News From Halgan Net

Subscribe to News From Halgan Net feed
Somali News
Updated: 1 hour 7 min ago

Shirka Golaha wasiirada Puntland oo looga hadlay amniga , Diyaar Garowga 8-da Janaayo

Thu, 12/14/2017 - 23:25

Garoowe:-Shirka Golaha wasiirada dowlda Puntland oo looga hadlay amniga , Diyaar Garowga 8-da Janaayo iyo Arrimo kale.

Hoos ka akhriso Shirka Golaha wasiirada Puntland oo looga hadlay amniga , Diyaar Garowga 8-da Janaayo iyo Arrimo kale.

[See image gallery at halgan.net]

 

 

 

M_M_Deeq
Halgan.net

Kusimaha Taliyaha Ciidanka Booliska 18 Askari ayaa nooga dhintay qaraxii saaka.[Dhagayso]

Thu, 12/14/2017 - 14:54

Muqdisho:-Ku simaha Taliyaha Ciidanka Booliska, ahna taliye ku xigeenka Booliska Dowladda federalka Soomaaliyeed Sarreeye Guuto Mukhtaar Xuseen Afrax ayaa waxaa ka warbixiyey qarax saaka lala beegsaday xarunta Dugsiga Tababarka ciidanka ee Jen.Kaahiye.

Taliye Mukhtaar Xuseen Afrax ayaa waxaa uu sheegay in qarax lala eegtay xarunta Dugsiga Tababarka ciidanka ee Jen.Kaahiye ayaa sheegay in 17 askari ay ku dhinteen halka 15 askari oo kale ay ku dhaawacmeen.

Ku simaha Taliyaha Ciidanka Booliska, ahna taliye ku xigeenka Booliska DFS Sarreeye Guuto Mukhtaar Xuseen ayaa sheegay in qofka is qarxiyey uusan ka tirsanatwe ciidnka Booliska balse uu soo dhex galay xerada xili ay askartu mashquul ahaayeen ka dib uu isku dhex qarxiyey.

Hoos ka Dhagayso shira jaraa’id ee uu qabtay Ku simaha Taliyaha Ciidanka Booliska, ahna taliye ku xigeenka Booliska Dowladda federalka Soomaaliyeed Sarreeye Guuto Mukhtaar Xuseen.


Source codka Radio Dalsan

M_M_Deeq
Halgan.net

Guddoomiyaha Aqalka sare oo ku baaqay in la joojiyo shir ka dhacaya Baydhabo

Thu, 12/14/2017 - 14:53

Baydhabo:-Guddoomiyaha Aqalka sare ee Baarlamaanka dowladda Federaalka Soomaaliya ayaa waxaa uu qoraal ka soo saaray shir uu Guddoomiyaha Golaha Shacabka Prof. Maxamed Sheekh Cismaan (Jawaari) uu doonayo in uu ku qabto magaalada Baydhabo ee xarunta Gobolka Bay.

Guddoomiyaha Aqalka sare ee Baarlamaanka dowladda Federaalka Soomaaliya ayaa ku baaqay in la joojiyo shirkaas maadama uusan ahayn mid sharciga waafaqsan isagoo ugu baaqay dowladda xubnaha ka ah dowladda federaalka Soomaliya in aysan ka qayb gelin shirka ka dhacay Baydhabo.

Hoos ka Akhriso warsaxaafeedka uu soo saaray Guddoomiyaha Aqalka sare ee DFS

[See image gallery at halgan.net]

 

M_M_Deeq
Halgan.net

Ra’iisul Wasaare Kheyre oo Tacsi u direy Ehellada Askartii ku geeriyootay qaraxii ka dhacay xarunta Tababarka Booliska ee Jen. Kaahiye,

Thu, 12/14/2017 - 14:52

Muqdisho:-Ra’iisul Wasaaraha Jamhuuriyadda Federaalka Soomaaliya Mudane Xasan Cali Khayre ayaa tacsi u direy ehellada askartii geesiyaasha ahaa ee naftooda ku waayay falkii argagixiso oo saakay ruux naftii halige ah uu ku qaaday xarunta Akaadeemiyada Booliska ee Jen. Kaahiye. Waxuuna Weerarkaas ku tilmaamay mid naf la caari ah oo kooxaha nabadda kasoo horjeeda ku bartilmaameed sadeen goob ay ku sugnaayeen ciidamo ka tirsan Booliska.

