxweynaha Dowlad Goboleedka Galmudug ayaa waxaa jiray farsamooyin hor leh oo ay adeegsanayeen xubno qaswadayaal ah oo ku ganbanaya magaca xukuumadda, iyadoo ay ku dhex socotay martiqaad uu u fidiyay Madaxweynaha Jamhuuriyadda Federaalka Soomaaliya Dowlad Goboleedka xubnaha ka ah DFS, si looga wada xaajoodo tabashooyin ay Dowlad Goboleedyadu ka muujiyeen hannaanka wadashaqaynta Dowladda Federaalka iyo D/Goboleedyada, ka dib markii ay ku shireen Kismaayo horaantii bishan October/2017ka.

Waxaa nasiibdarro iyo lama filaan ah in xubnaha aan kor ku soo sheegnay ay weli ku wadaan debandaabyadii ay kula dhaqmayeen Dowlad Goboleedka Galmudug, iyadoo ay ku soo qul-qulayaan Cadaado shakhsiyaad aad u adeegsanaya dhaqaale oo olole siyaasadeed ka wada, Xildhibaano laga soo tashkiiliyay Muqdisho, dhaq-dhaqaaqyo ciidan oo laga dareemayo Cadaado iyo adeegsiga Maxkamadda Sare ee DFS oo gal dacwadeed ladaba socota Madaxweynaha DGGM, taas oo Maamulka Galmudug horey uga jawaabay dacwadaas in aanay xaq u lahayn qaadisteeda Maxkamadda Sare ee DFS, balse haddii ay jirto dacwadaas ay xaq u leeyihiin Hay’adaha Garsoorka Galmudug.

Dhammaan arrimaha aan kor ku soo sheegnay waxaa ka dhalatay kalsooni darro iyo muuqaal ah in weli ay socoto dhibaatadii ay qaswadayaashu ku hayeen Dowlad Goboleedka Galmudug.

Haddaba, Madaxweynaha Dowladda Federaalka Soomaaliya, Gudoomiyaha Golaha Sharcidejinta Baarlamaanka FS, Gudoomiyaha Aqalka Sare ee Baarlamaanka Federaalka Soomaaliya, Wakiilka Xoghayaha Guud ee Qaramada Midoobe ee Soomaaliya, Wakiilka Midowga Yurub ee Soomaaliya, Wakiilka Midowga Afrika ee Soomaaliya, Wakiilka Urur Goboleedka IGAD ee Soomaaliya, Golaha Iskaashiga Dowlad Goboleedya DFS iyo dalalka aan saaxiibada nahay ee daneeya arrimaha Soomaaliya, waxaan ka codsanaynaa in culayska saaran Galmudug laga qaado, si ay noogu suuragasho inaan ka soo qaybgalno shirka loo ballansan yahay 28-ka bishan.

Hoos ka Dhagayso warsaxaafadeedka oo uu akhrinayo wasiirka warfaafinta Gal-Mudug Maxamed Cusmaan (Masagawaa)

Halkaan ka Dhagayso MP3

-Dhammaad-

Jeneraal Maxamed Abshir Muse oo ku geeriyooday dalka Maraykanka

Thu, 10/26/2017 - 08:28

Minneapolis:-Allaha u naxarariistee, waxaa shalay Magaalada Minneapolis ee dalkan Mareykanka ku geeriyooday Jeneraal Maxamed Abshir Muuse oo ka mid ahaa Sarakiishii Ciidanka Booliska Soomaaliaya ugu horeeyey aadna looga yaqaanay dalka Soomaaliya. Allaha u naxaristee Jeneraal Maxamed Abshir Muuse ayaa waxaa uu noqday Taliyihii ugu horeeyay Ee Ciidamada Booliska Soomaaliya wuxuuna ahaan Saraakisha dalka dibadiisa wax ku soo bartay in badan u soo shaqeeya dowladdii Soomaaliya .

Allaha u naxaristee Jeneraal Maxamed Abshir Muuse ayaa mudo 10 sano ah waxaa xiray dowladii uu Madaxweynaha ka ahaa Maxamed Siyaad Bare isagoo ka mid ahaa siyaasiyiin iyo Sarakiil caan ah oo in mudo ah xirnaa.

Mamulka Halgan.net waxaan uga tacsiyey naynaa umada Somaaliyeed iyo eheladii , qoyskii u ka geeriyooda geerida Jeneraal Maxamed Abshir Muuse in uu sabar iyo iimaan ka siiyo isagna uu naxaristii Eebe siiyo.

M_M_Deeq
Halgan.net

Soomaaliya iyo Morocco oo ka wada hadlay xoojinta xiriirka ka dhexeeya.[Masawiro]

Thu, 10/26/2017 - 08:26

Muqdisho:- Wasiir kuxigeenka Arrimaha Dibadda iyo Iskaashiga Caalamiga ee Jamhuuriyadda Federaalka Soomaaliya H.E. Mr. Mukhtar Mahad Daud oo howlo shaqo ku jooga magaalada Nairobi ee dalka Kenya ayaa waxa uu halkaasi kula kulmay wafdi ka socday Boqortooyada Morocco oo uu hoggaaminayay Agaasimaha guud ee Iskaashiga Caalamiga ee Wasaaradda Arrimaha Dibadda dalkaasi Ambassador Mohamed Methqal.

Dowladda Boqortooyada Morocco ayaa Soomaaliya uga tacsiyeysay falkii argagaxisanimo ee dhiigga badan ku daatay ee October 14, 2017 ka dhacay Isgoyska 14 October “Zope” ee Muqdisho, kaasi oo gallaaftay nolosha 358 ruux iyo dhaawaca boqolaal rayid ah oo u badnaa xoogsato, dad socotto ah iyo arday.

Labada dhinac ayaa waxa ay ka wada hadleen xiriirka qotada dheer ee Soomaaliya iyo Morocco u dhexeeya, istiraatiijiyad wax wadaagid dhinacyada siyaasadda, dhaqaalaha, ammaanka iyo bulshada.

[See image gallery at halgan.net]

Soomaaliya iyo Morocco waxa ay isla garteen in booqashooyin heerkoodu sarreeyo la is dhaafsado. Kulankan oo jawi guul leh ku idlaaday ayaa waxaa goobjoog ka kala ahaa Siihayaha Safaaradda Soomaaliya ee Kenya Mr. Ali Mohamed Sheikh iyo Safiirka Safaaradda Morocco ee Kenya Dr. Mokhtar Ghambou.

Halgan.net

Madaxweynaha Puntland oo sagootiyey Arday Deeq Waxbarasho Ka heshay Dalalka Ethiopia iyo Suudaan.[Masawiro]

Thu, 10/26/2017 - 08:24

Garoowe:-Madaxweynaha dawladda Puntland Dr. Cabdiweli Maxamed Cali Gaas ayaa maanta gelinkii danbe 25 october 2017 sagootiyey 204 arday oo deeq waxbarasho ka helay dalalka Ethiopia iyo Suudaan, waxaana ay ardaydani isugu jirtaa ardayda sanadkani kaalmaha hore ka galay imtixaanka shahaadiga ah ee dawladda Puntland iyo arday shaqaalaha dawladda ah oo deeqdaasi ku guulaystey imtixaan kadib.