“Waxaan tacsi u dirayaa qoysaska iyo ehellada askatii shahiiday, waxaana leeyahay allaha u naxariisto inta dhaawaca ahna waxaan u rajaynayaa inay ka soo kabtaan dhaawacan, Dawladduna xil ayay iska saari doontaa daryeelka kuwa dhaawacmay, waxaa kaloo ay dawladdu damaanad qaadaysaa gacan siinta qoysaska ay ka shihiideen askatu.”Ayuu yiri RW Khayre.

Mudane Khayre ayaa xusay in weerarkan uusan marnaba ka weecin doonin dadaalka loogu jiro dib-u-dhiska Soomaaliya xasilloon oo sharcigu sareeyo si dadkeenu nabad iyo cizi ugu noolaadaan.

——DHAMAAD——

Madaxweynaha S/land Muuse Biixi oo magacaabay Golahiisa wasiirada

Thu, 12/14/2017 - 13:38

Hargeysa:-Madaxweynaha Soomaaliland Muuse Biixi Cabdi ayaa maanta waxaa uu magacaabay Golahiisa Wasiirada kadib markii shalay uu si rasmi ah loogu wareejiyey xilka Madaxweynaha cusub ee maamulka S/land. Golaha wasirada cusub ee S/land oo gaaraya 23 wasir iyo 9 wasiir ku xigeen waxaana ka dhex muuqda wasiirada cusub ee la magacaabay wasiiro horay uga tirsanaa dowladdi Madaxweyne Siilaayo.

Hoos ka Akhriso golaha wasiirada cusub ee uu magacaabay Madaxweynaha S/land Muuse Biixi Cabdi.

[See image gallery at halgan.net]



A/cawaale
Halgan.net

Al-shabaab oo qarax la beegsaday xarunta Tababarka Booliska ee Jeneraal Kaahiye

Thu, 12/14/2017 - 13:37

Muqdisho:-Waxaa maanta qarax is miidaamin ah uu ka dhacay Dugsiga Tababarka Booliska ee Jen.Kaahiye ee magaalada Muqdisho ee caasimada Soomaaliya ka dib markii qof soo labistay darsiga ciidanka Booliska uu isku dhex qarxiyey Ciidamo ka tirsan Booliska dowladda Federalka Soomaaliya.

Qarax uu fuliyey qof naftii haliga ah ayaa waxaa ku dhintay 17 askari oo ka tirsan Ciidanka Booliska Dowladda Federaalka Soomaaliya waxaan ku dhaawacmay in ka badan 15 askari, Cidanka Booliska Dowlada Federaalka Soomaaliya ee qarax lala eegtay ayaa waxaa ay u badanaayeen ciidamada laanta canshuuraha ee Dowladda Federaalka Soomaaliya, Ururk Al-shabaab ayaa sheegtay in qarax ay fuliyeen ayna ku dileen ciidamo badan oo ka tirsan Dowladda Federalka Soomaaliya iyo saraakiil ciidan.

Ma jiro ilaa hadda war ka soo baxay laamaha amniga ee Ciidanka dowladda Federaalka Soomaaliya qarax saaka lala eegtay xarunta Dugsiga Tababarka Booliska ee Jeneraal Kaahiye ee magaalada Muqdisho ayaa waxaa ay muujinaysaa fashilka amni ee haysta Madaxda amniaga ee Dowlada Federaalka Soomaaliya.

A/cawaale
Halgan.net

Kulan looga hadlayo u hiilinta Quddus oo lagu qabtay magaalada Boosaaso.[Masawiro]

Wed, 12/13/2017 - 10:41

Boosaaso:-Waxaa Xalay hoolka munaasabadaha iyo xafladaha ee jaamacadda Bariga afrika si habsami leh loogu qabtay Barnaamij logu magacdaray kulanka Jamaahiireed ee u hiilinta Quddus , waxaana iska kaashaday hirgalintiisa xarunta geeska afrika iyo Jaamacadda Bariga afrika.

Kulankaan loogu hiilinayo Quddus ayaa waxaa kasoo qaybgalay qaybaha kala duwan ee bulshada gaar ahaan Culamaau’diin, Aqoonyahano, Nabadoono, Abwaano , Jaaliyadaha walaalaha carbeed ee ku nool magaalada Boosaso , arday iskugu Jira gabdho iyo wiilalba .

[See image gallery at halgan.net]

Kulanka ayaa Waxaa laga soo jeediyay kalmado kala duwan nuxurka iyo biya dhacoodu ahaa ahmiyadda ay leedahay Qudus umadda islaamka iyo inaan sinaba dood iyo gorgortan loo galin Karin. Masuuliyintii iyo bulshadii ka soo qayb gashay kulanka ayaa waxaa si isku mid ah ugu nuuxnuuxsadeen badankood – inti madasha ka hadashay – in la qaato asbaabtaha keena guusha oo ay ugu horeeso midaynta iyo walaalaynta umadda Soomaaliyeed guud ahaan gaarv ahaan umada Islaamka . Gabagabadii kulanka ayaa waxaa  laga soo jeediyay nashiidooyin iyo gabayo in badan dadku ay u riyaaqeen.

Jaamacadda Bariga afrika.
Boosaaso, Halgan.net

 

Xafladda Caleemasaarka Madaxweynaha S/land oo ka socota Hargeysa.[ Video]

Wed, 12/13/2017 - 10:40

Hargeysa:-Xafladda Caleemasaarka Madaxweynaha S/land Muuse Biixi Cabdi ayaa ka soca Aqalka Madaxtooyada maamulka Soomaliland ee Hargeysa. Xafladda Caleema saarka ayaa waxaa ka soo qeyb galaya masuuliyiin kala duwan oo tirsan dowlada S/land iyo xubno ka socda beesha caalamka iyadoo madasha caleema saarka uu ku sugan yahay madaxweynihii hore ee S/land Axmed Siilaanyo oo xilka ku wareejin doona madaxweynaha cusub ee S/land Muuse Biixi Cabdi.

Hoos ka Daawo Xaflada Caleemasaarka Madaxweynaha S/land Muuse Biixi ayaa ka soca Aqalka Madaxtooyada ee Hargeysa

A/cawaale
Halgan.net

Taliyaha guud ee ciidanka DFS Cabdiweli Jaamac Gorod oo booqday xerada 54aad ee Garoowe.[Masawiro]

Tue, 12/12/2017 - 15:35

Garoowe:-Taliyaha guud ee ciidanka Dowladd Federaalka Soomaaliya Cabdiweli Jaamac Gorod oo shalay soo gaaray magaalada Garoowe ayaa saaka booqday xerada 54 ee cidanka daraawiishta Puntland, Taliye Gorod oo ay la socdaan saraakiil ka tirsan Ciidanka dowladda federaalka Somaaliya iyo kuwa Puntland ayaa waxaa ay salaan sharaf ka qaateen ciidanka daraawishta Puntland ee ku sugnaa Xerada 54 aad.

Taliyaha guud ee ciidanka difaaca dowladda Puntland General Siciid Maxamed Xirsi ayaa waxaa uu aad uga mahad celiyey booqashada uu Taliyaha guud ee ciidanka dowladd Federaalka Soomaaliya Cabdiweli Jaamac Gorod uu ku yimid magaalada Garoowe.

Taliyaha guud ee ciidanka difaaca dowladda Puntland General Siciid Maxamed Xirsi ayaa sheegay in dowladda Puntland iyo shacabkeeduba ay u taagan yihiin siddii dalka Soomaaliya looga dhisi lahaa dowlad rasmi ah iyp weliba cidamada qaranka Soomaaliya ee si loo soo celiyey nabadgelyada guud ee dalka Soomaaliya.

[See image gallery at halgan.net]

Dhinac kale Taliyaha guud ee ciidanka Dowladd Federaalka Soomaaliya Cabdiweli Jaamac Gorod ayaa ku amaanay Puntland nabad gelyada buuxa ee ka jirta isagoona ku amaanay ciidanka Puntland sidda wanaagsan ee ay u sugeen amaanka guud ee Puntland waxaana uu ku bogaadiyey dagaalka ay ciidanka amniga Puntlands ay kula jiraan uruka Al-shabaab iyo Daaicsh.