Sagootintani ardayda oo ka qabsoontay jaamacadda PSU ee magaalada Garoowe ayaa waxaa Madaxweynaha ku wehelinaayey Wasiirka Wasaaradda Waxbarasha iyo Tacliinta sare ee Puntland, masuuliyiin ka tirsan goleyaasha dawladda Puntland, Qunsulka dalka Ethiopia u fadhiya Soomaaliya, saraakiil ka tirsan Madaxtooyada Puntland, waalidiin, waxgarad, aqoon yahano iyo marti sharaf kale.

Madaxweynaha Puntland ayaa  ugu horayn mahad balaadhan u caliyey dawladda Ethiopia oo deeqda ugu badan siisay ardayda sanadkan 2016- 2017 ka qalin jebiyey imtixaanka shahaadiga ah ee dawladda Puntland oo tiradoodu dhantahay 150 arday halka suudaan ay siisay 54 arday guud ahaan ardayda maanta la sagootiyey ayaa dhammaa 204 arday, waxaana sanadkan gudihiisa deeq waxbarasho kahelay dalka dibaddiisa 410 arday, dalalka deeqaha waxbarasho siiya Puntland ayaa waxaa kamid ah Ethiopia, Suudaan, Maser, India, Russia, iyo chine.

Sidoo kale Madaxweynaha Puntland ayaa ugu hambalyeeyey ardayda maanta la sagootiyey guusha ay gaadheen, isla markaana waxa uu Madaxweyunu xusay in uu marlabaad ugu hambalyaynaayo kartida iyo aqoonta ay kaga soo dhexbaxeen kumanaan arday ah oo ay isku sanad dugsiyeed ahaayeen.

Madaxweynaha ayaa xusay in  ardayda wax ku barata gobolada kala duwan ee Puntland aanay isku xaquuq ahayn isagoona u sababeeyey in tayada waxbarasho, kharash iyo mid degaanba ay ku kala duwan yihiin, isla markaana ardayga lagu qiimeeyo dedaalkiisa iyo natiijadiisa imtixaanka shahaadiga ah iyadoo si cadaalad ah loo simayo dhammaan ardayda reer Puntland.

Dhinaca kale Madaxweynaha ayaa xusay inaanay dhicin dhicina doon in arday natiijo imtixaan iyo mid fursad waxbarashoba la duudsiiyey, waxaana uu Madaxweynuhu sheegay in aanay jirin cadaalad daro ka xun arday wax soo baranayey 12 sano in la duudsiiyo fursad wabrasho oo uu xaq u leeyahay . isla markaana waxa uu Madaxweynuhu soo tusaale qaatay arrin dhexmaray isaga iyo nin Ambassador ah.

[See image gallery at halgan.net]

“Nin Ambassador ah ayaa iiyimid Walaahay wuxuu igi yidhi mahaysaa dad ehelkaaga ah oo aanu deeq waxbarasho siino, runtii waan naxay sababtoo ah waan qaadan kari waayey areygaas, waxaan ku iri Ambassador aniga ehelkaygu waa Puntland, ehel gaara oo aan anigu leeyahay ma jirto” ayuu yiri Madaxweynaha Puntland.

Ugu danbayn, Madaxweynaha dawladda Puntland Dr. Cabdiweli Maxamed Cali Gaas ayaa kula dardaarmay ardayda inay noqdaan kuwo wax u soo barta dalkooda iyo dadkoodaba, kana fekera sidii ay mustaqbalka wax ugu soo kordhin lahaayeen dalkooda maadaama ay yihiin jiilka berito dalku sugayo inay hantaan hogaaminta dalka, isagoona shahaado sharaf guddoonsiiyey qunsulka dalka Ethiopia iyo wasaaradda Waxarashada iyo Tacliinta Sare ee dawladda Puntland.

=DHAMMAAD=

XAFIISKA, WARFAAFINTA, WACYI-GELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

Gudiga Gurmadka Culimada Safa oo deeq lacag ah ku wareejiyey qoysas ku waxyeeloobay qaraxii is goyska Zoobe.[Masawiro]

Wed, 10/25/2017 - 22:32

Muqdisho:-Gudiga Gurmadka Culimada Safaa ee loo sameeyey dadkii lagu laayey Is Goyska Zoobe ayaa waxaa ay uga mahad celiyen Kaalmadii Jaaliyadda Sweden ee Gurmadka Musiibadii Qaraxii lagu laayey dadka Soomaaliyeed ee ka dhacay Isgoyska Zoobe, Ilaahey mahadii maanta(5 Safar 1439 / 25 October 2017), Gudiga Mu’asasada SAFA ee Gurmadka Musiibadii Soobe waxaa u qabsoomey iney kaalmo lacageed gaarsiiyaan 50 qoys oo ka mid ah dadkii eheladu uga dhinteen Musiibadii Soobe.

Deeqda lacageed qeybteeda koobaad oo dhameyd $30,000 ayaa gudigu ka heleen Jaaliyada Soomaaliyeed ee dalka Sweden. Ugu horeyn waxaa goobta ka Hadley Dr. C/wali Sh. Maxamed Xaaji Yuusuf oo ka mida Gudiga Gurmadka Mu’asasada Safa.

Kelmada Dr. C/wali waxey ku saabsaneed sabirsiin uu u jeediyey qoysaska dhibku gaarey oo dad eheladooda ah ku waayey Musiibadii Soobe ka dhacdey. Sh. Maxamuud Sh Axmed Xassan– Abu-Sheyba oo ah gudoomiyaha Gudiga Safa ee Gurmadka Musiibadii Soobe ayaa faahfaahin ka bixiyey ujeedka kulanka oo ah in 50 Qoys oo ka mida dadkii dhibku gaarey iney gudoon siinayaan lacag cadaana oo dabka ay ku sii shitaan, qoys walba oo dadkan ka mid ah ayaa la siinayey $300.

[See image gallery at halgan.net]

Sidoo kale Sheekh Abu-Sheyba wuxuu sheegay $30,000 ee ka soo gaartey Jaaliyada Soomaaliyeed ee Sweden iney maanta & beri kala gaarsiinayaan 100 Qoys oo ka mid ah dadkii ehelkooda ku waayey musiibadii Zoobe. Sidoo kale ay jirto $20,000 oo kale ay isla Jaaliyadda Sweden ka filayaan iney kasoo gaarto isla maanta Insha Allah, waxaa Goob Joog ahaa Xafladaa Xubno ka Socday Gudiga Heer Qaran ee Loo Saaray Musiibadii Soobe.

Gudiga Gurmadka Culimada ee Mu’assasad Safa
Muqdisho,Halgan.net

Madaxweynaha Puntland oo qado sharaf u sameeyey guddoonka labada Aqal ee Baarlamaanka Federaalka Soomaaliya.[Masawiro]

Wed, 10/25/2017 - 22:31

Garoowe:-Madaxweynaha dawladda Puntland Dr. Cabdiweli Maxamed Cali Gaas ayaa maanta 25 October 2017 qado sharaf u sameeyey guddoonka labada Aqal ee Baarlamaanka Soomaaliya iyo masuuliyiinta kale ee Guddoonka wehelinayseyba. Munaasibadda qado sharafta oo ka dhacday Hido Raac Garoowe ayaa waxaa Madaxweynaha ku wehelinaayey Guddomiyaha Golaha Wakiillada dawladda Puntland Mudane Axmed Cali Xaashi iyo ku-xigeenadiisa, masuuliyiin ka tirsan goleyaasha dawladda Puntland, Qunsulka dalka Ethiopia u fadhiya dawladda Puntland iyo saraakiil ka tirsan Madaxtooyada Puntland.