M_M_Deeq
Halgan.net

Kornayl Cismaan Abshir (Kabayare) Qarax miino ah ku dhintay

Tue, 12/12/2017 - 15:34

Boosaaso:-Wararka naga soo gaaraya magaalada Boosaaso ee xarunta Gobolka Bari ayaa sheegaya in Kornayl Cismaan Abshir (Kabayare) oo ahaa madaxii mini baarista Puntland uu ku dhintay qarax miino uu uu ka saarayey aagga Galgala.

Kornayl Cismaan Abshir (Kabayare) ayaa waxaa uu ahaa sarkaal u qaabilsan Puntland dhinac miino baarista waxaan uu qarax minada ay haleeshay xili uu ku howl lanaa soo saarista minada dhulka ay ku aaseen ururka Al-shabaab oo ay ciidanka Puntland ay ka war heleen.

Kornayl Cismaan Abshir (Kabayare) ayaa u geeriyooday dhawac ka soo gaaray qarax miinada waxaan la keenay Isbitaalka weyn ee magaalada Boosaaso, Qaraxaan minada ah ayaa ku soo beegmaya xili ay ciidanka daraawiishta iyo kuwa PSf ay howl galo ka wadeen deegaaano dhowr ah oo ku yaal Buuuraha Calmadow. Ilaa iyo hadda kama aysan hadal Saraakiisha Ciidanka Daraawiishta ee Aag GalGala Qarax miino ee uu ku geeriyoodaya madaxii mino baarista Puntland Kornayl Cisman Abshir (Kabayare).

A/cawaaale
Halgan.net

Madaxweyne Farmaajo oo dalka Turkiga kaga qeyb galaya Shirka Ururka Iskaashiga Islaamka

Mon, 12/11/2017 - 22:11

Muqdisho:-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo iyo wafdi uu hoggaaminayo ayaa umba-baxay magaalada Istanbuul ee dalka Turkiga. Madaxweynaha ayaa halkaas kaga qeyb-galaya shir deg-deg ah oo ay isugu imaanayaan Madaxda dalalka ku mideysan Ururka Iskaashiga Islaamka ( OIC ).

Agaasimaha Warfaafinta iyo Xiriirka Warbaahinta Madaxtooyada Jamhuuriyadda Federaalka Soomaaliya Mudane Cabdinuur Maxamed Axmed oo ka warbixiyey safarka Madaxweynaha ee dalka Turkiga ayaa sheegay in safarkan uu salka ku hayo arrimaha ka soo kordhay magaalada barakeysan Al-Qudus iyo sidii dalalka Muslimka ah ay go’aan mideysan uga qaadan lahaayen arrinkan.

“Madaxweyne Maxamed Cabdullaahi Farmaajo waxaa uu ka qeyb-galayaa shirka Qudus oo 6dii bishaan uu ku dhawaaqay Madaxweynaha Turkiga Rajab Dayib Ordogan si Madaxda Islaamka ee ku mideysan OIC ay isula gorfeeyaan go’aanka Madaxweyne Trump ee magaalada Qudus uu ugu aqoonsaday in ay caasimad u tahay Israaiil.”
Agaasimaha waxa uu sheegay in shirku uu bilaabanayo maalinta Arbacada ah iyadoona la filayo in ay ka soo qeyb-galaan madax iyo wufuud ka socota 57da dowladood ee xubnaha ka ah Ururka Iskaashiga Islaamka.

“Soomaaliya waxa ay ka mid tahay dalalka dhidibada u taagay Ururka Iskaashiga Islaamka. Sidaas daraadeed waxaa lagama maarmaan ah in aan kaalinteenna ka qaadano go’aan ka gaarista arrimaha nagu xeeran ama ku soo kordha dalalkan aan bahwadaagta nahay.”

Sidoo kale, Agaasimaha Warfaafinta Madaxtooyada waxa uu sheegay in tallaabadani ay daba socoto bayaankii ay soo saartay Dowladda Federaalka Soomaaliya ee lagu taageerayey xuquuqda dowladnimo ee dadka reer Falastiin iyo in magaalada Qudus ay tahay mid qiimo gaar ah u leh dunida Islaamka.

DHAMMAAD-
Wixii faahfaahin ah, fadlan kala xiriir
Maxamuud Bashiir Jaamac
Xafiiska Warfaafinta & Xiriirka Warbaahinta,
Madaxtooyada Jamhuuriyadda Federaalka Soomaaliya
E-mail:media@presidency.gov.so

Madaxweynaha JFS iyo wafdi uu hoggaaminayo oo dalka dib ugu soo laabtay

Sun, 12/10/2017 - 15:02

Madaxweynaha Jamhuuriyadda Federaalka Soomaaliya Mudane Maxamed C/llaahi farmaajo iyo wafdi ballaaran oo uu hoggaaminayo ayaa saaka dalka dib ugu soo laabtay kadib markii uu shir uga qeybgalay magaalada Sharmal Sheekh ee Masar.

Waxaa ku soo dhaweeyey garoonka diyaaradaha magaalada Muqdisho mas’uuliyiin katirsan Dowladda Soomaaliya,waxaana safarka madaxweynaha Soomaaliya ku wehliyay xubno katirsan Golayaasha Baarlamaanka iyo Wasiirada.

Mudane Maxamed Cabdullaahi oo ka qeyb-galaya Madasha Ganacsiga Afrika 2017 ee magaalada Sharma Sheekh ayaa sheegay in baahi weyn loo qabo mideynta dadaallada iyo qorsheyaasha wadamada Afrika ee ku aaddan maal-gashiga iyo kor u qaadista iskaashiga ganacsiga.

Khudbad uu shirkaasi ka jeediyay madaxweynaha Soomaaliya waxaa uu ka hadlay baahida loo qabo in la abuuro jawi maalgashi oo soo jiidanaya maalgashade-yaasha shisheeye iyo kuwa gudaha, waa hiigsi ay dooneyso dowladda kasta in ay ka dhabayso,Si loo gaaro iskaashi dhaqaale oo dhexdeenna ah waa in aan arrinkan ka wada shaqeynaa oo xirriir qoto dheer ka yeelannaa.ayuu intaasi ku daray.

Sidoo kale, Madaxweyne Farmaajo waxa uu madasha ku soo bandhigay khayraadka ay hodonka ku tahay Soomaaliya, fursadaha maal gashi iyo kaalinta ay ka qaadan karto suuqa ganacsiga xorta ah ee Afrika ay qorshaynayso in dhidibada loo taago.

Dhanka kale waxaa uu Madaxweynaha Jamhuuriyadda Federaalka Soomaaliya ka qeyb galaya kulamo muhiim ah oo xoogga lagu saarayo maal-gelinta kaabayaasha dhaqaalaha, beeraha, dhaqaale abuurka dhallinyarada, isgaarsiinta, fursadaha maalgashiga tiknoolajiyadda iyo kor u qaadista adeegyada waxbarashada iyo caafimaadka.

SONNA
Halgan.net

Khudbadii Jimcaha ee Masjidka Saalixiya Sh Dr Xasan Sh Cali Warsame (Daawo)

Sun, 12/10/2017 - 11:33

Burco:-Waxaan idiin soo gudbineynaa Khudbadii Jimcaha ee Masjidka Saalixyada e Magaalada Burco waxaana Khudbada jeediyey Sheekh Dr Xasan Sheekh Cali Warsame waxaana uu Sheekhu uga hadlay Khatarta dhagarta cadawga gaar haan Yahuuda wuxuuna si Gaara Sheekhu ga hadlay Masjidka Barakeysan ee Al Qudus 

Hoos ka Daawo Khudbadii Jimaca Ee Sh Dr Xasan Sh Cali Warsame uu ka jeediyey Masjidka  Magaalada Burco Khatarta Cadawoga gaar haan Yahuuda Ivo Ahmiyada Masjidka Al-Aqsa 

 

Madaxweynaha oo ugu baaqay Madaxda Afrika in la iska kaashado abuurista jawi maalgashi.[Masawiro]

Sat, 12/09/2017 - 20:30

Muqdisho, Disembar 9, 2017: Madaxweynaha Jamhuuriyadda Federaalka Soomaaliya Mudane Maxamed Cabdullaahi oo ka qeyb-galaya Madasha Ganacsiga Afrika 2017 ee magaalada Sharma Sheekh ayaa sheegay in baahi weyn loo qabo mideynta dadaallada iyo qorsheyaasha wadamada Afrika ee ku aaddan maal-gashiga iyo kor u qaadista iskaashiga ganacsiga.