Madaxweynaha dawladda Puntland oo kahadlay munaasibaddaasi ayaa sheegay in dawladda Puntland sharaf iyo wanaag u tahay soo dhoweynta iyo qado sharafta ay u sameeyeen guddoonka Baarlamaanka DFS iyo masuuliyinta wehelinayseyba, waxaana uu tilmaamay Madaxweynuhu in dadka Soomaaliyeed yihiin dad walaalo ah oo is jecel oo leh dhaqan marti-soor iyo mid diinba.

“Sharaf weyn bay noo tahay aniga iyo dawladdayaduba inaad noo timaadaan, inaan meeshan maanta ku wada qadaynona runtii waxay ii tahay sharaf iyo wanaag badan, waxaan aamin sanahay dadka Soomaaliyeed waa dad mid ah walaalo ah oo is jecel, waxaanu leenahay dhaqan wanaagsan, waxaanu leenahay Diin wanagsan” ayuu yiri Madaxweynuhu.

“Waxaan dhegeystey maalin gabadh caddaan ah oo af English ku heesta, waxaa la waydiiyey Soomaalida dhaqanka ugu wanaagsan oo aad ka baratay maxay tahay? waxay tiri dhaqanka ugu wanaagsan ee aan Soomaali ka bartay waa deeqsinimo hal sano ayaad ku dhex noolaanaysaa adigoon lacag la’aan ah oo aan waxba haysanin, waxaa iyana lawaydiiyey dhaqanka ugu xun oo aad ka baratayna maxay tahay? waxay tiri waa xanta oo aanay kaa qarsanayn” ayuu yiri Madaxweynaha dawladda Puntland.

Sidoo kale Madaxweynaha ayaa sheegay in Baarlamaanka Aqalka heese ee DFS uu metelo shacabka Soomaaliyeed, kan Aqalka Sarena uu metelo dawladdaha xubnaha ka ah DFS, waxaana u sheegay Madaxweynuhu in loo baahan yahay si dawladdnimadu u gaamurto in la qaado dariiqii saxda ah ee lagu heli lahaa Soomaali mida, Soomaali Qurux badan, taasna waxaa aasaas u ah wada shaqayn joogta ah.

[See image gallery at halgan.net]

Dhinaca kale Madaxweynaha dawlada Puntland Dr. cabdiweli Maxamed Cali Gaas ayaa cadeeyey in dawladda Puntland diyaar u tahay wada shaqayn dhaba oo ay la yeelato DFS, isla markaana ay markasta la jeceshahay dawladdeeda Fadaraalka Soomaaliya wax kasta oo wanaag ah.

Guddoomiyaha Baarlamaanka DFS Mudane. Maxamed Cismaan Jawaari ayaa dhankiisa tilmaamay in wax lagu faano ay tahay horumarka Puntland ka gaadhay Fadaraaliisamka, waxaana uu ka mahadnaqay soo dhoweynta shacabka reer Puntland iyo dawladdooduba ula-heelanaayeen tan iyo maalintay yimaadeen isaga iyo weftiga uu hogaaminayey.

” Maanta waxaan aan aad ugu farxay oo aan rabo inaan ku dhiiri geliyo dawlad goboleedyada kalena, kalfadhi la furayo Madaxweynihii dawladdu joogo oo uu ka hadlaayo wixii hawl ahaa ee u qabsoomay uu ku wargelinaayo golihiisii Wakiillada waa arrin i dhiiri gelisey oo aadna an ugu bogey oo fadaraaliisamku inuu hore u soconaayo mustaqbalna leeyahay aan ogaadey waana u hambalyay nayaa Puntland talaabada wanaagsan ee ay qaadayso Mudane. Madaxweyne adiga waxaan kaarabaa inaad u sheegto Madaxweyne yaasha kale ee dalka sidaa aad u shaqaynayso anaguna waxaan u sheegi doonaa goloyaasha shacbiga iyo dhawladda dhexeba” ayuu yiri Guddoomiye Jawaari.

Ugu danbayn, Madaxweynaha dawladda Puntland Dr. Cabdiweli Maxamed Cali Gaas ayaa kula dardaarmay Baarlamaanka Puntland, Baarlamaanka DFS iyo xildhibaanada Aqalka Sare DFS inay yeeshaan wada shaqayn dhaw oo lagu horumarinaayo dastuurka DFS.

=DHAMMAAD=
XAFIISKA, WARFAAFINTA, WACYI-GELINTA HIDDAHA IYO DHAQANKA EE MADAXTOOYADA DAWLADDA PUNTLAND.

Wasiirka Waxbarashada, Hidaha iyo Tacliinta sare ee DFS oo magacaabay agaasimeyaasha Waaxyaha ee Wasaaradda

Wed, 10/25/2017 - 17:39

Muqdisho:-Wasiirka Waxbarashada, Hidaha iyo Tacliinta sare ee Xukuumadda Federaalka Soomaaliya Cabdi Daahir Cismaan ayaa maanta wareegto ka soo baxday xafiiskiisa waxaa uu ku magaacabay agaasimeyaasha Waaxyaha ee Wasaaradda, iyadoo arrinkas lagu wargeliyey shaqaalaha wasaarada waxbarashada.

Hoos ka akhriso wareegtada ka soo baxday xafiiskaWasiirka Waxbarashada, Hidaha iyo Tacliinta sare DFS

A/cawale
Halgan.net

Madaxweynaha dowladda Puntland Dr.Gaas oo furay kalfadhiga 40-aad ee Golaha Wakiilada dawadda Puntland.[Masawiro]

Wed, 10/25/2017 - 17:21

Garoowe:-Madaxweynaha ayaa waxaa Furitaanka kalfadhiga 40-aad ee Golaha Wakiilada dawadda Puntland kala qayb galay Guddoomiyaha Baarlamaanka DFS Mudane. Maxamed Cismaan Jawaari, Guddoomiyaha Aqalka Sare ee Baarlamaanka DFS Cabdi Xaashi Cabullaahi, Ku-xigeenka Guddoomiyaha Aqalka Sare ee DFS, Guddoomiyaha Golaha Wakiillada dawladda Puntland Mudane Axmed Cali Xaashi iyo Ku-xigeenadiisa, masuuliyiin ka tirsan goleyaasha dawladda Fadaraalka Soomaaliya, masuuliyiin ka tirsan goleyaasha dawladda Puntland, , xubno ka socdey beesha caalamka, maamulka gobolka Nugaal, kan degmada Garoowe, Isimo, nabadoono waxgarad, siyaasiyiin iyo martisharaf kale.

Madaxweynaha dawladda Puntland oo khubadiisa dastuuriga ahka jeediyey furitaanka kalfadhiga 40-aad ee Golaha Wakiillada dawladda Puntland ayaa waxa uu ka hadlay Madaxweynuhu waxqabadka dawladda ee u qabsoomay muddadii u dhexaysey labada kalfadhi ee sanadkan 2017.