Madaxweynaha oo hadal ka jeediyey fagaare ay ka soo qeyb galeen Madaxda Afrika ee shirkan qeybta ka ah, maamulayaal bangiyo caalami ah, ganacsato, khubaro dhaqaale iyo maal-qabeenno ayaa yiri “kulamadani waxa ay muujinayan baahida aan u qabno in aan abuurno jawi maalgashi oo soo jiidanaya maalgashade-yaasha shisheeye iyo kuwa gudaha, waa hiigsi ay dooneyso dowladda kasta in ay ka dhabayso. Si loo gaaro iskaashi dhaqaale oo dhexdeenna ah waa in aan arrinkan ka wada shaqeynaa oo xirriir qoto dheer ka yeelannaa.“

Sidoo kale, Madaxweyne Farmaajo waxa uu madasha ku soo bandhigay khayraadka ay hodonka ku tahay Soomaaliya, fursadaha maal gashi iyo kaalinta ay ka qaadan karto suuqa ganacsiga xorta ah ee Afrika ay qorshaynayso in dhidibada loo taago.

[See image gallery at halgan.net]

“Soomaaliya waa dal hodan ku ah macdanta noocyadeeda kala duwan, gaaska dabiiciga ah iyo saliidda kuwaas oo dhammaantood soo jiidanaya indhaha maalgashade-yaasha Afrika iyo caalamkaba, waxaan kale oo leennahay xeebta ugu dheer Afrika iyo dhul aad u ballaaran oo ku habboon beeraha iyo wax soo saarka taas oo suurta gelineysa in Soomaaliya ay hormuud u noqoto haqab-tirka baahiyaha cunto ee Qaaradda Afrika.”

Madaxweynaha Jamhuuriyadda Federaalka Soomaaliya ayaa maanta ka qeyb galaya kulamo muhiim ah oo xoogga lagu saarayo maal-gelinta kaabayaasha dhaqaalaha, beeraha, dhaqaale abuurka dhallinyarada, isgaarsiinta, fursadaha maalgashiga tiknoolajiyadda iyo kor u qaadista adeegyada waxbarashada iyo caafimaadka.

-DHAMMAAD-
Wixii faahfaahin ah, fadlan kala xiriir
Cabdinuur Maxamed Axmed
Agaasimaha Warfaafinta & Xiriirka Warbaahinta,
Madaxtooyada Jamhuuriyadda Federaalka Soomaaliya
E-mail:media@presidency.gov.so

Madaxweynaha Puntland ” Shirka Amniga Qaranka Soomaaliya Wuxuu kusoo Dhammaaday Guul

Sat, 12/09/2017 - 16:40

Madaxweynaha Dawladda Puntland Dr. Cabdiweli Maxamed Cali Gaas iyo weftigii uu hogaaminayey ayaa maanta 09 December 2017 dib ugu soo laabtay magaalada Garoowe ee caasimadda dawladda Puntland.

Madaxweynaha iyo weftigiisa ayaa waxaa garoonka diyaaradaha Kanooko ee Magaalada Garoowe kusoo dhoweeyey Madaxweyne Ku-xigeenka dawladda Puntland Eng. Cabdixakiin Xaaji Cabdullaahi Cumar Camey, maamulka gobolka Nugaal iyo kan degmada Garoowe, masuuliyiin ka tirsan goleyaasha dawladda Puntland, saraakiil ka tirsan Madaxtooyada Puntland, aqoon-yahano, siyaasiyiin iyo qaar kamid ah shacabka magaalada Garoowe.

Madaxweynaha oo warbaahinta kula hadlay qasriga Madaxtooyada Garoowe ayaa ka warbixiyey shirkii amniga qaranka Soomaaliya iyo kii beesha caalamka iyo Madaxda Soomaalida, waxaana uu sheegay Madaxweynuhu in dhammaan shirarkaasi kala duwan ay kusoo dhammaadeen guul, maxsuul wanaagsanina kasoo baxay.