Madaxweynaha ayaa ugu horeyn ka hadlay waxqabadka xukuumadiisa ay ka gaadhey arrimaha amaanka waxaana uu yidhi Madaxweynuhu.

“Mudanayaal, sida aan wada ogsoonahay guud ahaan xaaladda Amni ee Puntland ee Bilaha Luulyo, Agoosto iyo Sibteembar 2017-ku waa wanaagsanayd, waana deganayd; Hase yeeshee maaddaama ay Punland ka mid tahay dalweynaha Soomaaliya, waxaa marar badan ka dhacay falal fulaynimo iyo gaadmo ah oo ay geysteen kooxaha argaggixisada ah (Alshabaab iyo Daacish) iyo huwantooda, waxaana ka mid ah qaraxyadii la-qabtay, Dagaalkii Af-ururiyo mirtii Kontroroolka Boosaaso” ayuu yiri Madaxweynuhu.

“Mudanyaal, Waxay Dawladdu amartay in hay’adaha amnigu adkeeyaan ilaalinta xeebaha Puntland, taasoo suuro galisey in 23/09/2017 la qabto dooni siddey hub, waxayna Dawladdu fartay laamaha amniga hubinta iyo baaridda gaadiidka soo galaya xuduudaha dalka” ayuu yiri Madaxweynuhu.

“Waxay Dawladdu keentay Shaybaar lagu baarayo dhiiga iyo unugyadiisa (DNA) laguna rakibay caasimadda Puntland ee Garowe, wuxuuna Ciidammada CID-da ka caawin doonaa danbi-baarista iyo sugidda xogta danbiilayaasha” ayuu yiri Madaxweynuhu.

[See image gallery at halgan.net]

Waxayna ciidammada Puntland hadda ku wajahan yihiin aagagga ay Argaggixisadu kaga sugan yihiin buuraleyda, si looga nadiifiyo meelaha ay ku dhuumaalaysanayaan” ayuu yiri Madaxweynuhu.

Madaxweynaha Dawladda Puntland ayaa sidoo kale sheegay in dawladdu ku guulaysatey Mashruuca RCRF kaas oo u jeedkiisu yahay tayanta shaqaalaha dawladda oo bangiga aduunku ka caawinayo Puntland.

“Waxaa lagu guuleystay Mashruuca RCRF-II ee uu naga caawiyay Bangiga Aduunku in uu bixiyo sanadkaan laga bilaabo January 2017 ila iyo September lacag dhan $ 671,912.50 oo lagu bixinyay mushaarka 75 shaqaale Dawladeed oo laga shaqaaleysiiyay Ha’adaha Dawlada” ayuu yiri Madaxweynuhu.

“Sidoo kale Wasaaraddu waxay ku guuleysatay Mashruuca RCRF-II in uu bixiyo mushahaaraadka macalimiinta Wasaaradda waxbarashada lacag dhan $ 387,391.21. Waxaana bixinay mushahaaraadka macalimiin gaaraysa 2,117 oo kala jooga sagaalka gobol ee Puntlandwaxayna Wasaaraddu kabtay mushahaarkooda 20%, oo gaaraysa lacag kor u dhaafaysa $100,000” ayuu yiri Madaxweynuhu.

Madaxweynaha dawladda Puntland Dr. Cabdiweli Maxamed Cali Gaas ayaa ka hadlay wax yaabihjii xukuumadda dawladda Puntland u qabsoomay muddadii u dhexaysey kalfadhiga ee 39-aad iyo kan 40-aad , waxaana ka mid ahaa arrimaha Shaqada, Shaqaalaha iyo Ciyaaraha, Arrimaha Caafimaadka, Waxbarashada, Kaluumeysiga Puntland, Ganacsiga, Garoomada Puntland, Hawlaha Guud iyo Waddooyinka, Arrimaha Gudaha, Barakacayaasha, Xaaladda Roob Yaridda iyo Abaaraha, Arrimaha Maaliyadda, Xanaanada Xoolaha, Deegaanka iyo Beeraha, Qorshaynta, Arrimaha Haweenka, Dastuurka iyo Arrimaha Federaalka, Arrimaha Haweenka, Kaabayaasha Dhaqaalaha iyoWadada Garowe – Gaalkacyo,

Dhinaca kale Guddoomiyaha Baarlamaanka Soomaaliya, ahna kusimaha Madaxweynaha dawladda Fadaraalka Soomaaliya Mudane. Maxamed Cismaan Jawaari iyo Guddoomiyaha Aqalka Sare ee Baarlamaanka Soomaaliya Cabdi Xaashi Cabullaahi iyo dhammaan masuuliyiinta kale ee ka hadashay furitaanka kalfadhiga ayaa ku dheeraaday muhiimadda ay leedhay nidaamka dawliga ah oo hagaaga, iyagoona xusay in Puntland tahay hormuud ka maanta Soomaaliya lagaga dayan karo wax kasta oo horumara.

Guddoomiyaha Golaha Wakiilada dawladda Puntland Mudane Axmed Cali Xaashi ayaa dhankiisa ka jeediyey furitaanka kalfadhiga 40-aad ee Golaha Wakiillada dawladda Puntland waxaana uu Guddomiyuhu xooga ku saaray khudbddiisa arrimo la xidhiida dastuurka Soomaaliya iyo wax qabadkii Golaha Fulinta Puntland u qabsoomay muddadii u dhexeysey labada kalfadhi.

Ugu danbayn, Madaxweynaha dawladda Puntland Dr. Cabdiweli Maxamed Cali Gaas ayaa si rasmi ah u furay Kalfadhiga 40-aad ee Golaha Wakiillada dawladda Puntland.

=DHAMMAAD=

XAFIISKA, WARFAAFINTA, WACYI-GELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

Madaxweyne Farmaajo“Musiibadii ka dhacday Soobe si aysan mar kale noogu soo noqon, waa in aan u wada istaagnaa difaaca dalkeenna”

Wed, 10/25/2017 - 17:18

Muqdisho, 25 Oktoobar 2017; Madaxweynaha Jamhuuriyadda Federaalka Soomaaliya, Mudane Maxamed Cabdullaahi Farmaajo oo dalka dib ugu soo laabtay ayaa sheegay in madaxda dalalka Uganda, Itoobiya iyo Jabuuti ay isku soo afgarteen in la dar-dar geliyo dagaalka ka dhanka ah argagixisada Alshabaab.

Madaxweyne Farmaajo ayaa sheegay in dhiggiisa Mudane Yoweri Museveni, Ra’iisul Wasaare Hailemariam Desalegn iyo Madaxweyne Ismaaciil Cumar Geelle ay ka aqbaleen in ay kordhiyaan dadaalada dalalkooda ay kaga qayb qaadanayaan dagaalka lagaga xoraynayo Alshabaab guud ahaan dalka.

“Waxaan u safarnay sidii aan garab ugu heli lahayn dar-dar gelinta dagaalka aan dalka kaga xoraynayno Alshabaab, Alle waa nagu guuleeyey. Madaxdu waxa ay ballan qaadeen in ay ka jawaabaan codsigeenii ahaa in la xoojiyo ciidamadeenna oo qalab iyo agabka ay u baahanyihiin nagu gacansiiyaan.”