Sidoo kale Madaxweynaha ayaa sheegay in shirka amniga qaranka Soomaaliya uu wax badan kusoo kordhiyey geedi socodka dawladdnimada qaranka Soomaaliyeed, isla markaana waxa uu xusay Madaxweynuhu in shirkani lagu dhisidoono ciidan Soomaaliyeed oo Soomaali oo dhan ka dhexeeya, astaan qaranle, ka qayb-qaata amniga iyo xasilinta dalka.

Dhinaca kale Madaxweynaha dawladda Puntland ayaa xusay in 2400 oo cidanka dawladda Puntland ahi ay qayb-noqon doonaan ciidanka qaranka Soomaaliyeed ee hadda layagleelayo dhisitaankiisa iyo isku dhafkiisa.

Ugu danbayn, Madaxweynaha dawladda Puntland Dr. Cabdiweli Maxamed Cali Gaas ayaa sidoo kale sheegay in shirka madaxda qaranka Soomaaliyeed iyo beesha caalamka looga hadlay arrimaha amaanka iyo dhaqaalaha, waxaana uu Madaxweynuhu tilmaamay in labada ajandeba ay muhiim u ahaayeen qaranka Soomaaliyeed.

=DHAMMAAD=

XAFIISKA, WARFAAFINTA, WACYI-GELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

Khudbadii Jimacaha Masjidka Al-Hidaaya oo looga hadlay Qudus Sh Maxamuud Shible (Daawo)

Fri, 12/08/2017 - 20:33

Nairobi:-Waxaan idiin soo gudbineynaa Khudbadii Jimacaha ee Masjidka Al-Hidaaya ee magaalada Nairobi waxaana khudbada jeediyey Sheekh Maxamuud Shible Xafidahulaah waxaana uu Sheekhu ka hadlay Masjidka Al-Qudus waxaana ay khudbada ay tahay mid qiiro iyo run taabatay .

Hoos ka Daawo Khudbadii Jimcaha ee Masjidka Al-Hidaaya ee magaalada Nairobi Sh Maxamuud Shible



Masjidka Al-Hidaaya
Nairobi
Halgan.net

Golaha Walaalaynta Bulshada Iyo Qabyaalad diidka oo Garoowe ku qabtay Muxaadaraad (Daawo)

Fri, 12/08/2017 - 19:54

Garoowe:-Waxaa maalmihii lasoo dhaafay guud ahaan puntland gaar ahaan Garowe laga hadalhayay gole lamagac baxay Walaalaynta Bulshada iyo Qabyaalad diidka kuwaas oo aragtidoodu tahay sidii loo helilahaa Bulshada soomaaliyeed oo midaysan islamarkaana kabaxday qabyaaladda  Iyo Colaadda .

Golahaan oo dhawaan lagaga dhawaaqay Garoowe ayaa mudadii uu jiray waxaa uu bilaabay olole Bulshada lagu wacyigalinayo islamarkaana lagu baraarujinayo Shareecada Islaamku Waxay  kaqabto Qabyaalada .

Muxaadaraadkaan oo kaga duwan kuwii hore marka laga eego Halkudhiga Ugaarka ah qabyaaladda iyo Culimada soojeedinaysa oo iyana ah Culimadii kasoo baxday Macadul Caali oo ah Macad Soosaara Culimo Aqoon durugsan u leh Shareecada Islaamka .

Muxaadaraatkaani waxay kasocdeen habeenkii Masjidka Al-Huda Garowe Maalintina waxay kasocdaan Masjidka Al-Raxma waxaana lasoo afmerayaa Habeenka Jumcaha .

[See image gallery at halgan.net]

Dadweynaha Reer garowe oo aad ugafaa iidaystay ayaa sheegay in ay  kaqayb qaadan doonaan sidii loo diidi lahaa qabyaalad islamarkaana loo walaalayn lahaa Bulshada.



Golaha Walaalaynta Bulshada Iyo Qabyaalad diidka
Garoowe
Halgan.net

Ururka Al-Ictisaam Bil Kitaabi Wassunnah oo bayaan ka soo saaray arinka Qudus

Fri, 12/08/2017 - 19:27

Ururka Al-Ictisaam Bil Kitaabi Wassunnah ayaa Bayaan kulul ka soo saaray go,aankii dowlada Mareykanka ee ahaa in Qudus ay tahay caasimada dowlada ku sheega Yahuuda waxaana ay baaq u jeediyeen dhamaan umada Muslinka ah iyo madaxdooda

Bayaanka oo Nuqul ka mid ah uu soo gaaray Halgan.net ayaa waxaa uu u qornaa sidan hoos ku qoran.