Madaxweyne Maxamed Cabdullahi Farmaajo waxa uu ugu baaqay shacabka Soomaaliyeed in ay u istaagaan la dagaalanka argagixisada Alshabaab ee had iyo jeer ku howllan xasuuqa iyo gumaadka umaddeena.

“Murugadii ka dhacday Soobe si aysan mar kale u soo noqon, waa in aan u wada istaagnaa difaaca dalkeenna, lana dagaallano cadawga si aysan fursad dambe ugu helin dhibaatada ay nagu hayaan.”

Madaxweynaha ayaa ku howllan qorsheyaal lagu dabargooynayo khatarta Alshabaab, isagoona safarkiisa kahor Xarunta Ciidanka ee Jasiira ku saagootiyey Cutubyo ka tirsan Ciidanka Xoogga Dalka oo u ambabaxayey howlgallo ka dhan ah argagixisada Alshabaab.

DHAMMAAD

Wixii faahfaahin ah, fadlan kala xiriir

Maxamuud Bashiir Jaamac
Sarkaalka Saxaafadda
Xafiiska Warfaafinta & Xiriirka Warbaahinta Madaxtooyada JFS.
E-mail: Mbjaamac@gmail.com, media@presidency.gov.so

Madaxweyne Farmaajo oo ka codsaday Jabuuti in garab ku siiso la dagaalanka Al-Shabaab(Masawiro)

Tue, 10/24/2017 - 20:32

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo iyo wafdi uu hoggaaminayo oo safar shaqo ku maraya qaar ka mid ah wadamada ay ciidamadu ka joogaan Soomaaliya ayaa Magaalada Jabuuti waxa uu kulan kula yeeshay dhiggiisa Jamhuuriyadda Jabuuti Mudane Ismaaciil Cumar Geelle.

Labada Madaxweyne ayaa ka wada hadlay sida labada dal ay isaga kaashan lahaayeen amniga, iyagoona isla qaatay in la dardar geliyo howlgallo lagu dabargoynayo kooxda alshabaab ee dhibaatada ku haysa shacabka Soomaaliyeed.

Madaxweyne Farmaajo ayaa uga mahadceliyay Madaxweyne Geelle kaalinta uu ka geysto nabadeynta iyo dib u kabashada Soomaaliya, wuxuuna tilmaamay in shacabka Soomaaliyeed ay abaal weyn uga hayaan dowladda iyo shacabka Jabuuti sida ay mar walba u garab taaganyihiin.

Madaxweynaha waxa uu si gaar ah u xusay gurmadkii caafimaadka degdega ahaa ee Jabuuti ay u fidisay dadkii ku dhaawacmay qaraxii Soobe.

“Jabuuti waxa ay noo tahay hiil aan isku hallayn karno. Wakhtiyadii adkaa sida aad noo garab istaagteen waa idiin ogsoonnahay. Soomaaliya maanta cadawga kaliya ee ay leedahay waa alshabaab. Sidaas darteed waxa aan idin ka filanynaa in aad nagala shaqaysaan in aan cadawgaas aan ka tir tirno guud ahaan dalka.”

Madaxweynaha dalka Jabuuti Mudane Ismaaciil Cumar Geelle ayaa sheegay in dalkiisu uu garab ku siinaayo Soomaaliya tallaabo kasta oo u horseedaysa xasillooni waarta iyo amni buuxa.

“Dhabtii waa noo muuqataa dhibaatada argagixisada alshabaab ay ku hayso shacabka Soomaaliyeed. Qof waliba waa arkay khasaarihii ka dhashay qarixii Soobe, waxaanse idiin caddaynayaa in aanan idin ku fiirsanayn cadawgaas. Mar kasta Jabuuti waxa ay idinla garab taagantahay hiil iyo hoo.”

[See image gallery at halgan.net]

Madaxweynaha Jahmuuriyadda Federaalka Soomaaliya Mudane Maxamed Cabdullaahi Farmaajo ayaa Maalinimada berri ah waxa uu soo gabagabaynaaya safarro shaqo oo qaatay mudo 3 cisho ah kuwaas oo uu ku tagay dalalka Uganda, Itoobiya iyo Jabuuti.

——Dhamaad—

Gudoonka labada Aqal oo si weyn loogu soo dhaweeyey magaalada Garoowe(Masawiro)

Tue, 10/24/2017 - 20:00

Madaxweynaha Dawladda Puntland Dr. Cabdiweli Maxamed Cali Gaas ayaa maanta oo ay taariikhdu tahay 24 October 2017 dib ugu soo laabtay Garoowe, kuna soo dhoweeyey Guddoonka labada Aqal ee Baarlamaanka dawladda Fadaraalka Soomaaliya.

Madaxweynaha iyo Weftigiisa oo Jawhar kaga qayb galay xafladda caleema saarka Madaxweynaha Hir-shebelle ayaa markii ay soo gadheen Garoowe waxaa kusoo dhoweeyey Guddoomiyaha golaha wakiilada dawladda Puntland Mudane. Axmed Cali Xaashi, masuuliyiin ka tirsan goleyaasha dawladda Puntland, saraakiisha ciidamada Puntland, saraakiil ka tirsan Madaxtooyada Puntland, nabadoono, waxgarad, siyaasiyiin, iyo boqolaal shacabka magaalada Garoowe.

Madaxweynaha dawladda Puntland oo hadal kusiiyey warbaahinta qasriga Madaxtooyada Garoowe ayaa sheegay in ay shacabka reer Puntland iyo dawladdooduba ku faraxsan yihiin imaanshaha Puntland Guddoonka labada aqal ee Baarlamaanka Soomaaliya iyo masuuliyiinta kale ee wehelinayseyba, waxaana uu Madaxweynuhu xusay in ay berito oo ay taariikhdu tahay 25 October2017 ka qayb gelioonaan kal fadhiga 40-aad ee Golaha wakiilada dawladda Puntland.

“Sharaf weyn bay nootahay inay Puntland yimaadaan Guddoonka labada aqal ee Baarlamaanka Soomaaliya iyo masuuliyiinta kale ee wehelinayseyba ay beritona ka qayb galaan furitaanka kal fadhiga 40-aad ee golaha wakiillada dawladda Puntland, runtii waa markii ugu horeysey oo ay Puntland yimaadaan ka qayb galaan kal-fadhiga Baarlamaanka Puntland” ayuu yiri Madaxweynuhu.

“Waxay taasi ka turjumaysaa horumarinta fadaraaliisamka Soomaaliya ay qaadatay in Baarlamaanada dalku ay yeeshaan xidhiidh gaara, inay isasoo booqdaan, inay isu yimaadaan, inay wada shaqeeyaan, ka wada shaqeeyaan horumarinta iyo samaynta shuruucda dalka ay wax iskaga og yihiin waxa lawada-leeyahay oo Soomaali kawada dhexeeya inay noqoto ayaan rabnaa oo lawada shaqeeyo, kusoo dhowaada dalkiinii meel kale maydaan tegine Soomaaliya meel kamida oo laydin ka jecel yahay ayaad timaadeen “ ayuu yiri Madaxweynaha Puntland.

Sidoo kale Madaxweynaha dawladda Puntland ahna guddoomiyaha Golaha Iskaashiga dawladdaha Xubnaha ka ah DFS ayaa shaaciyey isagoo ku hadlaya afka golaha in ay aqbaleen gogosha wadatashi ee uu fidiyey Madaxweynaha dawladda Fadaraalka Soomaaliya Mudane. Maxamed Cabdullaahi Maxamed Farmaajo.

” Madaxweynaha dawladda Fadaraalka Soomaliya ayaa noosoo diray casuumad 28-ka bisha October 2017 inaanu isugu nimaadno Xamar, waxaan rabaa inaan sheego anigoo ku hadlaya magaca dawladdaha xubnaha ka ah Dawladda Fadaraalka Soomaaliya inaan aqbalnay casumaaddaas kana qayb gelayno shirkaa isaga ah” ayuu yiri Madaxweynuhu.

Guddoomiya Golaha Wakiillada dawladda Puntland Mudane Axmed Cali Xaashi ayaa dhankiisa Puntland kusoo dhoweeyey masuuliyiinta labada aqal ee Baarlamaanka DFS, isgoona sidoo kale Guddoomiyuhu u xaqiijiyey Madaxweynaha Puntland Dr. Cabdiweli Maxamed Cali Gaas in dalku amni yahay, uuna ku faraxsan yahay in uu Madaxweynuhu soo laabtay dalkoo nabada iyo isagoo nabad ah.

Dhinaca kale Guddoomiyaha Baarlamaanka Soomaaliya, ahna kusimaha Madaxweynaha dawladda Fadaraalka Soomaaliya Mudane. Maxamed Cismaan Jawaari iyo Guddoomiyaha Aqalka Sare ee Baarlamaanka Soomaaliya Cabdi Xaashi Cabullaahi ayaa dhankooda ka mahad naqay soo dhoweynta balaadhan ee ay ku qaabileen shacabka magaalada Garoowe iyo masuuliyiinta dawladduba, waxaana ay tilmaameen in Puntland ku talaabsatay horumar lixaadle, Soomaaliya oo dhanna ay u tahay hormuud iyo tusaale dhaba isla markaana waxa ay si wada jira ugu baqeen in la ilaaliyo midnimada Soomaaliya.

=DHAMMAAD=

XAFIISKA, WARFAAFINTA, WACYI-GELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

Qarax uu fuliyey qof naftii Haliga ah oo ka dhacay magaalada Boosaaso ee xarunta Gobolka Bari.

Tue, 10/24/2017 - 16:12

Boosaaso:-Wararka ka imaanaya magaalada Boosaaso ee xarunta Gobolka Bari ayaa sheegaya in qof naftii haliga ah oo watay gaari gacan uu ku qarxay kaligiis xili uu ku sugnaa goob shaaha laga cabo oo ku dhow Saldhigga Bartamaha ee Magaalada Boosaaso, goobta qarax uu ka dhacay ayaa waxaa inta badan imaan jiray ciidanka Booliska oo ka iibsan jiray qaadka iyo Shaaha waxaan la filayaa in bartilmaameedku uu ahaa in ciidanka halkaas loo dhigo qaraxa.

Saraakiisha amaanka ee Boosaaso ayaa sheegay in qaraxu uu ku dhintay qofkii nafti haligaha ahaa waxaan ku dhaawacmay 6 qof oo uu ku jiro ilmo yar oo da’diisa lagu qiyaasay 4 jir,Qaraxa ka dib ayaa ciidamada ammaanka waxaa ay rideen rasaas laga maqlay qeybo ka mid ah magaalada Boosaaso.

Goob jooge laga waraystay qarax ka dhacay Boosaaso ayaa saxaaafadda u sheega in qof nafi haliga ah ah uu qorshihiisu ahaa in uu dil dad badan oo shacab ah oo ku sugnaa agagaarka saldhiga Bartamaha ee Boosaaso oo ah meel aad u mashquul badan balse Alle ayaa reer boosaaso ka badbaadiyey qaraxaas.

M_M_Deeq
Halgan.net

Madaxweynaha JFS iyo RW Itoobiya oo ka wada hadlay la dagaalanka Al Shabaab.[Masawiro]

Tue, 10/24/2017 - 01:16

Muqdisho:-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo socdaal ku maraya qaar ka mid ah dalalka ay ciidamada ka joogaan Soomaaliya ayaa gaaray magaalaa Addis Ababa. Madaxweynuhu ayaa halkaas kula kulmay Raiisul Wasaaraha dalka Itoobiya Mudane Haile Mariam Desaglen oo ay ka wada hadleen iskaashiga dhinacyada amniga ee wadamada gobolka iyo la dagaalanka kooxda argagixisada ah ee Al Shabaab.

Madaxweyne Farmaajo ayaa uga mahadceliyay Ra’iisul Wasaare Desaglen dadaalka ay dowladdiisu ku bixineyso nabadeynta Soomaaliya oo ciidamada Itoobiya ay qeyb ka yihiin hawlgalka nabad ilaalinta ee AMISOM.

“Mudane Raiisul Wasaare, waxaan si wayn u wada ogsoonahy in uu sii xoogeysanayo iskaashiga dhinaca amniga ee ka dhaxeeya labada dal. Waxaana rajeynayaa inaan sii xoojinno dadaallada aan ku bixineyno xasilloonida gobolka iyo horumarkiisa.”

Ra’iisul Wasaare Itoobiya ayaa uga tacsiyeeyo Madaxweyne Farmaajo dadkii shacabka ahaa ee lagu laayay Qaraxii Soobe, waxa uuna ballan qaaday in uu garab istaagayo Dowladda Soomaaliya oo dhawaan bilaabeyso hawlgallo military oo dalka looga sifeynayo Al Shabaab.

[See image gallery at halgan.net]

Ra’iisul Wasaare Desaglen ayaa ugu baaqay dalalka kale ee ay ciidamada ka joogaan Soomaaliya in ay sii labo-laabaan dadaallada lagu dabargoynayo argagixisada.

Ra’iisul Wasaaraha Ethiopia, Haile Mariam Desalegn, ayaa sheegay inuu ku faraxsan yahay horumarka Soomaaliya, dalkiisuna uu doonayo inuu arko Soomaaliya oo ka guulaystay argagixisada, xasilooni darrada siyaasadeed iyo tan amni.

DHAMMAAD-
Wixii faahfaahin ah, fadlan kala xiriir
Cabdinuur Maxamed Axmed
Agaasimaha Warfaafinta & Xiriirka Warbaahinta,
Xafiiska Madaxweynaha JFS
E-mail: media@presidency.gov.so

Khudbadihii Madax kale duwan ay ka jeediyeen Caleemasaarkii Madaxweynaha Hirshabeelle ee ka dhacday Magaalada Jowhar.[ Video]

Tue, 10/24/2017 - 01:14

Jowhar:-Waxaa magaalada Jowhar ka dhacay Munaasabada Caleemasaarka Madaxweynaha Maamulka Hirshabeelle Maxamed Cabdi Waare, iyadoo khudbado kale duwan ay ka jeedi yeen Ra’iisul wasaaraha DFS Xassan Cali Kheyre, Madaxda maamul Gobolleedyada iyo xubno ka socda beesha caalamka ee taageerta Dowladda Federaalka Soomaaliya.