[See image gallery at halgan.net]

C/Casiis Maxamed
Halgan.net

Dowladda Soomaaliya oo War ka soo saartay go’aanka Maraykanka ee Qudus

Thu, 12/07/2017 - 23:18

Muqdisho :- Dowladda Federaalka Soomaaliya waxa ay si dhow ula socotay, iyada oo ka walaacsan go’aanka halista ah ee uu qaatay Madaxweynaha dalka Maraykanka Donald Trump kaasoo uu ugu aqoonsaday magaalada barakaysan ee Al-Qudus in ay caasimad u tahay Israa’iil.

Waxaan ugu baaqaynaa Dowladda Maraykanka in ay si dhab ah uga fiirsato halista go’aankan uu ku leeyahay mustaqbalka dalalka Bariga-dhexe iyo guud ahaan Caalamka.

Sidoo kale, Soomaaliya waxa ay ugu baaqaysaa dalalka Carabta, Islaamka iyo guud ahaan Caalamka in ay sii laba-laabaan dadaalkooda ku aaddan xal u helista Qadiyadda Falastiin si looga gudbo xasillooni darrada haraysay Gobolka.

Ugu dambayntii, Jamhuuriyadda Federaalka Soomaaliya, dowlad iyo shacab, waxa ay la diyaar yihiin markasta taagerada iyo garab istaagga shacabka Falastiin sidii ay u hanan lahaayeen xuquuqdooda dowladnimo.

SONNA
Halgan.net

Hay’adda Culumada Soomaaliyeed oo Bayaan ka soo saartay ee arinka Qudus(Akhriso)

Thu, 12/07/2017 - 21:58

Muqdisho:-Hay’adda Culumada Soomaaliyeed ayaa bayaan ka soo saartay go,aankii dowlada mareykanka ay Qudus ugu aqoonsatay caasimada yahuuda xooga ku heystay dalka Falastiin waxaana ay Hay’adda Culumada Soomaaliyeed  ugu baaqday Muslimiinta in ay garab istaagaan shacabka falastiin.Bayaanka oo nuqul ka mid ah uu soo gaaray Halgan.net ayaa sidan u qornaa.

Hay’adda Culumada Soomaaliyeed waxay isha ku haysay kana fajiciyay go’aanka dowladda maraykanka ay ku dhawaaqday oo ah in magaalada barakaysan ee Qudus ay tahay Caasimadda Dowladda Yahuudda. Marka Hay’adda Culumadu, ayadoo gudanaysa waajibka ka saran difaaca diinta iyo dhulka muslimiinta , waxay caddaynaysaa:

1-Waxay aad u cambaaraynaysaa go’aankaas dulmiga ku dhisan , oona dhaawacaya
dareenka malaayiinta muslimiinta ah. waana go’aan aan loo meel dayin , oona khilaafsan
xitaa go’aamada ka soo baxay golayaasha UNta iyo kuwa la midka ah.

2-Go’aankaas wuxuu soo kordhin karaa, kaliya, dhibaato hor leh oo meelo badan gaaraysa , wuxuuna shidayaa dab dad badan ku guban doonaan.

3-Khilaafka iyo tafaraaruqa muslimiinta ayaa sahlay oo sallaxay in go’aankaas la gaaro , ninkii ishiisa laga arko ayaa ushiisa lagu garaacaa, marka ha la midoobo hana lagu toosnaado diinta si haybad iyo sharaf loo helo .

4- Waxaan ugu yeeraynaa dowladaha muslimka ah in ay jawaab adag ka bixiyaan go’aankaas , aynaa si dhab ah u garab istaagaan shacabka Falasdiin.

[See image gallery at halgan.net]

Sidoo kale waxaan ka dalbanaynaa golayaasha caalamiga ah in ay ka horyimaadaan go’aankaas khatarta ku ah xoogaagii ka haray nabadda adduunka.

Wa billaahi towfiiq
Golaha fulinta Hay’adda culumada soomaaliyeed
Muqdisho- Somaaliya

Pages