Hoos ka Daawo Khudbadii Madaxweynaha Puntland ka jeediyey Caleemasaarkii Madaxweynaha Hirshabeelle

Hoos ka Daawo Khudbadii Madaxweyne Juballand uu ka jeediyey Caleemasaarkii Madaxweynaha Hirshabeelle

Hoos ka Daawo Khudbadii Madaxweynaha Gal-Mudug uu ka jeediyey Caleemasaarkii Madaxweynaha Hirshabeelle

Hoos ka Daawo Khudbadii Madaxweynaha Koonfur Galbeed uu ka jeediyey Caleemasaarkii Madaxweynaha Hirshabeelle

Hoos ka Daawo Khudbadda ergeyga qaramada midoobey Soomaaliya caleema saarka maxaweynaha Hirshabeelle

Hoos ka Daawo Khudbadda Wakiilka midowga Yurub ee Soomaaliya caleema saarka madaxweynaha Hirshabeelle

Hoos ka Daawo khudbadii gudoomiyaha Aqalka sare Abdi Xashi uu ka jeediyey caleema saarka madaxweynaha Hirshabeelle
Hoos ka Daawo Khudbaddii Ra’iisul wasaare Xassan Kheyre uu ka jediyey caleema saarka madaxweynaha Hirshabeelle

Hoos ka Daawo Khudbadda wasiirka arimaha gudaha Cabdi Faarax Juxa caleema saarka madaxweynaha Hirsh

Hoos ka Daawo khudbadii uu ka jeediyey madaxweynaha Hirshabeelle xafladii lagu caleema saarayey

 

 

A/cawaale
Halgan.net

Madaxweynaha Dawladda Puntland Iyo Wefti Balaadhan oo Uu Hogaaminayo oo Si Diiran Loogu Soo Dhoweeyey Magaalada Jawhar.[Masawiro]

Tue, 10/24/2017 - 01:13

Jowhar:-Madadaxweynaha dawladda Puntland Dr. C/weli Maxamed Cali Gaas iyo wefti balaadhan oo uu hogaaminayo ayaa maanta oo ay taariikhdu tahay 23 October 2017 si diiran loogu soo dhoweeyey magaalada Jawhar ee caasimadda maamul goboleedka Hir-shabeelle.Madaxweynaha ayaa waxaa safarka ku wehelinaayey Guddoomiye ku-xigeenka koowaad ee Golaha Wakiillada Puntland Cabdixamiid Shiikh Abdisalaan, Madaxweynihii hore ee Puntland ahna xildhibaan ka tirsan aqalka sare ee Baarlamaanka dawladda Fadaraalka Soomaaliya Mudane. Cabdiraxmaan Maxamed Maxamuud Faroole, masuuliyiin ka tirsan goleyaasha dawladda Puntland iyo  saraakiil ka tirsan Madaxtooyada dawladda Puntland.

Madaxweynaha iyo weftigiisa ayaa waxaa garoonka diyaaradaha Magaalada Jawhar kusoo dhoweeyey Madaxweynaha Hir-shabeelle Dr. Maxamed Cabdi Waare, Madaxweyne ku-xigeenka hir-shabeele, masuuliyiin ka tirsan goleyaasha Hir-shabeelle, nabadoono, waxgarad, aqoon-yahano, siyaasiyiin iyo shacab aad u tiro badan oo ka qayb qaatay soo dhoweynta Madaxweynaha iyo weftigiisa.

Sidoo kale waxaa xafladda caleema saarka  Madaxweynaha Hir-shabeelle ka qayb galay Ra’iisul Wasaaraha Soomaaliya Mudane. Xasan Cali Khayre, Gudoomiyaha Aqalka Sare ee Baarlamaanka DFS Cabdi Xaashi Cabdullaahi, masuuliyiin ka tirsan goleyaasha DFS, Madaxweynaha  Jubbaland Axmed Maxamed Islaan, Madaxweynaha Koonfur Galbeed Shariif  Xasan Shiikh Aadan iyo Madaxweynaha Galmudug Axmed Ducaalle Geelle Xaaf, masuuliyiin ka tirsan goleyaasha dawladdaha xubnaha ka ah DFS iyo xubno ka socdey beesha caalamka .

Madaxweynaha dawladda Puntland oo khudbad dheer oo muhiim ah ka jeediyey xafladda caleema saarka madaxweynaha Hir-shabeelle ayaa sheegay inuu aad ugu faraxsan-yahay kasoo qayb galka xafladda caleema saarka Madaxweynaha cusub ee Hir-shabeelle, isla markaana waxa uu Madaxweynuhu xusay in doorashada Madaxweyne Maxamed Cabdi Waare ka turjumayso midawga ummadda Soomaaliyeed iyo fadaraaliisamkii Soomaaliya oo Hirgalay.

“Aniga iyo weftigayguba aad iyo aad ayaan uga mahad naqaynaa soo dhoweyntii aad nasoo dhoweyseen shacbiga reer Jawhar iyo Hir-shabeelleba ee wanaagsanayd, quruxda badnayd, walaaltinimada lahayd, runtii waa dawlad nimadii Soomaaliyeed oo hore u socota, doorashada Maxamed Cabdi Waare waxay ka turjumaysaa fadaraaliisamkii Soomaaliya oo socda oo hirgalay, Madaxawed Cabdi Waare inta aan ka bartay waxaan aamin sanahay dad weynaha Hir-shabeelle inay heleen hogaamiyihii u wanaagsanaa ee ay heli lahaayeen” ayuu yiri Madaxweynaha dawladda Puntland.

Madaxweynaha Puntland ayaa dhinaca kale  la dardaarmay una duceeyey Madaxweynaha Hir-shabeelle in Alle u fududeeyo xilka uu u qaaday shacabka Hir-shabeelle, iyo ummaadda Soomaaliyeedba, waxaana uu xusay Madaxweynuhu in shacabka Hir-shabeelle iyo Soomaaliya oo dhanba ay soo mareen wakhti aad u dhib badan loona baahan yahay in uu ka shaqeeyo wixii ay kaga bogsan lahaayeen xanuunkaasi iyo wakhtigaasi adkaa ee soo maray.

[See image gallery at halgan.net]

Ra’iisul Wasaaraha Soomaaliya Mudane. Xasan Cali Khayre, Gudoomiyaha Aqalka Sare ee Baarlamaanka DFS Cabdi Xaashi Cabdullaahi, Madaxweynaha  Jubbaland Axmed Maxamed Islaan, Madaxweynaha Koonfur Galbeed Shariif  Xasan Shiikh Aadan iyo Madaxweynaha Galmudug Axmed Ducaalle Geelle Xaaf ayaa dhammaantood Madaxweynaha Hir-shabeele Dr .Maxamed Cabdi Waare ugu hambalyeyey xilka uu u qabtay dadkiisa iyo dalkiisaba, waxaana ay Alle uga baryeen inuu Alle u fududeyo shaqada baaxaddale ee loo igmaday.

Ugu danbayn, Madaxweynaha dawladda Puntland Dr. Cabdiweli Maxamed Cali Gaas ayaa shacabka Soomaaliyeed uga tacsiyeeyey dhibaatadii soo gaartay dadkii rayidka ahaa ee ku wax yeeloobey qaraxii Muqdisho 14 october 2017, waxaana uu Alle uga baryey dadkaasi in Alle u naxariisto intii dhimatay, intii ku dhaawacantayna Alle u boogadayo.

=DHAMMAAD=

XAFIISKA, WARFAAFINTA, WACYI-GELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

Sheekh Dr Xasan Cali Warsame oo Khudbadii Jimacaha uga hadlay Xasuuqii Muqdisho (Daawo)

Mon, 10/23/2017 - 20:32

Burco:-Waxaan idiin soo gudbineynaa Khudbadii Jimacaha ee magaalada Burco waxaana Khudbada Jimacaha jeediyey Sheekh Dr Xasan Cali Warsame waxaana uu sheekhu aad ugu dheeraaday khatarta afkaarta khaldan oo ay xamaarsan yihiin dhalinyarada Soomaaliyeed qaarkood taas sababatay Xasuuqii Muqdisho .

Sheekh Dr Xasan Cali Warsame ayaa ugu baaqay Madaxada iyo Siyaasiyiinta Somaliland oo haatan ku jira olalaha doorashooyinka kuwaas oo lacago badan ku bixinaya Laaluushka sida ay xukunka ku iman lahaayeen wuxuuna ugu baaqay in lacagtaas ay ku bixiyaan oo ugu gurmadaan dadka walaalahood ah ee lagu xasuuqay magaalada Muqdisho.

Hoos ka Daawo Khudbadii Sheekh Dr Xasan Cali Warsame oo Khudbadii Jimacaha uu uga hadlay Xasuuqii Muqdisho (Daawo)

Halgan.net
Burco

Caleemasaarka Madaxweynaha Maamulka Hirshabeelle Waare oo ka socda Jowhar.[ Daawo Live]

Mon, 10/23/2017 - 16:01

Jowhar:-Waxaa hadda toos u bilaabatay magaalada Jowhar Caleemasaarka Madaxweynaha Maamulka Hirshabeelle waxaan caleema saarka ka qayb galaya Madaxda maamul Goboleedka Ra’iisul wasaraha DF Xassan Cali kheyr, Wasiirka Arrimaha gudaha , Xildhaabo ka tirsan 2 gole.

Hoos ka Daawo Caleemasaarka Madaxweynaha Maamulka Hirshabeelle Waare oo ka socda Jowhar

A/cawaale
Halgan.net

Madaxweynaha JFS iyo dhiggiisa dalka Uganda oo ka wada hadlay ammaanka gobolka[Masawiro]

Mon, 10/23/2017 - 16:00

Muqdisho:-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo safar shaqo ku jooga dalka Uganda, ayaa la kulmay dhiggiisa dalkaas Mudane Yoweri Museveni. Labada Madaxweyne waxa ay ka wadahadleen xoojinta xiriirka iskaashi ee labada dal, amniga gobolka iyo la dagaalanka kooxaha argagixisada ah. Madaxweyne Farmaajo ayaa uga mahadceliyay dowladda Uganda kaalinta muhiimka ah ee ay ka qaadatay nabad ilaalinta Soomaaliya iyo dagaalka ka dhanka ah kooxda Alshabaab.

Madaxweynaha Uganda Mudane Yoweri Museveni ayaa dhankiisa tilmaamay sida ay uga go’an tahay in ay garab istaagaan Soomaaliya. Madaxweyneyaasha labada dal, wax ay isla qaateen muhiimadda ay leedahay in la dardar geliyo dagaalka ka dhanka ah argagixisada Alshabaab, si meesha looga saaro khatarta ay ku hayaan deganaanshaha gobolka.

[See image gallery at halgan.net]

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa waxaa kulanka ku weheliyay Wasiirka Arrimaha Dibadda iyo Iskaashiga Caalamiga ah, Mudane Yusuf-Garaad Cumar, Wasiiru-Dowlaha Wasaaradda Gaashaandhigga Mudane Maxamed Cali Xagaa, Guddoomiyaha Guddiga Difaaca Baarlamaanka Xildhibaan Xuseen Carab Ciise, Safiirka Soomaaliya ee dalka Uganda Mudane Sayid Axmed Sheekh Daahir, Lataliyaha Madaxweynaha ee dhanka Ciidamada Sarreeye-Guud Bashiir Maxamed Jaamac iyo Lataliyaha Arrimaha Siyaasadda Dibadda, Mudane Balal Maxamed Cisman.

-DHAMMAAD-

Wixii faahfaahin ah, fadlan kala xiriir

Cabdinuur Maxamed Axmed
Agaasimaha Warfaafinta & Xiriirka Warbaahinta,
Xafiiska Madaxweynaha JFS
E-mail: media@presidency.gov.so

Madaxweynaha Puntland oo u magacaabay Taliyaha Ciidanka Booliska Puntland G/Sare Cabdullaahi Shire

Mon, 10/23/2017 - 15:51

Garoowe:-Digreeto Kasoo Baxday Xafiiska Madaxweynaha Puntland Dr. Cabdiweli Maxamed Cali Gaas, kuna saabsan magacaabid kumeel gaar ah Taliyaha Ciidanka Booliska Puntland. Xeer Madaxweyne Lr. 127 October 22 2017, kuna saabsan magacaabid kumeel gaar ah taliyaha Ciidanka Booliska Puntland.

Markuu arkay:- Dastuurka dawladda Puntland.

Markuu Tixgeliyey:- Aqoontiisa Iyo KhibradiisaShaqo.

Markuu Qiimeeyey:-Talo soo jeedinta Wasiirka Amniga Iyo DDR ee Dawladda Puntland.

Wuxuu Xeeriyey:-

Waxaa G/Sare Cabdullaahi Shire Dool si kumeel gaar ah loogu magacaabay Taliyaha Ciidanka Booliska Puntland.Xeerkani wuxuu dhaqangelayaa markuu Madaxweynuhu Saxeexo, wuuna saxeexay Madaxweynuhu.

=DHAMMAAD=
XAFIISKA, WARFAAFINTA, WACYIGELINTA HIDDAHA IYO DHAQANKA EE MADAXTOOYADA DAWLADDA PUNTLAND.

Khudbdii jimcaha ee Maasjidu Nuural-Huda ee Hargeysa oo looga hadlay qaraxii Muqdisho (Daawo)

Sun, 10/22/2017 - 21:44

Waxaan idiin soo gudbineynaa Khudbdii jimcaha ee Maasjidu Nuural-Huda ee magaalada Hargeisa waxaana jeediyey Sh Maxamuud Diriri Sheekh ayaa khudbadiisa uga hadlay Xasuuqii ka dhacay magaalada Muqdisho isaga oo tacsi u diray dhamaan eheladii iyo qaraabadii ay dadkooda ku geeriyoodeen qaraxii Isgoyska soobe ee magaalada Muqdisho:

Sheekh Maxamuud Dirir ayaa sheegay in dhamaan Muslimiinta ay yihiin walaalo dhib walba iyo dheef walba ay wada qeybsanayaan

Sheekh Maxamuud Dirir ayaa sheegay in qaraxii Muqdisho ay ku dhinteen lamaano is qabay oo aan ka fogeyn Masjidkiisa kuwaas oo muqdisho u tagay in ay dad ehelkooda oo geeri gashay ay u soo tacsiyeeyaan balse ay iyagii ay ku dhinteen qaraxii waxayna ka tageen buu yiri Sheekhu 9 caruura .

A/Cawale
Halgan.net

Pages